رواية اغتصبني واعطيته قلبي الفصل الخامس 5 - بقلم اميرة محمود

حسام: أنا خلصت إجراءات الدفن. مراد: تمام، بس هي المقابر فين؟ حسام: أنا أخاف أدخلهم بمنظرهم ده، هيقتلوني. مراد: إحنا جينا عليهم جامد، قلبي وجعني على منظرهم. حسام: ربنا يصبرهم، أنا هحاول أكلم نور. مراد: ماشي، قولها عشان نشوف قرايبها فين عشان نعرف ندفنها. حسام: عارف، وحياة كسرت قلبهم على أمهم، أنا ما هرحم اللي كان السبب في اللي حصل. نور كانت جاية وراه وسمعت الكلام.

نور: وأنا مش هرحم اللي كان السبب إنها عرفت واتسبب بموتها. مراد: والله ما كنت أقصد، إنتي ليه مش قادرة تصدقيني؟ نور: عشان الخلقة اللي قدامي دي متقولش صدق. مراد: إنتي شايفة كده؟ نور: أيوه، ومش هشوف غير كده، وتاري معاك إنت يا مراد بيه. مراد: أنا مش هرد عليكي عشان كفاية اللي إنتي فيه، أنا ماشي ومش هوريكم وشي. حسام: مينفعش تقف معايا عشان حور بتتقبل الكلام منكم. مراد: مش همشي عشان أختك ووالدتك الله يرحمها.

نور فجأة انهارت جامد وقعدت تصوت. نور: لا امشي بقولك امشي، أنا مش طايقة أشوفك، امشي إنت السبب، ااااااااه قلبي، ااااااه يا ماما، إنت ضيعتها مني، اااااه. حسام: اهدي، اهدي يا نور. نور فجأة وقعت في الأرض. مراد واقف مصدوم من اللي حصلها ومش عارف ينطق. حسام شالها دخلها أوضة الكشف. الدكتور خرج: فاقت الحمد لله، بس عطيناها حقنة مهدئة. مراد: أنا هكلم حور عشان نلحق ندفن الجثة. حسام: ماشي.

مراد دخل لحور لقاها قاعدة تقرأ في المصحف جنب مامته. مراد: آنسة حور. حور: نعم. مراد: أنا خلصت إجراءات الدفن، فممكن نعرف مكان المقابر عشان نتوكل على الله. حور: مقابر ماما في الصعيد، مش هنام. مراد: أوف، ده بعيد جدا، طب بقولك، ممكن ترضي أنها تدفن في المقابر بتاعتنا، هي قريبة من هنا. حور: متشكره لحضرتك، بس هي مأمنة إنها تدفن عند قرايبها. مراد: خلاص، ماشي، حضري نفسك عشان هنروح الصعيد حالا. حور: هنتعبك معانا.

مراد: لا ولا يهمك، أنا خارج لحسام عشان نجهز نفسنا ونمشي من هنا. *** حسام طلب عربية إكرام الميت وحط فيها ولده حور. نور: أنا هركب مع ماما، مش هسيبها. حسام: خلاص، أنا هركب العربية بتاعتي واخد حور معايا، ومعلش يا مراد اركب معاها في العربية. نور: لا، هو هيجي أصلا ليه؟ مراد: رخامة بعيد عنك، أنا رخمة. حسام: مراد، عدي الليلة دي على خير واركب معاها، يالا يا نور، ورحمة مامتك لتركبي. نور: أركب في اللي كان السبب في موت أمي؟

حور: مراد بيه، تلقائي يا نور، هو ملوش ذنب وميقصدش أصلا، الغلط مش عليه، الغلط في اللي كانوا السبب، اللي رحمة أمي لهعرفهم وما هرحمهم. نور: إيه تلقائي دي، هو عيل صغير؟ مراد: أنا معتش قادر استحمل، اركبي يا حور مع جوزك، وأنا هركب، عايزة تزفت تيجي تركب، مش عايزة، خليها زي ماهي، يالا. ركبوا كلهم العربيات ولسه العربية جايه تمشي. نور: خلاص استنوا، هركب. مراد: عالم مبتجييش غير. نور ركبت جنبه وسندت رأسها عالشباك بتاع العربية.

بعد كام ساعة وصلوا الصعيد بيت الحاج ناصر. الحاج ناصر كان واقف مستني هو وجميع قرايبهم الجثة عشان يدفنوها. حور: اللي واقف هناك ده خالي ناصر، خلي بالك، إنت جوزي، متفضحنيش والنبي يا حسام بيه. حسام: أنا عمري ما أفضحك يا حور، عمري. وفضل باصص في عينيها. حور: احمم، يالا ننزل. مراد وصل بالعربية قدام الرجالة. نور بعياط: هما هيعملوا فيها إيه؟ مراد: الموت علينا حق، خلاص بقا بطلي عياط، بقالك عشر ساعات بتعيطي.

نور: لو معيطتش على أمي هعيط على مين؟ ها. مراد: الله يرحمها، انزلي بقي عشان مينفعش تنزلي عند الرجالة. نور: ماشي. نور نزلت ووقفت جنب حور. أجت بنت خالهم ندهتلهم يدخلوا جوه يلبسوا عبايات سودا ويقعدوا مع الحريم. حسام راح لمراد وشالو الجثة. أجا خال حور وابن خالهم شالو معاهم الجثة وودوها تدفن. ////// بعد الدفنة مراد: إنت هتروح ولا هتعمل إيه؟ حسام: أنا هبات هنا مع حور، لازم أقعد تلات أيام، أقل حاجة.

مراد: إنت تعمل الغلط وأنا أتلط فيه. حسام: طب بس، خالهم جاي علينا. خال حور الحاج ناصر: متعرفناش يا وليدي. حسام: أنا حسام القدري، جوز حور، وده مراد صاحبي، خطيب نور. مراد بصله جامد. الحاج ناصر: أهلاً، نورتونا، اتفضلوا. مراد: إيه اللي إنت قولته ده؟ حسام: مش هتلاقي مواصلة الساعة تلاته الفجر، فقولت أجيبلك مكان تبات فيه، بس إيه ده، خالهم عايش في قصر مش فيلا، وهما غلابة، طب إزاي؟ مراد: فعلاً، أخدت بالي.

حسام: طب يالا، أدخل معايا، أما نشوف إيه الحكاية. مرات ناصر: مين دول يا حاج؟ ناصر: ده جوز حور، وده خطيب نور. نور: خطيبي. حور: اسكتي، دي الوقت. مرات ناصر: منورين يا وليدي، بت يا هنا. هنا: نعم يا ستي. مرات ناصر: عرفي حور وجوزها الغرفة بتاعتهم اللي جولتلك عليها، ونور، طلعيها فوق، لإيمان بتي تنام معاها. مراد: إنت لقيتلك نومة، أنا هنام فين؟ حسام: اخرس بقي، هتودينا في داهية.

ناصر: وإنت يا ولدي، خد مراد خطيب بت عمتك ينام معاك في الغرفة. محمد: ماشي يا بوي، اتفضل يا مراد بيه. مراد: يابختك، أنا هنام جنب أبو شنبات ده، وإنت هتهيص فوق. مراد طلع مع محمد فوق ينام. /////////// حور: حسام بيه، اتفضل حضرتك عالسرير، وأنا هنام عالأرض. حسام: لا، أنا هنام عالأرض، اطلعي يا حور على السرير. حور: أنا نمت خلاص على الأرض. حسام: تمام، براحتك، بس أنا هنام جنبك عالأرض. ونزل نام عالأرض جنبها.

حور: بص بقي، مش عايزة أزعلك مني، بس صدقني لو قربت مني هزعلك، وأنا زعلي وحش ومش هيعجبك. حسام: حد يصدق حور الهادية اللي مكنتش بفهم بتقول إيه، بسبب صوتها الواطي، تتحول لكده. حور: البركة فيك. موبايل حسام رن. حسام: أيوه يا زفت. مراد: أنا دماغي هتنفجر، أنا عندي أروح دي الوقت، ارحم. حسام: في إيه، مالك؟ مراد: في قطر شغال جوه، استنى أما أخرج من البلكونة وأسمعك شخيره. حسام: إيه ده، يا ساتر يارب. مراد: دماغي هتنفجر.

حسام: معلش يا مراد، اهو يوم وهيعدي. مراد: أنا بفكر أنزل أمشي دي الوقت. حسام: أوعي، الطريق وحش والدنيا ليل، استنى للصبح، معلش. مراد: ماشي، يارب بس الليلة دي تعدي على خير. حسام: يالا نام ياله. وقفل السكة. حسام بيبص لقا حور طلعت نامت عالسرير، راح فارد جسمه عالأرض ونايم. /////////// نور: إنتي في سنة كام يا إيمان؟ إيمان: في تانيه هندسة. نور: ما شاء الله، أنا أولى حقوق. إيمان: هو اللي اسمه مراد ده خطيبك زي ما بيقولوا؟

نور: آه. إيمان: هو بيشتغل إيه؟ نور: ضابط شرطة. إيمان: أمم، باين من شكله جنتل كده وعضلات. نور: تصبحي على خير يا إيمان. إيمان: احمم، وإنتي من أهله. نور: هو مفيش بنت تشوفه إلا أما تريل عليه، أومال أنا مش قادرة أشوفه ليه، الله يرحمك يا ماما، هو السبب في موتك، والله يا مراد ما هرحمك، أنا يا إنت. ///////// تاني يوم الصبح ناصر: بت يا هنا، اطلعي صحيهم عشان يفطروا قبل ما حد يجي يعزيه. هنا: ماشي يا سيدي.

هنا طلعت خبطت على حور وحسام. حور: مين؟ هنا: سيدي بيقولكم انزلوا افطروا قبل ما الناس تيجي تعزى. حسام صحي بس عمل نفسه نايم. حور: ماشي، إحنا نازلين حالا. حور بصت على حسام لقيته نايم. حور: حسام بيه، حسام بيه، قومي بقي. حور فضلت بصه عليه، إيه ده، معقول كنت بتمني تبصلي، لقيتك جوزي ويكون التمن شرفي وأمي. وراحت معيطة. حسام سمع شهقاتها فتح عينه. حسام: إيه ده، في إيه مالك يا حور؟

حور: مفيش، أنا هدخل الحمام أغير هدومي وأنزل معاك عشان نفطر قبل ما الناس تيجي. حسام: ماشي، وأنا هغير هدومي هنا، بس يالا. كلهم نزلوا عالسفرة. مراد: هموووت وأنام يا حسام، هموت وأنام. حسام: بص، تعالي نفطر واطلع نام شوية، مينفعش تمشي بمنظرك ده، مش هتقدر تمشي. مراد: آه يا عم، يا بختك، كنت نايم معاها. حسام: لم نفسك يا مراد، ويالا نقعد معاهم نفطر. مراد قعد جنب نور وإيمان. مراد: صباح الخير. نور: صباح الزفت على دماغكم.

مراد: يخربيت ألفاظك. إيمان: مراد بيه، مش بتاكل ليه؟ مراد: هاكل اهو يا قمر. نور: لم نفسك. مراد حب يغيظها. مراد: بقولك يا قمر، إنتي اسمك إيه؟ إيمان: اسمي إيمان، وبيدلعوني بمونة. نور: أنا شبعت، عن إذنكم، طالعة. مراد معبرهاش. نور بصت على مراد لقيته باصص عليها، راح لافت وشه الناحية التانية. نور لنفسها: والله لهوريك يا حيوان. مراد: هو أنا ينفع أطلع أنام شوية أحسن، كنت مصدع ومنمتش طول الليل. ناصر: اطلع يا ولدي ريح شوية.

مراد طلع ورا نور عالسلم. نور: ماتخليك تحت، أفطر مع مونة. مراد: أنا خلعت، دي بت تقيلة. نور: رايح فين؟ مراد: هنام شوية. نور: هتنام ليه؟ هو إنت منمتش؟ مراد: هنام إزاي وكنت قاعد جنب موتور شغال شخير. نور: أمم. وراحت سيباه ودخلت تنام. مراد دخل الأوضة وجابي يقفل فجأه.