رواية اغتصبني واعطيته قلبي الفصل الثالث 3 - بقلم اميرة محمود

انت يا حيوان تعمل في اختي كده. ضربته قلم. عنيها قلبت نور. مراد: ااااه يا حيوانه، والله مانا سيبك. حسام راح جرى مسك صاحبه. نور: لا وكنت بتعاكسني الصبح، انت بني آدم ح*قير. مراد: سيبني يا حسام بقولك. حسام: دي بنت، هتعمل فيها إيه يا راجل؟ حور: إحنا آسفين يا مراد باشا. نور: اخرسي بقا يابت انتي. نور: وبتقوليله باشا بعد اللي عمله مع حور؟ كل ده عشان الشقة؟ دي بتبيعي بنتك عشان شقة؟ أم حور: أنا، يا نور، بتقوليلي كده يا نور؟

راحت بتعيط. نور: أنا ماشية راجعة بيتنا، والله مانا قاعدة هنا. لو عايزة ترجعي يا ماما ارجعي، مش عايزة انتي حرة. طلعت تجري نزلت. مراد لقى مامتها بتعيط. مراد: أنا جاي اهو يا حسام. حسام: رايح فين؟ مراد: أما أجي هقولك. نزل جرى ورا نور. نور ماشية بتعيط في الشارع. مراد: يا آنسة، بس بس. نور: انت جاي ورايا ليه؟ مراد: أولاً، اعرفك بنفسي، أنا مراد القدرى، ضابط بوليس. ومش أنا اللي عملت كده. نور: اومال مين التاني؟

مراد: أيوه، وهو جاي يصلح غلطته. نور: بس ده وشه بريء جدا ومش باين عليه أنه كده. مراد: يعني أنا وش كده؟ نور: بصراحة، أه. عشان انت عا كستني الصبح، ففكرت أنه انت. ياللا، أهو القلم قصاد المعاكسة اللي عكستهالها. مراد: على فكرة، مامتك وافقت بالشقة عشان تبعد عن الحارة. عشان أكيد الكلام على اختك كتر هناك. واللي انتي قولتهولها عيب جدا وحرام. الست صعبت عليه، مش معقول تبقي جواها نار كده وانتي تكملي عليه.

نور: أنا هطلع لها أصلحها. مراد: طب ياللا بينا. نور طلعت مع مراد لقت مامتها منهارة فوق من العياط. نور: أنا آسفة يا ماما، والله آسفة. حور: خلاص يا نور، حكمتي عليه خلاص. نور: والله كنت متعصبة بسبب حور، مش معقول أختي بتشتغل وبتطفح الدم عشان تصرف علينا وتسدد فلوس الجامعة، وفي الآخر أقف أتفرج عليها وهي مكسورة كده. حسام بص لحور وحس أنه دمر أسرة كاملة، مش حور بس. حسام: أنا هتتكلف بمصاريف كليتك يا نور، كأن حور وأكتر كمان.

نور: تعرف تسكت؟ ومسمعش حسكم. مراد بص لحسام وراح ضاحك. حسام: عجبتك قوي؟ مراد: بصراحة، أه. المأذون: هتعملوا إيه يا جماعة؟ أنا عايز أمشي، ورايا شغل آخر. مراد: ياللا يا عم الشيخ، اتوكل على الله. حور بصت لحسام بصة طويلة كلها ألم. المأذون: أين وكيل العروس؟ حور: باباها متوفي. مراد: حور، عندك كام سنة؟ حور: ٢٣. مراد: تمام، العروس وكّلت نفسها يا سيدنا الشيخ. المأذون: توكلنا على الله. خلص المأذون كتب الكتاب.

بارك الله لكما وبارك عليكما وجمع بينكما في خير. مراد: مفيش زغروطة؟ نور بتكشيرة: مفيش. مراد: ههههه، ماشي. خلاص. حسام: طنط، أنا هاخد حور تعيش معايا في الفيلا. أم حور: انتي شايفة إيه يا حور؟ حور: لا، مفيش مراوح من هنا. مش حضرتك كتبت الكتاب يا حسام بيه؟ اتفضل مع السلامة بقى. مراد: بس انتي دي الوقت مراته. روحي معاه. حور: قولت لا. أنا داخلة أنام. أم حور: ادخلي نامي يا حبيبتي. مع السلامة يا حسام بيه.

حسام: طب ممكن تاخدي المبلغ ده تصرفي منه؟ أم حور: ده تمن إيه يا حسام بيه؟ اللي انت أخدته ملوش تمن ولا بفلوس. خد فلوسك وامشي بالسلامة. مراد: ياللا يا حسام. واخد صاحبه ومشوا. مبروك يا حسام بيه. ادعيلي بقا خليت حسام المتبولي يتجوز. حسام: انت عايز مني إيه يا بن الكلب؟ دمرت حياتي. ربنا ينتقم منكم. : مفيش، كنت عايز أفكرك المناقصة. مش عايز أشوف اسمك فيها. يا إما قسما عظما الفيديو كل وسائل الإعلام هتتكلم عليه.

حسام: مصيري هعرفك. وصدقني هتتمني أن أمك متكونش ولدتك أصلاً. ماشي يا حسام بيه. أنا وانت والأيام بينا. بس ياريت تسمع كلامي عشان انت هتخسر كتير أوي لو الفيديو انتشر. راح قافل السكة. حسام: قدرتوا توصلوا للمكان اللي بيتكلم منهم؟ مراد: أيوه يا حسام، وصلوله. بس المكان اللي بيتكلم منه في فيلتك. حسام: فيلتي؟ يعني اللي بيعمل كده خاين من قلب بيتي.

مراد: إحنا هنحط كاميرات مراقبة في كل مكان عشان نعرف نوصله. بس متعرفش حد. إنك هتركب كاميرات. اعطي لكل اللي في الفيلا إجازة عما تركب. حسام: ورب العزة لو عرفته لهقطع لحمه بإيدي. الساعة بقت ١٢ بليل. حور قاعدة في غرفتها تعيط. نور: خلاص بقي يا حبيبتي، هتفضلي تعيطي كده كتير؟ حور: مستقبلي راح يا نور. أنا ضعت خلاص يانور، ضعت. نور: حبيبتي، اهدي. خلاص كل حاجة اتحلت بجوازك من حسام. رسالة اجت لحور على موبايلها.

نور: في رسالة اجتلك على موبايلك. حور: طب هاتيه يا نور، معلش مش قادرة أقوم. نور: خدي يا حبيبتي. حور فتحت الرسالة لقت الفيديو بتاعها هي وحسام. حور: يا مصبتي، يا مصبتي. وفضلت تلطم على وشها. نور: في إيه يا بنتي؟ راحت مسكت الموبايل شافت الفيديو. حور: أنا ضعت خلاص. أنا خلاص معدش ينفع أعيش. راحت جرى عالمطبخ تدور على سكينة. نور جرت وراها: حور، يا حور. حور لقت سكينة راحت مقطعة شراينها. نور: حوووور، ليه كده؟ حوووور.

أم حور خرجت من غرفتها مخضوضة. أم حور: في إيه؟ حور وقعت في الأرض أول ما شافت الدم. نور: حور قطعت شراينها يا ماما. أم حور: ليه كده يا بنتي؟ مسكت فوطة وكتمت الدم. أم حور: ياللا يا نور، إيدك معايا ننزل نوديها المستشفى. نور جرت جابت الموبايلات وحطيتها في شنطتها. وراحت شالت أختها ونزلوا، راحوا المستشفى. نور دورت على رقم حسام في موبايل حور واتصلت بيه. حسام: أيوه يا حور. نور بعياط: حسام بيه، عايزة أشوفك ضروري. حسام: في إيه؟

نور: حور قطعت شراينها وفي العمليات بسبب حد بعتلها فيديو ليكم. حسام: انتي بتقولي إيه؟ طب مستشفى إيه؟ نور: المستشفى اللي كانت فيها امبارح. حسام: طب أنا جاي حالا. حسام: مش وقتك خالص يا مراد. أيوه يا مراد. مراد: بقولك، القسم انهارده كله رقاصات. كانوا بيتخانقوا مع بعض. ومقولكش بقي على شكله. الحريم تعالي اتفرج. حسام: اقفل يا مراد، أنا في مصيبة. مراد: مصيبة إيه تاني؟ حسام: حد بعت الفيديو لحور وهي انتحرت وفي العمليات.

مراد: ياربي، طب والحل؟ حسام: أنا رايح لها حالا. مراد: أنا جيلك اهو، بس مستشفى إيه؟ حسام: اللي كانت فيها امبارح. وقفل السكة. في المستشفى. حسام وصل هو ووراه مراد. واتصل بنور. نور: أيوه. حسام: أنا في المستشفى تحت. نور: أنا نازلة حالا. نور نزلت لحسام تحت. حسام: هي عاملة إيه دلوقتي؟ نور: الحمد لله، خيطوا الجرح وهي خرجت في أوضة فوق. حسام: طب الحمد لله. نور: مين اللي صوركم؟ وليه بعت الفيديو لحور؟

حسام: حد حطلي مخدر قوي هو اللي خلاني أعمل كده. وابن الك*لب كان حاطط كاميرات في الأوضة عشان يهددني. نور: أنا حسيت من شكلك إنك متعملش كده. ممكن الأخ اللي جنبك شكله بتاع كده. مراد: أنا بتاع كده.

نور: وأبو كده كمان. خلينا في موضوعنا دلوقتي. انت لازم تاخد مراتك وتروح البيت بتاعك. وتشهر موضوع جوازك منها. وبعدين أكيد اللي عمل كده عارف كل خطواتك. وممكن يكون حاسبهم عليك. فأكيد هيحاول يبتزك فيها. بس انت تكون عامل حسابك ومراقب النملة اللي بتمشي في بيتك وفي شغلك كمان. راقب كل الموظفين وانت هتعرف توصل للي عمل كده. مراد: البتاعة دي بتقول كلام سليم جدا. نور: بتاعة في عينك.

مراد: بقولك، في شوية رقاصين بيتين في القسم. تحبي أبيتك انهارده معاهم؟ ده حتى حضنهم حنين أوي. نور: الحضن الحنين ده خليهولك. نام انت في وسطهم. اهو كل واحد بينام وسط اللي شبهه. وطلعت تجري، طلعت لأخته. مراد: والله مانا سيبها. وجاي يجري وراها. حسام شد إيده: مراد، بس بقا. كفاية اللي أنا فيه. مراد: وحياة أمي مانا سيبها. حسام: يعني انت شايف أن حور تيجي الفيلا والشغل كمان؟

مراد: أيوه، أكيد هيحموا حواليها. وهيهددوه بالفيديو عشان يجيب قرارك ليه. حسام: تفتكر هي هترضي تيجي معايا؟ مراد: مش عارف. بس تعالي نطلع نطمن عليها. حسام: مش مطمنلك. حاسس إن انت عايز تطلع تنتقم من نور. مراد: هعمل عقلي بعقل عيلة يا عم. دي آخرها ١٨ سنة. حسام: طب ياللا بينا. ولوني مش مطمنلكم. مراد: عيب عليك. ياللا. أم حور: انتي كنتي فين؟ نور: كنت في الحمام. أم حور: ماشي. فجأة الباب خبط. أم حور: اتفضل. دخل حسام ومراد.

أم حور: انتوا عرفتوا إزاي؟ نور: أصل حسام اتصل بحور يسألها على أوراق مهمة. وأنا في الحمام. فرديت عليه. وقولتله. أم حور: انتي لسه رايحة الحمام؟ مبقلقيش ربع ساعة هيلحق يجيب. مراد: إحنا كنا في المستشفى أصلاً. أصل بطني وجعتني جامد. فجيت أنا وحسام. وراح باصص لنور. أم حور: طب وهي عاملة إيه دلوقتي؟ مراد: هي مين؟ أم حور: بطنكم. مراد: اااه. الحمد لله بقيت كويس. أم حور: طب الحمد لله. حسام: هي حور عاملة إيه دلوقتي؟

أم حور: آخدة مسكنات. نيموها. حسام: طب تمام. إحنا هنمشي إحنا. والصبح هاجي أطمن عليها. ومعلش، خدي الفلوس دي تبقي معاكي. أم حور: قولت لا، مش باخد فلوس من حد. حسام: دي فلوس هتجيبي بيها العلاج لمراتي اللي ملزومة مني دلوقتي. أم حور افتكرت أن ممعهاش فلوس خالص. أم حور: ماشي. مع السلامة. مراد: آنسة نور، ممكن كلمة بره لو سمحت؟ نور بصت لأمها. شاورتلها بماشي. نور خرجت مع حسام ومراد. نور: نعم، عايز إيه؟

مراد: إيه يابنتي الكبرياء اللي انتي فيه ده؟ نور: وانت مالك؟ عايز إيه؟ اخلص. مراد: مكنتش أعرف إنك كدابة أوي كده. نور: ده على أساس إني واقفة مع الصادق اللي مبيكدبش؟ اومال لو مكنتش مكملي الكدبة. حسام: اخلص يا مراد، عايز إيه منها؟ أنا عايز أروح أنام. مراد: حاولي تخلي أختك تروح مع حسام عشان نعرف نجيب لها حقها من اللي كانوا السبب. نور: ماشي. ياللا بالسلامة. مراد: والله أنا بقول تبات مع الرقاصات يا حسام.

نور ابتسمت وسابتهم ودخلت. حسام: مالك يا بني متنح كده ليه؟ مراد: إيه الابتسامة دي؟ أنا في حياتي مشفت جمال كده. حسام: ياللا يا بني، انت كل ما تشوف واحدة تريل عليه. مراد: ودي واحدة؟ دي لسانها بعشر وحدات. حسام: ههههه، طب ياللا بينا. نور دخلت الغرفة. أم حور: كان عايزك في إيه؟ نور: كان عايز... فجأة سمعوا صريخ جامد.