رواية اغتصبني واعطيته قلبي الفصل الرابع 4 - بقلم اميرة محمود

الحقونييييي سيبنييييي والنبي سيبنييييي. أم حور: فوقي يا بنتي ده كابوس، فوقي يا حور. نور: حور قومي يا حبيبتي ده كابوس، قومي. حور فاقت وقعدت تبص حواليها وتعيط. حور: أنا فين؟ أم حور: انتي معايا يا حبيبتي، انتي في حضن أمك. حضنتها جامد وفضلت تعيط جامد. نور سابتهم وخرجت تعيط بره الغرفة. تاني يوم في الشركة. نور: الو، أيوه يا حسام بيه، أنا تحت الشركة ممكن تكلم الأمن يخليني اطلع؟ حسام: تمام، هكلمهم حالاً.

نور طلعت فوق في المكتب عند حسام. حسام: أهلاً يا نور، اتفضلي اقعدي. نور: حسام بيه، أنا عايزة أشتغل هنا. حسام: طب وجامعتك؟ نور: عادي، هعرف أوفق ما بينهم. حسام: طب عايزة تشتغلي ليه؟ نور: أنا متأكده أن حضرتك حد محترم وفعلاً شكلك في الفيديو كنت متخدر مش طبيعي، فأنا متأكده أني هعرف أوصل للي عمل كده. حسام: بس اللي عمل كده الساعي وأنا رفدته.

نور: الساعي معاه أكيد حد تاني، فبعد إذنك أنا هشتغل هنا بس مش عايزة ماما تعرف إني هشتغل هنا، أنا قولتلها هشتغل في مكتب محامية معروفة. حسام: هو انتي في حقوق؟ نور: أيوه، في سنة أولى. حسام: تمام، بس باين عليكي هتطلعي محامية شاطرة. الباب خبط. حسام: اتفضل. مها: حسام بيه، حضرتك مش هتمضي على الورق ده؟ وفضلت تبص على نور من تحت لفوق. حسام: مش قولت هرجعه بليل أما آخده معايا البيت. مها: سوري يا حسام بيه، نسيت. عن إذنك.

وخرجت وقفلت الباب. نور: حلاوتك من أولها، بتبينلي نفسك. حسام: في إيه؟ نور: البنت دي بتشتغل هنا من زمان؟ حسام: لا، بقالها شهرين تقريباً وعينتها السكرتيرة مكان حور. نور: تمام، أنا هشتغل معاها، متشيلهاش. حسام: انتي هتشككيني في البنت؟ نور: هي شكلها أصلاً يخليك تشك فيها غصب عنك. حسام: هههههه. نور: ههههه، طب اعتبر نفسي اتعينت. حسام: تمام، تعالي من بكرة. نور: تمام. وجايه تفتح الباب. حسام: نور، هي حور عاملة إيه؟

نور ابتسمت: كويسة، سلام. حسام: أمم، ماشي، سلام. مراد ماشي في الطرقة حاطط نضارة الشمس على شعره وماشي يبتسم للموظفات وهما يبتسموا له. فجأة لقى نور في وشه. مراد: انتي إيه اللي جابك هنا يا بت انتي؟ نور: بت أما تبتك يا بتاع انت. مراد: بتاع! وراح شاددها من شعرها، أنا هوريكي أنا بتاع إزاي. نور راحت عطياه شلوط في بطنه. مراد: آآآه، وربنا ما أنا سيبك. وجرى وراها، مسك شعرها تاني. حسام خرج على الصوت. حسام: مراااد، انت اتجننت؟

سيب البنت. مراد سابها: والله لو مبطلتي قلة أدب لهربيكي، لأنك شكلك ناقصة تربية. حسام خبطه في كتفه جامد: لم نفسك يا مراد، كلمة كمان وانسى إن ليك صاحب. نور بصت له من فوق لتحت وعنيها كلها دموع: أنا مش هرد عليك يا مراد بيه، وشكراً أوي لحد كده. وسابتهم ومشيت. حسام: تعالي ادخل. مراد دخل المكتب مع حسام. حسام: ليه كده؟ ليه تهين البنت كده قدام الموظفين؟ ليه تمشيها تعيط كده؟ مراد: عشان هي قلة أدبها عليا.

حسام: شوف انت عملت إيه الأول خلاها تهينك كده. مراد: هي كانت هنا ليه؟ حسام: وانت مالك؟ مراد: طب أنا ماشي، سلام. حسام: نور هتشتغل هنا مكان أختها. مراد: طب وجامعتها؟ حسام: هي بتقول إنها هتعرف توفق ما بين الاتنين. مراد: هي في كلية إيه؟ حسام: حقوق. هو انت جاي عشان تسألني عليها وكلامنا يبقى عليها، ولا إيه؟ مراد: أنا نسيت كنت عايزك في إيه أصلاً بسبب البنت دي. كل أما بشوفها بضايق، مع أن سبحان الله خلقتها تحس إنها ملاك.

حسام: أي يا عم انت، اخلص جاي ليه؟ مراد: افتكرت، إحنا هنركب الكاميرات بليل، لازم ما يكونش حد في الفيلا خالص. حسام: تمام، أنا هكلمهم يمشوا كلهم حالاً. مراد: ماشي، بقولك، هتعمل إيه مع حور؟ لازم تروح الفيلا عشان الخطه تكمل. حسام: ماشي، تعالي قوم نروح لها المستشفى نحاول معاها إحنا الاتنين. مراد: ماشي، يلا. في المستشفى. أم حور: حبيبتي، لازم تأكلي كده، هتضعفي وممكن تموتي. حور: يارب يا ماما أموت عشان أخلص.

أم حور: بعد الشر عنك يا حبيبتي، ربنا إن شاء الله هيجيب لك حقك. الباب خبط. نور قامت تفتح لقت حسام ومراد في وشها. حسام دخل هو ومراد. حسام: إزيك يا حور انهارده؟ حور مردتش عليه ولفت وشها الناحية التانية. حسام: حور، والله أنا مظلوم، أنا عندي أخت بنت، معملش كده. انتي شغالة معايا بقالك أكتر من سنة، شفتي مني حاجة؟ والله العظيم أنا وانتي وقعنا في الفخ اللي نصبوه لنا ولاد الحرام.

حور: أمم، طب أنا خسرت شرفي وسمعتي قدام الناس وقدام جيراني، انت خسرت إيه يا حسام بيه؟ ها؟ خسرت إيه؟ حاول تقنعني باللي هتقوله. حسام: خسرت نفسي، كفاية إني مبعرفش أنام بسبب، حاسس إني ظلمت حد. وغير كده بيهددوني إنهم هيأذوني في شغلي. حور: طب حضرتك عايز مني إيه دلوقتي؟ ما صالحت الغلطة واتجوزتني، عايز إيه تاني؟

مراد: اهدى بس يا حور وافهمي، إحنا عايزين منك إيه عشان نعرف نجيب اللي عملوا كده قبل ما ينشروا الفيديو بتاعكم زي ما بيهددونا. أم حور بصدمة: فيديو إيه؟ نور: ياربي، انت اتكلمت ليه؟ انت مفيش مرة لسانك ده يطلع حاجة عدلة. أم حور: ردوا عليه، فيديو إيه؟ نور: مفيش يا ماما، ده فيديو عادي. أم حور بزعيق: فيديو إيه؟ قولتي. حور بعياط: اللي حصل حد صوره فيديو يا ماما. أم حور وقعت في الأرض مجبتش منطق. نور: ماما، يا مامااااا.

الدكتور دخل: في إيه يا جماعة؟ وبص لقى أم حور على الأرض مغمي عليها. الدكتور: هاتوهالي على السرير واتفضلوا بره كلكم. كلهم خرجوا بره. نور بصت بغل لمراد: والله لو حصلها حاجة ماهرحمك، انت فاهم؟ حور واقفه وهي مش قادرة تقف على رجليها. حور انهارت وفضلت تصرخ: أنا السبب، أنا السبب، أنا الـ***. وراحت واقعة مغمي عليها. حسام ومراد جروا عليها. نور: حور، فوقي يا حور، حوووور. مراد أجا يشيلها. حسام: ابعد انت يا مراد، هشيلها أنا.

وراح شالها ودخلها غرفة كشف عادية وقعد يفوق فيها. حسام: حور، فوقي يا حور، فوقي. الدكتورة دخلت تفوقها. الدكتور: أهي فاقت أهي، الحمد لله. حسام ماسك إيد حور. حور شالت أيدها من إيده وبعدت إيده بعيد عنها. حسام: أنا هقومك. حور: حاسب، أنا هعرف أقوم، ابعد انت. حسام اتحرج وبعد عنها. حور قامت وفضلت تتسند لحد ما وصلت قدام غرفة مامتها لقت نور عمالة تعيط جامد ومراد واقف بعيد وعنيه كلها دموع. حور: في إيه يا نور؟ ماما فاقت؟

نور بعياط هيستيري: ماما ماتت يا حور. حور فضلت تبكي جامد على كمية الصدمات اللي أخدتها ورا بعضها. حور دخلت جري غرفه مامتها وضلت تصرخ جامد. حور: ماما متسبنيش يا ماما، أنا اللي المفروض أموت مش انتي يا مامااااا. قومي نمشي من هنا، قومي نروح يا ماما، قومي يا مامااااا. أنا السبب، أنا ضيعتك مني، أنا السبب. حسام واقف مصدوم من منظر حور وانهيارها، وغصب عنه دموعه مقدرش يحوشها. حور قامت وراحت لحسام: انت بتعيط ليه ها؟

تقتل القتيل وتمشي في جنازته؟ أنا مش عايزة أشوف وشك تاني في حياتي، ابعد عني، مش عايزة ألمحك خالص، انت فااااهم؟ حسام: اهدي يا حور، الموت علينا حق، اهدي. حور: واللي حصل ده حق، رد عليه ده حق. حسام سابها وراح للدكتور يخلص إجراءات الدفن. مراد واقف مصدوم من منظر نور واقفه مبتتحركش، مدخلتش حتى تشوف مامتها. وفجأة قعدت في الأرض وحضنت رجلها وحطت دماغها على ركبتها وفضلت تعيط جامد.

مراد رحلها: نور، والله ما أقصد اللي حصل، والله ما أقصد، قومي هزقيني، قومي، مش عايز أشوفك بالمنظر ده، قومي عشان خاطري. نور رفعت دماغها وبصتله جامد بصه كلها انتقام. وراحت قايمة من على الأرض ومسحت دموعها ودخلت لمامتها. نور دخلت باست راس مامتها وقالت: تارى، دلوقتي بقي مع اتنين مش واحد، مش هسيب حقك ولا حق حور، مع السلامة يا حبيبتي.