رواية اغتصبني واعطيته قلبي الفصل الثامن عشر 18 - بقلم اميرة محمود

مراد: أنا عايز أعترفلك بحاجة بس احلف إنها هتكون سر. مراد: فيه إيه يا جنا؟ مراد: احلف الأول. مراد: والله ياستي هتكون سر ومش هقول لحد. جنا: أنا مرتبطة بواحد تاني ومش قادرة أخدعك أكتر من كده. والله بابي ومامي هما اللي غصبوني إني أتخطبلك، وأنا طول عمري بشوفك أخويا زي حسام بالظبط. مراد: طب وهو متقدملكش ليه؟ وإنتي مرتبطة بيه إزاي؟ ممكن أفهم؟

جنا: كان معايا في الجامعة، وطبعاً أما جيت مصر كل حاجة اتغيرت. وهو هيجي يتقدملي أول إجازة لأنه من مصر بس كان بيكمل دراسته بره. مراد: بتحبيه يا جنا؟ جنا: أهم. مراد: خلاص، هقولك على اتفاق. هو هيجي امتى؟ جنا: كمان تلت شهور. مراد: حلو أوي، أكون علمتها الأدب. جنا: هي مين دي؟

مراد: واحدة كنت بحبها سابتني واختفت ورجعت لسه أول امبارح. منكرش أول ما شفتها انهرت عليها ضرب، بس والله غصب عني. كنت بضربها وقلبي بيقولها بعدتي عني ليه؟ بس أقولك على حاجة... جنا: إيه؟ مراد: أول ما عرفت إني خطبت كانت هتجنن. مع إنها اتقدملها وجبت المأذون قبل ما تختفي، رفضت تتجوزني. أنا فرحان أوي بنظرتها اللي مكسورة دي. جنا: إيه ده؟ هو الحب بالنسبالك كده؟ الحمد لله إني بحب واحد تاني.

مراد: أنا بحبها أوي بجد. عارفة نفسي آخدها في حضني أوي، بس هسيبها تتربى شوية. جنا: طب وهي رفضتك ليه؟ بدال بتحبك؟ مراد: عشان روحت اتجوزها من غير أهلي ولا أعرف حد. هي شافت إن كده بيخسسها. جنا: طب ما فعلاً يا مراد، أنا لو واحد جاي يتجوزني من غير أهله هحس إنهم كرهوني من البداية وإني رخيصة. مراد: هو إنتي مع مين بالظبط؟ جنا: أنا مع الحق يا مراد. مراد: هروح أقول لأبوكي إنك بتحبي واحد تاني.

جنا: هي فعلاً غلطانة وتستاهل اللي عملته فيه. مراد: ههههه، أيوه كده اتظبطي. جنا: ههههه، ماشي ياعم الرومانسية. نور تعبت من كتر ما بتدور على شغل فترة مسائية عشان الجامعة، لحد ما راحت سألت بنزينة على شغل واستلمته. نور: حضرتك يا فندم، أنا هخلص الجامعة وأستلم الشغل على طول. المدير: هتقدري توفقي يا بنت الناس؟ نور: إن شاء الله. المدير: خلاص ماشي، ربنا يعينك. تقدري تستلمي الشغل من بكرة. نور: متشكرة لحضرتك جداً.

حسام: يعني إنت شايف إن الحل رقم موبايل نور؟ مراد: أيوه، لأن أكيد بتكلم أختها. ولو عرفنا الرقم هنوصل للمكان. حسام: تمام، أنا هحاول أوصل لرقمها. مراد: وأنا بردك هحاول بطريقتي. مراد راح فول عربيته في البنزينة، لمح نور واقفة بتفول العربية اللي قدامه. نزل من العربية وراح لها. مراد: إنتي إيه اللي جابك هنا؟ نور: وإنت مالك؟ مراد: هو إيه اللي مالك؟ إنتي عارفة الساعة كام؟ نور: عارفة. مراد: طب تعالي أوصلك. نور: فيه إيه بقا؟

قولتلك ملكش دعوة بيا. مراد: إنتي شايفه كده؟ نور: أه. وحاسب كده عشان ده مكان أكل عيشي. مراد: أكل عيشك الساعة 12 بليل؟ نور راحت للعامل اللي واقف بيفول الناحية التانية. نور: أيمن، معلش أنا معدتش قادرة أستلم مكاني عشان هموت وأنام. أيمن: ماشي يا نور. نور دخلت غيرت هدومها وخرجت لقت مراد لسه واقف. مراد: اركبي. نور: بصفتك إيه؟ مراد: من غير صفة، اركبي يالا. نور: مش هركب يا مراد بيه. مراد نزل من العربية بيشد إيد نور يركبها.

أيمن: إنت اتجننت؟ إزاي تمسكها كده؟ مراد: وإنت مال أمك؟ أيمن: مالي أمي! تمام. وراح ضارب مراد بالبوكس. مراد قام عطيله بوكس وفضلوا يضربوا بعض. نور: بس بقا انتو الاتنين! مراد طلع مسدسه ووجهه في وش أيمن. نور: وفقت قدام أيمن! مراد إنت اتجننت؟ أيمن: احسبي يا نور، اضرب لو كنت راجل. نور: بس بقا، بس! أنا هركب معاك يا مراد خلاص، بقا والنبي خلاص. مراد: يلا، اركبي. نور ركبت العربية بتاعته وساب أيمن. نور قاعدة بتعيط في العربية.

مراد: خلاص بقا. نور: لا مش خلاص! ممكن أفهم في إيه؟ إنت مش نسيتني ورحت خطبت؟ عايز مني إيه؟ مراد مردش. نور بزعيق: رد عليا أنا بكلمك! مراد: متعليش صوتك. نور: لا هعلي يا مراد براحتي. مراد: قولت متعليش صوتك أحسنلك. نور: أحسنلي؟ أممم، أهدي؟ حصلنا الرعب يا مراد بيه. مراد: ممكن تهدي بقا. نور: أهدي، أمم، أهدي إزاي بعد اللي إنت عملته ده كله؟

أكيد بكرة هروح ألاقيهم فصلوني. ربنا ينتقم منك يا أخي، إنت أكبر حاجة غلط في حياتي. من يوم ما عرفتك وأنا باخد كل خازوق. زوق وأخوهمراد وقف بالعربيه مرة واحدة. مراد: انزلي. نور: انزل فين؟ مراد: بقولك انزلي، وإلا متعرفيش تنزلي. نور نزلت من العربية. مراد نزل وشد إيدها دخلها مدخل عمارة. نور: مراد، فيه إيه؟ رد عليه بس فيه إيه؟ مراد شدها دخلها الأسانسير. نور: فيه إيه؟ ارجوك رد عليه، ارجوك.

الأسانسير وقف ونزلوا منه وهو شادد أيدها وطلع المفاتيح وفتح الشقة وشدها دخلها وقفل الباب. نور: مسكت فازة وقالتله: لو قربت مني هزعلك على عمرك. مراد: بصي حواليكي كده. نور بصت لقت شقة مفروشة بعفش راقي، وفي آخر الصالة صورة كبيرة لنور. نور: إيه ده؟ مراد: دي الشقة اللي جهزتها عشان اتجوزك فيها. شطبتها وكل حاجة كنت بجيبها كانت باسمك. خلصتها في يومين، ضغطت على نفسي وجيت عشان أكتب كتابي عليكي. كسرتي بخاطري.

نور: عادي، شيل صورتي وحط صورة بنت عمك عادي. مراد: هو الموضوع سهل أوي بالنسبالك؟ نور: أيوه سهل جداً. وراحت مسكت الصورة بتاعتها قطعتها من على الحيطة. مراد: ليه كده؟ نور: مينفعش تبقى خاطب واحدة وحاطط صورة واحدة تانية في بيتك. مراد: أنا حبيتك لدرجة الجنون. أنا بجد مستاهلش منك كل ده. نور: مني أنا؟ هو أنا اللي روحت حبيت واحدة تانية وروحت لها خطبتها ونسيت كل حاجة؟ مراد: إنتي اللي بعدتي عني ونسيتي كل حاجة.

نور: أنا هرجع زي ما جيت يا مراد، صدقني. لو وريتك طيفي أبقى اعمل اللي انت عايزه. مراد: امشي يا نور، امشي. ويا ريت معدش أشوف وشك تاني. امشي ومترجعيش تاني. معدتش عايزك. أنا على قد ما حبيتك، على قد ما كرهتك. نور: حبيتي إيه يا أخي؟ ده إيدك لسه معلمة عليه من ضربك ليه عشان صاحبك؟ وتقول حبيبتني؟ صورك اللي على الفيس والجرايد إنت وخطيبتك وتقول حبيبتني؟

يا أخي اتقي الله بقا وابعد عني. وراحت فاتحة الباب ونزلت وهي منهارة على السلم لحد ما وصلت الشارع. وقفت تاكسي ركبته ومشيت.