رواية أحببنى بلطجى الفصل الثامن 8 - بقلم الكاتبة امل ناصر

ام ياسين يارب اهديهم يارب أنا مليش غيرهم. وراح قعد مع يوسف صاحبه. يوسف: عامل ايه يا اخويه؟ ياسين: الحمد لله انت عامل ايه يا حبيبى؟ يوسف: الحمد لله بس انت شكلك مش عاجبنى خالص. وبعدين ايه الى انت عملته ده فى احمد؟ المنطقة كلها بتتكلم عليك. ياسين: أخدت حقى يا يوسف، كنت عايزنى اسيبو يعلم عليه؟ ده لسه متخلقش على وجه الارض الى يعلم على ياسين.

يوسف: طيب خلاص بقا انت اخدت حقك، ياريت تبطل مشاكل. انت دلوقتي بقيت متجوز، خاف على نفسك يا حبيبي. ياسين: معاك حق يا يوسف، أنا اصلا تعبت من المشاكل. وبفكر أقدم على شغل جديد فى أي شركة وأبدأ حياة جديدة. حتى أمي ونور زعلانين مني. وأنا بصراحة مليش غيرهم، لازم أتغير علشانهم. يوسف: جدع يا قلب أخوك، بوص لنفسك وابدأ حياة جديدة بقا وسيبك من أي حاجة كنت بتعملها. ياسين: ماشي يا حبيبي، اتفقنا. إن شاء الله هتغير.

يوسف: إن شاء الله. ياسين: طيب يا يوسف، أنا همشي أنا دلوقتي علشان أروح أجيب نور من الجامعة. يوسف: ماشي يا قلبي. ويذهب ياسين إلى الجامعة ليأخذ نور ويرجع المنزل. نور: على فكرة أنا ماما وحشتني وعايزة أروح أشوفها. ياسين: ماشي يا نور، بليل نروح. أنا هموت من الجوع، مش هتاكليني بقا؟ نور: عايز تاكل ايه؟ ياسين: هوه انتي بتعرفي تعملي أكل أصلا؟ نور: أيوه بعرف، قول انت عايز تاكل ايه وأنا هحضر.

ياسين: طيب يا ست البنات، أنا عايز أكل مكرونة بالبشاميل وعايز أكل حمام محشي وعايز ورق عنب. نور: هههههه، عايز كل ده بجد؟ ياسين: أيوه عايز كل ده، هتعرفي وله أنزل أكل عند أمي؟ نور: طيب سبني بقى وأنا هدخل أحضر الأكل. ياسين: ماشي، يلا اتفضلي. نور تذهب إلى المطبخ وتحضر الطعام بكل حب اللي طلبه ياسين. وبعد عدد من الساعات، خلصت نور كل اللي طلبه ياسين منها وحضرت السفرة. ودخلت تشوف ياسين فين، لقيته نايم.

اقتربت منه بكل هدوء وبدأت تصحيه. نور: ياسين يلا قوم، الأكل جاهز. ياسين يفتح عينيه ببطء ليشوف زوجته أمامه تنظر له بكل حب. نور: أنا خلصت الأكل من بدري وحضرت السفرة كمان، يلا بقا بدل الأكل ما يبرد. ياسين: حاضر يا قلبي، يلا. ويذهب ياسين مع نور ليتناول الطعام. نور: دوّق بقا وقولي إيه رأيك. ياسين يدوق الطعام. ياسين: اممممم، الله الله! لا طلعتي طباخة شاطرة أهو يا نانا، تسلم إيدك يا قمر. نور: بالف هنا.

ياسين: أنا آسف يا نور، أنا عارف إنك زعلانه مني علشان اتشنكت عليكي وعلشان اللي حصل امبارح. بس أوعدك إني عمري ماهزعلك تاني. نور: انت كمان زعلت أمك مش أنا بس، ودي أمك، أهم حاجة تكون راضية عنك. ياسين: أنا هاصالحها وهراضيها، وعلى فكرة أنا قررت أتغير. نور: انت بتقول إيه؟

ياسين: قررت أتغير يا نور، وأبدأ حياة جديدة مع أحلى عيلة في الدنيا كلها. ومن بكرة الصبح هنزل أقدم على شغل في شركة بترول. صاحبي شغال فيها. وكمان هقدم في كلية التجارة وأكمل تعليمي، بس أنا هروح على الامتحانات بس. نور بفرحة عارمة لا تعرف أن تخبيها: أنا مبسوطة أوي يا ياسو إنك حابب تتغير وإنك هتعمل كده بجد. ياسين: انتي عارفة أنا بعمل كده ليه؟ نور: ليه؟

ياسين: علشانك، لأني مش حابب أخسرك، لأني ما صدقت لقيتك يا نور. وأنا بجد بحبك، علشان كده هتغير علشانك ونبدأ من جديد. ويقطع حديثهم جرس الباب. نور تفتح تشوف أهلها، تتفاجئ وتسلم عليهم. نور: جميعاً، وحشتوني أوي يا ماما، وانت يا بابا طمني عنك. جنا: حبيبتي، وحشتيني أوي. ياسين: أهلاً أهلاً يا عمي محمد، عامل إيه؟ محمد: الحمد الله يا حبيبي، انت عامل إيه؟ ياسين: بخير والله الحمد لله. على فكرة إحنا كنا لسه هنلبس ونيجلكم.

جنا: أنا بقا سبقتك يا ياسو وجيت قبلك. ياسين: حبيبة قلب ياسو، انتي من جوه وحشتيني أوي والله. جنا: وانت كمان وحشتني يا جوز أختي يا غالي. نور: طمنوني عنكم. حنان: يا حبيبتي، إحنا بخير طول مانتي وجوزك بخير. نور: الحمد لله يا ماما، إحنا بخير. مش قادرة أقولك إن قد إيه مبسوطة إنكم معايا هنا. محمد: ربنا يخليكي لينا يا نور، يارب البيت من غيرك وحش أوي. وبعد أكتر من ساعتين وهما قاعدين مع بعض ويتحدثون بحب. بعد ذلك.

محمد: يلا بقا نستأذن إحنا. ياسين: لسه بدري يا عمي، خليكم. حنان: لا كفايه كده، المرة الجاية إنتو بقا اللي تيجوا. ياسين: إن شاء الله يا خالتي، طبعاً هنيجي. جنا: باي يا نور، باي يا ياسو. ويفضى المنزل على المحبين. ياسين: بقولك إيه يا نونه. نور: نعم يا ياسين، قول. ياسين: أنا هنزل أصالح ماما وأطلع، بس متناميش غير لما أجي، لأني عايز أتكلم معاكي شوية. نور: حاضر، هستانك. منزل ام ياسين. ياسين يدخل.

ياسين: ازيك يا زازه، عاملة إيه؟ ام ياسين مش بترد عليه. ياسين يجلس تحت قدميها ويمسك يدها يقبلها أكثر من مرة وهو يقول لها: حقك عليا ياما، متزعليش مني نبي. أنا مليش غيرك، ومينفعش تزعلي مني.

ام ياسين: اهو ده اللي باخده منك بكشك ده يا قلب أمك. أنا خايفة عليك يا حبيبي، الدنيا وحشة أوي وأنا مليش غيرك. وانت دلوقتي واحد متجوز، بوص لبيتك يابني ولمراتك اللي زي الملاك، بلاش تخوفها منك يا حبيبي. احمد ربنا إنك لقيت زوجة بالأخلاق دي. ياسين: الحمد لله يا مامه، وأنا مش هازعلكم تاني، لأن بجد قررت أتغير. ام ياسين: بجد يا ضنايا؟

ياسين: أيوه والله يا امه، هتغير وهبقى إنسان جديد خالص. وبكرة إن شاء الله هروح أقدم في شركة على شغل، ادعيلي بقا يا ست الكل. ام ياسين: ربنا يوقفلك ولاد الحلال في كل خطوة يا ضنايا. ياسين: تسلميلي يا ست الكل، آمال فين البت سلمى؟ ام ياسين: جوه في الأوضة بتاعتها. ياسين: ماشي يا قلبي، هخش أرخم عليها شوية بقا. ام ياسين: ماشي يا حبيبي، ادخل. ياسين يذهب إلى غرفة سلمى وبصوت قوي. ياسين: هو أنا مش جيت يا بت، مش تقومي توقفي؟

سلمى: أهلاً أهلاً، افتكرت إنك ليك أخت أخير. ياسين: أيوه بقا، إحنا هنغير من أولها يا قمر، انتي اللي في القلب، انتي حبيب أخوك. سلمى: ههههههههههه، أيوه بقا، كل بعقلي حلاوة بقا. ياسين: أنا أقدر يا قمرى، تعالي ابت في حضن أخوكي. سلمى تحضن أخاها بكل قوتها وهي تبتسم وتقول له: ربنا ميحرمنيش منك أبدا يا قلب أختك. ياسين: ولا منك يا سلمى، يارب. سلمى: أنا زعلانة على فكرة. ياسين: ليه يا قلبي زعلانة؟

سلمى: علشان انت حابسني في البيت، حتى مش بشوف حد من صحابي. وقولت لماما هروح أذاكر مع واحدة صاحبتي، وهي مرديتش. ياسين: يا حبيبة أخوكي، إحنا بنخاف عليكي. وعشان متزعليش يا سلمى، لما تحبي تشوفي صحابك، اتصلي بيهم يجوا هما يذاكروا معاكي. سلمى: بجد يا قلبي؟ ياسين: طبعاً بجد يا حبيبة أخوكي. ويلا نامي بقا. سلمى: حاضر، تصبح على خير، وسلميلي على نور. ياسين: حاضر يا قلبي. ويطلع ياسين إلى زوجته.

نور جالسة في غرفتها ترتدي قميص نوم قصير لونه أحمر. وتضع بعض المكياج وفي انتظار ياسين. ياسين يدخل الغرفة يشوف نور في غاية الجمال، إنها حقا ملاك، إنها كتلة في الجمال. يقترب منه ويجلس بجانبها. ياسين: اتاخرت عليكي. نور: لا حبيبي، متاخرتش. ياسين: أحلى حبيبي دي ولا إيه؟ مش مصدق إني معاكي وإنتي بين إيديه. نور: عايزة أقولك على حاجة. ياسين: قولي يا قلبي.

نور: أنا معجبة بيك من أول مشفتك، وكنت عارفة ومتاكده إنك من جواك شخص كويس، بس كان لازم أحفزك علشان تتغير. ياسين يقطع حديثها ويلتقط شفتيها يقبلها قبلة عميقة. قبلة كلها اشتياق، كلها حب، قبلة تعبر عن اشتياق بعضهم لبعض.