رواية احببت اعمى الفصل الحادي عشر 11 - بقلم سندس محمد

عمر بتوتر: احمم رحمه عايز أقولك على حاجة. رحمه باستغراب: اتفضل. عمر بتوتر: احمم أنا... وقبل ما يكمل، دخل عليهم شخص غير متوقع. يامن. صاحب عمر من سنين، عنده 30 سنة، شغال مع عمر في الشركة. بيحب عمر أوي وعمر بيحبه. عينيه لونها بني وشعره لونه بني وناعم. جسمه رياضي وطويل. بتاع بنات، بيكلم بنات بعدد شعر راسه. يامن بصوت عالي: مفاجأة. عمر عرف الصوت: يامن. يامن قرب منه وحضنه أوي. يامن: وحشتني ياصاحبي.

عمر: وانت كمان وحشتني أوي. إيه يابني انت نسيت صحبك ولا إيه؟ يامن بعد عنه: أنا بردو اللي نسيت ولا انت اللي نسيت حد اسمه يامن خالص. عمر بابتسامة: لا طبعًا، هو أنا أقدر. يامن: ليه مبقتش تيجي الشركة خالص؟ عمر: معلش بقى، اديني جيت أهو. يامن بص على رحمه بأعجاب. يامن بأعجاب: مين القمر بقى؟ عمر بعصبية: يامـــــــن! لم نفسك. دي مراتي. يامن بصدمة: انت اتجوزت من غير ما تقول لي؟ عمر: يابني الموضوع جه فجأة. يامن بزعل: ماشي ياعمر.

عمر حضنه. عمر بابتسامة: متزعلش يا يامن، والله الموضوع جه فجأة. متزعلش مني، انت أخويا وانت عارف إنّي مش بخبي عليك حاجة صح؟ يامن: صح. عمر بابتسامة: خلاص بقى متزعلش عشان فعلاً الموضوع جه فجأة. يامن بابتسامة: مش زعلان ياحبيبي. وبص لرحمه: ازيك؟ رحمه بهدوء: الحمدلله. رحمه محستش براحة من ناحيته، بس كبرت دماغها. هي أصلًا ملهاش دعوة بيه. يامن بابتسامة: أستأذن أنا بقى. عمر بهدوء: خليك شوية يابني.

يامن بابتسامة: لا ياعم، ورايا شغل مهم. عمر بابتسامة: ياراجل، شغل بردو؟ يامن بابتسامة: أيوه يابني شغل، أمال انت فاكر إيه؟ أنا توبت خلاص. عمر بابتسامة: أه أه، مصدقك. يامن: سلام ياحبيبي، لو عايز حاجة كلمني. عمر بهدوء: ماشي يايامن. خرج يامن. رحمه باستغراب: مين ده؟ عمر بابتسامة وهدوء: ده يامن صحبي من زمان أوي وبحبه أوي بجد. جدع معايا وواقف في ضهري دايماً. رحمه بعدم راحة: ربنا يخليكوا لبعض يارب. عمر بابتسامة: ويخليكي ليا.

بصتله رحمه بخجل وغيرت الموضوع. رحمه بتوتر: احمم يلا كمل شغلك بقى. عمر بضحك: ماشي ياستي. قعد عمر عشان يكمل شغله، وبعد مدة طويلة. عمر بتعب: لا خلاص تعبت. يلا نروح بقى. رحمه: يلا، الوقت قرب يأخر أصلًا. خرجوا الاتنين من الشركة وركبوا العربية. بعد مدة وصلوا القصر. السواق: وصلنا ياعمر بيه. عمر: ماشي، يلا يارحمه. نزلوا من العربية ودخلوا القصر. رحمه بهدوء: ده الكل نام.

عمر براحة: أحسن، خلينا نطلع بقى عشان أنا هلكان وعايز أنام. رحمه بهدوء: يلا. طلعوا سوا. عمر بهدوء: بصي ياستي، هخش آخد شاور وهاجي تمام. رحمه بهدوء: تمام، وأنا هستناك عشان أنا كمان هاخد شاور عشان هموت وأنام. دخل عمر عشان ياخد شاور، وبعد شوية خرج. عمر بابتسامة: أنا جيت أهو. رحمه: يلهوي! كل ده؟ أنا نمت على نفسي أصلًا. عمر بضحك: معلش، خليها عليكي. انتي بتعملي كده على فكرة. رحمه بصدمة مصطنعة: أنااا؟ يلهوي على الظلم، حراممم.

عمر بابتسامة: معلش، أنا ظالم بريئة يابت. رحمه بهدوء: بص، هنزل أشرب وهاجي عشان الميه اللي هنا خلصت، ماشي؟ عمر بهدوء: ماشي. واه صح، لما تطلعي هقولك على اللي كنت هقوله في المكتب النهارده. رحمه بحماس: ماشي، مش هتأخر. وخرجت من الأوضة، وجاية تنزل من على السلم سمعت صوت من وراها. يارا بحقد: أهلاً برحمه هانم، عجبتك القعدة هنا صح؟ رحمه بهدوء: ملكيش فيه. يارا: طب مش عايزة تعرفي سر صغير كده؟ رحمه باستغراب: سر إيه؟

يارا بحقد: هقولك في الوقت المناسب. رحمه بقرف: طب عايزة إيه دلوقتي؟ يارا بتحذير: أنا بحذرك وبقولك ابعدي عن عمر عشان هاذيكي، وانتي مش قدي أصلًا. رحمه بسخرية: ههه، اتكلمي على قدك ياشطرة. يارا بحقد: عمر ملكي أنا، فاهمة؟ ومفيش حد هيقدر يفرقنا مهما يحصل. وانتي شكلك عايزة تموتي. رحمه بعصبية: طب أنا عايزة أشوف هتعملي إيه. عمر مش هيسمح إنك تعملي لي حاجة. وريني هتعملي إيه. يارا بحقد: هعمل كده. وزقتها من على السلم.

وقعت رحمه من على السلم. وخدت السلم من أوله لآخره. وقعت رحمه غرقانة في دمها.