رواية احببت اعمى الفصل الثاني عشر 12 - بقلم سندس محمد

وقعت رحمه من على السلم غرقانه في دمها. بصتلها يارا بصدمه: يلهوي أنا عملت ايه. وفكرت شويه وقالت بخبث: أنا معملتش حاجه، هي اللي وقعت. وبصوت عالي كملت: يلهوي يلهوي الحقونيييي ياعمر ياخالي الحقوا. عند عمر في الأوضة. عمر باستغراب: إيه صوت الصويت ده ياترى جي منين. وفكر شويه فتح عينه بصدمه: رحمه برا. خد العصايه بتاعته وخرج من الأوضة ومشي ورا الصوت اللي سامعه وهو حاسس إن قلبه هيقف من الخوف عليها، خايف ليحصلها حاجه.

وصل ناحية الصوت. يارا أول ماشافته بخوف مصتنع: عمر عمر الحق رحمه ياعمر هتروح مننا ياعمر. عمر أول ماقالت كده حس إن قلبه وقع في رجليه. عمر بخوف شديد ولهفه: مالها رحمه مالها. يارا بخبث مخفي: واقعه من على السلم سايحه في دمها هتروح مننا ياعمر. عمر حس إن الدنيا وقفت مش مستوعب هي بتقول إيه أصلاً. نزل جري من على السلم. أول ما نزل من على الدرجة الأخيرة حس بجسمها نزل على ركبته قدامها.

هو لسه مش مستوعب أصلاً إنها واقعه من على السلم. عمر بدموع متحجرة في عينيه: رحمه رحمه انتي عايزة تسبيني بعد ما لقيتك كده. أنا بحبك والله بحبك. طب طب عارفه أنا كنت هعمل العملية عشان خاطرك. شوفتي قد إيه أنا بحبك. كان نفسي أشوف ملامحك. طب انتي هتقدري تسبيني. هتقدري. لو هتقدري أنا مش هقدر، مش هقدر ياعمري. طب طب بصي هعملك اللي انتي عايزها بس متروحيش مني. أنا بعد ما حبيتك هتسبيني. منصور بصوت عالي بعد ما جه من

الأوضة عشان سمع صوت يارا: عمر فوق ياعمر هتموت في إيدك. لازم نوديها المستشفى هتموتتتتت ياعمررررر هتموتتتتتتت. عمر بتوهان: هتموت هتموت. شوفت يابابا رحمه هتسبني هتسبني يابابا هتسبني وتروح. مش هقدر أعيش من غيرها والله مش هقدر. منصور شالها وقاله بعصبيه: إحنا لو مخدنهاش دلوقتي هتموت فعلاً. يلاااا عشان نوديها بسرعة. بعد مده وصلوا كلهم المستشفى.

منصور شال رحمه ودخلوا المستشفى بسرعة عشان عمر مكنش هيعرف يشيلها عشان المستشفى جديدة عليه وهو ميعرفش حاجة في المكان. عمر بصوت عالي: انتو يالي هنااااا هتموت مننا بسرعة. انتوا ياشوية بهايممممم. الدكاتره جم بسرعة وخدوها على الترولي. الدكتور بشفقه من حالتها: دخلوها عمليات بسرعة. دي بتموت بسرعة. عمر بدموع: هي هتبقى كويسه صح. الدكتور بشفقه على حالته: ادعولها. صفيه بحزن مزيف: ربنا يشفيها يارب.

وكملت في سرها: ربنا يخدها عشان نخلص بقى ياساتر. منصور بحزن: ربنا يشفيها يارب. اهدأ يابني اهدأ. عمر بتوهان ودموع: هتروح مني يابابا هتروح. أنا مش هقدر أعيش من غيرها مش هقدر والله. منصور بحزن شديد: هتبقى كويسه يابني ادعيلها بس وهي إن شاءالله هتبقى كويسه. يارا في سرها بحقد: يارب تموت عشان نخلص بقى عشان تعرف تتحداني كويس. عدى ساعتين وبردو مفيش حد خرج والكل قاعد على أعصابه بره ماعدا صفيه ويارا اللي بيتمنوا إنها تموت.

فاجأة الدكتور خرج وعلى وشه علامات الأسف. منصور بلهفه: هااا يادكتور إيه الأخبار. الدكتور بأسف: أنا بصراحة مش عارف أقولكم إيه. عمر بعصبيه شديده: ماتخلص يادكتور انت هتلعب بأعصابنا. إحنا أعصابنا تعبانه لوحدها أصلاً. الدكتور بأسف: ٠٠٠٠٠٠٠٠