رواية احببت اعمى الفصل الثامن عشر 18 - بقلم سندس محمد

عمر بحب: رحمه أنا بحبك قوي قوي، حتى فوق ما تتخيلي. أنا لو كان جرالك حاجة مكنتش هقدر أعيش. انتي كل دنيتي يا رحمه. مش عارف امتى أو إزاي، بس كل اللي أعرفه إني بحبك. رحمه بحزن: بس إحنا منفعتش لبعض. عمر بذهول: ليه؟ رحمه بوجع: أنا واحدة أبوها باعها. عمر بمقاطعة بعصبية: رحمه، انتي إزاي تقولي كده على نفسك؟ رحمه بعصبية: إيه؟ قلت إيه؟ مش ده اللي انت قلتهولي ولا إيه؟ انت فاكرني نسيت أي كلمة؟

عمر بوجع: رحمه، أنا مكنتش في وعيي. أنا بحبك والله بحبك. رحمه بسخرية: طب وأنا إيه اللي يضمني إنك متقوليش الكلام ده تاني؟ عمر بابتسامة: أفعالي هي اللي هتقولك إني بحبك بجد. واللي بيحب حد عمر ما بيوجعه. ودلوقتي بقى نامي يلا عشان انتي تعبانة، وأنا هعمل مشوار وهاجي تاني. رحمه بفرحة: آه صح، انت عملت العملية. ألف مبروك! أنا مبسوطة قوي بجد، مش مصدقة نفسي من الفرحة. ياههه، أخيرًا. عمر بص لها بفرحة.

عمر بابتسامة وفرحة: آه يا عمري، عملتها. وكمل بحب: وشوفتك أخيرًا. طلعتي أجمل ما كنت متخيل. رحمه بخجل: شكرًا. عمر بضحك: في واحدة تقول لجوزها شكرًا؟ رحمه بمشاكسة: مش أنا، قلت يبقى فيه عادي. عمر بابتسامة: طب أنا همشي بقى يا عمري. ماشي؟ رحمه بتعب: ماشي. خرج عمر من الأوضة. وبصت رحمه في أثره بحب.

رحمه في نفسها بحب: ياههه، أنا مش مصدقة نفسي. وأنا كمان بحبك قوي يا روحي، بس هزعل منك شوية عشان أنا عندي كرامة. بس ربنا يخليك ليا يارب. *** عند عمر. مشي عمر من عند رحمه وهو مش مصدق نفسه من الفرحة. ركب عمر العربية عشان هيروح الشركة. بعد مدة وصل عمر الشركة. دخل عمر بكل هيبة. كل اللي في الشركة وقفوا احترامًا له. دخل عمر مكتبه وطلب السكرتيرة. الهام سكرتيرة عمر: نعم يافندم. عمر ببرود: اقعدي يا الهام.

الهام قعدت بخوف: نعم يابيه. عمر ببرود: مش عيب لما تلعبي من ورايا يا الهام؟ ده انتي عشرة. ولا صح، الفلوس تعمل أكتر من كده. الهام بخوف شديد: احمم، قصدك إيه يا عمر بيه؟ وضح قصدك معلش. عمر ببرود: انتي عارفة أنا قصدي إيه كويس أوي. انتي فاكرة لما تلعبي من ورايا مش هعرف ولا إيه؟ أنا مكنتش متخيل إنك تعملي كده. الهام بعياط: أنا هقول لحضرتك كل حاجة. عمر ببرود: اممم. أنا عارف كل حاجة. بس ليه يا الهام بتلعبي من ورايا؟

ومع أكتر ناس بتكرهني تديهم الورق المهم اللي في الشركة؟ ليه؟ الهام بتوسل: أبوس إيدك يابيه، أنا هعمل كل حاجة انت عايزها بس مترفدنيش من الشغل. عمر بجمود: مش هرفدك، بس تسمعي كل اللي هقوله. ماشي؟ الهام بعياط: أنا مع حضرتك في أي حاجة. عمر بشر: اسمعي بقى. *** عند رحمه. نامت شوية لحد ما عمر يجي. بس سمعت صوت الباب بيتفتح. رحمه وهي مغمضة عينيها: انت لحقت جيت ياعمر؟ يارا بخبث: طب مينفعش يارا ولا إيه؟

رحمه اتنفضت من مكانها: انتي عايزة إيه؟ يارا بخبث: انتي متعلمتيش من أول مرة ولا إيه؟ اتكلمي عدل. عشان انتي خلاص جبتي آخرك معايا. رحمه بتوتر: أنا عملتلك إيه عشان تعملي فيا كده؟ يارا بخبث: أنا قولتلك ابعدي عن عمر، لكن انتي رفضتي. استحملي بقى. رحمه بخوف: حرام عليكي. أنا بحبه وهو بيحبني. يارا بعصبية شديدة: مش بيحبك! مش بيحبك! فاهمة؟ رحمه بخوف: انتي عايزة إيه؟ يارا قربت منها بشر: عايزة روحك.