رواية أحببت عنيد الفصل الحادي عشر 11 - بقلم سجود بكري

الدكتورة بأسف: للأسف المريضة حالتها مش كويسة خالص ولازم ترتاح. الكيلاني بهدوء: طيب هو ينفع يا دكتورة تخرج انهارده؟ الدكتورة: والله يا باشا عادي بس لازم الراحة النفسية ومتتحركش كتير ولا تعمل حاجة. تفضل نايمة أسبوع في السرير كده. الكيلاني بهدوء: تمام يا دكتورة، هي هتيجي على القصر بتاعي. ابقي تعالي اطمني عليها عندي. الدكتورة هزت راسها ومشيت. عشق خرجت من الأوضة. أدهم ببرود: أنا هاخد مراتي وهمشي.

الكيلاني بجمود: أنا مش هعيد الكلام ميت مرة، أنا قولت خلاص عشق هترجع معايا. وبعدين انت مش كنت عاوزها، اهو هريحك منها خالص. بعد وقت، الكيلاني خد عشق وندي وراح القصر بتاعه. الكيلاني بحنان: بصي بقا يا عشق يا بنتي، ندي هتخدك الأوضة ترتاحي فيها، ماشي يا حبيبتي. عشق بخوف ورعشة: هو أدهم هيجي؟ الكيلاني بحزن عليها: لا يا نور عيني، أدهم في القصر بتاعه ومش بيجي هنا. عشق بفرحة هزت راسها: احم، ماشي يا عمو.

الكيلاني بحب: قوليلي بابا يا عشق. عشق بطفولة: ماشي يا بابا. ندي بحب أخوي: يلا يا شوشو، نتطلع نرتاح بقا. عشق هزت راسها وطلعت مع ندى. ندى دخلتها الأوضة وعشق نامت، وهي راحت أوضتها عشان تنام. *** عند أدهم كان قاعد مدايق. مراد بهدوء: ها يا أدهم، هتفضل ساكت كده؟ زياد: على فكرة يا أدهم ده أحسن حل إن الكيلاني باشا ياخد عشق عنده. أدهم بضيق: والله وهو ياخدها لي؟ ها؟ وبعدين عشق تبقا مراتي. مراد بضيق: والله دلوقتي بقت مراتك؟

عارف مراتك اللي بتقول عليها دي عملت فيها إيه؟ اغتصبتها وضربتها وخوفتها منك وكنت السبب في اللي حصلها انهارده. انت إيه يا خي لي كده؟ عشق دي هي اللي استحملت عصبيتك وهي عمرها ما عملت ليك حاجة وحشة عشان تعمل فيها كده. أدهم ببرود: أنا أعمل اللي أنا عاوزه، محدش لي دعوة بيا، مفهوم؟ زياد بحزن: أدهم افهم قصدنا، حاول تحب عشق، هي والله شكلها محترم مش زي نادين، صدقني. أدهم بجمود: لا هي زيه.

مراد بتهديد: اسمع بقا يا أدهم، أقسم بالله لو فكرت تقرب من عشق أو تعمل حاجة تخوفها، صدقني أنا اللي مش هسكت. أدهم بسخرية: إيه؟ هتعمل إيه يعني؟ مراد بسخرية أكبر: اللي بيعمل مبيقولش، ولا إيه يا باشا؟ زياد: اهدو يا جماعة، مش كده. مراد بهدوء: أنا آسف، متزعلش مني. أدهم ابتسم: انت عبيط يااض، انت أخويا. وحضنوا بعض جامد. مراد: ها، قررت هتعمل إيه؟ أدهم ابتسم بخبث: أنا هقولكو هنعمل إيه. *** زياد ومراد بصدمة: انت اتجننت يا أدهم؟

أدهم ابتسم بشر ومردش.