رواية أحببت عنيد الفصل الثاني عشر 12 - بقلم سجود بكري

تاني يوم عند عشق، قامت حاسة إن حد مسكها جامد. رفعت عينيها شافت ادهم حضنها جامد. عشق خافت منه وفضلت تزق فيه. ادهم صحي شافها بتعيط وبتحاول تبعد. ادهم بجمود: في إيه؟ عشق بعياط: ابعد عني ياباااااابااا بابااا. ادهم حط إيده على بقها: اخرسي بقا، إيه؟ اسكتي. عشق فضلت تبصلوا بخوف: ابعد عني بقا، حرام عليك. أنا بكرهك، بكرهك يا ادهم. ادهم اتعصب وفضل يضربها من غير مايحس. عشق فضلت تصرخ على ندي والكيلاني.

الكيلاني طلع واتصدم من شكل عشق، وراح شد ادهم. وندي حضنتها جامد. الكيلاني بعصبية: إنت أي اللي دخلك هنا ياحيوان؟ ادهم بعصبية: دي مراتي وأنا جاي آخدها. الكيلاني بضيق: ابعد عنها بقا، إنت إيه يا أخي. ادهم بعصبية: مش بمزاجك ياباشا، عشق مراتي غصب عنك وعن أي حد. وأنا هسيبها دلوقتي لكن هترجعلي في الآخر. وسابهم ونزل. الكيلاني راح عند عشق، خدها في حضنه. الكيلاني بهدوء: بس بس ياحبيبتي، أهدي.

عشق بشهقة: أنا خايفة أوي يا بابا، ده فضل يضرب فيا. أنا بكره، بكره. الكيلاني فضل يحضنها لغاية ما نامت. *** بعد خمس شهور، ندي وسما وعشق دخلوا كلية هندسة. وندي وسما بقوا صحاب. وفي يوم كانوا في الكافتريا. عشق بحزن لندي: ندي، هو ادهم عامل إيه؟ ندي بزعل عليها: مبقاش ادهم اللي كنت أعرفه، اتغير أوي ياعشق. ادهم بيحبك أوي ياعشق. سما: طب ياعشق سامحي ادهم وخليه ياخد فرصة، مش يمكن اتغير زي ما قالت ندي. عشق بهدوء: أنا همشي.

وقامت وخرجت وهم خرجوا وراها. بس للأسف، كانت في عربية جات وخطفت عشق. سما وندي فضلوا يعيطوا وراحوا الشركة عند ادهم. دخلوا المكتب بسرعة. ندي بعياط: الحقني يا ادهم. ادهم بخوف: مالك ياندي؟ في إيه؟ حد عملك حاجة؟ ندي بعياط: عشق، عشق اتخطفت. ادهم بخوف: يعني إيه اتخطفت؟ إزاي؟ ندي حكتله اللي حصل. ادهم فضل ساكت وبيفكر هيعمل إيه. مراد قرب من سما وفضل يهدي فيها. زياد قرب من ندي وفضل برضو يهدي فيها. فجأة التليفون رن.

ادهم ببرود: الو. مجهول: ****** ادهم بصدمة: إيه؟