رواية أحببت عنيد الفصل الخامس عشر 15 - بقلم سجود بكري

عشق ببرود: ده يبقى مازن يا أدهم. أدهم بصدمة: أنت مازن؟ مازن هز رأسه: احم... آه أنا. عشق بهدوء: يلا يا مازن نمشي. مازن خدها ومشي. سامية ورنا وسما مشيوا معاهم. أدهم بحزن وعصبية: إزاي تمشي وتسبني؟ إزاي؟ بعد ما بحبها تمشي؟ بس أنا مش هسيبها وهارجعها ليا تاني. وخرج وسابهم. كل واحد روح بيته ونام. *** تاني يوم عند عشق. عشق قامت وعملت الفطار هي ورنا وهما بيهزروا مع بعض.

سامية بحب: صباح الخير يا حلوين. إيه اللي مصحّيكم بدري كده وبتعملوا الفطار كمان؟ رنا بضحكة: أبداً يا ماما، أنا قلت أصحّي عشق ونعمل الفطار مع بعض ونقعد ناكل مع بعض. عشق بهدوء: احم... خمس دقايق والأكل هيتحط يا أبلة سامية. سامية قربت من عشق. سامية بحب أموي: كده يا عشق؟ إحنا مش اتفقنا تقوليلي ماما زي رنا؟ وكملت بحزن: أنا عارفة إني فوقت متأخر، بس أهو نبدأ صفحة جديدة وقوليلي ماما، اتفقنا يا عشق؟ عشق بهدوء: اتفقنا يا...

يا ماما. سامية بحب: قلب ماما. وحضنته. رنا بمرح: إيه ده؟ إيه ده؟ خيانة؟ بتحضنوا بعض من غيري كمان؟ عشق ضحكت: تعالي يا مجنونة. وكلهم حضنوا بعض. وبعد وقت كانوا قاعدين على السفرة والباب خبط. عشق بهزار: يلا يا رانووووش افتحي الباب. رنا بسخرية: وليه متقوميش أنتِ؟ عشق بسخرية أكبر: أنا باكل يا رنووووش. رنا بتعب مصطنع: آه مش قادرة، رجلي وجعاني أوي. الباب خبط أكتر. سامية بعصبية: حد يقوم يفتح يا زفتة منك ليها، أخلصوا.

عشق قامت بسرعة وفتحت الباب. عشق بفرحة: مازن روح قلبي. وحضنته ودخلوا. يلا تعال افطر معانا. مازن: لا مش عايز يا حبيبتي، كلي أنتِ. عشق بزعل طفولي: كده يا ميزو؟ أنا أول مرة أقولك على حاجة وتقول لي؟ مازن بهزار: يالهوي على الصغنن بتاعي ياناس. خلاص يا أختي اقعدي هفطر معاكي. سامية: إزيك يا مازن يا ابني؟ مازن بهدوء: الحمد لله يا طنط سامية. سامية بحب: لا بص بقا، أنت من انهاردة هتقوليلي يا ماما، اتفقنا؟ مازن بحب: حاضر يا ماما.

مازن بإعجاب: إزيك يا آنسة رنا؟ رنا بتوتر: احم... الحمد لله. بعد وقت كان مازن مشي. ورنا وعشق قاموا شالوا الأكل ودخلوا ناموا. *** بعد أربع شهور. ونقول إيه اللي حصل لكل واحد في الأربع شهور دول. أدهم حزين جداً، شكله اتغير جداً ونفسه يشوف عشق، بس للأسف هي مش عايزة تشوفه. مراد وسما بقوا أصحاب جداً، وكل واحد بدأ يحب التاني، بس محدش اعترف.

ندي وزياد اعترفوا لبعض. وزياد كلم الكيلاني وأدهم وقالولوا بعد ما تخلص السنة دي يتخطبوا. رنا اتغيرت جداً وبقت بتحب عشق جداً وصاحبت ندي وسما، وحبت مازن بس خايفة تقول. سامية بقت تعامل عشق زي بنتها وبتحاول تعوضها عن اللي عملته معاها قبل كده. مازن دايماً ييجي يشوف عشق ويهزر معاها وبيخرجها، وحاسس بحاجة ناحية رنا.

عشق بقت خسّت جداً وبقت دايماً حزينة إنها بعدت عن أدهم، وإن أدهم مبقاش يسأل عليها، بس مبسوطة إن مرات أبوها ورنا اتغيروا معاها. في يوم في الجامعة. عشق وسما وندي قاعدين. سما بخبث لندي: بقولك ياندوش، أدهم عامل إيه؟ ندي بخبث هي كمان: أدهم بجد أنا حزينة جداً جداً عليه والله يا سما. سما بخبث أكبر: إيه ده؟ ليه كده يا ندي؟ ندي بزعل مصطنع: شكله اتغير جامد يا سما، مبقاش ينام ولا ياكل وبقى على طول سرحان. فجأة رنا دخلت عليهم.

سما بمرح: رانووووش جااااات يابشر. كلهم ضحكوا، بس عشق كانت سرحانة في أدهم. ندي بخبث: مالك يا شوشو؟ مين اللي واخد عقلك؟ عشق بهدوء: محدش يا ندي، أنا بس تعبانة وعايزة أروح. يلا يا رنا. ندي تلفونها رن. ندي بهدوء: الو يا زياد. زياد بسرعة: الحقي ياندي، أخوكي في المستشفى، عمل حادثة كبيرة جداً. ندي بخوف: أدهم؟ مستشفى إيه؟ زياد: *********. ندي قفلت بسرعة وقامت. عشق بخوف: ندي في إيه؟ أدهم ماله؟

ندي حكتلها. عشق خافت جداً على أدهم، وكلهم راحوا المستشفى. *** وصلوا المستشفى. عشق بعياط قربت من مراد: مراد! أدهم! أدهم ماله؟ هو كويس صح؟ قول لي ونبي إن محصلش حاجة. وفضلت تعيط. رنا خدتها في حضنها وطبطبت عليها. بعد وقت الدكتور خرج. عشق بخوف: طمني يا دكتور، أدهم كويس صح؟ الدكتور بص لها ورجع بص لهم كلهم واتنهد وبص في الأرض. عشق بخوف وتوتر: دكتور رد عليا، أدهم ماله؟ الدكتور اتنهد: البقاء لله. ومشي وسابهم.

عشق اتصدمت وفضلت واقفة. رنا قربت منها: عشق اتكلمي، متفضليش ساكتة كده، عشان خاطري. عشق دخلت أوضة العمليات وفجأة...