رواية أحببت عنيد الفصل الرابع عشر 14 - بقلم سجود بكري

الدكتورة خرجت وكلهم قربوا منها بلهفة: عشق كويسة؟ الدكتورة بابتسامة: هي كويسة متقلقوش. الطلقة الحمد لله كان في درعها. أدهم بهدوء: أنا عايز أشوفها. الدكتورة: تمام، خمس دقايق بس وممكن تخش. بعد خمس دقايق كلهم دخلوا. عشق كانت قاعدة. أدهم جري عليها: إنتي كويسة؟ في حاجة بتوجعك؟ عشق هزت راسها بلا. عشق بهدوء لرنا وسامية: إيه؟ كنتوا فاكرين إنّي هموت؟ كلهم كانوا هيخرجوا عشان تتكلم معاهم براحتها.

عشق بهدوء: استنوا، محدش يخرج. المفروض اللي يخرج من هنا هما، مش انتوا. عشق قامت من على السرير براحة وقربت من سامية ورنا. أدهم خايف عليها. عشق ببرود: ليه؟ لسامية باستغراب: ليه؟ عشق بعصبية: ليه عملتي فيا كده؟ ليه كنتي على طول بتعذبي فيا من غير سبب؟ أنا على طول كنت بسمع كلامك وكنت بحبك، بس بعد كده بقيت بكرهك. ليه بتضربيني؟

ده إنتي لما كنتي بتتعبي أنا اللي على طول كنت ببقى جنبك وإنتي بنتك بتكون مع أصحابها. ذنبي إيه عشان يتعمل فيا كده؟ ها، ردي. سامية بحزن: عشان كنت خايفة. أيوه خايفة. خوفت لما أبوكي مات وكل حاجة باسمك تعرفي وتطردينا. عشق بدموع: قصدك تقت*ليني؟ كلهم اتصدموا. كلمت بسخرية: إيه؟ اتصدمتي كده لي؟ كنتي فاكراني معرفش؟

بس أنا عارفة. وعلى فكرة أنا عمري ما كنت هعمل حاجة ليكم عشان أنا مكنش ليا حد غيركم. بس عارفة أنا أحسن منكوا. عارفة ليه؟ عشان أنا كنت ممكن أطرد أي حد فيكم، بس أنا معملتش كده. عشق وقفت قدام رنا. عشق بسخرية: رنا هانم، أحب أقولك إنّي كنت فاكرة إنّنا هنبقى أخوات، بس للأسف طلعتي وحشة أوي. عملتلك إيه عشان تعملي فيا كده؟ ها؟ من وأنا صغيرة كنت بحبك، كنت فاكرة إنك طيبة وكويسة، بس لما كبرت كرهتك أوي. ليه عملتي فيا كده؟ ليييييه؟

رنا بحقد: عشان إنتي أحلى مني وكل الناس بتحبك وأنا لأ. أنا أبويا كان بيعاملني وحش وإنتي أبوكي كان بيحبك. عرفتي لي بكرهك. عشق بحزن ودموع: على فكرة يا رنا الجمال مش جمال الشكل، لا بالعكس الجمال جمال الروح. وعلى فكرة برضه أنا أبويا كان بيحبني وبيحاول يعوضني عشان أنا أمي ماتت قدام عيني. عارفة يعني إيه طفولة؟

تشوف أمها بتمو*ت قدامها ومش عارفة تعمل حاجة غير إنها تعيط. لكن إنتي بقا أمك كانت معاكي وبتحبك. حتى لما جيتي تعيشي معانا بابا عمره ما عملك وحش مع إنك مش بنته، بس كان بيحبك. كان دايماً بيقول رنا دي هتبقى أختك يا عشق. بس للأسف طلع بيقول أي كلام. أنا هسامحكم على أي حاجة عملتوها. رنا بندم ودموع: يعني بعد كل ده هتسامحيني؟ عشق بهدوء: عشق أنا متعودتش إني أزعل حد مني، حتى لو الحد ده زعلني. رنا قربت منها وحضنتها جامد.

رنا بدموع: أنا آسفة. أنا هبدأ معاكي صفحة جديدة والله ومش هزعلك مني. عشق خرجت من حضنها وابتسمت. عشق مسحت دموعها: مش عايزة أشوف دموع أختي تاني. اتفقنا. رنا هزت راسها. سامية قربت من عشق وحضنتها: يمكن مكنتش أم ليكي، بس أوعدك إني هحبك وهفضل معاكي وفي ضهرك. عشق ابتسمت. وقربت من أدهم. عشق بهدوء: أنا كده عملت اللي عليا. رجعتلك ابنك وهو دلوقتي معاك. أنا كده دوري انتهى. أدهم اتصدم: إنتي بتقولي إيه يا عشق؟

عشق بحزن لم تظهره: لو سمحت يا أدهم باشا، أنا عايزة أطلق. أدهم لسه هيتكلم، قطعه دخول شخص جري على عشق وحضنها جامد. الشخص: إنتي كويسة؟ حد عملك حاجة؟ عشق بحب: أنا كويسة يا حبيبي. أدهم بعصبية وراح شده من حضنها: مين الحيوان ده؟ عشق ببرود: ده يبقى... أدهم بصدمة: إنتي...