رواية أحببت عنيد الفصل الثاني 2 - بقلم سجود بكري

ادهم: ندي جت من السفر وهتعيش معايا في القصر. زياد بفرحة وضاحك: بجد؟ ادهم: اه بجد. زياد بتوتر: أنا عندي شغل مهم ولازم أخلصه، هخلصه وهجيلك، سلام. ومشى بسرعة. ادهم بص لمراد: وأنت مش عندك شغل ولا إيه؟ هتفضل قاعد فوق دماغي؟ مراد بحزن مصطنع: اخس عليك يادومي، كده أنا زعلان. قاطعه ادهم بعصبية: برررررره. مراد طلع يجري. ادهم ضحك عليهم وخلص شغل ومشى. مراد نزل وكان ماشي، خبط في واحدة وقعت في الأرض.

مراد بهدوء: أنا آسف يا آنسة، مكنش قصدي. وكان هيمشي. بنت بعصبية: أنت أي أعمى مش بتشوف؟ مراد بعصبية: ما خلاص يابت، في إيه؟ قولتلك آسف. بنت: أنت كمان بتبجح معايا؟ مراد بغمزة: بت، انتي شكلك عايزة حاجة تانية وأنا موافق. ولسه هيكمل كلامه، بنت ضربته بالقلم وجريت. مراد بعصبية: يابنت الـ... -نروح عند عشق. قامت من النوم، جسمها وجعها على صوت زعيق. فتحت الباب وخرجت. سامية بعصبية: جبتها من شعرها: كنتي بتعملي إيه يازبالة؟

قفلتي الباب على نفسك انتي. عشق بخوف: أنا معملتش حاجة، ابعدي عني حرام عليكي. رنا بخبث: أومال كنتي قافلة على نفسك ليه ياعشق؟ عشق بزعيق لرنا: وانتي مالك انتي؟ رنا بحقد: بقا انتي بتقوليلي أنا كده يازبالة؟ وفضلت تضرب في عشق بغل وحقد، وعشق عمالة تصوت وسامية واقفة تبتسم بخبث. رنا سبتها: بعد كده ده عقابك لو فكرتي تقلبي أدبك تاني، فاهمة يابتاعة عشق. هزت راسها وسكتت. سامية بقرف: يلا قومي روّقي. بتاعة عشق بقهر: حاضر.

بعد وقت عشق خلصت ودخلت تنام. الباب خبط. سامية قامت تفتح. سامية بحب مصطنع: ازيك يا حبيبتي، تعالي. سما بقرف: فين عشق؟ رنا بحقد: نايمة جوا. سما ببرود: تمام، أنا داخلة. سما دخلت لعشق، شافتها عمالة تعيط ومش قادرة. جريت عليها بسرعة حضنتها. سما بخوف: مالك ياعشقي؟ مالك؟ عملوا فيكي إيه ياقلبي؟ عشق حكتلها كل حاجة. سما بنرفزة: لا بقا كده كتير، أنا هخرجالها.

عشق بخوف عليها: لا ونبي يا سما، عشان خاطري بلاش. خلاص متخلينيش أندم إني قولتلك. وفضلت تعيط. سما صعبت عليها عشق وخدتها في حضنها. بعد وقت عشق نامت وسما قامت براحة وخرجت. بصت لرنا وسامية بقرف ومشيت. رنا بغل: بصي ياماما، بتبص لينا إزاي المعفنة. سامية ببرود: بكره نخلص منها خالص، ولا انتي نسيتي؟ رنا بخبث: دي حاجة تتنسي برضه، بس لازم نعمل معاها الواجب. سامية ورنا دخلوا ناموا. -نروح عند ادهم.

ادهم روح ملقاش ندي، طلع أوضتها شافها نايمة، ابتسم بحب وقرب منها. ادهم بحنان: ندي، ندوشة، يلا بقا قومي. ندي صحت: صباح الخير. ادهم بضحكة: صباح إيه بقا؟ مساء الخير يا أختي. إحنا بليل. ندي بنوم: بجد؟ شكلي نمت كتير قوي. سيبني بقا أكمل النوم. ادهم بخبث: خلاص نامي، يخسارة. ده مراد وزياد خلاص جين دلوقتي. ندي فتحت عينها: شفت بقا يا ادهم، عمال ترغي معايا وخلتني فوقت. هقوم آخد بقا شاور بسرعة وهنزلكو. يلا باي.

ودخلت تجري على الحمام. ادهم ضحك: مجنونة، فكراني مش عارف إنها بتحب زياد. وقام دخل أوضته يغير هدومه. بعد وقت، كان سليم ومراد جم تحت، وادهم نزلهم. ادهم شاف زياد عمال يدور بعينه على حاجة. ادهم لزياد: في إيه يابني؟ عمال تدور على إيه؟ زياد بتوتر: ها، لا، دا أنا بشوف دادة سعاد، أصلها وحشاني قوي قوي. ادهم بسخرية: آه دادة سعاد، دادة سعاد بتجيب الأكل يازوزو. لسه زياد هيتكلم، ندي كانت نزلت واتصدمت من جماله.

ندي بحب أخوي لمراد: ازيك يا مراد؟ عامل إيه؟ مراد ابتسم بحب أخوي: الحمد لله ياندوشة، بس إيه يابنت الحلوة والجمال ده؟ أختي طول عمرها قمر يا ناس. ندي: مرسي يا مراد. ندي لزياد بتوتر: احم، ازيك يا زياد؟ زياد ابتسم بحب: الحمد لله يا ندي، وانتي عاملة إيه؟ ندي بحب هي كمان: الحمد لله يا زياد. وراحت قعدت جمب ادهم اللي كان متابعهم بعينيه. ادهم لندي: ها ياندوش، قررتي تخشي كلية إيه؟

زياد رد بسرعة: هندسة طبعًا. احم، قصدي يعني هندسة حلوة مش وحشة، ولا إيه يا مراد؟ مراد بخبث: بس أنا شايف نشوف حاجة تانية أحسن. ندي بسرعة: لا، أنا هخش هندسة. هندسة حلوة برضو مش وحشة. ادهم ومراد ابتسموا بخبث، وزياد ابتسم بفرحتها إنها هتخش هندسة. ادهم بهدوء: تمام، يلا عشان ناكل، ولا هنقعد نتكلم في الهندسة؟

كلهم قاموا وكلوا وقعدوا مع بعض بيهزروا ويضحكوا. وزياد مشلش عينه من على ندي، وده خلاها متوترة. وادهم ومراد كانوا واخدين بالهم. بعد وقت كانوا مشيوا. وندي وادهم طلعوا، كل واحد دخل ينام في أوضته.