تحميل رواية «احببت ابن عمي» PDF

لقيت حد حط حاجة في وشي وساعتها محستش بنفسي.

ميادة بقلق: أنا خايفة أوي على أميرة، بقالها ساعتين ونص قالت هاتجيب حاجات ولسة ماجتش.

نعمة بخوف: طب كلميها على التليفون.

ميادة: مقفول، لأ أنا خايفة أوي.

نعمة: أنا هاكلم سيف عشان يلحقنا.

ميادة: ماشي.

سيف: الو يا نعمة.

نعمة بعياط: الحقني يا سيف.

سيف بخضة: إيه في إيه؟

نعمة: أميرة، أميرة.

سيف بقلق: أميرة مالها؟ وبعدين زعق وقال: ما تنطقي.

نعمة بقلق: بنتي مالها يا سيف؟

سيف: استني يا مرات عمي دلوقتي.

نعمة: إحنا كنا بنشتري الجهاز وبعدين هي قالت إنها هاتشوف حاجات وبقالها ساعتين ونص ولحد دلوقتي ماجتش.

سيف بعصبية: إزاي تسيبيها تمشي لوحدها؟ إنتوا اتجننتوا؟ إنتوا فين دلوقتي؟

نعمة: إحنا في...

سيف: طيب طيب أنا وعادل هنيجي، ما تتحركيش من مكانك فاهمة.

نعمة بعياط: حاضر.

عادل: أميرة مالها يا سيف؟

سيف: معرفش معرفش... بيدوروا عليها مش لاقيينها.

نعمة بانهيار: هاتلي بنتي، إنت فاهم؟ أنا عايزة بنتي.

نهى بعياط: اهدى اهدى يا حبيبتي، بلاش تتتعبي نفسك.

سيف: أنا وعادل هانروح المكان اللي كانوا فيه.

نعمة: أنا هاجي معاكوا.

أحمد: مينفعش، سيبيهم دلوقتي.

نعمة: لأ، أنا لازم أروح معاكوا.

محمد: مينفعش كده، سيبيهم دلوقتي بقى. يلا روحوا إنتوا.

فوقت ولقيت نفسي مربوطة وفي لزق على بوقي ومش عارفة أتحرك. فجأة لقيت حد دخل بس ملامحه مش واضحة.

...: أهلاً أهلاً، نورتيني.

...: إيه مش بتردي ليه؟

...: آه نسيت.

قربت مني وشالت اللزق.

أميرة بخوف: اا أنتي مين؟

...: معقولة نسيتي صوتي؟

قربت من النور.

أميرة بصدمة: إنتي؟!

عادل وسيف وصلوا المكان اللي موجودين فيها. أول ما عادل وصل نعمة حضنته.

نعمة بعياط: اااميرة اااميرة يا اا عااادل.

عادل: شششش بس يا حبيبتي، أهدى خلاص.

سيف: فهموني دلوقتي إيه اللي حصل.

ميادة: ها أقولك...

عادل: طب جرب كلمها كده يا سيف.

سيف: كلمتها وتليفونها مقفول.

سيف: بص أنا وميادة هاندور هناك، وإنت ونعمة دوروا هنا ونتقابل كلنا هنا بعد ساعة.

عادل: ماشي.

أميرة بصدمة: إنتي...

...: أيوة أنا، أنا اللي سيف كسرني وحرق قلبي عشانك. (طبعًا عرفتوا هي مين، مايا).

أميرة: كسرَك وحرق قلبك ليه؟ عملك إيه لي ده كله؟

مايا بحقد: أيوة كسرني وحرق قلبي عشانك إنتي. إنتي واحدة جربوعة، أنا اللي أستحق الحب ده مش إنتي. أنا اللي المفروض أكون عروسته ومراته مش إنتي. أنا لازم أحرق قلبه وأكسره زي ما عمل فيا.

أميرة: ليه كل الشر ده؟ عملك إيه؟

مايا: هاحكيلك. أنا كنت بحب سيف جدًا ودايمًا كنت بحاول أقرب منه، دايماً وهو كان بيصدني. ومرة اعترفت له بحبي وهو قال إنه شايفني زي أخته وبس وإنه بيحب واحدة تانية. في مرة كنا مسافرين سفاري، قلت لازم أقرب منه بأي طريقة. مكنش في حد في الخيمة غير سيف، كان نايم. دخلت ونمت جنبه وخلعت هدومه. وصوت وكله وصل الخيمة وشافوني وأنا في الوضع ده. وبعدين قلت إن سيف اتهجم عليا، بس محدش صدقني وكذبوني وكانوا هايعملوا لي محضر، بس سيف مرضاش. وبعدين قالي إننا هانبقى إخوات وإن لو حد احتاج حاجة يلجأ للتاني وإنه هينسى الموضوع. أنا رحبت بالموضوع جدًا، قلت يمكن يحبني ولا حاجة. وفي يوم طلب مني أروح أتقرب منه قدامك عشان يعرف إذا كنتي بتحبيه ولا لأ، ووافقت وحاولت أبعدك عنه بأي طريقة بس معرفتش. أنا حولت كل الحب اللي جوايا ليه لكره. أنا لازم أنتقم منه ومنك. أنا بكرهكوا.

أميرة: برضه ده مش حل ولا طريقة عشان تعملي كده. هو مش بيحبك، بيحبني أنا، أنا، وبيكرهك إنتي فاهمة؟ مهما عملتي هايفضل يحبني أنا، أنا وبس. إنتي حقيرة، إنتي لا يمكن تكوني بتحبيه، إنتي سافلة.

مايا اتغاظت أوي واتعصبت، راحت ضربتني بالقلم.

مايا بعصبية: اخرصي، أنا هاوريكي.

جابت سيخ حديد وسخنته.

أميرة بخوف: هاتعملي إيه؟

مايا بشر: هاتشوفي.

جابت السيخ وحطيته على دراعي.

أميرة بوجع: اااااااااه.

سيف بوجع: اااه.

ميادة: مالك يا سيف؟

سيف: مش عارف، بس قلبي بيوجعني.

ميادة: طب يلا نرجع.

عادل: ها لقيتوا حاجة؟

سيف بيأس: لأ.

تليفون سيف رن.

عادل: مين؟

سيف: مايا، واحدة صاحبتي.

سيف: الو يا مايا.

مايا: أهلاً يا عريس... مدورتش كتير، السنيورة عندنا.

سيف: قصدك إيه؟

مايا: قصدي إنت فاهم كويس. هابعتلك لوكيشن على المكان اللي فيه السنيورة، وانت لوحدك ومتفكرش تبلغ البوليس، فاهم يا بيبي... باي.

سيف: الو الو الو.

عادل: في إيه؟

سيف: عرفت مكان أميرة، أميرة اتخطفت.

نعمة: إيه؟

عادل: طب يلا على المكان بسرعة.

سيف: لأ استنى، أنا هاروح لوحدي.

عادل: لأ طبعًا، إزاي؟ لازم أروح معاك.

سيف بعصبية: قولت لأ، هي عايزاني لوحدي، لو جيت معايا هايبقى في خطر على حياة أميرة. خد نعمة وميادة وروحهم، ولو ماجتش بعد الساعة 4 بلغ البوليس. خد العنوان أهو تديه البوليس.

عادل: فاهم، خلي بالك من نفسك.

مايا: حبيب القلب جاي في السكة.

أميرة بعياط: أبوس إيدك سيبه، موتيني أنا لكن هو لأ، أبوس إيدك.

مايا: تؤتؤ، وفرى زعلك وعياطك ده لحد ما ييجي. دلوقتي جه دورك، تعالي لي.

...: وصل يا هانم.

مايا: كويس، حبيب القلب جه. مع السلامة بقى.

أول ما سيف وصل، في رجالة هجموا عليه وحطوه في أوضة وربطوه.

مايا: أهلاً يا عريس.

سيف بعصبية: والمصحف لندمك على اليوم اللي اتولدت فيه يا مايا الكلبة.

واحد من الرجالة ضربه بالبوكس.

مايا: وظبطوه.

منى بلهفة: ها لقيتوا أميرة؟

عادل: أميرة اتخطفت وسيف حاله تليفونه وراح عشان يجيب أميرة.

نهى: وسيبتوه يروح لوحده؟

عادل: سيف صمم يروح لوحده عشان في خطر على حياة أميرة.

منى: بنتي بنتي، أنا عايزة بنتي.

محمد: طب بلغوا البوليس.

عادل: سيف قال لو مرجعش هو وأميرة الساعة 4 نبلغ البوليس.

منى: الساعة 4؟ هو أنا لسة هاستنى الساعة 4؟

وأغمى عليها.

نعمة: ماااماا.

الرجالة فضلت تضرب في سيف لحد ما كسروا عظمه وأغمى عليه.

مايا: خدوه على الأوضة اللي فيها البت.

أميرة بصدمة: سيف! عملتي في إيه يا مفترية؟ منك لله، اتفووو.

مايا ضربتني بالقلم.

مايا: اخرصي يا بت.

مايا جابت جردل ميه وكبته على سيف.

مايا: فوق يا حبيبي، لسة بدري.

سيف بتعب: اااميرة.

أميرة: أنا هنا يا حبيبي، ما تخافش.

أميرة: سيبيه، حرام عليكي، إنتي إيه؟ حيوانة.

مايا ضربتني برضه بس بالكرباج.

أميرة: اااااااه.

سيف: والله لموتك يا مايا.

مايا: متقدرش يا بيبي، أنا دلوقتي عايزة أخليك تتفرج على السنيورة وهي مدام.

دخلوا يا رجالة.

سيف كان بيحاول يقوم بس مش عارف.

سيف: لأ لأاااااااا.

الرجالة اتهجموا عليا وأنا بصوت ومش عارفة أتحرك.

سيف: اااااميرة.

مايا: سيبيه.

سيف: لأاااااااا.

مايا: خلاص يا رجالة، اطلعوا برة.

عادل: لأ، أنا مش قادر أستحمل، أنا هابلغ البوليس.

أحمد: آه يلا، وأنا هاجي معاك.

محمد: خليك هنا معاهم لو حصل حاجة كلمني.

محمد: ماشي.

مايا طلعت المسدس.

مايا: دلوقتي عايزك تشوف حبيبة القلب وهي بتموت.

سيف بتعب: لأاااااااا.

وضربتني بالنار.

سيف: ااااااااميرة.

مايا: دلوقتي دورك إنت بقى.

وضربته بالنار.

وهنا دخل البوليس وقبض عليها.

عادل: أميرة.

أحمد: سيف... إسعاف بسرعة.

جماعة الإسعاف واخدونا.

منى: بنتي بنتي، فينا؟

أحمد: في العناية المركزة هي وسيف.

نهى: ابني.

خرجت من العناية المركزة وودوني أوضة عادية.

وسيف فضل جوه.

منى: طمنيني طمنيني يا دكتور، بنتي عاملة إيه؟

الدكتور: هي كويسة الحمد لله، الرصاصة جت في دراعها وممكن تفوق كمان شوية.

نهى: طب وابني؟

الدكتور: ده ادعوا له، الرصاصة جت في مكان صعب جدًا.

بعد شوية.

فوقت.

أميرة: سيف، سيف.

منى: اهدى يا حبيبتي، بلاش تتتعبي نفسك، إنتي بتضري نفسك كده.

أميرة بتعب: فين سيف؟

عادل: في العناية لسة.

أميرة: أنا هاروح أشوفه، أنا لازم أشوفه.

منى: لازم ترتاحي يا بنتي، ماينفعش.

أميرة: لأ، لازم أشوفه.

محمد: سيبيها تروح.

روحت العناية وأنا مستنية سيف يخرج.

لقيت الدكتور خرج.

أميرة بلهفة: خير يا دكتور، سيف أخباره إيه؟

الدكتور: البقاء لله.

أميرة بصدمة: لأاااااااا.

الدكتور: البقاء لله.

أميرة: لأااااااا.

نهى: ااااابنى..........

وأغمي عليها.

أميرة بانهيار: إزاي إزاي فهمني؟

الدكتور: والله إحنا عملنا اللي قدرنا عليه وعملناله صدمات كهربائية... ولكن النبض وقف. أنا آسف.

أميرة: لأ يا دكتور متقولش كده. طب أنا عايزة أشوفه.

أحمد بدموع: يا بنتي ماينفعش كده خلاص سيف مات.

أميرة: لأ يا عمي متقولش كده. سيبوني عايزة أشوفه عشان خاطري أبوس إيدك يا دكتور عايزة أشوفه.

الدكتور: اتفضلي.

دخلت العناية المركزة. أول ما شوفته جريت عليه وحضنته.

أميرة بانهيار: لأ يا سيف متسبنيش لأاااااااا متروحش وتسيبني. مش أنت قولت ها تفضل معايا وجمبي وعمري ما هاسيبك... سسسسيبتني للييييه. فووووق فوووووق يا حبيبي.

وبعدين لقيت الممرضة بتحط الملاية على وشه. روحت زقاها.

أميرة: لأااااااا هو ها يفوق لأ ابعدددى.

الممرضة: يا فندم مينفعش كده. سيبينا نشوف شغلنا.

وحطت الملاية على وشه.

أميرة: لأ يا دكتور....... دكتور أبوس إيدك جرب كمان مرة واعمله صدمات كهربائية عشان خاطري أبوس إيدك.

الدكتور: حاضر.

الدكتور عملوا صدمات كهربائية مرة واتنين وتلاتة لحد ما فقد الأمل. حاول لآخر مرة وضغط عليه وفاق.

أميرة بفرحة: سيف!

سيف: كح... كح... كح....

وبعدها أغمي عليه.

الدكتور: لو سمحتي بقى اطلعى برة عشان نشوف شغلنا.

أميرة بفرحة: ح... ح... حاضر.

طلعت برة وأنا مبسوطة.

أميرة: س... س... سيف فاق.

أحمد بعدم تصديق: ا... ا... إزاي. أنا م... م... مش مصدق نفسي.

وبعديها حضني.

أميرة: فين مرات عمي؟

أحمد: في الأوضة مع العيلة.

أميرة: سيف فاق..... سيف مامتش...... سيف لسة عايش.

الكل: إيه؟

أميرة: أه والله.

نهى: طب هو فين؟ عايزة أشوفه وحشني أوي.

أميرة: في أوضة العمليات.

كلنا طلعنا برة مستنين الدكتور يخرج.

أحمد: مينفعش كده يا جماعة.

أحمد: ها يا دكتور ابني أخباره إيه؟

الدكتور: الحمد لله فاق وبقى كويس. إحنا اطمنا على كل الأجهزة اللي عنده وكله بخير.

نهى: طب عايزة أدخله.

الدكتور: ماشي.... بس هو مش هايفوق دلوقتي مش أقل من ٢٤ ساعة بكتير.

نهى: ماشي ماشي.

الدكتور: ماشي...... بس ارجوكم بلاش التجمع يعني خشوا واحد واحد.

أميرة: حاضر........ أنا ها أدخل الأول.

عادل: ماشي.

أول ما دخلت عليه حضنته.

أميرة بعياط: وحشتني أوي يا حبيبي. أنا مكنتش أتخيل إني ممكن أصحى من النوم ملقكش جنبي. فوق بقى يا حبيبي فوق. مين اللي هاقوله وجه البرص غيرك. أنا بحبك أوي أوي متسبنيش وتمشي.

أحمد: على فكرة مينفعش كده لازماً تروحوا.

أميرة: أنا ها أفضل قاعدة معاه مش ها أروح.

محمد: مينفعش كده لازما تروحي يا حبيبتي عشان إنتي تعبانة.

أميرة: لأ أنا ها أفضل قاعدة معاه مش ها أسيبه.

نهى: يا بنتي مينفعش روحي بس.

أميرة بعصبية: وأنا قولت لأ يعني لأ. زي ما هو ماسبنيش أنا مش ها أسيبه.

عادل: خلاص يا جماعة سيبوها على راحتها. وأنا ها أفضل جنبها. خودهم يا عمي وروحوا.

أحمد: ماشي يا ابني.

فضلت قاعدة جنبه وكنت بقرأ له قرآن. صحيت على أذان الفجر. اتوضيت وصليت وكنت بدعيله يقوم بالسلامة.

عادل: حبيبتي أنا ها أروح أجيب لك قهوة مش هتأخر.

أميرة: ماشي يا حبيبي.

وأنا قاعدة بقرا له قرآن لقيته بيفوق.

سيف بعدم وعي: ا... ا... أميرة.... ا.ا.اميرة ا..ا..نتي ف..ف..فين؟

أميرة: أنا هنا يا حبيبي. شششش بلاش كلام يا نور عيني.

سيف بعدم وعي: ا.اا.ا أنا ب..ب.. بحبك أوي.

أميرة: وأنا كمان بحبك أوي ياروحى..... ها أروح أنادي الدكتور.

أميرة بلهفة: يا دكتور يا دكتور!

الدكتور: نعم فيه إيه؟

أميرة: سيف سيف فاق.

الدكتور: بجد؟ طب كويس.

الدكتور راح الأوضة وكشف عليه.

الدكتور: لأ عال عال الحمد لله صحته كويسة والقلب كمان تمام.

أميرة بفرحة: بجد. ألف حمد وشكر ليك يا رب.

عادل: إيه ده فيه إيه؟

أميرة: سيف فاق.

عادل: بجد؟ طب الحمد لله.

سيف بتعب: أميرة.

أميرة: نعم يا حبيبي.

سيف: خليكي جنبي.

أميرة: ماتخافش أنا جنبك على طول.

وبوسته من راسه.

عادل: على فكرة أنا موجود.

سيف ضحك عليه وعلى كسوفي.

عادل: حمد الله على سلامتك يا خويا. خوفتني عليك.

سيف: الله يسلمك.

سيف: خلاص بقى يا أميرة بلاش عياط.

أميرة: أصل أنا مش مصدقة إن... ا..ا..ا.. إنك ك.ك.كنت ها تروح مني.

سيف: لو سمحت يا عادل ممكن تسيبنا لوحدنا شوية.

عادل: ماشي.

سيف: تعالي.

قربت منه ومسك إيدي وأيده التانية مسح دموعي.

سيف: أنا طول ما أنا عايش مش عايز أشوفك بتعيطي. ده أولاً. ثانياً أنا عايزك تنسي أي حاجة حصلت كأنك كنتي بتحلمي. فاهمة يا حبيبتي؟

أميرة: فاهمة.

وبعدين حضنته.

سيف: عارفة أنا نفسي في إيه دلوقتي؟

أميرة: إيه؟

سيف: نفسي يا أختي أم الجوازة دي تخلص. مش عارف أستفرد بيكي يا ولية.

قعدت أضحك وأنا مكسوفة.

أميرة بكسوف: على فكرة أنت قليل الأدب.

سيف: تحبي أوريكي قلة الأدب؟

أميرة بكسوف: هو مش أنت تعبان ولا بتسطعبط؟

سيف: وحياتك لما بشوفك بخف.

مكنتش عارفة أتكلم خالص من الكسوف.

سيف: ياهووووووو لو تشوف وشك عامل إزاي.

أميرة: احم. هو عادل اتأخر ليه؟

عادل: عادل متأخرش يا روحي. عادل مشلش ودنه من على الباب يا قليل الأدب.

سيف بإحراج: احم. أنت سمعت؟

عادل: اه. عارف لولا إنك مرمي على السرير وتعبان كنت دفنتك هنا.

سيف: طب ليه العنف ده؟

أميرة بضحك: أحسن.

سيف: كده؟ طب ما فيش جوازة.

أميرة: أحسن برضوا. أنا ها أروح لـ مروان حبيبي.

سيف: خدي هنا يا بت. مروان إيه؟

أميرة: ابن الجزم*ة.

سيف: لاااااه يا أختي. إنتي قولتي حبيبي صح؟

أميرة: لأ. إنت سمعك ضعيف. أنا قولت إنت حبيبي.

سيف: اه. ماشي..... تسمحلي بقى يا عادل أشوف شغلي؟

عادل: لأ عادي يا حبيبي. شوف شغلك. أنا ها أروح أعمل مكالمة.

أميرة: يلا. خد ياض هنا.

أميرة: بخوف: ولا استهدى بالله كدة وبلاش جنان. إنت تعبان.

سيف وهو بيقرب مني: جنان؟ هو إنتي لسة شفتي جنان. أنا ها أوريكي.

سبته وجريت برة الأوضة.

______________________________________

نهى: لولولولولوللولى!

أحمد بفزع: إيه يا وليّة. يبت المجنون*ة.

نهى بفرحة: عادل كلمني وقال إنه سيف فاق بالسلامة.

أحمد: كده؟ طب الحمد لله.

نهى: أنا عايزة أروح لها.

أحمد: تروحي فين يا وليّة يا مهبوشة. إحنا لسة الفجر. بكرة إن شاء الله ها نروح كلنا مع بعض.

نهى: ماشي.

______________________________________

في الصباح.

سيف: يلا يا عادل خد أميرة وروحوا.

أميرة: نعم؟ لأ طبعاً. أنا ها أفضل معاك هنا مش ها أسيبك.

سيف: اسمعي الكلام يا أميرة. إنتي معايا من امبارح وتعبانة. روحي وكده كده باباو ماما ها يجوا.

أميرة بعند طفولي: لأ مليش دعوة. أنا ها أفضل معاك.

سيف: لو بتحبيني روحي.

عادل: خلاص بقى يا أميرة اسمعي الكلام.

أميرة: ماشي.

_____________________________________

نهى: طمنيني يا بنتي. سيف كويس؟

أميرة بتعب: أه يا مرات عمي. هو كويس.

منى: تعالي يا بنتي كلي لقمة. إنتي ما أكلتيش حاجة بقالك كام يوم.

أميرة بعدم وعي: ها.........

وأغمي عليها.

منى: أميرة!

جابولي الدكتور عشان يكشف عليها.

منى: ها يا دكتور طمني.

الدكتور بعصبية: إنتو إزاي سبنها كده؟ جالها هبوط حاد في الدورة الدموية من قلة الأكل. هي بقالها قد إيه مش بتاكل؟

منى: تلات أيام.

الدكتور بعصبية: إنتو مجانين. عموماً أنا علقتلها محاليل وكسرت لها الأدوية دي في المحاليل وكتبت لها على فيتامينات. لازم تاكل كويس.

منى: حاضر حاضر يا دكتور.

أميرة بتعب: اااه. فين سيف؟

نعمة: بس يا حبيبتي بلاش تتكلمي كتير عشان متعبيش.

منى: أنا ها أروح أعملها حاجة تاكلها.

أميرة: هو إيه اللي حصل؟

ميادة: تعبتي شوية.

أميرة: محدش يقول حاجة لـ سيف. مش عايزاه يقلق عليا.

نهى: حاضر حاضر يا بنتي.

منى: يلا يا حبيبتي عشان تاكلي.

أميرة: لأ مش عايزة آكل.

سلوى: مينفعش ياحبيبتي لازماً تاكلي.

آسر: يلا يا ميرو قومي عشان تاكلي. ده أكل تيتة تحفة.

أميرة بضحك: ماشي يا عم آسر. بس تاكل معايا إنت وآدم.

آدم: بس كده. هاتى يا تيتة الأكل. أنا جعان جداً.

كل قعد يضحك.

الكل راح عند سيف وميادة فضلت قاعدة معايا.

أميرة: بتبص لي كده ليه؟

ميادة: أصل ما كنتش أعرف إنك بتحبي سيف بالطريقة دي.

أميرة: ياه، انتي لسه فاكرة؟ سيف ده كل حياتي، هو أبويا وأخويا وابني، كل حاجة.

ميادة: أصل اللي يشوفك لما عرفتي خبر وفاته يقول إنك بتحبيه. اللي يشوفك لما عرفتي إنه لسه عايش يقول إنك بتعشقيه، مش بتحبيه.

ميادة: عارفة، لازم يعملوا لك كتاب لقصة حبكم.

أميرة: آه، هو أبو القرد ده هو اللي ودّى الواد في داهية.

ميادة: مش عارفة ليه اللي خاطفوكي دول مقصوش اتنين متر من لسانك.

أميرة: لمي نفسك بقى. بقولك إيه، الواد وحشني أوي، عايزة أشوفه.

ميادة: انتي واقعة يا بت.

أميرة: يابت بقولك الواد وحشني أوي، عايزة أشوفه.

ميادة: طب وأنا مالي ام**؟

أميرة: يابت قوميني، مش قادرة أقوم.

ميادة: أهو انتي تحبي، وأنا أتنيل على عيني.

أميرة: الصحوبية ماتت في الحرب.

ميادة: أيون.

***

نهى: انت كويس يا ابني؟

سيف: بخير الحمد لله. طمني عليك يا واد.

نهى: لسه زي ما انت لمض وقليل الرباية.

سيف: هو لامؤخذة، انتوا جايين تطمنوا عليا ولا تهزؤني؟

منى: الاثنين يا عين ام**؟

سيف: شكراً.

سيف: امال فين أميرة؟

نهى بتوتر: هااااا.

منى: تعبت شوية وجبنا لها الدكتور.

سيف بخضة: إيه؟ طب هي كويسة؟

منى: آه آه كويسة.

نهى بهمس: مش البت قالت ما نقولش لسيف؟

منى: أعمل إيه؟ أنا مقدرش أخبي عليه.

أميرة: سيف عامل إيه؟

سيف: إيه اللي جابك؟ مش الدكتور قالك إنك محتاجة راحة تامة؟

أول ما سمعت كلامه بصتلهم بنظرات حادة.

منى بهمس: أنا ماليش دعوة، دي مرات عمك هي اللي قالت. هي الست دي لكاكة.

نهى: شوفي الولية ماشية.

سلوى: ما نسيبهم لوحدهم شوية.

منى: ماشي. يالا يا حاجة.

محمد: ولااااا، عارف لو عملت في البت حاجة.

سيف: يا عمي، هاعمل فيها إيه وأنا بالمنظر ده؟

محمد: ماشي.

كلهم خرجوا برا، وما فيش غيري أنا وسيف.

سيف: بقولك إيه، ما تجيبى بوسة.

أميرة: ولاااااااا، اظبطي. لا أظبطك.

سيف: حاضر.

أميرة: أجعر.

الممرضة دخلت ومعاها أكل.

الممرضة: الأكل.

أميرة: هاتيه.

الممرضة: اتفضلي.

أميرة: كل يا واد.

سيف بتمثيل: أنا إيدي بتوجعني أوي ومش عارف آكل، وأنا جعان. ينفع تأكليني؟

أميرة: اممم، يا حرام. طب استني يا بااااااباااااا.

سيف: بتعملي إيه يا مجنونة؟

أميرة: استني، هتعرف. يا بااااااباااااا.

محمد بقلق: خير، في إيه؟

أميرة: سيف بيقول إن إيده بتوجعه ومش عارف ياكل ومحتاج حد يأكله.

محمد: بس كده، تعالى يا ابن أخويا يا عسل.

سيف بخوف: خلاص خلاص، أهو باكل أهو. عادي.

محمد: ماشي، لو عاوزتوا حاجة نادوا عليا.

أميرة: أكيد.

سيف: بقيت أنا تعملي فيا كده؟ ماشي، بس لما أفوق لك بس.

أميرة: ماشي. Good by baby. إموااااااه.

***

بعد أسبوع.

سيف خرج من المستشفى وجبناه على البيت، وسندته ودخلته الأوضة.

فجأة لقيته بيقرب مني ولزقني في الحيطة.

أميرة بتوتر: بقولك إيه، ابعد عني لحسن أصوت وألم عليك الناس.

سيف: صوتي، صوتي براحتك.

أميرة بخوف: سيف.......

قاطعني ابن الهبلة.

سيف: قوليه كده تاني.

أميرة: هو إيه ده؟

سيف: اسمي.

أميرة: اتلم بقى وابعد.

سيف: مش هابعد غير لما تقولي أنا بحبك يا سيف.

أميرة: يبقى بتحلم.

سيف: خلاص، خلينا كده.

وبدأ يقرب مني جامد.

أميرة: خلاص خلاص، هاقول.

سيف: يالا.

أميرة بتوتر: ااا..ا. أنا أنا.

سيف: أنا إيه؟

غمضت عيني وقولت بسرعة.

أميرة: أنا بحبك يا سيف.

أول ما سمعني حضني على طول وفضل يلف بيا.

سيف: وأنا كمان بحبك أوي يا روحي.

***

بعد أسبوع تاني.

ما كانش فاضل غير على امتحاناتي غير أسبوع، وقاعدة مطحونة وبذاكر.

وفي وسط المذاكرة تليفوني رن، بصيت عليه لقيته سيف.

سيف: القمر بتاعنا عامل إيه؟

أميرة: قمر إيه وزفت إيه؟

سيف: مالك؟

أميرة: مش عارفة أي حاجة ومش عارفة أذاكر، والامتحان بعد أسبوع.

سيف: طب خلاص خلاص يا هبلة، أنا بكرة إن شاء الله هاذاكر لك كل اللي انت مش فاهماه.

أميرة: بجد؟ ده أنا كده أبتدي أحبك بقى.

سيف: آه يا واطي**.

أميرة: معلش يا بيبي.

سيف: قوليها تاني كده.

أميرة: هي إيه دي؟

سيف: بيبي.

أميرة بدلع: بيبي..ب..ي..ب..ي. بحبك.

لازم يا جماعة أدلعه، ده هايذاكر لي بكرة، ودي فرصة متضعوتش.

سيف: ياهوووووووووو. امتى هتتجوزي بقى؟

أميرة: باي يا سيف.

سيف: إيه رأيك نعد من واحد لـ تلاتة ونقفل؟

أميرة: ماشي.

الاتنين: واحد... اتنين... تلاتة.

سيف: مقفلتيش ليه؟

الو الو، انتي قفلتي؟ تفووووو على دي أشكال.

***

في الصباح.

أميرة: ماما، أنا هاطلع لمرات عمي.

منى: ليه؟ انتي مش وراكي مذاكرة؟

أميرة: أيوه، ماهو أنا اتفقت مع سيف إنه يذاكر لي عشان في حاجات مش فاهماها.

منى: ماشي، بس هو ينزلك ويجي هنا ويذاكر لك قدامي.

أميرة: ماشي.

أميرة: الو يا أبو الصحاب، عامل إيه؟ واحشني يا راجل.

سيف: هو مش ده رقم أميرة برضه؟

أميرة: أيوه يا سطا، أنا أميرة. بقولك إيه يا زميكس، ماما وافقت إنك تيجي تذاكر لي، بس عندنا. مش واثقة فيك الولية.

سيف: ماشي يا برعي.

أميرة: سلام يا صاحبي، يلا في رعاية الله.

***

بعد 3 ساعات.

سيف: فهمتي حاجة يا ولية؟

أميرة: أقولك الصراحة الصراحة.

سيف: آه.

أميرة: ومن غير لف ولا دوران.

سيف بضيق: اللهم طولك يا روح. آه، من غير لف ولا دوران. فهمتي حاجة؟

أميرة: عايز الحق ولا ابن عمه؟

سيف بعصبية: بقولك يا أميرة، لمي الدور وقولي اتزفتي، فهمتي حاجة من الزفت اللي أنا بشرحه ولا لأ يا زفتة؟

أميرة: اديك قلت بنفسك بتشرح زفت، هافهموا أنا إزاي؟

لقيت عينيه احمرت جامد وبييبص لي بكل غل وعصبية وبييقرب مني.

أميرة: ولا ابعد. يلا. لأ لأ لأ.

سيف: تبقى معدية. لأ لأ.

أميرة: سلمى عليا. لأ لـ.

سيف: عيني في عينيها. لأ لأ.

أميرة: وعينها في عنيا. لأ لـ.

سيف: طب وسع كده. لأ لأ.

أميرة: طب تيجي كده. لأ لـ.

سيف: طب وسع كداااااه.

أميرة: طب تيجي كدااااه.

سيف: لأ لأ لأ لأ لأ لأ.

أميرة: لولولولولوللولى. 🌸❤️

قومنا رقصنا ونغني الأغنية.

منى بعصبية: الله الله، قاعدين بترقصوا وتغنوا يا ولاد الـ**؟

وقلعت الشبشب وفضلت تجري وراهم.

سيف: استهدي بالله يا وليه، عيب كده، ده أنا قد أحفادك.

منى: أحفادي؟ ماشي يا ابن نهى. ورحمة أمي لنفخك.

نزلت عليه ضرب بالشبشب.

وانا برضه قررت نفس المشهد، بس بدل الفشار جبت شيبسي.

أميرة: يلا يا منى، يلا يا منى، آه آه، يلا في وشه. اديله بالرجل كمان.

بعد أسبوع

خرجنا من الامتحان أنا وميادة ولقينا سيف.

سيف: ها، عملتوا إيه؟

أميرة: السيد كولة.

ميادة: سااااقط.

أميرة: ومحمد أُولة.

ميادة: سااااقط.

سيف: أنا مش بهزر، عملتوا إيه؟

ميادة: لااااه، حلينا صح.

سيف بفرحة: بجد؟

أميرة: ابسط ياعم، الزفت اللي كنت بتشرحه جاب نتيجة.

سيف: أميرة!

أميرة: خلاص خلاص، إيه ده؟ خلي خلقك استريتش، متخليهوش كنز كده.

سيف بضحك: طب ماشي، يلا يا ختي انتي وهي.

***

في البيت.

منى بقلق: هاااا، عملتوا إيه يا ولاد الموكوسة؟

أميرة: لأ الحمد لله كويس.

منى ونهى بفرحة: بجد؟ لولولولولوللولى!

محمد: يا ولية اسكتي.

نهى: يلا يا عيال، الأكل جاهز.

ميادة: آه ونبي يا طنط، ده أكلك وحشني أوي.

ماما حدفتها بالشبشب.

منى: أكلها هي بس اللي واحشك يا ختشي.

ميادة: لأ طبعاً، انتي قطعتيني. أنا بقول أكلك وأكلها واحشيني.

أميرة: طب يلا يا ختشي.

قعدنا على السفرة. أنا وسيف قعدنا قصاد بعض ومكناش بناكل، كنا بنبص لبعض.

محمد: احم احم، مش بتاكل ليه يا سيف؟

سيف: ها، لا أنا باكل اهو يا عمي.

محمد: ماشي يا خويا، كل.

سيف: احم، ماشي اهو باكل.

قعدت أضحك بس بخباثة. سيف بصلي بغل، راح خبطني في رجلي.

أميرة بوجع: اااه.

سيف باستهبال: مالك يا حبيبتي؟ في حاجة؟

محمد: حبك برص ياشيخ.

وبعدين كمل.

محمد: مالك يا حبيبتي؟ في حاجة؟

أميرة: لأ يا بابا، في جاموسة طور داس على رجلي.

محمد باستغراب: جاموسة وطور داسوا على رجلك؟

أميرة: اه يا بابا، بتحصل. حتى اسأل الطور، قصدي سيف.

سيف بصلي بشر وتوعد.

سيف: احم، عمي، احنا مش هانجهز الفرح بقى ولا إيه؟ أنا هابيض وأتجوز.

محمد: لأ مش دلوقتي.

سيف: امال إمتى؟

محمد: على حسب مزاجي.

سيف: طب مينفعش تستعجل مزاجك شوية؟

محمد: انت بتهزر؟

أحمد: وفيها إيه يا محمد؟ خلينا نستعجل في الفرح. عايزين نفرح بالولد.

سلوى: آه ونبي يا عمي، استعجل الفرح.

منى: يلا يا محمد، مستني إيه؟ عايزين نفرح.

محمد: أمري لله، ماشي. الفرح بعد شهر.

سيف: إيه شهر بس ده؟ بسرعة أوي، ولسة في حاجات كتير هانعملها.

محمد: هو ده اللي عندي، يا إما مافيش جوازة.

سيف: لالالا، خلاص ونبي، دانا مصدقت.

محمد: ماشي.

***

نجري الأحداث شوية.

مكنش فاضل على الفرح غير أسبوعين. قعدت أنا وميادة ونعمة نجهز شنطتي وحاجتي.

أميرة: أنا زعلانة أوي أوي.

نعمة: ليه؟

أميرة: عشان هاسيبكوا وهامشي وهابعد عنكوا، هاتوحشوني أوي.

نعمة بشهقة: نعم ياحبيبتي؟ هاتسيبينا وهاتبعدي عننا؟ ده هو دور اللي فرق بينا وبينك؟ ده انتي فوقينا على طول، وكمان قصاد حبايبك، حماتك وحماكي.

أميرة: خلاص خلاص، يخربيت فصلانك. كان نفسي أسكن قصادك.

نعمة: مانتي عارفة إن عادل ساكن فيها. عايزة تطفيشي الواد يا ولية.

ميادة: سيبكوا انتوا. أحلى حاجة إني هاحضر فرح أخيراً. أنا كنت حاسة إن الناس بطلت تتجوز.

أميرة: اه يا واطية، يعني انتي فرحانة بالفرح أكتر مني؟

ميادة: لأ، فرحانة بيكي. بس بالفرح أكتر.

خدت مخدة وحدفتها عليها.

ميادة: اااه، إنها الحرب.

نعمة: هيا بنا.

ومسكنا إحنا التلاتة مخدات وحدفنا بعض بيها. وبعدين نعمة شغلت أغنية (يابتاع النعناع يا منعنع) وقعدنا نرقص. وفجأة ماما دخلت.

منى: الله الله، بترقصوا وتغنوا؟

نعمة: آسفين يا ماما.

ماما طلعت صاجات ورقصت.

منى: بترقصوا من غيري يا ولاد الكلب؟

ميادة: أيوة بقى يا منمن.

نعمة: الله، يلا يا عسلية.

أميرة: لولولولولوللولى!

بليل الساعة ٣ الفجر.

فاضل يوم واحد بس على الفرح.

فضلت صاحية طول الليل مش عارفة أنام من الفرحة.

وفي وسط فرحتي لقيت تليفوني بيرن.

ببص عليه، طلع سيف.

هو دايماً كده بيقطع عليا اللحظات السعيدة.

سيف: الو ياقلبي.

أميرة: عامل إيه؟

سيف: كويس. إيه اللي مصحيكي لحد دلوقتي؟

أميرة: مش جايلى نوم وانت.

سيف: لأ، في واحدة قمر كده مطيرة النوم من عيني.

أميرة بابتسامة: يسلم. طب هي مين دي؟

سيف: لأ مش هقولك اسمها. بس ممكن أوصفهالك.

أميرة: ماشي، اوصفيها يا رومانسي.

سيف: بصي، هي حاجة كده قمر ماشية على الكوكب وعسل وسكر محلى محطوط على كريمة.

أميرة بضحك: يسلم.

سيف: أوماااال. استنى أكمل.

أميرة: كمل يا رومانسي.

سيف: بصي يا ستي، هي ولا طويلة ولا قصيرة، طولها مناسب كده. وعيونها خضرة وشعرها طويل وبني وبشرتها قمحاوية. بقولك، هي قمر ماشية على الكوكب.

سيف: ها، عرفتيها؟

أميرة: بص، هي مواصفاتها مش غريبة عليا.

سيف: ماشي، مش كفاية استعباط ولا إيه؟

أميرة: ماشي يا خويا، أنا فرحانة أوي أوي بكرة. حاسة إني بحلم، مش مصدقة نفسي.

سيف: لأ يا ستي مش بتحلمي، وبكرة هقولك إنك بتحلمي ولا لأ.

أميرة بكسوف: على فكرة انت قليل الأدب.

سيف: على فكرة أنا مش قصدي اللي في دماغك ده. أنا قصدي بكرة في الفرح. انتي اللي دماغك ماشية شمال.

أميرة: على فكرة انت رخمة.

سيف: عارف يا روحي، الناس بيقولولي إني رخمة وقمور وكيوت وواد مز كده.

أميرة: لأ، شابووو، واثق من نفسك.

سيف: أووووومال. بقولك إيه، اطلعى البلكونة.

أميرة برخامة: لاء.

سيف: ليه؟

أميرة: لاء يا خويا مش هاطلع، مش قادرة أقوم من مكاني.

سيف بتوعد: ماشي يا أميرة.

أميرة: إيه، هتبطل تحبني؟

سيف: لاء طبعاً.

أميرة: ليه لاء طبعاً؟

سيف: عشان زي ما قولت قبل كده، انتي الهوا اللي بتنفسه. يعني لو بطلت أحبك هتبعدي عني، ولو بعدتي عني هاموت. عارفة امتى هابطل أحبك؟

أميرة: امتى؟

سيف: يوم ما أموت.

أميرة: بعد الشر عليك.

سيف: ما أظنش برضوا إني هابطل أحبك يوم ما أموت. انتي حياتي كلها يا حبيبتي.

أميرة بدموع: أنا بحبك يا سيف أوي أوي. اوعدني إنك عمرك ما هتسيبني.

سيف: أوعدك يا حياتي.

فضلنا نتكلم لحد الصبح تقريباً كده ٧ الصبح.

أميرة: بقولك إيه، قفل بقى. التليفون سخن وإيدي وجعتني وعايزة أنام.

سيف: ماشي، أشوفك بعد ١٣ ساعة و ٤٥ دقيقة و ١٩ ثانية.

أميرة: ياااه، انت حاسبها بالساعة والدقيقة والثانية؟

سيف: عشان أحلى وأهم يوم في حياتي. يالا سلام يا قمر.

أميرة: سلام. بحبك.

لقيت ماما دخلت عليا.

منى بنوم: إيه اللي مصحيكى بدري كده؟

أميرة: أنا منمتش أصلاً.

منى: ليه كده يا بنتي؟

أميرة: مش جايلى نوم. انتي إيه اللي صحاكي؟

منى: رايحة أشرب ميه. نامي بقى يا حبيبتي، اليوم النهاردة متعب أوي.

أميرة: ماشي يا ماما.

_____________________________________

بعد الضهر الساعة ١.

منى بزعيق: اصحي يا موكوسة! الساعة ١ الضهر! في عروسة تنام ليلة فرحها لحد الضهر؟ ده البنات بتبقى مش على بعضها وخايفة. انتي إيه، ما عندكيش دم؟

أميرة: هو الواحد ماينفعش ينام في أم البيت ده؟ أميرة: روحي يا ماما حضريلي فطار.

منى بشقة: إيه؟ تفطري؟ في عروسة تفطر في ليلة فرحها؟

أميرة: يعني أموت أنا عشان أبقى عروسة ولا إيه؟

منى: خلاص خلاص، هاروح أعملك فطار.

أميرة: ماشي، يالا عقبال ما أنام شوية.

منى: مخلفة غيبوبة ياناس، غيبوبة.

نهى: لولولولولولولي 🌸❤️ مبروك يا حبيبتي، عقبال يارب ما نفرح بـ نعمة والبت ميادة.

الجرس رن.

منى: أهي جت على السيرة.

ميادة: عاملة إيه يا طنط، وحشتيني.

منى: تعالي يا أختي شوفي البت نايمة لحد دلوقتي.

ميادة: إيه دي، اتجننت بقى؟

منى: اخشي شوفيها.

ميادة: ماشي، أنا هاعرف أصحّيها.

جابت من التلاجة إزازة ميه ساقعة ودخلت الأوضة وكبت عليا ميه.

أميرة: اااااه، ده انتي نهار أبوكي أسود! والله ماسيباكي.

ميادة: استهدي بالله يا ولية، هاتودي نفسك في داهية عشاني.

وطلعت تجري وأنا طلعت أجري وراها.

ميادة بصريخ: الحقييييييني يا طنننننط!

منى بخضة: إيه، في إيه؟

ميادة: الحقي بت المجانين دي، هاتموتني.

نهى: خلاص يا أميرة سيبيها.

أميرة: أبداً، مش هاسيبها.

نهى: طب سيبيها عشان تاكلي الأكل جاهز.

أميرة: بجد؟

سيبتها وروحت على الأكل، ولا كأن فيه حاجة حصلت. فضلت أُلغ وأحشر الأكل في بوقي، ولا كأني بقالي سنة.

أميرة وهي بتُلغ: هي الميكب أرتست هاتيجي امتى؟

منى بقرف: اقفلي بوقك الأول وبعدين اتكلمي.

منى: هاتيجي الساعة ٣ العصر.

أميرة: ماشي.

نهى: شوفي يا بنتي، تليفونك بيرن.

ميادة: ده البيه الرومانسي.

حدفت عليها الشبشب بتاع أمي، أصله بيلسع أوي.

أميرة بحب: أيوة يا حبيبي، وحشتني.

سيف: وانتي كمان يا حبيبتي.

أميرة: بقولك، انت فين؟

سيف: أنا في البيت، أنا وصحابي بنظبط نفسنا.

أميرة: اوعى تكونوا جايبين نسوان.

سيف: أميرة، اقفلي ياحبيبتي التليفون عشان متعصبش عليكِ.

أميرة: ماشي، أنا أصلاً مش فاضيالك.

سيف: اتفوووو على دي أشكال يا جدع.

نعمة: أميرة، يالا يا حبيبتي، الميكب أرتست جت.

أميرة: حاضر، جاية اه.

منار: أهلاً أهلاً بـ عروستنا الجميلة، ما شاء الله تبارك الله. يالا نبدأ.

أخدت أمي وشدتها على المطبخ.

أميرة: إيه الولية اللي انتي جايباها دي؟ دي جاية تقر عليا نهار أحوس.

منى: يابت اكتمي اكتمي، هاتفضحينا. خشي يالا.

أميرة: ماشي.

__________________________________________

عادل: مبروك يا عريس، عايزك ترفع راسنا.

سيف: ماتخفش عليا، أنا تمام.

أحمد: مبروك يا ابني.

سيف باس إيده احترامًا له.

سيف: الله يبارك فيك يا بابي.

محمد وهو مش طايق سيف: مبروك يا سيف.

سيف: الله يبارك فيك يا عمي. بس هو أنا ليه حاسس إنك مش طايقني؟

محمد: لاء، أنا فعلاً مش طايقك.

سيف: ليه؟

محمد: عشان هتاخد مني حتة من قلبي، هتاخد مني أميرة اللي عمرنا ما بعدنا عن بعض دي. أنا بحبها أكتر من عادل ونعمة، وتيجي انت بكل سهولة تاخدها. ومع ذلك، أنا مش هقدر أزعل منك برضوا عشان أنا بحبك.

وبعدين حضنه.

عادل شغل مهرجان (لغبطيطا).

عادل: مش كفاية نكد بقى ولا إيه؟

أحمد: على رأيك.

وقام يرقص.

سيف: أيوة يا حااااج، فينك يا نهى تشوفي الحاج وهو بيرقص.

الكل قام يرقص ويهيص.

__________________________________

الساعة ٦.

نهى: لولولولولولولي 🌸❤️

منى: لولولولولولولي 🌸❤️

نعمة: لولولولولولولي 🌸❤️

وسلوى: لولولولولولولي 🌸❤️

أميرة: خلاااااااااص، خرمتولي ودني.

وهوبا رجعنا ليكوا. لأ أنا آسف، اتلخبط.

وهوبا الجرس رن.

نعمة فتحت.

نعمة بشهقة: انت ايه اللي جابك هنا ياض؟

سيف: جاي أشوف عروستي وحبيبتي.

نعمة: حبك برص وعشرة خرس واتنين عمى وتلاتة قرع.

سيف: هو ده وقته ردح؟ فين البت؟

نعمة: جوه في الأوضة.

جه يفتح الباب، لقاه مقفول.

سيف: افتحوا الباب.

منى: انت ايه اللي جابك ياواد؟

سيف: البت وحشتني.

نهى: امشي من هنا ياواد، ماينفعش تشوف العروسة دلوقتي.

سيف: ماشي.

سيف: امييييييرة.

أميرة: سيييييييف.

سيف: بحببببببك.

أميرة: وانا كمان بحبببببببببببك.

نعمة: يالا يا ولاد المجانيييييييين.

أميرة: ماما، أنا جعانة.

منى بعصبية: انتي مالك يابت؟ ها، دي سادس مرة تاكلي فيها يابت.

أميرة: أصل يا ماما نفسي مفتوحة أوي النهاردة.

منى: سديها يا عنيا بدل ما تفرقعي.

________________________________________

نجري اليوم ده بقى اللي مش بيخلص.

الساعة ٨.

في القاعة.

سيف: على فكرة شكلك زي القمر النهاردة.

أميرة: بجد؟

سيف: أه بجد.

سيف: يالا عشان نكتب الكتاب.

أميرة: يالا.

بعد شوية.

المأذون: بارك الله لكم وبارك عليكم وجمع بينكما في خير.

سيف أول ما سمع الجملة قام وحضني وفضل يلف بيا ويقول بحبك.

أميرة: يا مجنون، هاقع.

خلصنا الفرح، وطبعاً أنا مبطلتش رقص. المهم خلصنا وروّحنا البيت. وأنا غيرت هدومي ومسحت المكياج.

سيف: ها؟

أميرة: ها إيه؟

سيف: ها؟

أميرة: لاء، بص، اللي في دماغك ده انساه خالص.

سيف: ليه؟

أميرة: هو كده، مزاجي كده.

سيف: بلطجة يعني.

أميرة: أه، بلطجة.

فضل يقرب مني.

أميرة: ولا ابعد يالا.

سيف: دقت ساعة الحرب.

أميرة: بقولك إيه يا عم رامز جلال، ابعد عني.

سيف: مش هابعد.

أميرة: لو قربت مني هاشقك، هاشرحك مكانك.

سيف: والله؟

أميرة: أه والله.

وفضل يجري ورايا وأنا أجري.

سيف وهو بينهج: يا أميرة تعالي، خلاص مش قادر.

أميرة: لاء، وأعلى ما في خيلك اركبه.

سيف: بقى كده.

وكمل جرى ورايا لحد ما وقعني على السرير.

أميرة بخوف: ولا هاتعمل إيه؟

سيف: هاقولك.

في الصباح

أميرة: أعااااااا

سيف قام من النوم مفزوع.

سيف بفزع: في إيه؟

أميرة: إنت إيه اللي جابك هنا ياض؟

سيف: يعني إنتي مصحياني من النوم وكمان صاحية بتجعرّي عشان تسأليني أنا إيه اللي جابني هنا؟

سيف: يا شيخة حسبي الله ونعم الوكيل فيكي.

أميرة: إنت بتحسبن عليا يا ابن نهى؟

سيف: اهنطيت من على السرير.

أميرة وهي بتشرّح: لأااااااااا يا حبييييبي! هو إنت عشان اتجوزتني تبهدلني كده؟ لأ أنا هرجع بيت أبوياااا ده إيه المرمطة دي؟ بيخرجوني عن شعوري وأنا جوايا ست مؤدبة. ده إيه الناس دي!

سيف: خلصتي؟

أميرة: آه.

سيف: طيب.

نط من على السرير وشالني ابن المجنونة.

أميرة: أعاااااا ولااااا! ابعد يالا!

سيف: لأ.

أميرة: وحياة أمك نزلني!

سيف: ماشى.

نزلني وبدأ يقرب مني.

أميرة: سيف متتهورش ابعد.

سيف: تؤتؤ.

لسه بيقرب الباب خبط.

أميرة: ياااس! أنا ربنا بيحبني.

سيف: مين الكلب اللي جاي دلوقتي ده؟

راح فتح الباب وانصدم.

سيف: عمي.

أميرة بهمس: كلب ها؟ والله لأروح أقوله.

سيف: أبوس إيدك اكتمي.

أميرة: يا جبان.

محمد: عاملة إيه يا بنتي وحشتيني.

حضنته.

أميرة: وانت كمان يا بابا وحشتني أوي أوي. متسبنيش خدني معاك.

سيف: احاسبي ياخدك معاه فين يا ختي؟

محمد: إنت عملت حاجة في البت ولا إيه؟

سيف: يعني هعمل فيها إيه بس يا عمي.

نهى ومنى: لولولولولوللولى 🌸❤️ مبروك يا عرايس صباحية مباركة. لولولولولوللولى 🌸❤️

منى: مبروك يا حبيبتي. لولولولولوللولى 🌸❤️

أميرة: الله يبارك فيكي يا ماما.

سيف: حماتي بحضن.

منى: تعالي يا ولة.

محمد: إيه يا ولية هتعملي إيه؟

منى: هاحضن الولد.

محمد: أنا هاحضنه بدالك. تعال يا خويا.

أميرة: قشطة الحاج بيغير يا منمن.

سيف: اتفضلوا يا جماعة مش هنتكلم على الباب.

أميرة: أنا هاروح أجيب لكوا حاجة تشربوها.

دخلت المطبخ وكنت بجيب لهم عصير.

سيف: أساعدك في حاجة يا عسل؟

أميرة بخضة: أعاااااااا! أعوذ بالله! هو الواحد لما يخش مش يكح، يعطس حتى يموت. يا أخي خضتني.

سيف: هو إنتي ماينفعش تبقي بنت شوية؟

أميرة: يعني إنت مش شايفني بنت؟ طب طلقني.

سيف: إيه؟ أطلقك؟ طب...

إلهام: إيه يا ولاد اتأخرتوا كده ليه؟

سيف: جايين أهو يا ماما.

إلهام: ماشي يا ابني.

سيف: لما يمشوا أنا هوريكي.

طلعت له لساني.

أميرة: موت يا حمار.

سبته وهو كان هايموت من الغيظ. بصراحة أنا بحبه جداً وبحب أنكشه دايماً وألعبه، بحس بمتعة. نفسي أنا وهو نسكن في بيت صغنن في جزيرة لوحدنا والعنب طالع وريحة البحر هافة على رأي سعاد حسني.

أميرة: اتفضلوا.

نهى: تعالي يا أميرة نخش جوة عايزينك في موضوع.

أميرة: ماشي.

دخلت أوضتي أنا وأمي وأختي وحماتي وسلوى.

منى: قولولي يا بت.

أميرة: يا بت.

منى: هجيب الشبشب.

أميرة: خلاص أنا آسفة. عايزين إيه؟

نعمة: قولي إيه حصل.

أميرة: حصل فيه إيه؟

نهى: يابت احكي حصل إيه امبارح.

أميرة بكسوف: إيه لأ لا لا لأ إيه... هو اللي احكي اللي... حصل امبارح..... عيب يا جماعة.

سلوى: مش عيب. قولي بقى.

أميرة: لأ.

***

آسر: مبروك يا عريس.

سيف بضحك: مبروك يا أخويا.

عادل بهمس: ها عملت إيه؟

سيف: اكتم ياض.

أحمد: مبروك يا ابني.

سيف: الله يبارك فيك يا بابا.

أحمد: شد حيلك بقى عايز أشوف ولادك قبل ما أموت.

سيف: بعد الشر عليك يا بابا. وبعدين جيت أشوف عيالك قبل ما أموت ده بلدي أوي.

أحمد: والله إنت حلال فيك أميرة وعمايلها.

سيف: على قلبي زي العسل.

نهى: يلا بقى نمشي ونسيب العرايس لوحدهم شوية.

آدم: لأ يا تيتة عايزين نقعد مع عمتو وجوثها (جوزها).

سيف: شطبنا يا حبيبي. فوت علينا بكرة.

نهى بضحك: ماشي.

أميرة: يلا باي.

وقفلنا الباب.

سيف: أطلقك ها؟

أميرة: استهدى بالله ومضيعش نفسك عشان واحدة متخلفة.

سيف: وهبلة كمان ياروحى.

أميرة: وزبالة وكل حاجة كمان. ابعد يا خويا.

قام شلني ودخل الأوضة.

أميرة: بحبك.

سيف: وأنا كمان بحبك.

***

منى: الولاد كان شكلهم حلو أوي.

محمد: آه ربنا يتمم لهم على خير يا رب.

منى: يارب. وكمان نفرح بـ نعمة وميادة.

محمد: يارب.

سلوى: احكيلي بقى إيه اللي حصل امبارح.

نعمة: حاضر.

فلاش باك.

نعمة كانت ماشية في خبطت في شخص.

نعمة: أنا آسفة والله مكنتش أقصد.

علي: لأ ولا يهمك. أنا علي صاحب عادل أخو العروسة.

نعمة: تشرفنا. أنا نعمة أخت العروسة.

علي: إنتي أخت عادل؟

نعمة: آه. مالك في إيه؟

علي: أصل مكنتش أعرف إنك جميلة كدة.

نعمة: أفندم؟

علي: أنا آسف. أنا مكنتش أقصد أضايقك.

نعمة: بعد إذنك.

علي: شكلها اتضايقت ولا إيه؟

نعمة خرجت برة القاعة عشان تشم هوا.

علي: أضايقك لو وقفت معاكي؟

نعمة: لأ أبداً. اتفضل.

علي: احم. أنا آسف يعني لو ضايقتك بكلامي جوة.

نعمة: ها؟ لأ أبداً. مدايقتش.

علي: أنا تشرفت بمعرفتك. وإن شاء الله أشوفك تاني.

باك.

نعمة: يابت ده بني آدم محترم ولذيذ وعسل ومؤدب أوي أوي.

سلوى: خلاص ياما. هي غمّزت ولا إيه؟

نعمة: لأ طبعاً.

فى الصباح

كنت بكلم نعمة في التليفون

أميرة: اعااااااا

نعمة: مالك يا مجنونة

أميرة: الحقينى الحقينى يا ختي

نعمة: في إيه يا بت خضيتيني

أميرة: أنا دلوقتي بعمل الأكل حلو

نعمة: حلو

أميرة: بس مش عارفة أعمله حلو

نعمة: مش فاهمة حاجة يعني عايزة مني إيه

أميرة: تيجي تساعديني

نعمة: ماشي اقفلي

وقفت

الباب بيخبط

نعمة خبطت على شقة سلوى

سلوى: خير يا نعمة في حاجة

نعمة: حالة طوارئ عند أميرة من الدرجة الأولى لازماً نلحقها

سلوى: تعالي يا ختي نساعدها

وهما طالعين لقوا ميادة طالعة على السلم

نعمة: فيكي الخير صحبتك بتولع جوة

ميادة: إيه هاتطلق

سلوى: يا شيخة تيفى من بوقك

ميادة: اتفوووو

نعمة: على فكرة هي قالت تيفى من بوقك مش تيفى في وشك

سلوى: ما علينا يالا عند أميرة

نعمة: أنا جبت معايا ميادة وسلوى وجينا

أميرة: ماشي يالا الحقوني

دخلوا المطبخ والتلاتة أول ما دخلوا شهقوا

القوا المطبخ متبهدل وبايظ بلاش أشرح لكوا

نعمة: ده إيه ده ولا مين ده ولا اسمه إيه

أميرة: دي فراخ بس متجبسة

سلوى: وده

أميرة: ده رز

ميادة: طب ماهو شكله حلو أهوه

أميرة: هو أه شكله حلو بس طعمه

التلاتة: ماااا

أميرة: يقرف

سلوى: ليه

أميرة: أصل حطيت سكر بدل الملح

ميادة: زي إسماعيل ياسين في الفيلم

أميرة: أه

نعمة: يا خيبتك يا ختي يا خيبتك

أميرة: في مشكلة أكبر

التلاتة: اااايه تاااااني

أميرة: قالي إنه جاي في السكة وقدامه ربع ساعة

نعمة: لأ براڤو عليكي

سلوى: طب حاولي تخليه يتأخر اعملي أي حاجة عشان نلحق نظبط الدنيا

أميرة: حاولت يا ختي على قد ما قدرت لحد ما زهق مني

ميادة: ده انتي مسبتيش فيلم ولا مسرحية غير واخدتي منها حاجات

الفراخ زي مسرحية سمير غانم والسكر زي إسماعيل ياسين في الفيلم يعني اعمل فيكي إيه

أميرة: معرفش بقى اتصرفوا لحسن والله أعايط

لقينا الباب بيخبط

سلوى: اوباااا

نعمة: حلاوتكم

ميادة: قشطة

أميرة: حلاوة وقشطة إيه دلوقتي أعمل أنا في الراجل ده

سيف: هي أميرة فين يكون شي طفشت

طلع مفاتيحه وفتح الباب

سيف: أميرة يا مرمر يا ولية انتي فين

خرجنا من المطبخ

أميرة: أنا هنا أهو يا حبيبي

نعمة: أهلاً يا عريس عامل إيه

سيف: كويس

ميادة: كنت فين لحد دلوقتي يا بيه

سيف: ميادة حبيبتي ابعدي عن البت متبوظيهاش عشان مبوظش وشك فاهم

ميادة: عيب عليك هو أنا بتاعة الكلام ده

سيف: أبداً

سلوى: احم مش نسيب العرسان لوحدهم بقى

نعمة: أه يالا سلام يا أميرة

أميرة بهمس: أبوس إيدك متسبينيش لأ الولا هاينفخني

نعمة: متخافيش يا حبيبتي يالا سلام

أميرة: سلام

أميرة: ٥ دقايق والأكل هيبقى جاهز

سيف: ماشي يا حبيبتي

بعد شوية

أميرة: يالا يا حبيبي الأكل جاهز

سيف: ماشي يا روحي

(يا ختي إيه المحن ده دي الواحدة مرارتها اتفقعت مش عاملين اعتبار للسناجل)

سيف: هو إيه ده

أميرة بخوف: دي دي دي فراخ ..... أه فراخ

سيف: فراخ

أميرة: أه كل يالا

سيف: حاضر

أميرة: ها الأكل حلو

سيف بقرف: امممم

أميرة: بقول الأكل حلو

سيف: أه أه يا حبيبتي

أميرة: طب كمل أكلك

سيف: ها

أميرة: كمل أكلك

سيف: حاضر ....... انتي مش هاتأكلي

أميرة: ها لأ مليش نفس

سيف: لأ مش قادر ....... وجرى على الحمام

أميرة: أنا طلبت أكل من برة

سيف: ماشي

____________________________________

بعد أسبوع

أميرة: بيبي

سيف: أنا بيجيلي تشاؤم من الكلمة دي

سيف: نعم

أميرة: هو انت ليه مش بتخون

سيف بصدمة: نعم ليه مش بخونك

أميرة: ما كل الرجالة بتخون مراتتها صح .... صح

سيف: يا حبيبتي ماشي بس الخيانة مش بتبقى بعد أسبوعين جواز

أميرة: نعم يا عرررر يعني انت عايز تخوني

سيف: لأ طبعاً بس عشان انتي هبلة فالازم أكلمك بنفس مستوى تفكيرك

أميرة: عارف ياض لو لقيتك بتخوني هاعمل فيك إيه

سيف: إيه

أميرة: عادي خالص هاقتلك وهاقتلها وهاقتل نفسي عشان مرحمكش ولا دنيا ولا آخرة

سيف: يا عبيطة أنا مش هاعرف أخونك لأنك حياتي روحي وكمان أنا لو لفيت مش هالاقي واحدة زيك انتي حاجة كده مالكيش مثيل مفيش منك اتنين فاهمة وهافضل أحبك طول عمري

حضنته

أميرة: وأنا كمان بحبك وعمري ماهبطل أحبك لأنك برضوا حياتي وكل حاجة انت أبويا واخويا وابني وصديقي انت كل حاجة

_________&&_______________________

بعد ٣ شهور

كنت قاعدة أنا وميادة ونعمة في البيت

أميرة بوجع: اااااه

ميادة: مالك يا أميرة

أميرة: مش عارفة بس بيجيلي مغص كده كل شوية

نعمة: طب هو الدوخة والصداع لسه بيجيلك

أميرة: اااااه مش قادرة

وجريت على الحمام

نعمة بقلق: أميرة افتحي يا أميرة

أميرة بعياط: بطني بتوجعني قوي

بعد شوية خرجت

ميادة: خير بقيتي كويسة

أميرة: أه شوية

نعمة: أنا هاروح أعملك حاجة دافية تشربيها

أميرة: ماشي

ميادة: على فكرة لازما تروحي عند الدكتورة

أميرة: لأ دكتورة إيه أنا إن شاء الله هبقى كويسة

نعمة: اتفضلي

أميرة: شكراً اااااا وأغمى عليها

نعمة: أميرة

ميادة: أميرة فوقي هاتي مية بسرعة

نعمة: طيب طيب

نعمة: أهي

ميادة: يالا فوقي بقى

نعمة: أهي فاقت

ميادة: الحمد لله

نعمة: لازما ناخدك عند الدكتورة بسرعة عشان نعرف عندك إيه

أميرة بتعب: ماشي

___________________________________

الدكتورة: اتفضلي بتشتكي من إيه

أميرة: بيجيلي مغص كده في بطني وعلى طول عندي صداع وحاسة بدوخة

الدكتورة: امممم طب اتفضلي اقعدي هنا عشان أكشف عليكي

أميرة: ماشي

بعد شوية

نعمة: ها يا دكتورة عندها إيه

الدكتورة: مبروك المدام حامل

أميرة: وحياة أمك

الدكتورة: افندم

ميادة: معلش يا دكتورة هي متقصدش

الدكتورة: ماشي

نعمة: إحنا متشكرين جدا يا دكتورة

خرجت من عندها وأنا مش مصدقة نفسي ومش مصدقة أن أنا هابقى حامل كنت فرحانه أوي أوي ومش عارفة أعمل إيه وبفكر في رد فعل سيف هيبقى عامل إزاي

ميادة: أنا مش مصدقة نفسي، إنتي حامل بجد؟

نعمة: لأ جرافيك طبعاً، حامل بجد.

أميرة: أنا فرحانة أوي، بقولكم إيه؟ أنا عايزة أفاجئ الولا سيف. أفاجئه إزاي؟ أي أفكار؟

ميادة: ممكن تعمليله الأكل اللي هو بيحبه.

نعمة: وبرضه ممكن تزيني الأوضة بتاعتك ونعمل تورتة.

أميرة: ماشي، بس هاتساعدوني.

ميادة: أكيد.

نعمة: يا حلاوة يا ولاد، هبقى خالتو.

ميادة: آه، هتبقي خالتو هبلة.

نعمة: اتلمي يابت، إحنا في شارع، هنزعلك.

أميرة: كفاية رغي بقى ويلا نجيب الزينة.

نعمة: إلا صحيح، هو فين سي المحروس جوزك؟

أميرة: لأ أبداً، قالي أنا نازل أضيع شوية أنا وأصحابي.

ميادة: وإنتي واثقة فيه كده عادي؟

أميرة: آه عادي.

نعمة: ميادة حبيبتشي، اهدى شوية يا ماما على البت، مش كده.

ميادة: أنا قصدي أوعيها مش أكتر.

قعدنا نلف في المحلات وجبنا زينة على شكل بيبيهات وبلالين وكده.

أميرة: هنبدأ بإيه دلوقتي؟

نعمة: نبدأ بالأكل الأول.

أميرة: آه يا طفسة، ماشي.

أميرة: آه ثانية، أوعي تكوني يا نعمة قولتي لحد؟

نعمة: لأ، مقولتش حاجة.

أميرة: كويس، أنا هأقولهم بس مش دلوقتي.

ميادة: هي المكرونة بالبشاميل بتتعمل إزاي؟

أميرة: وإنا إيش ضراني؟

نعمة: هاتي ياختي التليفون ده، أومال هما عملوا النت ليه؟ جتكوا وكسة.

ميادة: حيلو، الطريقة أهي سهلة.

أميرة: أنا هاسلق المكرونة، وإنتي يا نعمة هاتعملي البشاميل، وميادة هاتعمل اللحمة.

ميادة: ماشي يا ختي.

نعمة: إيه ده؟ بس كده؟

أميرة: أومال عايزة إيه؟

نعمة: هاقولك.

شغلت مهرجان (اخواتشي اخواتشي 😂❤️).

ميادة: أيوة كده، خلي الواحد يشتغل وهو مبسوط.

أميرة: اخواتشي اخواتشي 😂. آه آه.

أميرة: عندي بحة في صوتي، بس إيه عسل.

نعمة: واحد كبدة وواحد سدق، وحتى البيبسي ماخدتش بوق.

بعد شويه.

أميرة: خلصنا أخيراً.

نعمة: فاضل الكيكة.

ميادة: ماشي، هات. نشوف طريقته.

بعد نص ساعة طلعنا الكيكة من الفرن.

نعمة بشهقة: يامصيبتي، غلطي مع مين يا موكوسة؟

طلعنا الكيكة من الفرن لقيناها منفوخة.

ميادة: هو في غيره؟ هو الفرن قليل الرباية.

أميرة: حطت راس الكيك في الشوكولاتة. أخص.

ميادة: هنعمل إيه في المصيبة دي؟

نعمة: عادتشى، هانقدمها كده، هانعمل إيه؟ هو مش هايلاحظ.

أميرة: طيب، لازم دلوقتي نروح نزين الأوضة.

ميادة: ماشي.

بعد شويه برضوا.

أميرة: الحمد لله خلصنا.

ميادة: الحمد لله. اتصلي بقى بـ سيف، شوفيه هاييجي إمتى.

أميرة: ماشي.

أميرة: أيوة ياحبيبي.

سيف: أيوة يا روحي، عاملة إيه؟

ميادة بهمس: ياختي، إيه المحن ده.

نعمة: أنا عارفة.

أميرة: شششششش.

سيف: إيه ده؟ هو إنتي معاكي حد؟

أميرة: ها؟ لأ أبداً يا حبيبي، أنا قاعدة لوحدي.

سيف: ماشي.

أميرة: إنت قربت؟

سيف: آه، نص ساعة وأبقى عندك، ليه؟ إنتي تعبانة؟

أميرة: لأ، وحشتني.

سيف: ماشي يا عسل...... سلام.

أميرة: سلام.

نعمة: تعالي بقى يا ختي نشوفلك حاجة تلبسيها.

أميرة: ماشي.

ميادة: حلو ده.

أميرة: لأ طبعاً، ده قصير أوي.

نعمة: نعم يا ختي، أومال إنتي بتلبسي إيه؟

أميرة: بيجامة عادي.

ميادة: هاتلبسي ده يا أميرة، يعني هاتلبسيه.

أميرة: ماشي، ماشي، يلا بقى روحوا عشان سيف قرب يجي.

ميادة: ماشي.

بعد نص ساعة.

سيف وصل وفتح الباب.

سيف: أميرة يا أميرة يا أميرة، إنتي فين؟

دخل الأوضة، وأول ما دخل حضنته.

أميرة: وحشتني.

سيف: إيه ده؟

أميرة: بص هناك كده.

كان مكتوب على الحيطة: مبروك هتبقى أب 💜😁 "Congratulations you wil be a father" 💜😁

سيف بصدمة: ده بجد؟

أميرة: آه، أنا حامل يا سيف.

حضني بقوة وفضل يلف بيا وهو مش مصدق نفسه.

سيف: إنتي حامل بجد ولا إنتي بتهزري؟

أميرة: طب وحياتك عندي، مش بهزر، أنا حامل.

أميرة: إنت بتعيط ليه؟

سيف: أصلي مش مصدق، أنا هبقى أب، هبقى أب بجد، أنا فرحان جداً ومبسوط.

وكل شوية يحضني ويلف بيا ويقول "أنا هبقى أب".

أميرة: طب تعالي شوف عملتلك إيه، بص.

سيف: إيه ده؟ مكرونة بالبشاميل؟ أوعي تكون زي الفراخ والرز.

أميرة: لأ، متخافش، كل براحتك يا معلم.

سيف: قصدك إنتي اللي تاكلي مش أنا.

شالني وقاعدني على السرير وجاب الأكل لحد عندي.

سيف: إنتي مش هاتتحركي من مكانك خالص.

أميرة: على فكرة عادي أتحرك، أنا في أول الحمل.

سيف: لأ، أنا مليش فيه، يالا كلي.

وبدأ يأكلني.

أميرة: سيب، أنا هاكل نفسي.

سيف: لأ، أنا هاكلك.

أميرة: أيوة، بس أنا عاملة الأكل ده عشانك.

سيف: أنا مش مهم، أهم حاجة إنتي والبيبي.

أميرة: بحبك يا سيف.

سيف: وأنا كمان يا قلب سيف.

____________________________________

بعد يومين.

العيلة كلها كانت معزومة عند بيت عمي أو حمايا اللي تحبوا.

أميرة: جماعة، في خبر هام وعاجل جداً عايزين نقوله.

أمنية: خير يا بنتي، في حاجة؟

أميرة: متخافيش يا ماما، خير.

أميرة: تقول إنت ولا أقول أنا؟

سيف: قولي إنتي.

أميرة: احم احم، جاهزين؟

أمنية: يابت قولي، هاديكي بالشبشب.

أميرة: لأ، وفري الشبشب ده لأحفادك الجايين.

أمنية: ما أهم أحفادي قاعدين جنبي.

أميرة: لأ، أنا مش قصدي على دول.

نهى: حيرتينا يابنتي، في إيه.

أميرة: ماشي، خلاص يا جماعة... أنا "حامل".

نهى: إيه؟ إنتي بتتكلمي جد؟

أميرة: آه والله، حامل.

أمنية: لولولولولوللولى 🌸❤️ مبروك مبروك، أنا مش مصدقة.

سيف: ولا أنا كنت مصدق أصلاً.

محمد: مبروك يابنتي.

قمت حضنته.

أميرة: الله يبارك فيك يا بابا.

أحمد: مبروك يا أميرة.

قمت حضنته برضه.

أميرة: الله يبارك فيك يا عمي.

سيف شدني.

سيف بغيرة: مش كفاية أحضان بقى ولا إيه؟

أحمد: يا واد، أنا أبوك، بتغير من أبوك؟

سيف: وحياتك، بغير عليها من أمي.

الكل ضحك.

بليل في منتصف الليل.

أميرة: بيبي.

سيف بنعاس: امممم.

أميرة: انت نايم؟

سيف بنعاس: هو بنسبة للسؤال فا انا عاجز على الرد.

أميرة: يا حبيبي اصحى معايا.

أميرة: يابيبي.

سيف بنعاس: امممم.

أميرة: انت بتحبني؟

سيف: الله يخربيت دي هرمونات هاتطلع علي.

سيف: أيوة يا حبيبتي بحبك.

أميرة: لأ انت مش بتحبني انت أكيد بتخوني.

سيف قام وقرب منها.

سيف: يا حبيبتي انا بحبك وعمري ما هبطل أحبك وعمري ما هخونك فاهمة؟

سيف: فاهمة.

أميرة: فاهمة.

حضنها.

سيف: ربنا يكملك بعقلك يا حبيبتي.

سيف: يلا انام أنا بقى عشان تعبان.

بعد شويه.

أميرة: سيف..... يا سيف.... يا سييييييف.

سيف: اييييييه نعم عايززززززة منى ااااااايه؟

أميرة: انت بتزعقلي ليه؟

وبدأت تعيط.

سيف بحب: خلاص يا حبيبتي بلاش عياط عايزة ايه؟

أميرة مسحت دموعها زي الأطفال.

أميرة بابتسامة: عايزة اكل انا جعانة اوووووى.

سيف: بجد؟ طب القمر بتاعنا عايز ياكل ايه؟

أميرة بتفكير: اممممم.... عايزة مكرونة بالبشاميل.

سيف: نعم؟ مكرونة بالبشاميل؟ دلوقتي؟ انتي عارفة الساعة كام؟ الساعة ٣ الفجر.

أميرة بطفولة: مليش دعوة انا عايزة مكرونة بالبشاميل دلوقتي هاس.

سيف: ماشي خلاص يا روحي هاروح أعملك اللي انتي عايزاه.

أميرة: استنى.

سيف بضيق: ايه تاني؟

أميرة: عايزة شوكولاتة وفراولة وايس كريم.

سيف بصدمة: نعم؟

أميرة: على فكرة في دبانة دخلت في بوقك.

قفل بوقه وكمل.

سيف: ماشي.

سيف بهمس: ما كانتش جوازة اتجوزتها دي ياربى اللي هاتيجي على دماغنا.

أميرة: بتقول حاجة يا حبيبي؟

سيف: ها لا أبداً يا روحي بقول بحبك.

أميرة: وأنا كمان بحبك.

بعد شويه.

سيف: اتفضلي يا ستي جبتلك كل اللي انتي عايزاه.

بوسة من خدها.

أميرة: شكراً يا حبيبي.

قعدت تاكل وكأني في فجاعة وأحشر الأكل في بوقي بلاش أشرح لكم.

أميرة: تاكل؟

سيف بقرف: لأ لأ شكراً.

أميرة: ماشي.

_______________________________________

بعد أسبوع.

نهى: مالك يابني شكلك متغير.

سيف بتعب: أميرة مطلعة عيني، بتطلع القديم والجديد عليا، دي مرة قالتلي هات اعملك ساعة وأنا مش فاهم هي قصدها إيه وادتلها إيدي وعضتها جامد وبتقوللي في الآخر شوفت الساعة شكلها حلو إزاي.

نهى بضحك: بصراحة تستاهل كل اللي بيحصلك، هاتربيك من أول وجديد.

سيف: حتى انتي كمان يا ماما.

سيف: أنا ماشى.

نهى بضحك: خد بس خد ياول.

سيف: لأ أنا هامشي.

سيف فتح الباب وانصدم.

سيف: إيه ده؟

كنت عاملة له جو رومانسي كدة.

أميرة: بصراحة بقى لقيتك بتتعب معايا فقلت أكافئك.

سيف: وأحلى مكافأة من أحلى واحدة.

أميرة بكسوف: احم يلا عشان تاكل.

سيف: ماشي.

سيف: بقولك إيه؟ إيه رأيك بعد ما ناكل نشغل فيلم.

أميرة: قشطة.

أميرة: وهعمل فشار.

سيف: أيوة ما انتي بتاكلي، هاتأكلي فشار كمان؟

أميرة: أيوة ما أنا هاجوع وأنا بتفرج على الفيلم.

سيف: لأ ما شاء الله.

بعد شويه.

سيف: ها نشغل إيه؟

أميرة بتفكير: اممممم...... ديزني... أفلام ديزني.

سيف: نعم؟ كرتون؟ هو أنا متجوز بت اختي؟

أميرة: أنا عايزة كرتون.

سيف: ماشي ماشي يا آخرة صبري.

أميرة: وعملك الأسود.

سيف: قصدك عملي القمر العسل السكر؟

أميرة: احم احم خلينا في الفيلم.

سيف: ماشي يا ستي عايزة إيه؟

أميرة: اممم ربانزل.

سيف: ماشي.

أميرة بطفولة: هيييييه.

وقعدت تسقف.

سيف: والله متجوز بت اختي.

بعد نص ساعة.

سيف: بتعيطي ليه دلوقتي؟

أميرة بعياط: الساحرة الشريرة قتلت يوجين. (أنا مش عارفه اسمه إيه 😂)

سيف: الله يخربيت الهبل.

بطبطب عليها.

سيف: معلش يا حبيبتي ربانزل هاتقتلها دلوقتي.

أميرة: ماشي.

سيف: الحمد لله الفيلم خلص. أجيب بقى فيلم رعب.

أميرة: رعب؟ رعب إيه؟ أنا بخاف من خيالي. تقول لي رعب؟

سيف: لأ بقولك إيه زي ما فرجتيني على كرتون هاتتفرجي معايا على الفيلم.

أميرة: حاضر حاضر.

أووووف.

سيف: استنى بقى أضلم الدنيا عشان العفاريت ياخدوا راحتهم في الشقة.

أميرة: سيف لم نفسك لحسن والله أعطيط وأدعي عليك.

سيف بضحك: خلاص خلاص.

بعد ما الفيلم خلص.

أميرة: إيه الرعب ده.

أميرة: أنا عطشانة.

سيف: طب ماتروحي تجيبي مية.

أميرة: لأ بخاف.

سيف: طب عايزة مني إيه؟

أميرة: تروح تجيبلي أشرب.

سيف: ماشي.

ولسة هايقوم.

أميرة: استنى خدني معاك أنا خايفة.

أميرة: وقفت ليه؟

سيف: أصل أنا خايف.

أميرة: وحياة أم*ك.

في الصباح

أميرة: أنت يالا اصحى، احنا بقينا العصر.

أميرة: ولا اصحى... أنت مت ولا إيه؟

أميرة: الله يخربيتك، خرّيت نايم على السرير. ماشي، أنا هاعرف إزاي أصحيك.

وراحت جابت إزازة مية ساقعة وحطت فيها تلج.

أميرة: استنى أشرب الأول.

أميرة: واحد... اتنين... تلاتة... استعانة على شقاي بالله.

وكبتها عليه.

سيف: آآآآه... يابت التيت! والمصحف يا أميرة، لندمك على اللي إنتي عملتيه ده.

وطلعت تجري.

أميرة: استهدي بالله، أنا غلط عليا الحركة الكتير، بلاش كده.

سيف بعصبية: ولما هو غلط يا جزمة، بتعمليه ليه؟

أميرة: اهدى بقى، متبقاش أفوش كده يا برنس.

وبدأ يقرب منها.

سيف بعصبية: أميرة، متجننيش.

أميرة: يا حبيبي، إنت مجنون على طول.

راح ماسكها.

أميرة بتمثيل: آآآآه.

سيف بخوف: مالك يا أميرة؟ إيه اللي حصل؟

أميرة: بطني بتوجعني أوي.

سيف: بجد؟ طب استنى.

شلّها وقعدها على الكنبة.

سيف: اقعدي هنا ومتتحركيش.

أميرة: شكراً يا حبيبي.

سيف: بيبي، بعد كده لما تيجي تمثلي، مثلي كويس يا جزمة.

أميرة: إيه ده؟ إنت مصدقتش؟

سيف: لأ طبعاً، عشان تمثيلك زبالة يا جزمه.

أميرة: بأمانة؟

سيف: أيوة أمانة...... نتكلم جد بقى.

سيف: إنتي معادك مع الدكتورة إمتى؟

أميرة: النهاردة كمان ساعتين ونص.

سيف: ماشي، نلحق نلبس.

أميرة: بقولك إيه ياض، إني جلجانة.

سيف: قلقانة ليه؟

أميرة: مش عارفة، بس المشوار بتاع الدكتورة ده مخليني قلقانة.

سيف: لأ متخافيش، هو عشان إنتي هبلة وطيبة بس.

أميرة: تصدق ياض إنك خرّيت.

سيف: بصي، أنا ولا هامد إيدي ولا هاشتم ولا هازعق...... بس بعد ما تولدي.

أميرة: مش يلا نلبس بقى قبل ما الولية تطردنا؟

سيف: ماشي.

***

أميرة: ها يا دكتورة، فيه حاجة؟

دكتورة: لأ الحمد لله، صحة الجنين كويسة جداً.

سيف: طب هو نقدر نعرف جنس المولود إيه؟

دكتورة: لأ مش دلوقتي، يعني كمان شهرين كده بكتير.

سيف: ماشي، شكراً يا دكتورة.

خرجنا من العيادة.

سيف: الدكتورة دي قمر أوي، بتكلم بذوق وآدب كده، عسولة خالص.

أميرة بغيرة: لا إله إلا الله، يعني أطلع أقتلها بقى دي ولا إيه؟

أميرة: اسمع يلا، إنت ماتجيش معايا عند راجل المعزة دي تاني، فاهم؟

سيف بخوف: حاضر يسطا.

أميرة: يالا بقى، اعزمني على حاجة أكلها.

سيف: نعم؟ أعزمك...... ماشي، أمري لله. عايزة تروحي فين؟

أميرة: في نو......

سيف: ماشي.... اتفضلي اقعدي في العربية يا فندم.

أميرة: شكراً، سوق بقى بسويس بسويس.

سيف: بسويس بسويس...... ماشي يا ختي.

بعد شوية.

سيف: ها يا ستي، عايزة إيه؟

أميرة: لو سمحت.

الجرسون: أيوة يا فندم.

أميرة: عندكوا بيتزا؟

الجرسون: آه يا فندم، عندنا.

أميرة: ماشي، عايزة اتنين بالفراخ.

الجرسون: تحبي يا فندم البيتزا تكون.... small..... medium..... large؟

أميرة: هاتلي أكبر واحدة.... ماشي، وعايزة تلاتة كريب.... وووواربعة شاورما فراخ وواحدة بيبسي كبيرة.

أميرة: تاخد حاجة يا حبيبي؟

سيف: ها، ولا حاجة، مية مية لو سمحت.

الجرسون بيبص لسيف بصدمة وبيقوله: أجيب؟

سيف: روح جيب الحاجة.

الجرسون بصدمة: حاضر.

سيف: ما شاء الله عليكي يا حبيبتي، باين عليكي إن نفسك مسدودة.

أميرة: اه والله يا حبيبي، نفسي مسدودة خالص، مش باكل كويس خالص.

سيف: اه، ماهو باين.

سيف بهمس: أنا عملت إيه ياربى عشان يجرالي كل ده؟ أكيد دي ذنوب، اه ذنوب.

الجرسون: اتفضلي يا فندم.

***

في مكان تاني.

أو في السجن.

مايا: ها، قولي بقيت الأخبار.

حسن: أنا براقبوا هو ومراته بقالي ٣ شهور، مافيش جديد. بس ااااا.

مايا: بس إيه؟

حسن: احم، البت حامل.

مايا: إيه؟ حامل؟ لأ لأ، متقولش كده...... أنا أنا المفروض أبقى مكانها، مش هي. أنا المفروض أبقى حامل مش هي. المفروض تموت، تموت. لازماً أخلص منها.

حسن: إنتي لسه بتحبيه؟

مايا ساكتة ومش بترد، بتعيط بس.

حسن: ردي، لسه بتحبيه؟

مايا بعياط: أيوة، أيوة، لسه بحبه ومش عارفه أكره. ارتحت خلاص.

حسن: ليه؟ ليه بتحبيه؟ عملك إيه يخليكي تحبيه بالشكل ده ومش قادرة تنسيه؟ أنا أنا اللي بحبك مش هو. شوفي أنا بعمل إيه عشانك، وهو بيعمل عشان يخلص منك، وبعد كل ده لسه بتحبيه، مع إنه سبب في حبسك هنا.

(نعرفكم حسن مع سيف في الكلية بيكره جداً عشان أحسن واحد في الجامعة وناجح، واللي خلاه يكره أكتر مايا لأنه بيحبها أوي، ولما عرف إنها بتحبه أوي لدرجة إنها في لحظة كانت هاتضيع شرفها، خلاه يكره أكتر ويتمنى له الأذية).

مايا بعياط: بس بس بس...... اسكت خالص، مش عايزة أتكلم في الموضوع ده. أهم حاجة دلوقتي هي البت اللي متجوزها، لازماً تموت هي واللي في بطنها.... فاهم؟

مايا: لازم تخلص منها ياحسن.

حسن بوجع: حاضر يا مايا...... أوعدك إني هاخلص منها في أقرب وقت.