رواية احببت ابن خالتى الفصل الثالث 3 - بقلم هوما مسعد

انجى: ف أي يا بيه؟ مصطفى: هي دي عيونك. انجى بكسوف: اومال عيون مين يا بيه؟ مريم: احم احم. مصطفى: انتي مش جدعة، أفكري يا ماما. انجى انسحبت من قدام مصطفى وجريت جنب خالتها. عند بيت السواعدي. رويدة: (بنت عم انجى، لكن مش بتحبها خالص وبتغير منها عشان انجى بتملك جمال برايفيت) عمي، أنا عارفة انجى هربت ليه. أحمد: منا عارف، عشان مش عايزة تتجوز اللي أنا جبتهولها. رويدة: لا يا عمي، مش كده. أحمد: طب متقولي، اخلصي.

رويدة: انجى غلطت مع حد يا عمي، وعشان تصلح غلطتها هربت مع الخاين، حبيبها. جرى الدم بعروق أحمد. أحمد بعصبية: والله لو طلع كلامك صح لهدفنها وهي عايشة. رويدة بخبث: أنا مش بقول حاجة إلا وأنا متأكدة منها يا عمي. فاطمة: انتي بتقولي إيه يا حيوانة؟ بنتي أشرف منك. أنا سمعت كل حاجة. وانت يا أحمد هتصدق الوسخة دي؟ ما انت عارف إنها بتغير من انجى. أحمد: مش عايز أسمع اسمها هنا تاني.

رويدة عندها حق، بنتك جابت لنا العار ولازم أغسل عاري. فاطمة بدعاء: بنتك عمرها ما تعمل حاجة غلط، دي تربيتك. أحمد بحزن: ياريتني مربيتها، فين تربيتي؟ في الآخر تهرب. رويدة: أكيد حامل. هووب، أخد قلم على خقتها. فاطمة: اخرصي يا حيوانة، انتي عارفة نفسك بتتكلمي عن مين. أحمد، أوعى تصدقها، دي بتكذب عليك. رويدة بمكر: يا عمي، أنا مش قصدي حاجة، دي حاجة على سمعة العيلة. والله انجى أكيد في خطر دلوقتي.

أحمد: أنا هقلب عليها الدنيا، لازم أجيبها، وساعتها هعرف أنا هعمل معاها إيه. نروح عند عصفير الحب. مريم: انجى حبيبتي. انجى: نعم يا خالتو. مريم: الجو برد يا حبيبتي، وانتي مش جايبة غير لبس صيفي. روحي واشتري شوية لبس. انجى بخجل: لا يا خالتو شكراً، مش عايزة. مريم: حد يقول لخالتو مش عايزة؟ يلا بقا روحي. نور: السلام عليكم. الاثنين: وعليكم السلام. نور: أنا كنت نازل للمول، تعالي هاخدك معايا.

انجى: لا يا بيه، متتعبش نفسك، أنا هاخد تاكسي. مريم: روحي معاه يا انجى، انتي متعرفيش حد هنا. انجى: حاضر يا خالتو. هطلع أغير هدومي. طلعت بعد ربع ساعة بس ونزلت على طول، أصل انجى مش محتاجة حاجة عشان تطلع حلوة، لبست دريس فضفاض لونه أسود مع خمار. انجى: أنا جاهزة. نور تنح من تواضع لبسها، ولكن كانت قمر مش بنى آدمة. ما شاء الله. وكان بيبص حوالين نفسه خايف من مصطفى. مريم: خدي ي حبيبتي الفلوس دي. انجى: لا يا خالتو، معايا.

مريم: خديهم مع اللي معاكي. ومريم كانت عارفة إنها مبجبتش فلوس معاها. نور: مش يلا بقا. انجى برقة: يلا. وصلوا للمول. نور: تعالي، أهو محل لبس يناسبك. انجى: تمام. اتفضل حضرتك يا بيه، وأنا بعد ما أخلص هستناك بره. نور: لا، مش هينفع أسيبك، انتي شوفي عايزة إيه وأنا هستناكي هنا. انجى: حاضر. احيي، دا مصطفى لما يعرف هيعمل مصيبة. لا ماليش دعوة أنا. مصطفى: مامااا ماما. مريم: إيه فيه إيه؟

مصطفى: طلعت أشوف انجى عايزة إيه عشان كنت نازل، ملقتهاش. مريم: انجى نزلت مع نور للمول يجيبوا شوية حاجات. مصطفى عفريت الدنيا بقت قدام وشه. نزلت إزاي من غير ما تقولي؟ مريم: وتقولك ليه؟ مصطفى بتوتر: قصدي تقولكم. مريم: أنا اللي قلت لها تروح. مصطفى: ولي مصحتنيش أنا أروح معاها؟ هكلم نور أشوفهم في أنهي مول. نروح نطمن على بيت السواعدي. أحمد: أنا عرفت نور ممكن تكون فين. معتصم: (ابن عم انجى) حضرتك عارف يا عمي، متقول هتكون فين.

أحمد: عند خالتها في مطروح. معتصم: من امتى انجى عندها خلات؟ أحمد: دا موضوع كبير، مش وقته. فاطمة بخوف: لا، انجى مش عند مريم. أحمد: يعني انتي عارفة انجى فين؟ فاطمة: لا مش عارفة، بس انجى متعرفش خالتها ولا عمرها شفتها. أحمد: هنزل مطروح وهشوف. معتصم: نازل معاك يا عمي. أحمد: يلا. فاطمة: الووو، أيوه يا مريم، الحقيني، أحمد جايلك مطروح وهيخد انجى، بالله عليكي متخليهوش ياخدها، هو لو أخدها هيموتها.

مريم: اهدى بس، اهدى، متخفيش، مش هيخدها مني، انجى دي بنتي. فاطمة: ماشي يا حبيبتي، سلام. وصل مصطفى المول. مصطفى بعصبية: انجى، انتي ليه مقولتليش عشان أنزل معاكي؟ ها؟ لي؟ وشدها من إيدها جامد. انجى بدموع وهي أصلاً مش عارفة مصطفى ليه بيتكلم كده: ي بيه، أصل بيه نور كان نازل للمول وخالتي قالتلي خلاص روحي معاهم. مصطفى بص على نور اللي كان متابعه وبيضحك. نور: آسف والله، أنا قلت آخدها معايا في طريقي عشان هي مش عارفة حد.

مصطفى شاف انجى وهي ماسكة إيدها اللي احمرت و بتبكي. قرب منها عشان يشوف إيدها.