رواية احببت احدهم الفصل الخامس 5 - بقلم دنيا حسن

نادية: أهلًا أهلًا ست كارما كسرت اجازتها وحنت عليا وجت. الدنيا حصل فيه إيه؟ كارما: إيه يا دودا الدخلة دي بدل ما تاخديني بالحضن كده وتقوليلي ميس يو ميس يو؟ نادية: ميس يو الله يرحم المرحوم كان بيشربها بالخرطوم على أساس إنه شاليمو. كارما: الله الله، جرى إيه يا دودو؟ ما تهدّي عليا كده، دا انتي حتى وحشاني. نادية: يلا يا بكاشة، لو وحشتك كنتي سألتي عليا، دا انتي حتى ما عبرتنيش غير مرة لما سافرتي.

كارما باست إيدها ورأسها: والله وحشتيني يا ست الكل. نادية: وانتي كمان والله يا حبيبتي، كنتي ماسكة عليا البيت واخوكي من ساعة ما سافر ومحدش يعرف عنه حاجة. كارما: ربنا يطمنا عليه يا حبيبتي، إن شاء الله خير. هقوم أنا بقى أحط هدومي وأخد دش وأنااااام، محتاجة أناام. نادية: كارما انتي كويسة؟ كارما بابتسامة: أنا زي الفل. دخلت أوضتها وافتكرت كل اللي حصل معاها من أول ما شافت حسام لحد ما سمعته ونزلت دمعة من عنيها.

قالت: "الآن أرخيتُ يدي من كُل شيء.. أسألك الأمان والسَّكينة. يارب.♥️" أخدت دش واتوضت وصّلت. "الله على الراحة اللي أنا فيها بجد، بقالي كتير مصليتش، فعلًا الصلاة طمأنينة وراحة، اللهم ثبتني على دينك وصلاتك يارب." ونامت. خالد: السلام عليكم. فريدة: وعليكم السلام. خالد: قاعدة لوحدك ليه؟ فين كارما؟ فريدة بزغرة: سافرت. خالد بصدمة: سافرت ليه؟ فريدة: معرفش، قالت شغل. خالد: ممممم، ربنا معاها. أنا كلمت أهل رنا وحددت معاهم ميعاد.

فريدة: ماشي يا حبيبي، ربنا يكملك على خير بإذن الله. حسام: عاوز رقم **** ضروري، خمس دقايق ويكون عندي. أمير: حاضر يا فندم. بعد ربع ساعة اتصل أمير بحسام. أمير: اتفضل يا فندم رقم.... وبتشتغل في ******. حسام: الله ينور عليك يا ميرو. أمير بضحك: ياباشا والله هيبتي هتروح لو حد سمعها. حسام: جرى إيه يا ميرو؟ هو أنا بقولك كتكوت؟ أمير وحسام ضحكوا وقفلوا. حسام: احم، مساء الخير. مجهول: مساء النور.

حسام: أنا بقالي كتير واخد بالي منك ومعجب بيكي، وحابب اتقدملك. مجهول: ممكن اعرف مين حضرتك؟ حسام: اسمي حسام، وياريت لو أجيلك بعد الشغل ونتقابل ونتكلم وأفهمك ظروفي. مجهول: تمام، مفيش مشكلة. خالد: روني حبيبتي عاملة إيه؟ رنا: تمام، وانت؟ خالد: مالك متغيرة؟ رنا: لا أبدًا، مشغولة بس. خالد: وحشتيني. رنا: وانت كمان يا قلبي. بنت خالتك عاملة إيه؟ خالد: سافرت. رنا: أحسن. خالد: تاني يا رنا؟

رنا: لا تاني ولا تالت، أنا هروح أكمل شغلي. باي. خالد: باي يا رنا. حسام جت في باله كارما وهو فعلاً معجب بيها ووحشته، وجرب يرن عليها. كارما بنوم ردت من غير ما تشوف مين. كارما: الو. حسام: وحشتيني. كارما قلبها دق وبصت للفون لقته حسام. كارما: عاوز إيه يا حسام؟ حسام: هديتي ولا لسه؟ كارما: حد قالك إني مجنونة؟ حسام: ولو مجنونة فانتِ أحلى مجنونة. كارما ابتسمت من غير ما تبين. حسام: ضحكت حلوة على فكرة. كارما: ما ضحكتش.

حسام: أصلًا. كارما: أصلًا. حسام: هقفل دلوقتي عشان عندي شغل ضروري وهكلمك تاني عشان عاوز صارحك بحاجة وأفهمك كام حاجة كده. كارما: اممممم، طيب. حسام: هتوحشيني على فكرة. كارما: بباي. حسام: حقك يا جميل تدلع، هخلص وأكلمك. باي. كارما قفلت وحست إنه صادق، وإنها كانت مفروض تسمعه، وفكرت: "ياترى هيقولها إيه؟ ياترى حسام بيلعب على مين؟ كارما ولا اللي هيقابلها؟ ياترى مين اللي هيقابلها، ودا اللي هنعرفه في بارت جديد بليل.