رواية احببت اخر الفصل الثالث 3 - بقلم منة محرم

عند مراد ريم: اتاخرت كده ليه يا مراد؟ مراد: كنت بتغدا مع واحد صحبي، ما قولتيش. ريم: طيب ياحبيبي، الميس بتاعت ميار كانت هنا انهارده. مراد: حصل حاجة ولا إيه؟ ريم: لا، أنا اتاخرت عليها فا جبتها هنا. مراد: اتاخرتي عليها ازاي؟ ريم بحزن: معرفش ازاي اتاخرت عليها والله. مراد: قولتلك أجيبلك سواق، مسمعتيش الكلام، وقولتي أجيب خدامة بدل ما بتتعبي نفسك.

ريم: يا حبيبي، أنا هنا أنا واختك بس، افرض طلع مش كويس وأنت مش معانا يعمل فينا حاجة، أنا بخاف، وكمان الخدامة افرض مش كويسة، أنا بحب أعمل كل حاجة بنفسي. مراد: طيب، الي يريحك. هي نامت؟ ريم: آه، نامت على رجل الميس، طلعت متعلقة بيها أوي، والصراحة الميس تتحب، أنا حبيتها أوي. مراد: مممممم، طيب أنا هخش أبص عليها وهطلع أنام. يلا، تصبحي على خير. ريم: وانت من أهله يا حبيبي. عند ميلا ميلا وهي

بتخبط على باب أوضة مصطفي: مصطفي، أنت نمت؟ مصطفي: لا، خشي. ميلا: احم. مصطفي: عايزة إيه؟ ميلا بتوتر: أي حركة غدر منك، هصوت وألم الناس، اتفقنا. مصطفي: يبقا هتقولي مصيبتي. ميلا: أنا بحب الواد حسون. مصطفي: الي في كرتون بكار؟ طب ما أنا كمان بحبه، ده عليه واحدة يا بكار، عسل عسل، هههههه. ميلا: شكلك غبي بقه وهتقرفني. مصطفي: بنت عيب، أنا أخوكي الكبير. ميلا: يبني، بحب الواد حسن أخو آية.

مصطفي بصدمة: نهارك أحمر وأخضر. وأنا أقول البت كانت فاتحة بقها وسرحانة ليه، أتااااااار. ميلا: مصطفي، اعقل كده ونزل إيدك، شعري بيوجعني، بدل ما أصوت وأقول لأمك إنك بتحب البت آية. مصطفي: قول لها، وأنا هقول لها إنك بتحبي حسونة، قصدي حسن. ميلا: وانت معاك دليل؟ مصطفي: قال يعني انتي معاكي دليل. ميلا طلعت موبايلها وفتحت الكاميرا: بص هنا كده، أكتر حد بتحبه مين؟ مصطفي: دي لعبة. ميلا بخبث: آه، آه.

مصطفي: أكتر حد بحبه بعدكم طبعًا، البت آية جارتنا. ميلا قفلت الفيديو: بس كده، أنا معايا الدليل، هروح بقه أفتن عليك. مصطفي: خلاص، اتنيلي، أنا سامعك ومش هقولها حاجة. ميلا: كده أحبك. بس خلي بالك، أي حركة غدر، وروحت فتنت عليا، هوريها الفيديو. مصطفي: طب وهو بيتنيل يحبك. ميلا: مش عارفة. مصطفي: طب هنعمل إيه؟ ميلا: مش عارفة. مصطفي: طب قومي نامي، كفاية عليا دماغي. ميلا: مش عارفة. مصطفي: ونبي، انتي علقتي، بقولك قومي نامي.

ميلا: تصبحي على كابوس شبه وشك. مصطفي: حبيبتي أنا وانتي يارب. تاني يوم مراد: ريم، اصحي يا ريم. ريم بتعب: اايوه. مراد: ريم، مالك؟ ريم: مش عارفة، تعبانة أوي. مراد: مالك فيكي إيه؟ ريم بتعب: هقوم أودي ميار وهبقا كويسة. مراد: لا، اقعدي، انتي دايخة خالص. ريم: لا، متقلقش. وقامت بس داخت، ومراد مسكها. مراد: نامي، نامي، انتي حرارتك عالية أوي. ريم بتعب: شكلي واخده برد.

مراد: طيب، نامي. هودي ميار الحضانه واجبلك دوا من الصيدلية، ولا أقعد معاكي ومش لازم ميار تروح. ريم: لالاا، هي مش بتحب تغيب من الحضانه. مراد بخوف: طيب، طيب. أنا هوديها، ارتاحي انتي. ممكن؟ ريم: ححاضر، بس انت مش هتعرف مكان الحضانه. مراد: قوليلي عنوانها وهمشي على الجي بي إس. ريم: شارع******. مراد: طيب، هروح أصحيها بقه. ريم: ماشي يا حبيبي. مراد: في شوربة، صح؟ ريم: آه، في التلاجة. مراد: هسخنهالك. ريم: ماشي. بعد شويه

ميار: أيوه، هي دي الحضانه يا مودي. مراد: طيب، يلا ننزل. ميار: ريم هتيجي تاخدوني؟ مراد: لا، هاجي أنا. ميار بحزن: هي مالها يا مودي؟ مراد: ملهاش يا حبيبي، شوية برد، متقلقيش. ميار: طيب، أنا مبسوطة إنك جيت توديني انهارده. مراد: أول مرة أعملها، معلش يا حبيبي، ببقا مشغول في المستشفى. ميار: ولا يهمك. أهي ميس ميلا أهي. ونزلت جري عليها تحضنها. ميلا: ياروحي، عاملة إيه؟ مراد ونزل من العربية: ميار، خدي مصروفك.

ميار: مودي، دي ميلا الميس بتاعتي. مراد: ازيك يا آنسة ميلا؟ ميلا: الحمد لله. مراد وهو بيبوس ميار: يلا يا ميار، عايزة حاجة؟ ميار: سلامتك يا مودي. مراد: ميار، معادها امتى تخرج من الحضانه؟ ميار: الساعة واحدة. مراد: تمام. عايزة حاجة يا ميار؟ ميار: سلامتك يا مودي. بعد شويه ميلا: هو ده مين يا ميار؟ ميار: ده أخويا الكبير. ميلا: مممم، طب وهي ريم فين؟ ميار: تعبانة. ميلا: يا خبر، تعبانة مالها؟

ميار: مش عارفة، بس مقدرتش تيجي خالص، حتى مودي هيفضل معاها ومش هيروح المستشفى. ميلا: هو دكتور؟ ميار: آه، وصاحب المستشفى. ميلا: مممم، طيب يلا. بعد شويه عند مصطفي مصطفي: الو، يامراد، مجتش ليه انهارده؟ مراد: إيه يا حبيبي، قاعد مع أختي، تعبانة أوي. مصطفي: ألف سلامة عليها، طيب هتيجي بكرة؟ مراد: إن شاء الله، لو اتحسنت، بس أنا كده كده مش هقدر أسيبها لوحدها. مصطفي: طيب، تمام، والف سلامة عليها، إن شاء الله هتكون بخير، متقلقش.

مراد: الله يسلمك. ريم بتعب: مرااد. مراد: طب سلام يا مصطفي، علشان ريم بتنادي، هكلمك m بعدين. مصطفي: سلام. مراد: أيوه يا ريم. ريم بتعب: ميار زمانها هتخرج، روح هاتها. مراد وهو بيبوسها من دماغها: ربنا يخليكي لينا يا حبيبتي ويشفيكي. ريم بابتسامة: ويخليك لينا. مراد: هروح أجيبها، بس خدي الدوا ده يلا. ريم: تمام، هاتوه. بعد شويه ميلا: ميار، أنا عايزة أشوف ريم. ميار: تمام، تعالي معايا، دي هتفرح أوي بيكي. ميلا: تمام.

ميار: أهو مودي جه. ميلا: طب، لا خلاص، روحي انتي، وأنا هبقا أروح لها وقت تاني. ميار: لا، تعالي، متتكسفيش، ده مودي طيب. ميلا: لالا، روحي انتي. مراد: اتاخرت عليكي يا قلبي. ميار وهي بتحضنه: لا. مراد: طيب، يلا. ميار وهي بتمسك إيديه: ميس ميلا عايزة تشوف ميار، بس مكسوفة منك. ميلا باحراج: ميار، إيه الي بتقوليه ده، احم، خلاص هبقا أشوفها وقت تاني. مراد: تقدري تيجي معانا، مافيش مشكلة. ميلا: لا، مش مهم.

مراد: لا، تعالي، وكمان ريم هتفرح أوي. ميلا: طيب. ميار بفرح: أنا مبسوطهه. بعد شويه مراد: يلا انزلوا. مراد بصوت عالي: ريممم، أنا جايبلك معايا مفاجأة. ريم بتعب: قولي بسرعة، يامراد، مش قادرة أقوم. مراد: طيب، بس غمضي عينك، هجبها وأجيلك. ريم: مغمضة. مراد: فتحي. ريم بفرحة: ميلاا، تعالي. ميلا وهي بتحضنها: ألف مليون سلامة عليكي يا قلبي. ريم: هتتعبي كده.

ميلا: مش مهم، المهم إني شوفتك. عاملة إيه لما ميار قالتلي إنك تعبانة، جيت علشان أطمن عليكي. ريم: كتر ألف خيرك يا قلبي. ميار بدموع: أنا مش قادرة أشوفك وانتي تعبانة كده. ريم: يا حبيبتي، أنا بخير، متقلقيش. ميار: لا، انتي تعبانة. ميلا وهي بتحضنها: هي هتبقا كويسة يا حبيبتي، متقلقيش، وبعدين انتي متعيطيش ولا تزعلي عشان ريم متزعلش وتتعب، صح؟ ميار: خلاص، مش هعيط. ميلا: أيوه كده.

مراد: تمام، بطلو نكد بقه. غمضي عينك، عشان عندي ليكي مفاجأة تاني. ريم: مش هتبقى أحلى من إن ميس ميلا جت. مراد: غمضي بس. ريم: اهو ياسيدي. مراد كان طلع علبة فيها سلسلة ألماس عليها اسمها: فتحي. ريم: عاااااا، إيه ده، سلسلة ألماس، انت بتهزر. مراد: أوعي بقه، البسهالك. ريم: بس دي بمناسبة إيه يا بني؟ مراد: شكلك ناسيه إن عيد ميلادك بعد يومين. ميلا: ماشاء الله، ربنا يخليكو لبعض. كل سنة وانتي طيبة. ريم: وانتي طيبة يا حبيبتي.

ميلا في بالها: اهو ده الأخ، مش جون سينا اللي عندي في البيت. كته قرف من ساعة ما اتولدت مجبليش مصاصة حتى. ريم: ميلاا، سرحانة في إيه؟ ميلا بصوت عالي: كتك قرف. مراد: أفندم. ميلا: ها، لا والله، مش عليك خالص، أنا آسفة، أنا كنت بتكلم في بالي أصلاً، انتوا سمعتوني. مراد: مش فاهم. ميلا: متاخدش في بالك. ريم: مالك يا ميلا. ميلا: ها، أصلاً يعني، مكنتش أعرف إن عيد ميلادك بعد يومين وكده، ومجبتش حاجة، بس هعوضهالك.

ريم: ولا يهمك يا حبيبتي، عادي، أهم حاجة إني شوفتك. ميار: وسعو بقه لهديتي أنا. ريم: ههههه، وانتي كمان، طب كنت سبتيها يوم عيد ميلادي. ميار: مش مهم، غمضي عينك. ريم: ماشي ياستي، اهو. ميار وطلعت براويز كبير فيه باباها ومامتها وهي وريم ومراد. فتحي بقه. ريم بدموع: الله، ده حلو أوي. مراد بدموع: ميار، عملتيه إزاي وفين؟ فلاش باك مايا صاحبة ميار: بصي، خدي كارت من صورتي أهو، خليه معاكي، وابقي اديني كارت من صورتك، مش إحنا صحاب.

ميار لصاحبتها: الله، حلوة صورتك دي يا مايا. مايا: بابا بيعمل حاجات من دي كتير، ومطلعلي صور كتير أوي بأشكال حلوة، تصدقي إنه مخليني واقفة مع مامتي الله يرحمها، وأنا مكنش عندي صور تجمعني بيها خالص. ميار: طب أنا متصورتش خالص مع بابا ولا ماما، ممكن باباكي يعمل إني معاهم ومع مراد وريم أخواتي. مايا: آه طبعاً، بيعمل فوتوشوب للصورة بشكل طبيعي أوي، هاتي صوركو، وأنا هخليه يعملها.

ميار: حاضر، هبقا أجيب كروتكم كلنا الصغيرة، وهو بقه يتعامل معاها، بس عايزها بسرعة عشان عيد ميلاد ريم. مايا: حاضر. باك مراد وهو بيشيلها: إيه الدماغ دي. ميار: كان نفسي صورة تجمعنا ببابا وماما، وأهو عملتها. وكمان أنا فضلت أحوش وأديت عمو تمنها، وخبيتها عندي في الأوضة، بس خلاها حلوة أوي. ده الفيفو ده طلع بيخلي الصور حلوة. مراد: إيه الفيفو دي؟

ميار بطفولة: مش فاكرة، مايا قالتلي بابا بيعمل حاجة للصورة، مش فاكراها يا مودي، نسيت. مراد: فوتوشوب، يقلب مود. ريم: ربنا يخليكي لينا يا ست البنات، أنا من غيرك ولا حاجة، انتي بنتي وكل دنيتي، وخليكي عارفة كده. ميار: عارفة. مراد: طب هروح أعمل أنا بقه الأكل. ريم: ماشي، وخليني أتكلم مع ميلا شوية. مراد: ماشي ياستي. ميلا: شوفته امبارح بليل. ريم: بجد، قالك حاجة. ميلا: لا ياختي، بياخد بعضه ويمشي، تحسيه شاف عفريت.

ريم: أنا حاسة مش بيحبك. ولم تكمل كلامها، كانت فيه حاجة وقعت في المطبخ. ميلا: خليكي، هروح أشوف. في المطبخ مراد وهو واقع عليه الدقيق: أنا غلطان إني فكرت أعمل مكرونة بشاميل، أنا غلطان. ميلا بضحك: احم احمم. مراد بتوتر: آه، أنا قولت يعني. ميلا: ممكن أساعدك. مراد: ياريتتت. ميلا: طب عايز تعمل أكل إيه؟ مراد: مش عارف، كنت بقول مكرونة، بس زي ما انتي شايفة، الدقيق كله وقع عليا.

ميلا بصدمة: يتبعبقلمي/menna moharamرايكو بسرعهه وبفكر تبقا من خمس فصول بس لو حبتوها ممكن اخليها اكتر مثلا