رواية احببت اخر الفصل الثاني 2 - بقلم منة محرم

منال: بقه عيالي أجيبهم من القسم؟ دي آخرة تربيتي. ميلا: ابنك اللي بدأ. مصطفي: ماهي ضحكت عليا يا ماما. منال: يا خيبة أملك في عيالك يا منال، بقه أجيبهم هما الاتنين من القسم. ميلا: الحمد لله ربنا ستر، وأنت يا مصطفي، ولا تكلمني ولا أكلمك. مصطفي: أنا كنت هقولك كده أصلًا، لأني مش طايقك في مكان ما. ريم: إيه يا حبيبي، أنت خارج ولا إيه؟ مراد: إيه يا قلبي، آه خارج.

ريم: كده يا مراد، مش قولتلك تفضي وقت لنفسك تقعد معانا ونقعد معاك. مراد: طب يا ستي، والله ما خارج، إيه رأيك بقه؟ ريم: هههه، أخويا اللي بحبه يا ناس. ميار: بونچور. مراد: بونچور مرة واحدة، تعالي تعالي.

(مراد عنده 30 سنة، عايش هو وإخواته بس، مامته وباباه متوفين، بيحب إخواته جدًا ومش بيفكر أنه يتجوز ويسيبهم، عنده مستشفى بتاعة باباه وكبرها وبقت أكبر مستشفى في القاهرة، جسمه رياضي وطويل وشعره طويل شوية وعنيه عسلي فاتح وبشرته قمحاوي)

(ريم 23 سنة، مش بتشتغل عشان أختها متسيبهاش لوحدها، شبه أخوها جدًا وبتحبه أوي، ميار عندها 5 سنين، مامتها ماتت وهي بتولدها وباباه مات من حزنه عليها، بتحب إخواتها جدًا وبتعتبر ريم مامتها ومراد باباها، شبه إخواتها) ميار: نعم يا مودي. مراد: خلصتي واجبك؟ ميار: أيوه، أنا عايزة أنام وأصحى أروح الحضانة بسرعة. مراد: اشمعنى يعني؟ ريم: ههههه، أكيد عشان صاحبها. ميار: لا، عشان الميس ميلا بتجبلي مصاصة عشان أنا شاطرة.

ريم: أبقي فكريني أشكرها يا ميار. ميار: حاضر، يلا أنا داخلة أنام. مراد: خليكي، اقعدي نسهر ونعمل فشار. ميار: بجد؟ مراد: بجد، أنا هقعد معاكو النهارده، مش خارج. ريم: طب أنا بقه هقوم أعملكوا أحلى فشار. مراد وميار: اشطاااا. ريم وهي بتحسس على شعر ميار: نامت. مراد: هاتي أدخلها جوه. ريم وهي بتمسك إيديه: هتفضل لحد امتى عايش عشاننا ومش بتفكر في نفسك؟ مراد: برضه هتفتحي الموضوع ده تاني؟ ريم: مراد، عشان خاطري.

مراد: هاتي أدخل ميار أوضتها عشان متصحاش، واعمليلي قهوة ودخليها البلكونة ونتكلم. ريم: طيب. ريم: مراد. مراد: يا ريم، انتو عندي بالدنيا. ريم: مراد، عشان خاطري، أنا حلمي إنك تتجوز، مش معنى إنك لما تتجوز هتسيبنا يعني، ما أنت هتبقى تجي لنا أنت ومراتك صح؟ مراد: لا يعني لا، وبعدين مفيش حد قدر يخطف قلبي ها. ريم: طب ولو اتخطف هتتجوز؟ مراد: لا. ريم: يوووه. مراد: أجوزك أنتِ وميار، وبعدين أبقى أفكر.

ريم: ههههه، أنت بتهزر يا بني، ده لسه ميار عندها 5 سنين. مراد: ريم، عشان خاطري متفتحيش الموضوع ده تاني، أنا معاكو ومش عايز حاجة تانية، كفاية إني برجع من الشغل ألاقي حضن ميار ودعوة منك، أنتو مش إخواتي، انتو ولادي. ريم وهي بتحضنه بدموع: أنا بحبك أوي يا مراد. مراد: أنا بحبك أكتر، وساعات بحسك أمي مش أختي، هههه، مش واحدة عندها 23 خالص. ريم: نينينيي، يلا طيب قوم نام عشان تروح المستشفى بكرة يا حضرة المدير.

مراد: مش ناوية تيجي تبقي مساعدة بتاعتي في المستشفى بدل قعدتك كده؟ ريم: لا، أنا ورايا يا أخويا أكل وبروح أودي وأجيب في ميار وغسيل. مراد: هههه، مش قولتلك أمي. ريم: ربنا يرحمها. مراد: يارب، يلا تصبحي على خير. ميلا: ماما، أنا نازلة راحة الحضانة، عايزة حاجة؟ منال: لا، سلامتك. مصطفي: صباح الخير. ميلا: صباح الخير يا قلبي. منال: أنتو مش قولتو مش هتكلمو بعض تاني؟ ميلا: إيه يا ست الكل، أنتِ لسه فاكرة؟ ولا نفسك نتخانق بقه؟

منال: ربنا يخليكو لبعض يا أختي. ميلا: ويخليكي يا ست الكل، يلا تيكير يا حبايبي. مصطفي: تيكير. منال: بت غريبة. مصطفي: حصل. ميار: ميس ميلا، ميس ميلا. ميلا: يا روحي، عاملة إيه؟ جاية متأخر يعني النهارده. ريم: أنا آسفة جدًا جدًا، بس امبارح سهرت معانا، والصراحة أنا اللي قولتلها. ميلا: حضرتك مامتها؟ ريم بحزن: أنا أختها، واعتبريني مامتها، لأن مامتي متوفية. ميلا: اتشرفت جدًا بيكي، وأنا آسفة. ريم: ولا يهمك، عادي، عن إذنك.

ميلا في بالها: معقول زعلت. ميلا: يلا يا مس. ميلا: يلا يا قلبي. مصطفي بسرحان وهو شايف آية واقفة بتشتري حاجات من السوبر ماركت: مصطفي: احم، إزيك يا آنسة آية؟ آية: حضرتك مين عشان تكلمني كده؟ أنت اتجننت؟ مصطفي: أنا آسف، آسف، هاتلي يا عم إبراهيم فكة جنيه. آية: ناس غريبة صحيح. مصطفي: على فكرة أنا أخو ميلا صحبتك، وكمان صاحب أخوكي حسن. آية: تمام، عن إذنك.

مصطفي: يارب تكوني بتحبيني بس بتتقلّي عليا، باين في عيونها أصلًا، يا واد يا مصطفي. بعد شوية في المستشفى: -المدير عايزك يا مصطفي. مصطفي: حاضر، جاي. مراد: اقعد يا سطا، مجتش امبارح ليه؟ مصطفي: يا عم اتنيل، ده أنا دخلت القسم امبارح مرتين. مراد: ولد، احترم، أنا مديرك. مصطفي: يا عم اتنيل. (أيوه، مصطفي ومراد أصحاب، اتعرفوا في كافيه، ومراد عرض عليه يجي يشتغل في المستشفى بما إنه دكتور أسنان) مراد: طب احكيلي، حصل إيه؟

مصطفي: مافيش بقه، نتكلم لما نخلص عشان ورايا شغل. مراد: تمام. ميلا: ميار، أنتِ هتفضلي قاعدة؟ ميار: معرفش، أختي مجتش ليه. ميلا: طب معاكي رقمها؟ ميار: لا، أول مرة تتأخر عليا كده، وكل صحابي مشيوا. ميلا: طب إيه رأيك أوصلك؟ عارفة بيتك فين؟ ميار: بصي، روحي أنتِ، وأنا همشي. ميلا: لا طبعًا، أنا هوصلك، عارفة عنوانك بس. ميار: آه، شارع *****. بعد شويه: ميلا وهي واقفة قدام فيلا كبيرة: ما شاء الله، ده بيتك يا حبيبتي.

ميار: أيوه، تعالي، أنتِ لازم تخشي تشربي حاجة. ميلا: لالا. ميار: عشان خاطري. ميلا: خلاص، عشان خاطرك، يلا. ريم: يارب، محستش بالوقت، زمان ميار زعلانة دلوقتي. وخرجت لقت ميلا وميار. ريم وجريت حضنتها: ميار، أنا آسفة والله، حقك عليا، أنا آسفة بس كنت بعمل الأكل ومحستش خالص. ميار: خلاص، اهدي، ميس ميلا وصلتني. ريم لميلا: شكرًا جدًا بجد. ميلا: اهدي بس، ليه الدموع؟ محصلش حاجة. ريم: خوفت عليها أوي.

ميلا: الحمد لله إني ممشيتش من الحضانة غير ما أطمن على الأطفال. ريم: الحمد لله، اتفضلي. ميلا: لا. بعد شويه: ميلا: حلو أوي العصير، تسلم إيدك. ريم: حبيبتي، تسلمي، إيه رأيك نكون صحاب؟ ميلا: طبعًاااا، أنا حبيتك جدًا. ريم: هههه، أنا اللي حبيتك أكتر. ميار: ريم، مودي بيرن. ريم: هاتي يا ميار. مراد: بقالي كتير برن عليكي، قلقتيني. ريم: إيه يا حبيبي، معلش، مأخدتش بالي. مراد: طيب، كلي أنتِ وميار، أنا هتغدى مع واحد صاحبي، تمام؟

ريم: ماشي يا حبيبي، تمام. مراد: يلا، بوسيلي ميار وخلوا بالكو من نفسكو. ريم: ماشي، باي. مراد: باي. ميلا: طب هستأذن أنا بقه، ونتقابل بكرة يا ميار، تمام. ميار: لا، خليكي معانا. ميلا: لازم أمشي بقه يا حبيبتي. ريم: خليكي معانا يا حبيبتي، واتغدي معانا. ميلا: مش هينفع والله، عشان ماما. ريم: طب هاتي أكلمها. ميلا: ماشي. بعد شويه: ريم: احم، إزيك يا طنط. منال بخضة: مين معايا؟ ميلا حصلها حاجة؟

ريم: لا لا، اهدي، أنا صحبت ميلا، اسمي ريم، معلش ممكن ميلا تتغدى معايا النهارده. منال: طيب يا حبيبتي، تمام، عشان خاطرك. ريم: شكرًا جدًا. ميلا: وافقت؟ ريم بفرحة: هههه، آه. بعد شويه: ريم: طب مين قالك إنه بيحبك يا بنتي؟ ما يمكن مش بيحبك. ميلا: يا بنتي، لا، ده حتى النهارده. (فلاش باااك) ميلا: ماما، أنا نازلة، تيكير. منال: تيكير. ميلا في بالها: أده حسن، عامل إيه؟ حسن: الحمد لله، أنتِ مين؟

ميلا: أنا ميلا بنت أم مصطفي، وصحبت أختك، إيه؟ نسيتني؟ حسن: أنا معرفكيش عشان أنساكي أصلًا. ميلا بإحراج: احم، تمام. (بااااك) ريم: والله هتموتيني كده. بيحبك. ميلا: آه يا بنتي، بيتقل عليا، فاهمة. ريم: ههههههه، أنتِ فظيعة. ميلا: المشكلة إن مصطفي بيحب أخته، وأنا بحبه، معرفش بقه. ريم: هتاخدو انتو الاتنين على قفاكو.

ميلا: مش عارفة، أنا بحبه من وأنا صغيرة، وعلطول بقف في البلكونة لحد ما يروح شغله، وعارفة كل حاجة عنه، مقاس جزمته، اسمه، واسم أمه، كل حاجة، كل حاجة. ريم: طب أنتِ مش قايلة لأخته إنك بتحبيه؟ ميلا: لا، محرجة، ده الوحيدة اللي عارفة، أنتِ. ريم: ربنا يقدم اللي فيه الخير، إن شاء الله. ميلا: إن شاء الله، طيب هقوم أمشي أنا بقه، وكمان ميار نامت. ريم: خليكي شوية طيب. ميلا: إن شاء الله، أنتِ المرة الجاية تيجي، اشطا.

ريم: هههه، اشطا. ميلا: وأه، تسلم إيدك، الأكل كان جميل. ريم: بالهنا، خدي رقمي عشان نبقى نتكلم، وعشان تطمنيني عليكي. ميلا: تمام، اكتبي عندك 011****. ريم: تمام يا قلبي، يلا سلام. ميلا: سلام. عند مصطفي ومراد في كافيه: مراد: ميلا. مصطفي: إيه؟ تعرفها ولا إيه؟ مراد: لا، اسمها حلو مش أكتر. مصطفي: المهم، بعد ما سبتها في المطعم امبارح، جبتها من القسم. مراد: هههههههه، وبعدين؟

مصطفي: حبت تاخد حقها طبعًا، صوتت ولمت الناس عليا إني متحرش، وجت ماما، طلعتنا إحنا الاتنين. مراد: هههههههه، أنتو مسخرة، أقسم بالله. مصطفي: طيب، لازم أمشي بقه أنا. مراد: يا ابني، كمل قهوتك، وبعدين لسه الساعة 8. مصطفي: مهو أنا لازم أخش الشارع دلوقتي. مراد: اشمعنى يعني؟ مصطفي: احم، أصل آية بتيجي من شغلها في المعاد ده. مراد: ممممم، آية تطلع مين آية دي بقه؟ مصطفي: حب طفولتي، يلا باي. مراد: باي، نتقابل بكرة بقه في المستشفى.

مصطفي: إن شاء الله. بعد شويه على أول الشارع: ميلا وهي ماشية، حد جابها من قفاها. مصطفي وهو ماسكها من قفاها: كنتي فين يا هانم؟ مش معادك تخرجي من الحضانة؟ الساعة دلوقتي 8 بليل، كنتي فين؟ ميلا: تؤتؤتؤ، إيدك يا برنس، لمتشوفهاش تاني. مصطفي بخوف: كنتي فين؟ ميلا: الحق آية أهي. آية: إزيك يا ميلا، عاملة إيه؟ ميلا: بخير الحمد لله يا حبيبتي، أنتِ أخبارك إيه؟ آية: بخير الحمد لله. ميلا: أعرفك، ده أخويا مصطفي.

آية: آه، اتعرفت عليه الصبح، أو هو اللي عرفني عن نفسه. ميلا: ههههه، هو كده مدلوق. مصطفي وهو بيخبطها على رجليها: ميلا بوجع: آآآه، قصدي بيحب يعرف أخته بتتعامل مع مين وكده، وأنا كنت قايلاله إنك صحبتي. آية: حسن جه أهو. ميلا بسرحان: حسن. مصطفي: إزيك يا سطا، عامل إيه؟ أنت مجتش المستشفى النهارده ولا إيه؟ حسن: لا، جيت، بس تلاقيّك مشوفتنيش. مصطفي: طب يا حبيبي. آية: حسن، دي ميلا صحبتي. حسن: إزيك يا آنسة ميلا، اتعرفنا الصبح.

ميلا: الحمد لله، كويسة. حسن: طب أنا طالع بقه، تصبحو على خير، يلا يا آية. ميلا ومصطفي بسرحان: وانتو من أهل الخير. بعد شويه: منال: أده مصطفي وميلا، مالهم سرحانين في إيه كده؟ وفجأة دلقت عليهم ميه. ميلا: يح يححح، وبصت فوق، ماشي يا ماما، أنا طالعة لك. مصطفي: بقه كده يا ست الكل.