رواية أحببت أخي حب جنوني الفصل الرابع 4 - بقلم ايات عبد الرحمن

فتح عيونه. مى: بحبك اوي يا اسر وبموت فيك. اسر: وبعدين. مى رفعت راسها مرة واحدة لقت اسر فاتح عيونه. مى: اااسر. اسر: كملي. كنتي بتقولي ايه. مى: اسر انا. اسر: قومي. مى نزلت من على السرير ووقفت على الأرض واسر وقف قدامها. اسر: كنتي بتقولي ايه. مى مش بتعمل حاجة غير أن عيونها في الأرض. اسر: عارفه لما ملك قالت لي الكلام ده ما صدقتش أن انتي تعملي كده. ومع مين. مع اخوكي. هو انتي عمرك سمعتي عن اتنين اخوات اتجوزوا. ردي.

مى هزت راسها بلا. اسر: كويس. سمعتي عن بنت حبت اخوها الحب ده. ردي. مى هزت راسها. اسر: عارفه يعني ايه عقوبة الزاني. مى ودموعها بتنزل: أيوه. اسر: حلو أوي. مبالك بقى بزاني المحارم هتكون عقوبته ايه. وبعدين مسك ايديها وقعدها قدامه وبدأ يفهمها.

اسر: بصي. مش غلط أن انتي تحبي اخوكي حب اخت لأخوها. لكن غلط أن بنت تحب اخوها حب مثلا عشاق. لأنهم لو قعدوا العمر كله مش هينفع يتجوزوا. لأنها من محارمه متحرمة عليه. أنا بحبك وبموت فيكي كمان عشان انتي اختي وأكتر بنت بتفهمني وبتحس بتعبي ووجعي. لكن ماينفعش أحبك زي ما هحب مثلا البنت اللي هتجوزها. مى: وايه اللي ناقصني عشان تتجوز بنت تانية. اسر: مى افهمي. احنا اخوات. عندي ليكي حل. هنروح بكرة مع بعض لدكتور أمراض نفسية.

مى: بس أنا مش تعبانة. اسر: اومال ايه بقى. مى: أنا تعبانة بيك انت. اسر: لو خايفة من أني لما اتجوز هفضل مراتى عليكى. مستحيل ده يحصل. لأن الزوجة أقدر اتجوز غيرها عشرة. لكن اختي ماقدرش أجيب غيرها. مى: مش كده. أنا مش عايزة اتجوز. اسر: أنا قولت كده. يعني مش عايزة يكون عندك مرات اخ تتكلمي معاها وتحبيها. مى: ما أقدرش أشوفك مع أي بنت. أنا بغير عليكي لما بتتكلمي مع ندى وألاء. مش عايزة تتكلم مع حد. بغير عليكي لما بتضحكي لحد.

اسر: مى الموضوع زاد أوي. اعقلي بدل ما أعقلك بطريقتي. مى: موافقة. بس لو دا اللي هيخليك معايا. اسر: انتي أكيد اتجننتي. مى: اتجننت بيك. اسر: لو ما وقفتيش الكلام ده هتشوفي مني حاجة تزعل. مى: اللي بيحب حد عمره ما يزعل منها. اسر رفع إيده: طاااااااخ. ونزل بقلم على وشه. مى: بتضربني يا اسر. اسر: وأقتلك لو ما وقفتيش الكلام ده. مى: هقبل منك أي حاجة. بس بلاش تبعد.

اسر مش عارف يعمل إيه. فجأة مسكها من شعرها ونزل ضرب فيها بطريقة جنونية. وبعد ما استكتفى ضرب فيها. مى بتعب شديد من الضرب: مش هتقدر تضعف نقطة من حبي ليك باللي عملته ده. اسر مسك شعرها مرة تانية: اخرسي. وخبطها في الحيط. تانى يوم كانت ولاء ومصطفى رجعوا البيت. الباب خبط. ألاء فتحت الباب: أهلاً بابا وماما. وأخيراً رجعتوا. مصطفى: ليه. هو إحنا بقالنا سنين. ألاء: لا يا بابا. البيت قايد حريقة من امبارح.

ولاء بخضة: قايد حريقة إزاي. ألاء: اسر ضرب مى. مصطفى: اكدبي. اكدبي على مين. اسر عمره ما فكر يرفع إيده حتى عليها. ألاء: والله العظيم دا اللي حصل. مى خارجة من أوضتها. إيديها اليمين متجبسة. وفيه شاش على رأسها وعليه دم. وآثار إيد اسر على خدها. مصطفى وولاء أول ما شافوها عملوا كده. ولاء: إيه اللي حصل. مى: مفيش حاجة حصلت يا ماما. مصطفى: اسر اللي عمل فيكي كده. مى: لا. أنا وقعت من على السلم. ولاء: والسلم هيعمل فيكي كده.

مى: خلاص يا ماما. اسر خارج من أوضتها. اسر: إزيك يا بابا. إزيك يا ماما. ولاء ومصطفى: الحمد لله. إيه اللي حصل. اسر بيبص لمى بقرف. وبعدين بيتكلم مع والده ووالدتها. اسر: بابا. في واحد صاحبي عايز يخطب مى. وأنا قولت ليه هتكلم معاك الأول. مصطفى: قبل أي حاجة. عايز أعرف إيه اللي حصل. اسر: وافق. بس وأنا هحكيلك كل حاجة. بس في الوقت المناسب. ولاء: أختك فيها حاجة. اسر بابتسامة خفيفة: اطمني يا ماما. كل حاجة تمام.

مصطفى: لو كويس. قوله يتفضل. مى: أنا مش عايزة اتجوز. اسر: أنا داخل أتصل عليهم. مى: وأنا مش موافقة. ولاء: اللي اسر قاله هيتنفذ. مى دخلت أوضتها وقفلت عليها. مصطفى: احكيلي يا اسر. إيه فيه. أنا وافقت على كلامك عشان عارف أن انت بتخاف عليها وعايزها تكون أحسن بنت كمان. وما وافقتش أصغر قدامها. اتكلمت.