رواية أحببت أخي حب جنوني الفصل الثاني 2 - بقلم ايات عبد الرحمن

مى: بحبك اوى يا اسر. اموت لو شفتك مع غيري. بحبك وعمري ما هوقف حبي ليك لحظة. بعد كده سحبت ذراعه ونامت عليه. تانى يوم الصبح. ولاء (أم مى) : مصطفى يا مصطفى تعالى بسرعة. مصطفى (والدهم) : إيه في إيه؟ ولاء: شوف مى نايمة في حضن اسر إزاي. مصطفى: أنا عمري ما شفت واحدة بتحب أخوها كده. ولاء: ربنا يخليهم لبعض. مى: إيه ده بابا وماما. صباح الخير. الأم والأب: صباح النور. مصطفى: إيه يا حبيبتي نايمة كده ليه؟

مى: مفيش يابابا. أنا لقيت اسر نايم لوحده جت نمت جنبه. ولاء: بتحرصيه يعني؟ مى بتبص لأسر اللي نايم شبه الملاك البريء: أيوه بحرصه. وياريت لو أقدر أحفظه طول الوقت كنت عملت كده. مصطفى: هههههههه. طب قومي يلا عشان الاء وندى خلاص جابوا آخرهم. على ما المغرب يأذن تكون روحهم طلعت وسيبولي اسر. أصحيه بطريقتي الخاصة. مصطفى: اسر يا اسور. قوم بقى يا ولد. على بابا يلا عشان نروح النادي نسلي وقتنا على ما المغرب يأذن.

اسر: عايز إيه يا عم أنت. سيبني أنام. مصطفى جه جنب ودان اسر: اسااااااااار. اسر: إيه مين في إيه. مالك يابابا حرام عليك خضيتني. مصطفى: ألف سلامة عليك من الخضة ياقلب بابا. قوم عشان نروح النادي. اسر: دلوقتي؟ مصطفى: أيوه. اسر: الدنيا صيام دلوقتي. هو لسه كام يوم على العيد؟ مصطفى: هههههههه. هانت بكره. اسر: طب لسه كام ساعة طيب.

مصطفى: مرة واحد في أول يوم في رمضان كان يوم حر قوي. فكان صايم وخايف يفطر والصيام عامل معاه شغل زيك كده تمام. راح قاعد تحت شجرة وقايل والله فت يا رمضان باقي فيك عشرتين وتسعة ونص نهار. اسر: هههههههه. وبعدين؟ مصطفى: نام وصحى وقاعد على السرير ومش عايز يسمع كلام بابا. اسر: لا وعلى إيه. في لحظة واحدة هكون جاهز. مر اليوم ده وتاني يوم بقى الصبح. الأم: حرما يا حبايب قلبي. صليتوا العيد؟ كل سنة وأنتم طيبين.

مى والاء وندى: وأنتي طيبة يا ماما. ولاء: أومال بابا واسر فين؟ ندى: هيكونوا فين. بيهزروا وجايين ورانا. الباب خبط. مى فتحت كان مصطفى واسر. سلمت على والدها وباست أيده. لكن اسر حضنها. ومفيش حد يعرف حاجة. هو أخوها وهي أخته. ما يعرفوش غير كده. اسر كان لابس لبس صلاة عبارة عن جلباب أبيض. كان جميل جدا. فيه مى صورته ونزلته على صفحتها الشخصية على الفيس بوك وكتبت عليها: (عندي أمير يساوى رجال الكون)

طبعًا أصدقائها دخلوا ليها في كومنتات. وفي من ضمن التعليقات لقت تعليق مكتوب: (أنا أعرف واحدة حبت أخوها حب عشاق) مى حاولت تعرف هي مين. لكن لا حياء لمن تنادي. البنت دي هتكون واحدة من أصدقائها ولا حد تاني. هنعرف ده في البارت الثالث.