رواية أحببت أناني وأحببت خائنة الفصل السادس والعشرون 26 - بقلم منى

انهاردة يوم الحنة. البنات متجمعين من الصبح بدري. وليث كان نايم ف امان الله، لقي الباب اتفتح. فتحة مخبرين مع صوت صوات لدرجة أنه قام مخضوض. ليث: في ايه! ليلي: يلا قوم يا عريس اطلع برة الفيلا كلها يلا. ليلي بتكلمة وهو بتشيل الغطاء من عليه وبتشدة من ايديه. ليث: في ايه يا مجنونة انتي ع الصبح، حد يصحي حد كدة؟ ليلي: اه، في يلا بقا روح اقعد مع الرجالة ف الفيلا التانيه، هنا ستات بس يلا قوم خلينا نبدأ يومنا.

ليث: هتعملو ايه يعني؟ وبعدين يا ستي هفضل ف اوضتي مش هخرج منه. ليلي: اولا ملكش دعوه هنعمل ايه، دي حاجات بنات. ثانيا مينفعش لازم ناخد راحتنا، احنا متفقين نعمل حنة بنات بس عشان نلبس براحتنا ونقعد براحتنا. تقولي هقعد ف اوضتي، قوم ياعم يلا. ليث: هقوم بس بشرط. ليلي بزهق: ها؟ اخلص. ليث: تعرفيني هتعملو ايه بالظبط انهاردة. ليلي: اية شرط الرخم ده. ليث: والله براحتك بقا، ولو ع رخامة انا استاذ فيها وانتي عارفه، ف انتي حرة.

ليلي: لا وع ايه، احنا ف الاول هنقضيها مساكات وسونا وكدة، وبعدين نرسم الحنة، وبعدين هنعمل الحفلة. هنلبس كذا توب هندي بقا ونوبي وبلدي ورقص وهيصة. ليث: 😳 ليلي: مالك متنح كدة ليه؟ ليث: انا عايز اتفرج والنبي. ليلي: هههههههه لا طبعاً مينفعش، بس وعد هنتصور انا واسراء وكلها بكرة وتبقي مراتك وف بيتك ابقي خليها تفرجك زي ما انت عاوز. ليث: موافق، بس مع الصور انا عايز فيديو كمان. ليلي: يالله من رخامتك، اوك.

ليث: اتفقنا، الحق اروح اقول لسليم بقا عشان يتصل يرخم عليكي هو كمان. ليلي: يا بارد يا رخمة. ليث مردش عليها و قام دخل خد شور ونزل. راح فيلا سليم، لاقي مراد هناك و كريم و مالك و والد سليم عز. كان بسبب ضغط شغل عند سليم كان فاضل كذا حاجة ف الفيلا محتاجة لسه تظبيط، عشان كدة مراد وعز راحو ليه بدري. ليث سلم ع الكل وبدأ يساعدهم.

عند البنات، كانو فرحانين. اتجمعو كلهم، ليلي واسراء وآمنة ووالدتها وكمان كام واحدة من اللي ليلي اتصاحبت عليهم من النادي. ومعاهم والدة سليم اللي كانت طايرة بليلي بعد ما شافت لمعه عيون ابنها ونظراته اللي كلها عشق ليها، غير أنها حبت ليلي لطبيعتها وعفويتها. الحفلة بدأت والبنات كانو قمرات.

سليم وليث، الشوق كان بياكل فيهم. نفسهم حالا يشوفو اللي خطفو قلوبهم شكلهم ايه وبيعملو ايه. اتفاجئو بمراد داخل ومعاه ادم صاحب ليث وعدي رئيس الحرس ومالك وكريم ووالد سليم. ومعاهم مزمار بلدي ومراد ماسك عصاية وبيرقص زي الصعايدة. الجو عندهم هما كمان اختلف وكله فضل يرقص. وليث غنا صعيدي مع الناس اللي مراد جابهم.

ف عز الاندماج والفرحة، عدي تلفونه رن وانسحب عنهم بعيد شوية. دقيقة ورجع ووشوش ليث بحاجة خلته اتنفض من مكانه وجري معاه ع البوابة. طبعاً كلهم شافو كدة جريو وراه. وصل ليث عند الملحق اللي جمب البوابة اللي معمول للحرس عشان يبدلو ويريحو فيه ف اوقات الراحة بتاعتهم. دخل لاقي يحيي مربوط ف كرسي وفاقد الوعي، وجمبه مسدس. سليم كمان وال معاه دخلو وشافو المنظر. سليم باستغراب: مش دا يحيي اخو يونس؟ ليث بهدوء: اه. سليم: طب ف ايه فهمني.

مراد: وليه ربطينو كدة يا ليث؟ ليث: ف ايه معرفش، لما يفوق هيتكلم ونفهم كلنا. ربطو ليه، لان البيه كان داخل بالمسدس الفيلا اللي فيها البنات، لولا اني موصي ادم أنه يكثف الحراسة الله اعلم كان حصل ايه. ف لازم اربطو طبعاً لحد ما افهم ف ايه، خصوصاً اني شاكك أنه هو اللي ورا محاولة قتلي. سليم: يحيي يقتلك ليه؟ طب يونس معقولة عنده دافع وهو انه كان من وجهة نظره سبب ف طلاق ليلي وقوتها، لكن يحيي ليه؟

ليث: هنعرف دلوقتي اهو، البيه بدأ يفوق. يحيي بدأ يفوق وفتح عينيه. بص حواليه لاقي ناس كتير منهم ليث وسليم. بص عليهم بغل وكرة وعينيه احمرت من كتر الغضب اللي ماليها. يحيي بغضب: فكني بقولك اييييه، خايف مني ولا ايه؟ ليث: وانا هخاف من حتة عيل زيك لا راح ولا جه. ليه انت ناسي اني معلم عليك قبل كدة ياض انت؟ يحيي: وحياة امي ما هسيبك، هقتلك يا ليث، سااااامع، مش هسيبك.

ليث: هنبقى نشوف موضوع "مش هتسبني دا" بعدين. انا هسألك سؤال واحد والاحسن تجاوب طول من غير لف ولا دوران تمام؟ يحيي: عايز تعرف انا هقتلك ليه مش كدة؟ (ضحك بعلو صوته) معقول مخمنتش السبب لوحدك؟ تؤ تؤ، يظهر اني كنت فاكرك ذكي بس طلعت اي كلام. ليث: من امتى وانت بتحبها؟ بعد ما اتجوزت يونس ولا من قبل كدة؟ ومين يعرف؟

كلهم وقع عليهم كلام ليث بصدمة، والصدمة الأكبر كانت من نصيب سليم اللي ضم ايديه بغضب وكان رايح ناحية يحيي، لكن ايد ليث منعته وبنظرة منه رجع مكانه والغضب بياكل فيه.

يحيي: برافو، طلعت ذكي فعلاً. وبالنسبة لإجابة سؤالك ف انا حبيتها قبل يونس، لكن لأنه اناني طول عمره وطماع سبقني. واتفاجأت أنهم اتخطبو، بس القدر لعب لعبته وطمعة وقعه ف شر أعماله وخلاه اتجوز عليها. بقا يبقا معاه ليلي ملكة الستات كلهم ويتجوز عليها ويخلف كمان، هه. المهم دي كانت فرصتي اني ارجع حب عمري ليا تاني. (بصله بغضب)

بس اللي مكنتش عامل حسابه ظهورك. انا طول فترة جوازهم وانا كنت عارف انا بعامل ليلي ازاي، كنت بهيء نفسها وبهيئها هي كمان للحظة اللي هجبرها فيها توافق عليا. خلتها دايماً خايفة مني، دائماً نظراتي تربكها وتوترها. اللي مكنش معمول حسابة رجوعك انت إنك تقويها وتقف جنبها ف وشنا كلنا. انت كنت العقبة اللي باقية عشان تبقي هي ملكي. كان لازم اخلص منك، لكن انت (صوته على) انت زي القطط بسبع ارواح، مش رااااااضي تموووووت، ليييييه؟

هه، انا كنت ناقصك بقا، اصبر واستحمل السنين دي كلها عشان انت ف الآخر تبوظلي كل ده. وكمان تجوزها لواحد غيييييري، ع جثتي مش هيحصل، سااااامع، مش هيحصل. ليلي ملكي، ليلي لعبتي أنا، لعبتي الحلوة اللي بحركها زي ما أنا عاوز. اه فشلت في قتلك المرة الأولى، لكن المرة دي مش هفشل، هقتلك يا ليث. ولو حصلت هقتل عريس الغفلة اللي جمبك ده، اقتل اي حد يقف بيني وبين ليلي، اااااي حد.

سليم مقدرش يسيطر ع نفسه اكتر من كدة، هجم عليه وفضل يضرب فيه. وليث ومراد بيحاولو يشدوة ومش قادرين عليه. وبعد مدة، بعد ما تدخل ادم وعدي كمان قدروا يشيلو يحيي من ايديه. وليث كان مسجل كل الكلام اللي حصل بحكم الكاميرات اللي زارعها ف كل مكان. مراد اقترح أنه ياخد يحيي ومعاه ادم ف هدوء للقسم عشان البنات متحسش بحاجة وفرحتهم تتأثر، خصوصاً ليلي. وليث وافق.

أما سليم، ف في دنيا تانية، نظراته متوجهة ناحية يحيي بغضب وكلام بيرن ف ودانه، مش عايز يروح من باله. بعد مدة، كان مراد وآدم سلمو يحيي للقسم فعلاً، ومعاه تسجيل صوت وصورة لكل اللي حصل. اليوم خلص بهدوء، وليلي والبنات فعلاً محسوش بحاجة. وليث نبه ع سليم أن ليلي متعرفش حاجة، على الأقل دلوقتي. هي من حقها تفرح، مش لازم أي حاجة تعكر صفو فرحتها ده. وسليم كتم غضبه جواه عشان ليلته. صباح يوم الفرح 😍❤️

آمنة صحيت بدري عشان تروح لليلي من الصبح. خرجت من اوضتها لسه هتنده ع امها، اتفاجأت بخالتها وامها قاعدين. آمنة: صباح الخير يا ماما، صباح الخير يا خالتو. امها وخالتها ردو عليها الصباح. نهال (خالتها) : تعالي يا آمنة، احنا عايزين نتكلم معاكي شوية. آمنة قربت منهم بتوتر وقعدت: خير، ف ايه؟ قلقتوني ع الصبح كدة. سهير: مفيش قلق ولا حاجة، كل الموضوع أن انهاردة فرحك مع ليلي واسراء، بس كدة. آمنة: 😳🙄 فرح مين؟

نهال وهي بتكتم ضحكتها: فرحك يا حبيبتي، الف مبروك. يلا نقوم نجهز بقا. آمنة: 🙄 مين يجهز؟ سهير ونهال مقدروش يكتموا ضحكهم اكتر من كدة وضحكوا وهي متنحة مش فاهمه حاجة.

سهير من بين ضحكها: حبيبتي مراد كان حابب يفاجئك واحنا وافقنا. وليلي مجهزة كل حاجة وهو متفق مع سليم وليث كمان. حتى فستانك ليلي اختارت الفستان اللي عينيك لمعت لما شوفتيه ف الكتالوج وانتي معاها، ومراد مجهز الشقة من كله والدعاوى كمان متوزعة، كله كله جاهز. مفضلش غير ست البنات تجهز بس. آمنة: ماما مش وقت هزار ع الصبح. انا هقوم البس عشان الحق اروح للعروستين اللي مستنيني دول. وانتي وخالتو شوفو حد تاني حفلو عليه.

نهال: سهير قومي انتي حضري الفطار للعروسة وسيبيهالي انا يلا. سهير هزت دماغها وقامت. ونهال قربت من آمنة ومسكت ايديها. نهال بحب: حبيبتي النهارده فعلاً فرحك. وبصراحة اكتر دي كانت فكرتي أنا. آمنة بصت لها باستغراب وهي كملت.

نهال: متستغربيش كدة. أنا غلطت لما فكرت بانانية ف تقى. كلام مراد وقت ما واجهني، ع قد ما هو وجعني، ع قد ما بينلي اد ايه أنا غلطت. تقى راحت للي خلقها الله يرحمها ويغفر لها. بقا دلوقتي انا ولادي الاتنين اللي فضلينلي متعذبين. اقف اتفرج تاني؟

لا والله مقدرتش. اول ما وقفت ع رجلي بعد موت تقى، رحت لمراد وقلتله ع فكرة أننا نفاجئك يوم فرح ليلي. أنا هكون اسعد أم ف الدنيا وانا شايفاكم مبسوطين ومجمعين مع بعض بعد كل اللي شوفتو سوا. حبيبتي سامحيني وسامحي تقى عشان خاطري أنا ممكن. نهال كانت بتتكلم ودموعها نازلة، وآمنة كمان كانت بتعيط وهي بيتسمعها. آمنة: طب انتي بتعيطي ليه دلوقتي؟ ف أم تعيط يوم فرح بنتها وابنها كمان؟ نهال بابتسامة: مسامحاني يا آمنة؟

آمنة: عمري ما زعلت منك يا خالتو. امتى أمي التانية، أنا وعيت ف الدنيا دي ع امي وانتي وتقى الله يرحمها. مسامحاها ومش زعلانة منها. (خدت نفس طووويل) انتي عندك حق، كفاية حزن كدة، وانا مراد، انتي بالنسبالنا أمنا مش خالتنا. لا نقدر نزعل منك ولا نقدر نرفضلك طلب. نهال: طب يلا يا عروسة، ورانا حاجات كتير اوي. قاطع كلامها جرس الباب اللي رن. نهال: دا اكيد العريس، مش قادر يستنى ل بالليل.

آمنة اتكسفت وجريت ع اوضتها قفلت ع نفسها قبل ما نهال تفتح الباب. وفعلاً مراد اللي كان ع الباب. مراد بابتسامة: صباح الفل يا نونو. نهال: صباح الورد يا روح نونو. تعالي يا عريس. مراد: ها عرفت؟ نهال: اه، وكان شكلها مسخرة يا واد يا مراد. فاتتك. مراد: بجد؟ طب احكيلي. (بيدور عليها بعينيه) بس الأول هي فين؟ مش شايفاها يعني.

نهال: اتكسفت يا اخويا وجريت ع اوضتها. تعالي اما احكيلك، تكون خالتك حضرت الفطار الجملي اللي بقالها ساعة فيه ده. وعروستك خلصت كسوفها. خرجت سهير من المطبخ: ومالك يا خالتو بقا؟ وبعدين الحق عليا اتلكعت ف الفطار. اديكو فرصة تخلصو كلامكو، أنا غلطانة يعني. نهال: سوسو حبيبتي، طول عمرك بطيئة وانتي عارفه دا كويس. متجبهاش فيا. وبعدين انتي أم العروسة انهاردة، تعملي اللي انتي عايزاه.

مراد ضحك وحضنهم هما الاتنين، واستأذنهم يجيب آمنة ويجي يفطروا عشان يلحق يوصلها ل فيلا عند ليلي. راح ع اوضتها وخبط. آمنة: حاضر خالتو، أما جايه أهو. وبتفتح الباب اتفاجأت بمراد واقف قدامها ومبتسم. مراد بابتسامة وحب: صباح الفل يا عروستي. آمنة: ☺️ مراد. مراد: ظابط العريس مراد، لو سمحتي. آمنة ضحكت: ماشي يا ظابط العريس. مراد: كدة تخبي عليا حاجة زي كدة ومتخدش رايي؟ مراد بحب: حبيت افاجئك بس. ايه رايك 😉 حلوة المفاجأة صح؟

آمنة وشها احمر وطلعت تجري ع السفرة. مراد بصوت عالي ونسي وجود خلاته: اجري براحتك يا جميل، كلها كام ساعة وهظبط يكلبك للأبد يا قلبي. نهال بصوت عالي: طب تعالي أفطر يا ظابط، بدل ما انا وامها نقوم عليك بالشبشب دلوقتي يا مهزأ. كلهم ضحكوا وخلصو فطار ف جو كله فرح. ومراد وصل آمنة لليلي وقالها أي حاجة ناقصة ليلي كانت نسيت تطلبها منه أو أون لاين وف ثانية تكون عندها.

آمنة كانت طايرة من الفرحة، وليلي فرحتها كانت مضاعفة لفرحة اخوها وصاحبة عمرها. وعدى النهار بتجهيزاته وفرحة المحبين وشوقهم لبعض. كان كل دقيقة بيزيد جواهم، وبدأ الفرح اللي كان أقل ما يقال عنه أنه أسطوري. مش عشان فيه أغلي وأفخم مكان، أو عشان كمية المطربين اللي جم فيه والمستوى العالي اللي كان فيه. لأ، كان أسطوري بكمية الحب والفرحة اللي كانت ماليه المكان. العيون كانت بتلمع وتتكلم عن العشق اللي جواها. عشق اتولد وكبر واتحدى أي ظروف. عشق اتوج لزواج أقوى رابط في الوجود. كل واحد فيهم كان بيبص لحبيبته وبيوعدها بوعد. وعد هيلتزم بيه عمره كله.

سليم ❤️: بوعدك أفضل أعشقك لحد ما أموت. بوعدك ابنك هو ابني، عمري ما هفرق بينهم أبداً. زي ما أنا واثق إنك هتكوني أحن أم لكريم، أوعدك يا حبيبتي إني ف كل لحظة أخليكي سعيدة، وإن الضحكة متفارقش وشك تاني أبداً، أو إنك تخافي من أي حاجة تاني أبداً. أوعدك إني مش بس أفضل أحب، لا أحبك وأعشقك، وأعرفك ف كل لحظة قد إيه انتي ماسة جميلة وعالية وغالية أوي أوي أوي. بحبك يا ليلتي.

ليث ❤️: بوعدك إني أفضل سندك وأمانك العمر كله. أوعدك إني أعشقك في كل لحظة وكل ثانية. أوعدك إني أنسيكي أي لحظة حزن مرت عليكي، أي دمعة نزلت من عينيكي اللي أسرتني أول ما شوفتها. أوعدك إني أكون أب وأخ وصديق ليكي قبل ما أكون زوج أو عاشق. أوعدك إنك عمرك ما هيجي عليكي يوم وتقولي ياريتني ما حبيته، بالعكس. أوعدك حبي ف قلبك هيكبر كل يوم عن اليوم اللي قبله. بحبك يا أميرتي.

مراد ❤️: حبيبتي، بوعدك إني أعوضك عن كل اللي فاتنا. أوعدك إني مكنش غبي مرة تانية، إني اتعلمت من غلطي زمان واستحالة أكرره. أوعدك إنك هتكوني بنتي الصغيرة اللي هخاف عليها وأحميها وأدلعها طول الوقت. أوعدك أن أعوضك عن كل لحظة مرت وأنا مش جنبك، وإن كل حياتنا هتكون حب. حتى وقت الخناق والزعل، هحبك وهعشقك وهكتفي بضمة منك لقلبي، هدوب وقتها بين إيديكي وأنسى أي زعل. أوعدك إني قبل أي قرار هشاركك فيه. أوعدك ف وقت غضبي أتحكم فيه. أوعدك إن حضني هيكون ليكي لوحدك طول العمر. انتي حب حياتي، حب الطفولة والمراهقة والشباب لحد الشيخوخة، لحن الموت كمان. أوعدك إني كل لحظة هكون متيم بيكي، بعشقك يا صغيرتي.