رواية احببت ارملة الفصل الأول 1 - بقلم حورية مصطفى

البقاء لله يا مدام. هي بصدمة: مين حضرتك وإيه اللي بتقوله ده؟ هو بحزن: أنا اللوا سليم الأنصاري، والمقدم أدهم استشهد يا بنتي. هي بصراخ: أنت أكيد غلطان، أدهم لسه عايش، أدهم ماتش، أدهم بيحبني مستحيل يسيبني. حماتها من وراها: فيه إيه يا نجمة، ليه بتصرخي كده، الناس اتلمت على صوت صراخك. نجمة بدموع وشهقات: هو... بيقول إن أدهم مات. حماتها فاطمة بعدم فهم: هو مين يا حبيبتي اللي بيقول، مش فاهمة منك حاجة.

نجمة مدت إيدها بالفون لفاطمة. فاطمة بهدوء: أيوه مين. اللوا سليم بحزن: المقدم أدهم استشهد يا مدام فاطمة. فاطمة بدموع: ابني أدهم مات. اللوا سليم بحزن: ميغالش على اللي خلقه، ده نصيبه وعمره انتهى لحد كده، وبعدين قال البقاء لله وربنا يصبرك على فراقه. فاطمة بدموع: طيب أنا عايزة أشوف ابني لآخر مرة. اللوا بحزن: تمام، أنا هبعت حد ياخدك أنتِ ونجمة على المستشفى عشان تشوفوه قبل ما تتم إجراءات الدفن.

بعد فترة وصل شخص من طرف اللوا عشان يوصلهم المستشفى. في المستشفى. فاطمة بدموع: لو سمحت يا دكتور عايزة أشوف ابني. الدكتور بجدية: ابنك مين يا خالتي. فاطمة بدموع وشهقات: المقدم أدهم المنشاوي. الدكتور بحزن: تمام اتفضلي معايا، هو موجود في الغرفة دي. نجمة كانت دموعها بتنزل ومش بتتكلم. فاطمة بدموع مسكت إيد نجمة ودخلت الغرفة اللي فيها أدهم. فاطمة بدموع مسكت إيد أدهم وقالت: ربنا يرحمك يا حبيبي ويجعلك من أهل الجنة ونعيمها.

نجمة كانت واقفة تتخيل مواقفها مع أدهم. نجمة بحب: إيه رأيك في الدريس ده يا دومي. أدهم بعشق: نجمتي، أي حاجة بتلبسيها حلوة. نجمة بحب: بحبك يا أدهمي. أدهم بحب: وأنا كمان بحبك يا نجمتي. موقف 2. أدهم بحب: مالك يا نجمتي بتعيطي ليه. نجمة بدموع: حرقت الأكل بتاع الغدا. أدهم بحب: فداكي يا حبيبتي، مبحبش أشوف دموعك دي. نجمة بحزن: طيب أنت هتاكل إيه دلوقتي. أدهم بحب: هنطلب أكل من بره يا حبيبتي. موقف 3.

نجمة بحب: إيه رأيك نتفرج على فيلم كرتوني لحورية البحر «أريل». أدهم بحب: نجمتي تأمر وأنا أنفذ. موقف 4. الساعة 3 فجرًا. نجمة بحب: قوم يا أدهمي عشان نخرج نتمشى على الكورنيش. أدهم بنعاس: نامي يا حبيبتي، أنا عندي مأمورية الصبح بدري. نجمة ببكاء: عشان خاطري يا أدهم. أدهم بحب: قومي البسي يا نجمتي، خاطرك عندي غالي وأنا مستحيل أرفضلك طلب. موقف 5. نجمة كانت بتتفرج على التلفزيون وأدهم جه وقعد قدامه وقال. أدهم بحزن: نجمة.

نجمة بحب: نعم يا حبيبي. أدهم بحزن: عندي مأمورية تبع الشغل واحتمال كبير مرجعش. نجمة بدموع: يبقى مستحيل تروح يا أدهم، أنا مستحيل أتخيل حياتي من غيرك. أدهم بحب: بس ده واجبي تجاه بلدي يا نجمتي. نجمة بدموع: طيب وأنا. أدهم بحزن: بلدي محتاجاني يا نجمتي، لازم أدي واجبي. نجمة بدموع: تمام يا أدهم، روح بس ارجعلي لأني مقدرش أعيش من غيرك. أدهم بحب: هرجعلك يا روح أدهم ودنيته. عودة.

نجمة مسكت إيد أدهم وقالت: هتوحشني أوي يا أدهم، نجمة من غيرك ولا حاجة. بحبك يا أدهمي. مرت إجراءات الدفن. في العزا. عمة أدهم: يا حبيبي يا ابني، كله من بوز الفقر ووش النحس على البيت. واحدة من اللي قاعدين في العزا: يا عيني ملحقش يتهنى في حياته، مبقالوش 3 شهور متجوز. واحدة تانية: عريس الجنة، ربنا يرحمه ويغفر له ويجعل مثواه الجنة يارب. نجمة كانت سامعة كلامهم وساكتة. تقي اخت نجمة: قومي معايا يا حبيبتي اقعدي جوا عشان ترتاحي.

نجمة وهي قايمة سمعت عمة أدهم وهي بتقول: داهية تاخدك يا وش الفقر أنتِ. بدون مقدمات نجمة وقعت من طولها على الأرض.