رواية احببت ارملة الفصل الثاني 2 - بقلم حورية مصطفى

تقي اخت نجمة: قومي معايا يا حبيبتي اقعدي جوا.. عشان ترتاحي. نجمة وهي قايمة سمعت عمتها أدهم وهي بتقول: داهية تاخدك يا وش الفقر انتي. بدون مقدمات نجمة وقعت من طولها على الأرض. تقي بصراخ: نجمة! واحدة من اللي قاعدين: حد يساعدنا ندخلها جوا ونطلب لها دكتور. عمتها أدهم بحقد: سيبوها وهي شوية وهتفوق، ده لو مكنتش بتمثل. فاطمة بدموع: حرام عليكي، كفاية بقى كلامك اللي زي السم ده. تقي بدموع: خالتي فاطمة، نجمة تنفسها ضعيف خالص.

عمتها أدهم في نفسها: يا رب تموت عشان نخلص من قرفها بقى. فاطمة بحزن: اهدي يا حبيبتي، الدكتور على وصول. بعد فترة وصل الدكتور. الدكتور كان بيكشف على نجمة وقال: انخفاض في ضغط الدم، وده غلط على صحتها وصحة الجنين. فاطمة بدموع: انت بتقول إيه يا دكتور؟ الدكتور بجدية: المدام حامل. عمتها أدهم: ده أكيد مش ابن أدهم، أنا متأكدة من ده. وبعدين قالت أدهم كان بقاله 3 أسابيع مسافر قبل ما يتوفى.

الدكتور بجدية: المدام نجمة حامل في أسبوعين، يا ريت تهتموا فيها كويس لأن حالتها النفسية زيرو. فاطمة بحزن: تمام يا دكتور، معلش تعبناك معانا. الدكتور بابتسامة: ده واجبي. عن إذنكم. الكل: اتفضل. بعد ساعة نجمة فاقت وعرفت إنها حامل. تقي بحب: مبروك يا حبيبتي. نجمة بحزن ودموع: أدهم لو كان عايش كان هيبقى مبسوط أوي يا تقي. تقي بحزن: ربنا يرحمه يا حبيبتي. نجمة بحزن: آمين يا رب. وبعدين حطت

إيديها على بطنها وقالت: مبسوطة إن جوايا قطعة من أدهم. مرت أيام العزاء في حزن كبير. في صباح يوم جديد. عمتها أدهم بحقد: قومي كده يا حبيبتي اتحركي وجهزي الأكل مع حماتك. كفاية عليكي أيام العزاء مكنتيش بتعملي حاجة. نجمة بتعب: حاضر يا عمتو، قايمة أهو. تقي بحب: خليكي انتي يا نجمة، وأنا هقوم أساعد خالتي فاطمة. عمتها أدهم بغضب: أنا قلت ست نجمة اللي تقوم. وبعدين قالت هي مش أول واحدة تبقى حامل، خليها تتحرك شوية بدل قعدتها دي.

نجمة بتعب قامت ودخلت المطبخ. تقي بعصبية: ربنا ينتقم منك يا عقربة، حسبي الله ونعم الوكيل فيكي. وقامت عشان تساعد نجمة. عمتها أدهم في نفسها: بكرة هندمك على كلامك ده يا تقي هانم. وضحكت بشر. بعد فترة الأكل جهز. عمتها أدهم بغضب: مين اللي عمل الشاي ده؟ نجمة بتعب: أنا يا عمتو، ليه فيه حاجة؟ عمتها أدهم مسكت كوباية الشاي ورمتها على نجمة. نجمة بصراخ: آآآه! عمتها أدهم بغل: الشاي مفيش فيه سكر!

فاطمة بزعيق: خلاص كفاية بقى، ارحمي البت، انتي عايزة منها إيه! وبعدين قالت بعصبية: العزاء خلص من شهر، يا ريت تلمي هدومك يا سهير وتمشي من هنا. سهير بعصبية: بقا بتطرديني يا فاطمة من بيت أخويا! وقامت عشان تلم هدومها. بعد وقت انتهت سهير وهي ماشية قالت بعصبية: صدقيني هتندمي على اللي عملتيه ده يا فاطمة. فاطمة بهدوء: مع السلامة، يا ريت تبقي تقفلي الباب وراكي وانتي خارجة. سهير وهي خارجة رزعت الباب جامد.

تقي بفرح: الحمد لله إنها مشيت، دي وليه عقربة. فاطمة بضحك: معاكي حق والله يا تقي. وبعدين راحت جابت مرهم الحروق عشان إيد نجمة. نجمة بحزن: ليه بتعاملني كده؟ فاطمة بحزن: هي بتعمل كده عشان الورث مش أكتر. تقي بمرح: كفاية تجيبوا في سيرتها بقى، أنا ما صدقت إنها مشيت. وبعدين قالت بمرح: سيرتها بتعصبني يا جماعة. نجمة وفاطمة ضحكوا على كلامها. وهما بيتكلموا جرس الباب رن. نجمة كانت قايمة تفتح الباب.

تقي بحب: خليكي انتي يا نجمة، ارتاحي وأنا هقوم أفتح. نجمة بتعب: طيب يا حبيبتي. وفعلاً تقي فتحت الباب. فاطمة من جوه: مين يا تقي؟ أنا يا خالتي. فاطمة بصدمة: إلياس! إلياس بحب: إزيك خالتي، وحشتيني أوي. فاطمة بدموع: وانت كمان يا حبيبي. إلياس بحزن: كفاية دموع يا خالتي، أنا كنت جاي وعايزك في موضوع وياريت مش تفهميني غلط. فاطمة بحزن: اتفضل يا بني. إلياس بهدوء: أنا عايز أتجوز نجمة. فاطمة بصدمة وعصبية: انت إيه اللي بتقوله ده؟

انت واعي للكلام ده؟