رواية احببت ارملة الفصل الحادي والعشرون 21 - بقلم حورية مصطفى

الياس بغيظ: هدخل معاكي جوه. جني بغيظ: طيب اتفضل. وفعلا دخلوا الأوضة سوا. الياس بصدمه: يعقوب. جني بتسأل: انت تعرفه؟ الياس بهدوء: أيوه، إيه اللي حصله؟ جني بجديه: كان عامل حادثة هو وأخته، وللأسف أخته اتوفت وهو جاه شلل نصفي. الياس بصدمه: إيه ده؟ جني بتكمل: هو محتاج عمليات عشان يرجع يمشي زي الأول وجلسات علاج طبيعي، بس لازم هو يكون عنده قوة وإرادة. الياس بهدوء: تمام.

جني بإبتسامة: يلا نخرج، ملوش لزوم وجودنا هنا لأنه نايم بسبب المخدر اللي في الأدوية، فيك تبقى تزوره في وقت تاني لأن نفسيته وحشة خالص. الياس بإبتسامة: ده أكيد. جني والياس خرجوا من غرفة يعقوب. وهما ماشيين في ممر المستشفى. دكتور يحيي: دكتورة جني ممكن لحظة؟ التفت كل من جني والياس. جني بابتسامة: أيوه يا دكتور، اتفضل. يحيي بتوتر: احم، ممكن رقم والد حضرتك. جني بدون فهم: عايز رقم بابا لي؟ يحيي بحب: عشان هاجي أتقدم لكِ.

الياس بعصبية: نعاااااام يا روح أمك. جني بغيظ: صوتك يا الياس عشان المرضى. الياس بغيظ: انت مش سامع الأستاذ بيقول إيه؟ جني بهدوء: سامعة، بس ده يضايقك في إيه؟ الياس بسخرية: يضايقني إنك ملكي، مش ملك حد تاني غيري. جني بجديه: أنا مش ملك حد، واتفضل من هنا لأن ده مكان شغلي، مش عاوزة مشاكل. الياس بإبتسامة: تمام يا دكتورة. يحيي بقى يبص للياس بشماتة ويضحك. ✰ــــــــــــــــــــــــ✰ في منزل نجمة.

كان الجميع يجتمع على سفرة الطعام. الياس بجديه: أنا عايز أقول لكم حاجة مهمة بخصوص يعقوب. تقي: عن إذنكم، هدخل أذاكر شوية. الياس: تقي. تقي بهدوء: نعم يا أبيه. الياس: استني، اسمعي أنا عايز أقول إيه. تقي بعصبية: وأنا مش عايزة أسمع حاجة عن البني آدم اللي أنا ما عدتش بكره في حياتي قده. وكانت داخلة الغرفة بس وقفت على صوت الياس. الياس بهدوء: تقي، يعقوب في المستشفى. التفتت تقي بصدمة. تقي بصدمة: إيه اللي بتقوله ده يا أبيه؟

الياس بهدوء: بقول إن يعقوب بريء، هو كان جاي كتب الكتاب بس عمل حادثة وخسر أخته فيها وكمان جاه شلل نصفي. كان الجميع في حالة صدمة. جاسر بهدوء: أنت عرفت كل ده منين يا الياس؟ الياس بجديه: كنت بزور دكتورة جني في المستشفى وعرفت. فاطمة بحزن: لا حول ولا قوة إلا بالله. نجمة بحزن: أكيد حالته النفسية مش كويسة لأن محدش واقف جنبه. حوريه بإبتسامة: إحنا لازم نزوره. تقي بدموع: أنا عايزة أشوفه يا أبيه.

جاسر بجديه: بإذن الله هنروحله بكرة لأن أكيد الزيارة ممنوعة دلوقتي. الياس بجديه: تقي، أنتِ لازم تكوني أقوى من كده، يعقوب حالته النفسية مدمرة على الآخر، مش سهل عليه اللي حصل، وانهيارك ده مينفعش، فاهدي كده وبكرة كلنا هنروح نطمن عليه. تقي بدموع: حاضر يا أبيه. جاسر بهدوء: نستأذن إحنا دلوقتي، وبكرة بإذن الله هعدي آخد تقي عشان تزور يعقوب.

نجمة بدموع: حضنت تقي. عايزكِ قوية يا حبيبتي زي ما متعودة عليكي، عشان أنتِ اللي هتقوي يعقوب إنه يعدي المرحلة دي. تقي: حاضر يا نجمة. جاسر بإبتسامة: نستأذن إحنا بقى يا أمي. فاطمة بحنان: خلوا بالكم من نفسكم يا حبايبي. جاسر بإبتسامة: باس إيد فاطمة وقال: حاضر يا ست الكل. ✰ــــــــــــــــــــــــــــ✰ في قصر الشرقاوي. جاسر بحب: اطلعي ارتاحي يا نجمة، أنا هخلص شوية شغل في المكتب وهيجي. نجمة بإبتسامة: حاضر.

في جناح جاسر ونجمة. نجمة كانت بتلاعب أدهم وبتكلمه. نجمة بحب: حبيب مامي يا ناس. باب الجناح خبط يليه دخول حوريه. حوريه بإبتسامة: هتنامي يا نجمة ولا هتستني أبيه؟ نجمة بإبتسامة: لا مش هنام دلوقتي. حوريه بسعادة: اشطا، خلينا نتفرج على فيلم. نجمة بإبتسامة: طيب. حوريه شغلت فيلم Ek Villain للممثلة شرادها كابور. نجمة بإبتسامة: أنا بحب أفلامها أوي. حوريه بإبتسامة: وأنا كمان.

مر ساعتين وجاسر خلص شغل وطلع جناحه هو ونجمة واتصدم من اللي شافه. لقى حوريه ونجمة نايمين وأدهم صاحي. عدل جاسر نومتهم وقفل اللابتوب وبعدين شال أدهم. جاسر لأدهم: تعال يا حبيب بابا، أنت اللي هتنام في حضني النهارده. في صباح اليوم التالي. في المستشفى. كان الجميع يجتمع أمام غرفة يعقوب منتظرين إفاقته. في داخل غرفة يعقوب كانت تقي تجلس بجانبه ممسكة بيده. تقي بإبتسامة: هو لسه مش فاق ليه؟

جني بإبتسامة: ثواني قليلة وهيبدأ يصحى لأن الأدوية اللي بياخدها فيها نسبة منوم كبيرة. تقي بإبتسامة: طيب. بعد مرور خمس دقايق يعقوب بدأ يصحي. تقي بدموع: يعقوب. وجريت عليه حضنته. يعقوب بصدمه: تقي، إيه اللي جابك هنا؟ وعرفتي منين إني هنا؟ تقي بدموع: لي؟ هو أنت مكنتش عايزني أبقى جنبك للدرجادي؟ مش عايزني في حياتك؟ يعقوب بعيون دامعة: مكنتش عايزك تشوفيني في الحالة دي وأنا ضعيف وعاجز.

تقي بدموع: أنت مش عاجز ولا ضعيف يا يعقوب، وإن شاء الله هترجع تمشي على رجلك تاني. يعقوب بدموع: أنا خسرت كل حاجة. خسرت نفسي وخسرت أختي الوحيدة. تقي بإبتسامة: أنا معاك ومش هسيبك. دلف الجميع إلى الغرفة بإبتسامة. فاطمة بحنان: ألف سلامة عليك يا ابني. يعقوب بإبتسامة حزن: الله يسلمك يا أمي. نجمة بإبتسامة: ألف سلامة عليك يا دكتور. يعقوب بإبتسامة: الله يسلمك يا مدام نجمة. خبط على باب الغرفة يليه دخول الدكتورة جني.

جني بإبتسامة: عامل إيه دلوقتي يا دكتور؟ يعقوب بإبتسامة: الحمد لله على أحسن حال. جاسر باستفسار: إيه العلاج اللي ممكن يتابعه الفترة دي عشان يقدر يمشي على رجليه تاني؟ جني بعملية: المفروض دكتور يعقوب يسافر بره عشان يعمل العملية لأن إمكانيات بره أفضل من هنا بكتير. تقي بإبتسامة: يعقوب هيسافر وهيعمل العملية. نجمة: بس لازم حد يروح معاه لأن مينفعش يروح لوحده. تقي بإبتسامة: أنا هروح معاه.

الياس بإبتسامة: بس أنت مش حلاله عشان تروحي معاه يا تقي. تقي بإبتسامة: لا، ما هو أنا ويعقوب هنكتب كتابنا عشان أقدر أسافر معاه. يعقوب.