رواية احببت ارملة الفصل الثامن عشر 18 - بقلم حورية مصطفى

جاسر بسعادة حضن نجمة وبدأ يلف بيها. جاسر بابتسامة: أخيراً بقيتي ملكي وعلى اسمي. نجمة بخجل: نزلني، مينفعش كده الناس بتبص علينا. جاسر بابتسامة نزلها، والجميع بدأ يبارك لهم. فاطمة بسعادة: ألف مبروك يا ولاد. جاسر ونجمة: الله يبارك فيكي يا أمي. اللواء سليم بابتسامة: ألف مبروك يا سيادة المقدم، ولا أقول يا سيادة العقيد. جاسر بدون فهم: الله يبارك فيك يا سيادة اللواء، بس تقصد إيه بكلامك ده.

اللواء بابتسامة: أقصد إنك اترقيت لرتبة عقيد، وباذن الله بعد إجازتك تقدر تستلم منصبك الجديد. وأكمل: أنا مضطر أستأذن، وألف مبروك مرة تانية ليك وللمدام. جاسر بسعادة: ربنا يخليك يا فندم، وإن شاء الله هبقى عند حسن ظنك فيا. اللواء سليم: وده المتوقع منك يا جاسر. السلام عليكم. الجميع: وعليكم السلام ورحمة الله وبركاته. حورية بسعادة: حضنت جاسر، ألف مبروك يا حبيبي. جاسر ضمها لحضنه: الله يبارك فيكي يا حبيبة قلبي.

فاطمة بحنان: ألف مبروك يا جاسر، وربنا يوفقك يا ابني في شغلك دايماً، وأشوفك في أعلى المراتب. جاسر بحب: الله يبارك فيكي يا أمي. تقي بسعادة: ألف مبروك يا "أبيه". جاسر: الله يبارك فيكي يا لمضة. إلياس راح حضن جاسر وقال: ألف مبروك يا صاحبي، بس مش عايزك تعمل "ريّس" عليا، بقولك أهو. جاسر بحب: الله يبارك فيك يا إلياس. نجمة بابتسامة: مبروك يا جاسر. جاسر بحب: الله يبارك فيكي يا نجمتي. نجمة ابتسمت بخجل.

فجأة عم الظلام المكان وبقى فيه ضوء خافت. جاسر مد إيده لنجمة وقال: نرقص. نجمة بابتسامة: نرقص. وطلعوا على الـ "استيدج"، وبقى كل "كابلز" يرقص مع بعض. نجمة وجاسر. تقي ويعقوب. إلياس وحورية. عند جاسر ونجمة: نجمة كانت بترقص مع جاسر لحد ما لمحت طيف أدهم وهو بيبصلها وبيضحك. نجمة ابتسمت بحزن وقالت بهمس: أدهم. جاسر بتساؤل: مالك يا نجمة، فيكي حاجة. نجمة بابتسامة حزن: هااا، لأ مفيش. أنا كويسة. عند يعقوب وتقي:

يعقوب بابتسامة: طالعة حلوة في الفستان ده، بس ضيق شوية. تقي بخجل: تسلم، وبعدين هو مش ضيق ولا حاجة. يعقوب بابتسامة: امتى نكتب الكتاب ونبقى في بيت واحد يا حبيبتي. تقي ابتسمت بخجل. تقي: ممكن أسألك سؤال. يعقوب بحب: أكيد. تقي: هو انت بتحبني بجد. يعقوب بصدمة: معقول بعد كل ده مش مصدقة إني بحبك! عموماً، لو مش عندك ثقة فيا، نفضيها من دلوقتي.

تقي مسكت إيده بسرعة: لأ مش كده، بس أنا بحبك أوي وخايفة انجرح منك، لأن جراحك ليا هتبقى بموتتي. يعقوب بحب مسح دموعها: بعد الشر عنك يا قلب يعقوب. بس انتي قلتي إيه، عيدي تاني. تقي بكسوف: بحبك. عند إلياس وحورية: حورية بضحك: حلو كل "كابلز" يرقص مع بعض يا "أبيه". إلياس بضحك هو الآخر: ما أنا مش عندي "كابلز" دلوقتي، ولا انتي كمان، يبقى نرقص مع مين. حورية بمرح: كن واقفين ونتفرج عليهم.

إلياس بضحك: هههه، يا سلام، هي جت علينا يعني، مش هيحصل حاجة لو رقصنا مع بعض. حورية بابتسامة: أيوه معاك حق. إلياس بغرور: لا داعي للتصفيق. حورية بـ "قرف": تبعاً لتواضعك يا أخي. إلياس بغرور: عارف. عند نجمة وجاسر: نجمة بتردد لجاسر: هو ممكن ننهي الفرح دلوقتي، لأن تعبانة أوي. جاسر يقلق: مالك، انتي كويسة. نجمة: أيوه كويسة، بس مرهقة شوية. جاسر: لحظة واحدة. ونادى على إلياس. جاسر لإلياس: خلص كل حاجة، لأن نجمة تعبانة وهنمشي.

إلياس بقلق: تعبانة، مالها. جاسر بهدوء: متقلقش، هي مرهقة شوية. إلياس بابتسامة: تمام. وفعلاً انتهى الفرح، وذهب الجميع إلى منزلهم. في قصر الكيلاني: حورية كانت شايلة أدهم وبتلعبه. حورية بابتسامة: يا خراشي على الجمال والحلاوة دي. نجمة بابتسامة: هاتيه يا حور عشان ما يتعبكش. حورية بمرح: هو أنا أطول العسل ده يتعبني يا ناس. جاسر بابتسامة: ربنا يديمه ويبارك في عمره يا رب. نجمة وحورية بابتسامة: آمين يا رب.

حورية بابتسامة: أنا هاخد أدهم ينام معايا النهاردة. يلا تصبحوا على خير. جاسر بحب: وانتي من أهل الخير يا حبيبتي. في جناح جاسر ونجمة: جاسر بابتسامة: ادخلي غيري هدومك، وأنا هستناكي هنا. نجمة بخجل: اوكي. بعد فترة نجمة خرجت بعد ما بدلت ملابسها. جاسر ابتسم بحب وقال: هدخل أغير هدومي أنا كمان. نجمة بإيماء: طيب. بعد فترة خرج جاسر. جاسر لنجمة: ادخلي اتوضي عشان نبدأ حياتنا بطاعة ربنا. نجمة بإيماء: حاضر. وفعلاً اتوضوا وصلوا.

مسك جاسر إيد نجمة وقعدها جنبه على السرير. نجمة بتوتر: جاسر، لو انت عايز حقوقك، أنا مستعدة لده. انت جوزي وده حقك، وربنا هيغضب عليا لو حرمتك من حقك. جاسر بابتسامة: ومين قالك إني عايز حقي! نجمة، أنا أهم حاجة عندي إنك تحبيني زي ما بحبك، ويكون أنا الأمان بالنسبالك. وبالنسبة لحقوقي، أنا مستحيل المسك غير لما أحس إنك متقبلاني كزوج، وإنك بتحبيني، غير كده لأ. نجمة بدموع: شكراً أوي يا جاسر. جاسر بحب: يلا ننام، لأنك شكلك تعبانة.

بعد مرور أسبوع من زواج نجمة وجاسر. في صباح يوم جديد: حورية بابتسامة: صباح الورد والياسمين يا نجمة. نجمة بحب: صباح الورد يا حور. جاسر بابتسامة: اقعدي يلا عشان تفطري عشان كليتك يا حور. حورية بابتسامة: حاضر يا "أبيه". بعد وقت انتهوا من تناول الطعام. نجمة بابتسامة: جاسر. جاسر بحب: أيوة يا نجمة. نجمة بابتسامة: كنت عايزة أروح أزور ماما النهاردة. جاسر بابتسامة: هنروح سوا، قومي البسي يلا. نجمة بسعادة: حاضر.

حورية بابتسامة: وأنا كمان يا "أبيه" عايزة أروح معاكم. جاسر بهدوء: على كليتك يا حورية، يلا. حورية بغيظ: مفيش محاضرات مهمة النهاردة. جاسر ببرود: هتروحي برضه، انتي بقالك شهر مش بتروحي. حورية بابتسامة بلهاء: شهر ونصف. جاسر بغيظ: ومالك مبسوطة كده ليه. حورية بابتسامة: أعيط يعني. جاسر بغيظ: بطلي لمضة يا حور. حورية بغيظ: حاضر. أمام أحد المستشفيات: إلياس كان ساند على عربيته لحد ما لمح جني وهي خارجة من المستشفى وبتضحك مع شاب.

إلياس مشي ناحيتها بعصبية وقال ببرود: صباح الخير يا دكتورة. جني بحب: صباح النور يا إلياس. إلياس بغيظ: الألقاب يا دكتورة. جني بحرج: آسفة يا سيادة المقدم. الشاب: مين ده يا جني. جني بغيظ: سيادة المقدم إلياس يا يحي، وده دكتور يحي يا سيادة المقدم. يحي مد إيده عشان يسلم على إلياس، وإلياس بص له بـ "قرف" ومسلمش عليه. جني بتسأل: بتعمل إيه هنا يا سيادة المقدم. إلياس ببرود: جاي أشوفك. جني بصدمة: هاا.

يحي بابتسامة: عن إذنكم. ومشي. إلياس بضحك: مالك. جني بخجل: مفيش يا سيادة المقدم. إلياس بابتسامة: ممكن تقوليلي إلياس بدون ألقاب عادي. جني باستهزاء: حضرتك فاكر كلامك من دقيقتين. إلياس بضحك: أيوه. جني بصدمة: انت أكيد فيك حاجة. إلياس بجدية: اركبي يا جني عشان نمشي. جني بابتسامة: هنروح فين. إلياس بابتسامة: هعزمك على قهوة. جني بحب: اوكي. في منزل نجمة: فاطمة بصراخ: يلهوي! أنا وبعلم في حمار كان زمانه نافعني.

تقي بغيظ: أنا مش عايزة أتعلم الطبخ يا فطوم. فاطمة بهدوء: مين اللي هيبقى يطبخلك يا عيون فطوم. تقي بغرور: سيكون لدي خادمات. فاطمة بهدوء: هتتعلمي الطبخ يعني هتتعلمي. يلا شوفي الأكل استوى ولا لسه. وهم بيتكلموا جرس الباب رن. تقي بابتسامة: هروح أشوف مين. فاطمة بعصبية: أنا قولت إيه. تقي بابتسامة بلهاء: أشوف الأكل. فاطمة بهدوء: يلا روحي شوفيه، وأنا هشوف مين، يا آخرة صبري. تقي بغيظ: طيب.

فاطمة راحت تفتح الباب واتفاجأت بنجمة واقفة بابتسامة، وجنبها جاسر شيال أدهم. فاطمة بدموع حضنتها وقالت: وحشتيني أوي يا نجمة. نجمة بعيون دامعة: وانتِ كمان يا فطوم. جاسر بمرح: طب أمشي أنا. فاطمة بدموع: اتفضل يا حبيبي، البيت نور. جاسر بابتسامة: تسلمي يا أمي. نجمة بابتسامة: أمال فين تقي يا ماما. فاطمة بابتسامة: في المطبخ بتعمل الأكل. نجمة بصدمة: بتتكلمي جد. فاطمة بضحك: أيوه. نجمة بابتسامة: هقوم أشوفها.

فاطمة بحب: طيب يا حبيبتي. في المطبخ عند تقي: كانت بتكلم نفسها. تقي بغيظ: فينك يا نجمة؟ تعالي شوفييني وأنا متبهدلة في المطبخ. نجمة بابتسامة: أنا هنا أهو. تقي بغباء: لحظة بس يا نجمة. وبعدين قالت بصدمة: نجمة! نجمة بضحك: لا، خيالها. تقي بسعادة حضنتها، ونجمة بادلتها الحضن. تقي بحب: وحشتيني قد البحر وسمكته. نجمة بابتسامة: وانتي كمان يا روحي. تقي بحب: عاملة إيه مع "أبيه" جاسر. نجمة بابتسامة: الحمد لله بخير.

تقي بابتسامة: تعالي نطلع نقعد معاهم. نجمة بابتسامة: يلا. تقي ونجمة خرجوا لقوا جاسر وفاطمة بيتكلموا. جاسر بابتسامة: خلاص يا أمي، هكلمه ونحدد معاد كتب الكتاب. فاطمة بابتسامة: طيب يا حبيبي. جاسر بحب: عاملة إيه يا تقي. تقي بابتسامة: بخير الحمد لله يا "أبيه". جاسر بابتسامة: دايماً يا رب. مر اليوم بدون أحداث. غير إن جاسر كلم يعقوب وحدد معاد كتب الكتاب بعد أسبوع. في المساء في قصر الكيلاني:

نجمة بسعادة: يعني كتب الكتاب كمان أسبوع. جاسر بابتسامة: أيوه. حورية بابتسامة: مش هنلحق نعمل حاجة يا "أبيه". نجمة بخوف: فعلاً، حورية معاها حق. الوقت قصير ومش هنعرف نعمل حاجة في الأسبوع ده. جاسر بابتسامة: متقلقيش يا نجمة، أنا هتصرف في كل حاجة. نجمة بابتسامة: طيب. بعد مرور أسبوع: في منزل نجمة: في غرفة تقي: فاطمة بدموع: أخيراً هشوفك عروسة قبل ما أموت. تقي بحب مسحت دموع فاطمة وقالت: متقوليش كده، بعد الشر عليكي يا فطوم.

فاطمة بابتسامة: الموت مش شر يا حبيبتي، الموت علينا حق. حورية بمرح: بلاش نكد يا جماعة. فاطمة بضحك: هههه، حاضر يا ست حور. نجمة بابتسامة: خلي أدهم معاكي شوية يا حور لحد ما أجهز تقي. حورية بابتسامة: عيوني. نجمة بحب: تسلم عيونك. وفعلاً نجمة بدأت تجهز تقي. بعد ساعتين انتهت نجمة من تجهيز تقي، وكانت غاية في الجمال. حورية بحب: بسم الله ما شاء الله، تبارك الرحمن. زي القمر يا حبيبتي. تقي بابتسامة: تسلمي يا روحي.

حورية بابتسامة: أنا عايزة أحط ميك أب هادي يا نجمة. نجمة بابتسامة: تعالي يلا، وأنا هعملك. وبدأت نجمة تحط لحورية الميك أب زي ما هي عايزة. بعد مرور فترة فاطمة دخلت. فاطمة بابتسامة: يلا يا بنات، المأذون وصل بره. نجمة بابتسامة: إحنا خلصنا يا ماما. فاطمة بحنان: بسم الله ما شاء الله، ربنا يحميكوا من العين يا حبايبي. الجميع آمّن على دعائها. حورية بابتسامة: يلا نخرج. وفعلاً خرجوا. عند جاسر وإلياس:

إلياس بهمس لجاسر: المأذون هنا، ويعقوب لسه ما وصلش. جاسر بهدوء: زمانه على وصول يا إلياس. المأذون: الوقت اتأخر، أنا عندي معاد تاني. فين العريس؟ كان الجميع في حالة من الصمت، لحد ما اتكلم جاسر. جاسر بابتسامة: زمانه على وصول يا مولانا. المأذون: طيب. مر ساعة ولسه لحد دلوقتي يعقوب ما وصلش. المأذون: مينفعش كده يا ابني، أنا عندي كتب كتاب تاني دلوقتي. تقي كانت واقفة ودموعها نازلة على خدها. واحدة من اللي واقفين: شكل العريس هرب.