رواية احببت ارملة الفصل التاسع عشر 19 - بقلم حورية مصطفى

الماذون: مينفعش كده يـا ابني انا عندي كتب كتاب تاني دلوقتي. تقي كانت واقفة ودموعها نازلة على خدها. واحدة من اللي واقفين: شكل العريس هرب. مر نصف ساعة والحال كما هو. جاسر والياس حاولوا يوصلوا ليعقوب بس مفيش نتيجة. الماذون استأذن ومشي والمعازيم بدأت تمشي ورا بعض. كان الجميع في حالة صدمة وحزن. تقي بضحك هستيري: ههههههه مستحيل يعقوب يعمل فيا كده هو بيحبني أيوه هو قالي إنه بيحبني. مستحيل يكسر قلبي بالطريقة دي.

تقي بصراخ ودموع: شوفتي يا نجمة يعقوب عمل فيا إيه كسر قلبي بسهولة وهو عارف إني بحبه. نجمة كانت دموعها نازلة على خدها ومش عارفة تعمل لأختها إيه. الياس بعصبية: ورحمة أمي ما هرحمه ابن الـ*** وهجيبه لو كان تحت الأرض. جاسر راح ناحية تقي وقف قصدها: صدقيني هجيب لك حقك منه بس لحد اليوم ده مش عاوز أشوف دموعك عليه وهو ميستاهلش دموعك يا قلب أخوكي. حورية بدموع: خالتو. نجمة التفتت لقت فاطمة واقعة على الأرض وفاقدة الوعي.

نجمة بصراخ: ماما. جاسر شال فاطمة بسرعة ودخلها أوضتها وقال للياس يطلب الدكتور. بعد مرور ساعة الدكتورة خرجت من عند فاطمة. نجمة بدموع: هي كويسة يا دكتورة. الدكتورة بجدية: الضغط كان عالي والحمد لله هي كويسة دلوقتي أتمنى تاخدوا بالكم منها لأن الزعل غلط عليها في عمرها ده. جاسر بهدوء: أكيد يا دكتورة. الدكتورة بعملية: عن إذنكم. جاسر للياس: وصل الدكتورة يا الياس. الياس بإيماء: طيب. في أحد المستشفيات.

الدكتور بعصبية: عمليات بسرعة الحالة وضعها بيسؤ. الممرضة بخوف: غرفة العمليات جاهزة يا دكتور. الدكتور بجدية: اطلبي من الدكتورة جني تيجي فورًا لأنها هتتدخل العمليات معايا. الممرضة بهدوء: حاضر. بعد مرور ساعة داخل غرفة العمليات. جني بعملية: المريضة حالتها بتسؤ يا دكتور لازم نتصرف. الدكتور بجدية: كل حاجة في إيد ربنا دلوقتي. صوت جهاز النبضات بيصفر يعلن عن وفاة أحدهما. الممرضة بصراخ: المريض تنفسه بيقل يا دكتور.

الدكتور وجني بدؤا يعملوا اللازم من أجل إنقاذه. بعد مرور ساعتين خرج الطبيب من غرفة العمليات لقي شخص ينتظره. الدكتور بجدية: انت تقرب للمريض حاجة. _لا يا دكتور أنا اللي أنقذتهم من الحادثة. الدكتور بجدية: للأسف إحنا خسرنا حالة وهي المريضة لأنها وصلت المستشفى وكانت شبه ميتة والشاب اللي كان معاها هيتنقل في غرفة العناية تحت الملاحظة لأن حياته في مرحلة خطر لسه. _تمام يا دكتور. في منزل نجمة. كان الجميع موجود في غرفة فاطمة.

نجمة بدموع: كده تقلقيني عليكي يا ماما. فاطمة ابتسمت بتعب وقالت: أنا كويسة أهو يا حبيبتي. تقي بدموع مسكت إيد فاطمة: آسفة كل حاجة حصلت بسببى. فاطمة بإبتسامة: لا يا حبيبتي ده مش بسببك ده قدر ومكتوب ومنقدرش نغيره. حورية بمرح: خوفتنا عليكي يا فطوم ينفع كده. فاطمة بضحك: يا بنتي اعقلي بقا. الياس بمرح ضرب حورية بالقفا: دي عمرها ما هتتعقل أبدًا. حورية بغيظ: إيدك يا شبح لتوحشك. الياس بمرح: انتي بتجيبي الكلام ده منين يا بت.

حورية بمرح: من السوبر ماركت هههه. الياس بغيظ: مش بتضحكي على فكرة ودمك سم. حورية بصتله بقرف ومردتش عليه. جاسر بعصبية: اخرسوا انتوا الاتنين. حورية والياس خافوا من عصبية جاسر وسكتوا. الياس راح عند فاطمة وباس راسها وقال: ألف سلامة عليكي يا أمي أنا لازم أمشي دلوقتي لأن الوقت اتأخر. نجمة بابتسامة: جاسر. جاسر بإبتسامة: خليكي مع أهلك يا نجمة الفترة دي هم محتاجينك. جاسر بحب باس راس فاطمة وقال: ألف سلامة عليكي يا أمي.

فاطمة بحب: الله يسلمك يا حبيبي. حورية بإبتسامة: ألف سلامة عليكي يا فطوم. فاطمة بحب: الله يسلمك يا حور. مر اليوم على الجميع في حالة حزن. بعد مرور أسبوع. في مركز المخابرات المصرية. في مكتب العقيد جاسر الكيلاني. جاسر بعصبية: إزاي مش قادرين نوصل لـ الحيوان ده. الياس بهدوء: اهدي يا جاسر عشان نقدر نتصرف. جاسر بعصبية: هنتصرف إزاي وإحنا منعرفش هو في أي داهية حتى أخته مختفية وملهاش أثر. الياس بجدية: أكيد في طريقة عشان نقدر

نوصله وبعدين ابتسم بشر: وقتها فينا ناخد حق تقي وكسرة قلبها. جاسر بهدوء: معاك حق أنا مش هنسى إنه كسر فرحتها في يوم زي ده ابن الـ***. في منزل نجمة. فاطمة بحب: والله يا حبيبتي إحنا كويسين أنا وتقي قدامك أهو. نجمة بدموع: لا انتي لسه تعبانة. تقي بإبتسامة حزن: هقوم أضربك وبعدين انتي بقالك أسبوع قاعدة هنا ومبعرفش أنام من ابنك. امتى تروحي بقااا. نجمة بغيظ: انتي تطولي أصلًا دومي يعيط وانتي نايمة.

تقي باستفزاز: أه أطول مطولش ليه يا عنيا. نجمة بغيظ: ششششش دومي حبيب مامي يعمل اللي يعجبه. فاطمة بهدوء: نجمة انتي بقالك أسبوع سايبة بيت جوزك مينفعش كده يا حبيبتي. نجمة بإبتسامة: أنا مستأذنة من جاسر إني أفضل معاكم هنا وهو وافق ومرفضش. فاطمة بحب: وافق عشان هو ابن أصول يا حبيبتي. كتر خيره إن كل يوم بيجي يطمن علينا بعد شغله ويشوفنا محتاجين إيه.

تقي بإبتسامة: فعلًا يا نجمة وإذا انتي خايفة علينا فإحنا قدامك كويسين أهو. فقومي اجهزي لحد ما أبيه يوصل. نجمة بإبتسامة: حاضر. بعد مرور ساعة وصل كل من جاسر والياس. فاطمة بحب: منور يا حبيبي. جاسر بإبتسامة: ده نورك يا أمي. الياس بغيظ: وأنا مفيش منور يا حبيبي أنا كمان ولا أنا ابن البطة السودة. تقي بمرح: انت ابن البطة السودة. الياس بغيظ مسكها من هدومها: أنا المقدم الياس يتقالي ابن البطة السودة من طفلة زيك.

تقي بمرح: سيب الجاكت يا ابيه. الياس نزلها بغيظ. تقي بمرح: أنا محترمة فرق الطول الشائع اللي بينا مش أكتر يا ابيه. فاطمة بضحك: كفاية يا ولاد. وبعدين قالت مجبتيش حورية معاك ليه يا جاسر. جاسر بإبتسامة: بتذاكر عشان امتحاناتها يا أمي. فاطمة بحب: ربنا معاها ويوفقها يارب. الجميع آمن على دعائها. جاسر بإبتسامة: همشي أنا بقا يا أمي عشان حورية لوحدها. خرجت نجمة من أوضتها. نجمة بإبتسامة: استني يا جاسر عشان هرجع معاك بيتنا.

جاسر ابتسم بسعادة وقال: طيب. بعد مرور ربع ساعة. نجمة بإبتسامة: آسفة على التأخير بس كنت بجهز سي أدهم. جاسر بحب أخد أدهم منها وقال: وحشتيني يا بطل. نجمة بحب حضنت فاطمة وقالت: هتوحشيني أووي يا ماما. فاطمة بحب: وانتي كمان يا حبيبتي. تقي حضنت نجمة بدموع: على فكرة انتي مش هتوحشيني خالص بقا. نجمة بإبتسامة: عايزاكي قوية وتهتمي بدراستك يا قلب أختك. تقي بدموع: حاضر يروحي. في المستشفى. الممرضة بجدية: المريض فاق يا دكتور.

الدكتور بعملية: تمام أنا جاي حالا. ذهب الطبيب إلى غرفة المريض. وكان في حالة عصبية شديدة. الدكتور بجدية: اهدي كده غلط على صحتك. هو بعصبية: أنا مش قادر أحرك رجلي يا حيوان. الدكتور بخوف من عصبيته: للأسف الحبل الشوكي اتأذى بسبب الحادثة اللي حصلت وادى لـ حدوث شلل نصفي.