رواية احببت بنت الخادمة الفصل الرابع 4 - بقلم رنا سعيد

مؤمن: تعالي نتجوز في السر من غير ما أبويا يعرف ولا أي مخلوق غيري أنا وانتي يعرف. جميلة اتصدمت من كلامه. مؤمن بهدوء: قولتي إيه؟ جميلة بابتسامة سخرية: صدق عرض حلو يا مؤمن باشا. وفجأة سكتت ورجعت كملت تاني وبهدوء: انت فاكر عشان بحبك هنزل كرامتي في الأرض وأوافق على جوازي بالشكل ده يبقى بتحلم. وبعصبية وغضب أكثر: ملعون أبو حبك يا شيخ بس منزلش كرامتي أنا وأمي في الأرض عشان خاطر حب سيادتك.

مؤمن بهدوء: ولا عاش ولا كان اللي ينزل كرامتك انتي وأمك في الأرض، انتي عارفة كويس انتي بالنسبة ليا إيه. جميلة بابتسامة سخرية: وانت عارف كويس أنا بالنسبة لي أبوك. مؤمن نفخ بضيق. جميلة بعصبية: مترد. مؤمن بزهق: هرد على إيه بس. جميلة بحدة: أنا بالنسبة لي أبوك إيه. مؤمن بزهق: جميلة أبويا مش قصده حاجة، انتي عارفة أبويا بيعزك وبيعتبرك زي بنته بالظبط. جميلة بضحكة سخرية: صدق صدقت.

وبعصبية: انت فاكرني هصدق الكلمتين الهبل بتوعك دول، ده أنا سامعة كل كلمة أبوك قالها عليه، ما زال لحد دلوقتي تكرار في وداني عايز يجوز بنت الشغالة. وبضحكة سخرية وجع: شفت أنا بالنسبة لي أبوك إيه. مؤمن بزهق: جميلة سيبك من الكلام ده كله، موافقة تجوزني؟ وعايز جواب حالا أه ولا لأ. جميلة بابتسامة سخرية: في السر؟ مؤمن بهدوء: أيوة، وياريت تفهمي الموضوع وبلاش تتسرعي في الحكم عليه. جميلة بهدوء: لأ والف لأ، واتفضل اطلع برا يلا.

مؤمن: جميلة عشان خاطري وافقي عشان خاطر حبنا، انتي عارفة الظروف هي اللي أجبرتني لكده. جميلة بغضب: قولت لأ، واطلع برا يلا بقا ومش عايزة أشوف وشك هنا تاني. مؤمن بعصبية: براحتك، بس انتي كده اللي بتضيعي حبنا يا جميلة، أنا ماشي ومتنسيش تيجي بكرة كتب كتابي على منى بنت فرحات صديق أبويا. وبضحكة خبيثة: طبعاً انتي عارفة يا جوجو. جميلة بابتسامة وجع: *****