رواية احببت دكتوري الفصل الرابع 4 - بقلم حبيبه سيد

بدر: أهلاً أهلاً. شروق: في إيه يا بدر؟ هيحصل إيه يعني لما يقعدوا مع بعض ويتكلموا؟ بدر: ما فيهاش حاجة، مش هي موافقة خلاص. بعد إذنكم. شروق: رايح فين؟ بدر: عندي شوية شغل هخلصه وأرجع على طول. شروق: شغل بعد الظهر من إمتى ده؟ بدر: لأ، ده النهارده بس. هخلصه وأجي على طول. ريم: بابا. بدر: أيوه. ريم: بزعل، أيوه كده وخلاص. بدر: نعم يا قلب بابا. ريم: متنساش تجيبلي حاجة حلوة وإنت جاي. بدر: ماهو العريس هيجيب. كفاية.

ريم: العريس بتاع رحمة مش بتاعي أنا. عايزة من بابا حبيبي. شروق: أيوه يا أختي، إنتي ادلعي عليه كده. محدش عارف يكلمك من الدلع ده. ريم: الله، مش حبيبي؟ وتروح تحضن بدر. بدر: يا قلب بابا إنتي. حاضر، هجبلك أحلى حاجة حلوة زيك يا سكر. ويبوسها في خدها. ريم: حبيبي. بدر بيخرج وبيفضل بالساعات برا. في أوضة رحمة، الفون بيرن. رحمة: الووو. كامل: مكنتش أعرف إن صوتك حلو كده. رحمة: مين؟ كامل: العريس يا عروسة. رحمة: جبت الرقم منين؟

كامل: كان لازم أسمع صوتك. وتعبت الصراحة على ما جبته. رحمة: طب سلام. كامل: استنى، هو أنا لسه اتكلمت؟ رحمة: مفيش بينا حاجة عشان تكلمني. سلام. وتقفل. الساعة 1:30 بالليل. في أوضة بدر. شروق: اتأخرت ليه كده؟ بدر: إنتي لسه صاحية؟ شروق: أيوه، ليه؟ بدر: الوقت اتأخر. إيه اللي مصحيكي لحد دلوقتي؟ شروق: كويس إنك عارف إن الوقت اتأخر. بدر: يعني إيه؟ شروق: يعني عمرك ما عملتها. مابتخرجش بعد الغدا ولا بتتأخر كده يا بدر. في إيه؟

بدر: مش شايفة إن رحمة لسه صغيرة على ارتباط وجواز ومسؤولية وكده. شروق: هو ده اللي شاغل بالك أوي كده؟ وبعدين مين دي اللي صغيرة يا بدر؟ بدر: أنا شايف إنها لسه صغيرة. شروق: إنت شاغل بالك بالموضوع ليه؟ وبعدين فيه واحدة صغيرة بتروح كلية. بدر: يعني لو مكنتش دخلت كلية كانت هتبقى لسه صغيرة؟ شروق: إنت عارف أنا أقصد إيه. مش موضوع كلية يا بدر، بس أنا شايفة إنها كبرت وطبيعي إن يتقدم لها عرسان عادي يعني. بدر: خلاص يا شروق.

شروق: مالك يا بدر؟ في إيه؟ أول مرة تشغل بالك بحاجة زي دي. مش عادتك. بدر: لأ عادي، مفيش حاجة. أنا هنام عشان الشغل. شروق: ماشي يا حبيبي. يلا ننام. تاني يوم. شروق: صباح الخير. بدر: صباح الخير يا حبيبتي. ريم: صباح الخير يا بابا. بدر: قلب بابا صباح الخير. رحمة: صباح الخير. ريم: أهلاً بالعروسة القمر. رحمة: والله إنتي اللي قمر يا ريم. بدر: بسرعة يا رحمة عشان المحاضرات. رحمة: حاضر يا عم.

شروق: كلي كويس عشان تركزي في المحاضرة. ريم: اها يا رحومة، وعشان العريس يلاقيقي قمر كده. بدر: يلا يا رحمة، كده هتتأخري. بدر ورحمة بينزلوا في العربية. بدر: إنتي مرتاحة الواد ده؟ رحمة: واد مين؟ بدر: اللي جاي يتقدملك يا رحمة. رحمة: اها، قصدك كامل. بدر: أيوه. وبعدين من إمتى بتحفظي الأسماء بسرعة كده؟ رحمة: لازم أحفظه لأني اتكلمت معاه ورقصت معاه. إنت نسيت ولا إيه؟ بدر: شكلك فاكرة كل حاجة وحابة الموضوع كمان.

رحمة: عشان أنا مش صغيرة. بدر: شكلك هترجعي من تاني يوم. أنا مش عارف هيستحمل الكلام السكر ده إزاي. رحمة: بتتريق. وبعدين لو بيحبني هيستحمل أي حاجة مني. بدر: ماشي يا رحمة. مع إني شايف إنك صغيرة على الموضوع ده، بس اللي يريحك. رحمة: بدر، إنت رافضني عشان معتقد إنها صغيرة؟ مش شايف إنها كبرت؟ بدر: عموماً، بكرة ييجي ونشوف. بيوصلوا الكلية. بدري بيروح المكتب. رحمة بتقابل يارا وبيدخلوا المحاضرة. بعدين يومين.

كامل: مش قولتلك الفرح الجاي هيبقى بتاعنا. رحمة: واضح إنك واثق من نفسك أوي. كامل: من ساعة ما شفتك بس. قبل كده لأ. رحمة: ليه من ساعة ما شفتني؟ مش قبل كده؟ كامل: عشان شوفتك بتاعتي أنا ومراتي. مقدرتش أشوف غيرك بالطريقة دي. رحمة: طب لو رفضت. كامل: مش هيأس. هحاول تاني. هحاول بدل المرة ألف مرة عشان تبقي معايا. مش هينفع تبقي مع غيري يا رحمة. رحمة: إزاي بتقول الكلام ده مع إنك مشوفتنيش غير مرة واحدة بس؟

كامل: ملاحظتيش إن المرة دي أنا متكلمتش مع غيرك؟ وتعرفي، كانت أول مرة أطلب إني أرقص مع واحدة في فرح ومعرفكيش. بس بجد مش شايف غيرك. رحمة: لو قولتلك إني موافقة. كامل: إنتي قولتي إيه؟ رحمة: موافقة. كامل: بجد؟ يعني أنا سمعت صح؟ خايف أكون بحلم. رحمة: ثانية واحدة. كامل: في إيه؟ رحمة: بتقرصه في إيديه. كامل: آآآه. خلاص عرفت إني مش بحلم. إنتي ما صدقتي. رحمة: هههههههه. عشان تتأكد بس. بيكتبوا الكتاب. والمأذون بيقول

الجملة الشهيرة بتاعته: بارك الله لكما وبارك عليكما وجمع بينكم في خير. بيحتفلوا شوية. وبدر بياخد شروق وريم ويروحوا. وكامل بياخدها على شقتهم. كامل: بيفتح الباب. ادخلي. رحمة: بتدخل تغير وبتخرج. بتكون لابسة قميص أبيض فوق الركبة وعليه روب. كامل: بيفضل يقرب منها ويطبع بوسة على شفايفها. وبيقدوا الليلة. تاني يوم. كامل: بصوت عالي. إنتي يا بت اصحي. رحمة: بخضة. في إيه؟ كامل: إنتي فاكرة نفسك عروسة بجد؟ قومي عندك شغل في البيت.

رحمة: نعم. كامل: مستغربة ليه؟ إنتي فاكرة نفسك عروسة؟ إنتي جاية هنا خدامة تحت رجلي. رحمة: كامل، إنت بتقول إيه؟ إنت اتجننت؟ كامل: أنا مش بقول الكلمة مرتين. زي ما سمعتي. إنتي هنا خدامة تحت رجلي. يعني كلامك معايا عبارة عن نعم وحاضر وبس. فاهمة؟ يلا أخلصي. قومي حضريلي فطار وروقي الشقة واغسلي السجاد. رحمة: ههههههههههههه. إنت بتهزر صح؟ كامل: ليه شايفة إني عيل؟ هزر معاكي؟ اخلصي وقومي شوفي اللي وراكي.

رحمة: إحنا فرحنا كان إمبارح على فكرة. يعني أنا لسه عروسة. هو ده شهر العسل اللي كنت بتقول عليه قبل الجواز؟ كامل: بيمسكها من شعرها جامد وبيشدها من على السرير. بتقع على الأرض. لأ، ماهو الكلام اللي قولته ده تنسيه خالص. إنتي هنا ملكي يا قطة وبتاعتي. خدامة تحت رجلي، اللي أقولك عليه بس يتنفذ. أي كلمة زيادة أو اعتراض، يا ويلك من اللي هيحصلك. بقا وانجري بقى على برا شوفي شغلك.

رحمة: بتخرج تشوف الشقة. بتبقى مستغربة هي إزاي انقلبت كده؟ مع إنها بالليل كانت مترتبة. حتى المطبخ متبهدل والحمام. بدأت تروق الشقة. نروح لبدر شوية بقى. ريم: صباح الخير يا بابا. بدر: قلب بابا صباح العسل. شروق: صباح الخير. بدر: صباح الحلويات. ريم: رحمة فين؟ شروق: في بيتها يا حبيبتي. ريم: هو ده مش بيتها؟ شروق: راحت بيتها الجديد. بدر: ياترى عاملة إيه دلوقتي. شروق: عروسة. هتبقى عاملة إيه يعني؟ الدلع كله بقى.

بدر: أكيد مش هتنزل الكلية قبل شهر. شروق: أكيد كامل مش هيخليها تنزل على طول كده. يعدي أسبوع على الحال ده. رحمة: كامل، أنا هنزل الكلية إمتى؟ كامل: كلية إيه اللي هتنزليه؟ رحمة: الكلية بتاعتي. كامل: لأ، مفيش كلية تاني. أنا أصلاً سحبت ورقك. رحمة: ده اللي هو إزاي يعني؟ كامل: اللي سمعتيه. قولتلك قبل كده، معنديش اعتراض على الكلام. وأي حاجة تسمعيها تقولي نعم وحاضر وبس. فاهمة؟ خلصي و... يا ترى كامل بيعمل معاها كده ليه؟

وهيحصل لرحمة إيه تاني؟ كل ده هنشوفه الجزء الجاي.