رواية احببت دكتوري الفصل الثالث 3 - بقلم حبيبه سيد

رحمه: بتلبس وبتحط ميك اب سنبل وتبقي طالعة حلوة أوي زي أميرات ديزني. بتخرج من أوضتها، بتوقف قدام بدر. رحمه: إيه رأيك؟ بدر: طالعة زي القمر وشيك أوي. ريم: بابا. بدر: بينزل على ركبته عشان يبقى قريب منها. بدر: نعم يا قلب بابا. ريم: إيه رأيك في dress بتاعي. بدر: يا قلب بابا، أنتي عروستي القمر. شروق: أنتي هتفضلي واخده بابا ليكي لوحدك يعني، مش معقول بجد، أنا بدأت أغار. بدر: هههههههههههههههه.

بدر: طب قوليلي أعملك إيه، مش أنتي اللي رحتي جبتيلي بنوتة عسل كدا، لازم أحبها. شروق: آه، أنت بتعاقبني يعني عشان جبتلك ريم. بدر: بيقرب منها. بدر: يا روحي، أنتِ أول وآخر حب في حياتي. ريم: آه، يعني مش بتحبني. بدر: أنا أقدر محبش روح قلبي. وبعدين يلا بقى عشان كدا هنروح آخر الفرح. بيخرجوا كلهم وبيوصلوا القاعة، بيقعدوا شوية. ريم: بابا، عايزة أرقص زي دول. بتشاور على العروسة والعريس.

بدر: هههههههه، والله ما هكسفك، أنتِ عروستي النهارده. وبيشيلها ويرقص بيها. بالمناسبة، الفرح بتاع واحدة قريبة شروق. شروق بتفضل قاعدة هي ورحمه على الترابيزة. بييجي واحد على الترابيزة. الرجل: تسمحي لي بالرقصة دي. رحمه: بتبص لشروق. شروق: روحي ارقصي وانبسطي، هو إحنا بنروح أفراح كل يوم. رحمه: بتقوم فعلاً وبترقص معاه. الرجل: سلو. الرجل: أنا اسمي كامل، وأنتِ؟ رحمه: بترد عليه، اسمي رحمه. كامل: اسمك جميل أوي زيك. رحمه: مرسي.

كامل: عندك كام سنة؟ رحمه: ليه، هتطلعي بطاقة؟ كامل: ههههههه، دمك خفيف. لاء، ممكن أطلعلك جواز سفر نقضي بيه شهر العسل. رحمه: ههههههه ههههههههههه. كامل: الله وأكبر، دي الحاجة شكلها دعتلي قبل ما أخرج، ولا إيه؟ رحمه: آه صدق، ممكن برضه. كامل: لاء، دا أكيد، وإلا ما كنتش قابلت القمر ورقصت معاه دلوقتي. رحمه: الرقصة خلصت، ممكن أنزل بقى أروح أقعد على الترابيزة بتاعتي. كامل: بسرعة كدا. رحمه: بتريقة، الفرح الجاي هبقى أبقى حاضر.

كامل: هههههههه، مش بعيد يبقى فرحنا. بينزلوا وكل واحد بيروح على الترابيزة بتاعته، بيقعدوا شوية في الفرح. بدر: شروق، مش يلا بقى؟ أنا عندي شغل ورحمة عندها كلية، الوقت اتأخر. شروق: طب استني شوية يا بدر، شوية صغيرين. بدر: حاضر، شوية صغيرين. شروق: بتسمع أغنية ستوا أنا. بتشد بدر عشان يقوم يرقص معاها، وبيقوم يرقص معاها دقيقتين. ريم بتشاور لبدر. بينزل ياخدها وبيطلع يكمل رقص مع شروق وريم. قبل الأغنية ما تخلص بشوية.

كامل: بيمد إيده لرحمه. كامل: مش عايزة تشاركي على الأغنية ولا إيه؟ رحمه: هههههه، أنت مش لاقي حد غيري في القاعة كلها. كامل: بصراحة، فيه بنات كتير، بس عيني مش قادرة تشوف غيرك. يلا بقى قبل الأغنية ما تخلص. وبطلع ترقص معاه. بدر: بيكون متابع شروق وكل حركاتها. الأغنية بتخلص. شروق: أنا هنزل بقى. شروق: رجلي بتوجعني. بيكون نازل معاها، بس أغنية "مسطرة" بتشتغل. بيلاحظ إن رحمه واقفة ترقص مع كامل.

بدر: انزلي أنتِ وريم، وأنا هجيب رحمه وجاي وراكي. شروق: بتنزل مع ريم. بدر: بيشوف رحمه مندمجة مع الأغنية. بيشدها بدل ما ينزل، بيوقف يرقص معاها. وبيكون مندمج في الرقص وقريب منها في الرقص. بيبقوا عاملين جو في الفرح. الأغنية بتخلص. بينزل هو ورحمه. بيعدوا عشر دقائق ويمشوا. بيروحوا على الشقة وكل واحد بيدخل على أوضته. شروق: الفرح كان حلو، مش كده؟ بدر: مش قريبتك، أكيد هتقولي إنه حلو. شروق: يعني متبسطتش؟ بدر: مالك يا شروق؟

شروق: لاء، ماليش خالص. أنت مشوفتش نفسك كنت بترقص مع رحمه إزاي، وبترقص معايا أنا إزاي؟ أنا مراتك، وما كنتش مندمج معايا كده. بدر: يا حبيبتي، أنا رقصت مع ريم ومعاكي، مفيهاش حاجة بقى. أما أرقص شوية مع رحمه، متنسيش إنها من يوم ما جت هنا مش بتخرج خالص، حتى الفرح، الكل كان بيتحرك عادي، هي كانت بتاخد الإذن، صح؟ شروق: مش مبرر برضه إنك ترقص وتقرب منها بالطريقة دي يا بدر. المفروض تراعي وجودي ومنظري قدام الناس. بدر: بيقرب منها.

بدر: طب، إحنا هنقضي الليلة خناق وكلام عن رحمه؟ يعني؟ شروق: قصدك إيه؟ بدر: بيقرب منها وبيطبع بوسة على خدها. شروق: بدر، أنت عندك شغل بكرة. بدر: ماهو مش قريبتك اللي فرحها النهارده يا عروسة. شروق: بتبعد خطوة. شروق: بدر، بطل البنات ممكن يصاحب. بدر: لاء، متقلقيش، دول زمانهم بياكلوا رز بلبن مع الملائكة دلوقتي. وبيقرب منها ويطبع بوسة على شفايفها، وبيكملوا الليل. تاني يوم على الفطار. ريم: صباح الخير يا بابا.

بدر: صباح الجمال يا قلب بابا. شروق: صباح الخير. بدر: صباح الحلويات. رحمه: صباح الخير. ريم: أيوا بقى، الجميل اللي كان مولع الفرح امبارح. رحمه: مش أكتر منك. بدر: بيقرب من شروق. بدر: على فكرة، المفروض تبقى صباحية مباركة يا عروسة، بس هعديها بمزاجي. شروق: بكسوف. شروق: بدر، البنات موجودين، عيب كده. بيخلصوا أكل. رحمه وبدر بينزلوا يركبوا العربية عشان يروحوا الكلية. بدر: مين اللي كنتي بترقصي معاه امبارح؟ رحمه: واحد.

بدر: ما أنا عارف إنه واحد، هو أنا قولتلك واحدة. تعرفيه منين؟ ولا اسمه إيه؟ رحمه: كل اللي أعرفه إن اسمه كامل. ليه، فيه حاجة؟ بدر: يعني متعرفيش هو مين وقمتي رقصتي معاه؟ رحمه: أنا متحركتش من على الكرسي غير لما شروق قالتلي قومي. بدر: تمام يا رحمه. بيوصلوا الكلية. بدر بيخلص الشغل، ورحمه بتخلص المحاضرات، وبيرجعوا البيت تاني. بعد يومين. على الغدا. شروق: مبروك يا رحومة. رحمه: باستغراب. رحمه: مبروك على إيه؟ شروق: جالك عريس.

بدر: نعم؟ مين ده؟ شروق: فاكر الشاب اللي كان بيرقص مع رحمه في الفرح. رحمه: قصدك كامل. شروق: الله، أنتِ عارفة اسمه؟ هو ده العريس بقى. بدر: لحق يعرفها منين؟ شروق: سأل عليها. العريس والعروسة، قالتلي النهارده. هااا، إيه رأيك يا رحومة؟ رحمه: هاااا، بس أنا مش عرفاه. شروق: ماهو إما يجي ويقعد معاكي، هتتعرفوا على بعض. وبعدين، انتوا كنتوا حلوين مع بعض في الفرح. رحمه: آه، إن شاء الله، إما ييجي أبقى أشوف.

بدر: ييجي وتشوفي. أهلاً أهلاً و...... يتبع.