رواية احببت دكتوري الفصل السادس 6 - بقلم حبيبه سيد

عمرك شفتي خدامة بتاكل مع سيدها؟ وبعدين مش كفاية إني سايبالك أكل في المطبخ، احمدي ربنا إني بسيب أكل أصلاً. الخدم بياكلوا الأول. رحمة: آه، كتر خيرك بجد بتتعب. كامل: زي ما قلتلك، أرجع ألاقي الشقة عشرة على عشرة. ويا ريت اللي روقّت الشقة كمان تبقى شيقة كده. وبيقوم من على الأكل، بيخرج ويرزع الباب وراه. رحمة لنفسها: صحيح مش كل اللي متجوزين سعداء ومتهنيين. دول متهنيين بس امتى هخلص من العذاب ده بقى.

وبتبدأ تشوف اللي وراها في الشقة. عند بدر. ريم: ماما، النونو هييجي امتى؟ عايزة ألعب معاه شوية. شروق: لسه شوية يا حبيبتي. بدر: ريم، يلا اشربي اللبن بتاعك، وإنتي كمان يا شروق. ريم: هي ماما هتشرب لبن عشان تكبر؟ بدر: عشان النونو اللي عندها يكبر بسرعة ويخرج يلعب معاكي، مش إنتي عايزاه؟ ريم: أيوه يا بابا. بدر: خلاص يبقى لازم ماما تشرب اللبن زي بنوتي القمر عشان النونو يجي بسرعة. ريم: يلا يا ماما عشان النونو يجي ويلعب معايا.

بيقعدوا يفطروا مع بعض، وبدر بيخلص وينزل على شغله. بيوصل الكلية وبيدخل يشرح المحاضرة. في الآخر: بدر: لو سمحتي يا آنسة. يارا: حضرتك عايزني يا دكتور؟ بدر: رحمة مش بتكلمك خالص. يارا: والله يا دكتور، المفروض أنا اللي أسأل حضرتك. أنا معرفش عنها حاجة أصلاً. بدر: طب لو كلمتك، يا ريت تعرفيني. يارا: حاضر يا دكتور، بعد إذنك. بدر: اتفضلي. بيكمل باقي شغله. في آخر اليوم الفون بتاع بدر بيرن. بدر: الووو. ريم: أيوه يا بابا.

بدر: نعم يا قلب بابا، ماما كويسة؟ ريم: أيوه. بدر: طب كنتي عايزة حاجة؟ ريم: عايزة تجيبلي شوكولاتة وإنت جاي، بس الكبيرة عشان النونو كمان. بدر: ههههه، عشان النونو ولا عشان ريم؟ ريم: عشاني وعشان النونو كمان. بدر: حاضر. ريم: بابا عايزة... بدر: قولي عايزة إيه. ريم: عايزة زبادي شوكولاتة كمان. بدر: طب ما أنا هجبلك الشوكولاتة، ليه الزبادي بقى؟ ريم بزعل: خلاص مش عايزة. بدر: لأ خلاص، هجبلك حاضر. حاجة تانية؟

ريم بتبعتله بوسة في الفون وبتقفل. بدر بيرجع يكمل شغله، وإما بيخلص بيروح يشتري حاجات لريم. أول ما بيفتح باب الشقة. ريم بتجري عليه. بدر بينزل يشيلها. بدر: عارفك جاية عشان تاخدي الشوكولاتة بتاعتك. ريم: أنا يا بابا؟ بدر: لأ، أنا. عموماً الحاجة بتاعتك أهيه، وفيه آيس كريم كمان بس محتاج يدخل الفريزر شوية. ريم بتاخد الشنطة، بيكون فيها شوكولاتة وبسكويت وتوفي. بتقعد تفتح في كل حاجة، تاخد منها واحدة وتسيبها.

بدر: هو دا اللي عايزاه ليا ولي النونو؟ ريم: عشان أكبر يا بابا. بدر: ماشي يا قلب بابا، بالف هنا. بس براحة عشان سنانك. كامل: لأ، حلوة الشقة، بس ناقصها ورد وشموع. رحمة: نعم، ودا ليه بقى إن شاء الله؟ كامل: شكلك نسيتي. رحمة: إنت اللي نسيت إن الجو اللي إنت عايزه مينفعش. كامل: ليه؟ رحمة: عشان الجو ده للي متجوزين بس. كامل بيقرب منها: طب ما إحنا متجوزين. رحمة: ههههههههههه، لأ شكلك نسيت برضو إني هنا خدامة مش أكتر.

كامل: ومراتي وقت ما أكون عايز. رحمة: وأنا مش عايزاك، ومش هسمحلك تقرب مني تاني. كامل بيروح ناحية الدولاب وبيطلع قميص قصير وشفاف: خدي البسي ده. رحمة: لأ. كامل: مش بمزاجك، يلا اخلصي. خمس دقايق بالظبط أدخل الأوضة ألاقيكي لابساه، فاهمة؟ رحمة: لأ مش هلبس حاجة. كامل: اللي أقول عليه يتنفذ. اخلصي بسرعة أحسنلك. رحمة بتبدأ تخاف من كلامه ونبرة صوته، وبتاخد القميص منه. كامل بيخرج. خمس دقايق وبيدخل بيشوفها لابسة روب طويل.

كامل بيقرب منها: لأ، أنا عايز أشوفك بالقميص. رحمة بتكون ماسكة الروب جامد ومكسوفة وخايفة، لأن القميص شفاف أوي وقصير. كامل بيشيل الروب من عليها ومش بيقدر يشيل عينيه من عليها من جمالها. بتبقى حلوة أوي. بيقرب أكتر منها وبيشيل توكة من شعرها، بيبقى نازل على وشها. بيقرب أكتر وببدأ يلمس شعرها وبيشيله من على وشها بإيديه، وبيبدأ يبوس خدها.

رحمة بتبقى خايفة وبتحاول تبعد، لكن كامل بيمسكها من وسطها وبييقرب منها أكتر، وبتبقى إيديه الشمال على وسطها وماسكها جامد، وإيديه اليمين على شعرها. كل دا وهو بيبوسها في خدها وشفايفها، وبيِقضوا الليلة. الساعة 3 بالليل الفون بيرن. كامل: الووو. مجهول: عملت إيه؟ كامل: هو فيه حد يتكلم في وقت زي ده؟ مجهول: نعم يا روح أمك، ودا من امتى؟ كامل: الوقت متأخر، مينفعش كده. مجهول: نعم، حصل شكلُه حصل. سبق وقلتلك ركز في شغلك، بس...

كامل: دي مراتي، وبعدين أنا بعمل الشغل المطلوب مني. مجهول: لأ، واضح. وأي حكاية الوقت متأخر دي كمان؟ أنا بكلمك في الميعاد ده عادي، أول مرة تقول الوقت متأخر. إنت اتجوزت عشان تنفذ كلامي بالحرف، مش عشان تقعد عندك تدلع وتسيب الشغل اللي اتفقنا عليه. كامل: وأنا كمان سبق وقلتلك، مش بقدر أقوم جمالها. دي تتشال على الراس وتستاهل دهب وتقلها، وتتعامل معاملة الهوانم، مش المعاملة دي اللي تليق بيها خالص. مجهول: أهلاً، إنت بتحب فيها؟

مش بتشوف شغلك؟ آخر مرة هقولك، نفذ المطلوب، بس امسح الرقم، وارجع لها وركز في شغلك. إنت فاهم؟ كامل: تحت أمرك. بعد شهرين. رحمة: كامل، كنت عايزة أقولك حاجة. كامل: قولي، فيه إيه؟ رحمة: بس من غير ما تتعصب. كامل: شكلك عملتي مصيبة، اخلصي فيه إيه. رحمة: أنا... أنا حامل. كامل: نعم، إنتي بتقولي إيه؟ رحمة: بقولك حامل و... يتبع.