رواية احببت فارس الصعيد الفصل الثالث عشر 13 - بقلم حبيبة محمد

ريتال: مش فارقة يعني. رعد: متنزليش هيحصل مشاكل. ريتال: لا. رعد: أنتي حرة. ريتال: ماشي يلا يا روح. روح: يلا. يزن: يا بنتي. روح: يزن خلاص. يزن: ماشي ابقوا طمنوني بقى. روح: (بابتسامة حزينة) حاضر. بعدين مشيوا. ريتال: (حضنت نجوى) عايزة حاجة؟ نجوى: (باستغراب) سلامتك يا حبيبتي. روح: هي كمان حضنتها. بعدين سلموا عليها ومشيوا. روح: طب إيه لبسنا وحاجتنا؟ ريتال: مش مهم يا روح. روح: ماشي. بعدين مشيوا. بعد مرور يوم.

ريتال: كانت وصلت وطلعت شقتها هي وروح بهدوء وغيروا وناموا. الساعة 12:00 بليل. ريتال: قامت. كانت تعبانة لقت فُونها مش مبطل رن. ريتال: لقت جدها رانن هو وخالها. ريتال: كانت خايفة ترد، صحت روح. روح: (بنوم) في إيه؟ ريتال: جدو رن عليا كتير أوي وخالو، أعمل إيه؟ روح: طيب ردي. ريتال: أنا خايفة. روح: ما تخافيش. ريتال: طيب، وردت. محمد: (بعصبية) أنتي فين؟ ريتال: (بهدوء) أنا في مصر. محمد: وإيه مصر مين؟

أنا بقالي يوم عمال ألف عليكي وأنتي في مصر؟ ريتال: (بهدوء) جدو أنا مش هتجوز. محمد: ريتال ارجعي حالًا. ريتال: لا. محمد: ارجعي يا ريتال. ريتال: (بعصبية) جدو لا قلت، وأنا مش هتجوز، أنا وهو عكس بعض وأنا عايزة أكمل حياتي وتعليمي، ما تدمرش حياتي يا جدو. محمد: (بحذر) قلت ارجعي أنتي وروح. ريتال: لا. محمد: ماشي أنا هجيبك بطريقتي، وقفل. ريتال: ألو جدو! (لقيته قفل) روح: قالك إيه؟

ريتال: فضل يزعق ويقولي ارجعي وهاتي روح، قلتله لا، قالي هجيبك أنا وقفل. روح: طب إيه هو قال لبابا؟ ريتال: مش عارفة، أنتي فونك فين؟ روح: في الشاحن. ريتال: طب شوفي كدا. روح: (شافت فونها) لقت باباها وأمها رانين كتير. روح: (بخضة) دول رانين كتير يا لهوي! ريتال: طيب رني عليه. روح: لا لا أنا خايفة! ريتال: ما تخافيش. روح: رنت على باباها طارق النجار.

طارق: كان قاعد ومخلي حراسة كلهم يدوروا على روح وريتال لأن محمد قالهم إنهم مشيوا، لقى فونه بيرن. طارق: (بلهفة) ألو روح أنتي كويسة؟ روح: آه. طارق: (بطمأنينة) أنتي فين؟ روح: ما تقلقش يا بابا أنا كويسة. طارق: طيب أنتي وريتال فين؟ روح: إحنا في مصر. طارق: في مصر؟ طيب تعالوا. روح: لا يا بابا أنتا فعلًا عايز تجوزني لواحد أنا معرفوش وأنا مش عايزة أتجوز، أنتوا ليه بتعملوا فينا كدا؟ طارق: روح تعالي أنتي وريتال. روح: لا. طارق:

(بعصبية) بقولك تعالي. روح: لا يا بابا وعلي جثتي لو اتجوزتُه. طارق: أنتي في مصر تمام يا روح، وأقسم بالله لأعرفك تكلمي أبوكي كدا إزاي ماشي. روح: بابا افهمني أنا مش صغيرة وحرام إنكم تجوزوني بالعافية. طارق: آخر مرة هقولك ارجعي يا روح. روح: (بخنقة) قلتلك لا. طارق: (بزعيق) طب والله لو كنت مش هجوزهُولك، لأتتجوزي أنتي وريتال يا روح عشان تبقي تعملوا اللي عملتوه دا، سلام! وقفل. روح: (لقيته قفل) ريتال: إيه؟

روح: عمال يقولي ارجعي وزي ما سمعتي. (هي كانت فاتحة مكبر الصوت) ريتال: أنا خايفة. روح: وأنا. ريتال: ما تخافيش يلا نقوم. بعدين قاموا عملوا أكل وقعدوا ياكلوا. روح: هو إيه دا؟ ريتال: دي جبنة وبيض، دا اللي بعرف أعمله. روح: طيب. بعد شوية خلصوا وقاموا قعدوا على السرير كل واحدة ماسكة فونها. بعد ساعتين. ريتال: كانت قاعدة هي وروح لقوا في تخبيط على الباب جامد. روح: (بخضة) أنا خايفة. ريتال: وأنا. روح: طب هنعمل إيه؟

ريتال: نشوف مين. (وقاموا) ريتال وروح: كانوا بيقربوا من الباب براحة. ريتال: (فتحت) إيه في إيه؟ إيه التخبيط دا؟ الحارس: رجع وطارق أبو روح ظهر من وراه. روح: (بتوتر) بابا! طارق: آه، يلا بهدوء تعالوا. ريتال: لا مش هنيجي. طارق: يلا. روح: لا. طارق: بقولكوا يلا. روح: (بزعيق) لا يعني لا. طارق: قال للحراس يجيبوهم. روح وريتال: كانوا عمالين يعيطوا ويصوتوا هما عارفين إن آخرة كدا هيتجوزوا بالعافية.

بعدين طارق ركب العربية وهما معاه. بعد شوية وصلوا. طارق: خلى الحراس ينزلوهم. وطلع فوق. سحر أم روح: في إيه يا طارق؟ طارق: مفيش. سحر: طيب أنتا مخليهم يمسكوهم كدا ليه؟ خليهم يسيبوهم، ريتال حبيبتي في إيه؟ روح: ماما الحقيني ونبي. ريتال: أنا بقولك يا ماما ونبي لو أنتي أمي فعلًا خليه يسيبنا ونبي. سحر: طارق أنا عايزة أفهم خليهم يسيبوهم بقولك. طارق: ما ردش عليها. بعدين طلعوهم الأوضة ودخلوهم وقفل عليهم.

سحر: لا لا من أمتى وأنت بتعاملهم كدا؟ طارق: (بجدية وتحذير) من حالًا، ولو عرفت إن هما خرجوا ولا أنتي حاولتي حتى تخرجيهم من الأوضة دي أنتي حرة. سحر: يعني إيه مش فاهمة؟ طارق: اللي عندي قلته. سحر: في إيه؟ طارق: الموضوع اللي كنا بنتكلم فيه، الاتنين نزلوا من الصعيد وجدهم كان قالب عليهم الصعيد كلها وهما في مصر، وكل دا عشان ما يتجوزوش. سحر: (بهدوء) أيوا بس برضه الموضوع يتاخد بهدوء ونتكلم معاهم يا طارق.

طارق: أما نشوف آخرتها، المهم شوفيهم أكلوا ولا لأ بس كل حاجة وهما في الأوضة، أنا بقولك أهو. سحر: ماشي يا خويا ماشي. بعدين طارق مشي عشان يكلم جد ريتال وسحر راحت تعملهم أكل. عند ريتال وروح. ريتال: أنا عملت إيه بس عشان يطلعلي واحد زي أبوكي وجدي؟ روح: مش عارفة والله، أنا مش عايزة أتجوز يا ريتال. ريتال: وأنا والله زيك. روح: طب هنعمل إيه؟ ريتال: أنا بفكر في خطة أهو.

روح: طب فكري بس قبل ما تفكري خليكي عارفة إن لو رحنا فين هيجيبونا. ريتال: وبرضه خليكي أنتي كمان عارفة إن مهما عملنا هنتجوزهم خلاص وأنا مش عايزة أتجوز. روح: أنا مش عارفة يا أختي والله، هو بصراحة رعد مش وحش برضه هو قمر بعيونه دي وغمزاته بس برضه مش إيه دا، المهم هنعمل إيه؟ ريتال: (بضحك) والله مانا عارفة نفكر في حلاوته ولا نفكر نعمل إيه، هم يبكي وهم يضحك يا أختي. 😹😹

روح: على رأيك بقولك إيه ما تفكريش في حاجة أنا عايزة أرتاح يا أختي دماغي صدعت. ريتال: بت صح إحنا معندناش دم أوي. روح: من زمان والله يا حبيبتي أنتي لسه واخدة بالك حالًا؟ ريتال: 😹 ونبي دي منظر ناس هتتجوز بالعافية، المفروض نكون بنعيط. روح: آه بس سيبك، فرفشي فرفشي، خدنا إيه من الحزن غير العياط؟ ريتال: بس جتلي فكرة. روح: إيه هي قولي بسرعة. ريتال: ** روح: بس تفتكري هيوافق؟ ريتال: ما هو محدش يعرف غيرنا إحنا الأربعة بس.

روح: آه. ريتال: وكمان هو مش عايز يتجوزني فالخطة كدا هتمشي بالظبط. روح: طب يا رب تنجح. ريتال: يا رب. روح: طب جعانة. ريتال: وأنا. وراحوا يخبطوا ع الباب إن حد يفتحلهم. في الوقت دا كانت سحر طالعالهم. ريتال: يا ناس إحنا جعانين. روح: يا عالم يا اللي برا أنا جعانة والله جعانة. ريتال: يا ناس يا هو جعانة والله لو ما فتحتوا في خلال ٣ ثواني هكون كلت روح. سحر: (فتحت بالمفتاح) إيه يا مفاجيع أنتي وهي؟

ريتال: سوسو حبيبتي شوفتي اللي عمله طروقة في ريتا حبيبتك. سحر: ما أنتي اللي هبلة، الواد مز يا عبيطة منك ليها ومحدش لاقي يا أختشي، خديه يا غبية ومع الوقت هتحبوا بعض، أديكي شايفاني أنا وطروقة أهو. روح: ما شاء الله يعني ما بتقبلوش بعض. سحر: (بضحك) لا يا بت والله لا. ريتال: أنتي بتضحكي يبقى الكلام صح، المهم أنا جعانة يا سوسو. سحر: بس كدا تعالوا. روح: بقولك أنتي مين قالك إن الواد مز وكدا؟

سحر: ما هو أنا أصلًا عارفة الموضوع وطارق وريهوملي. روح: طارق وريهوملي، قولي كدا طيب 😹😹 سحر: بس يا بت يلا تعالوا دا لو عرف إني فتحت مش بعيد يخليني معاكوا 😹 ريتال: لا لا طارق بيحبك استحالة يعمل كدا هو هيطلقك بس 😹 اسمعي مني. بعدين فضلوا يضحكوا ونزلوا. ريتال: أيوا بقى يا تركاتك يا حركاتك يا سوسو. سحر: أمال. ريتال: الأكل شكله جامد أوي. روح: آه أوي. سحر: طب يا حبايبي بالهنا وخلصوا عشان تطلعوا تاني. ريتال: إيه دا يا سوسو؟

سحر: (باستغراب) إيه؟ ريتال: هو إحنا ما قولنلكيش؟ سحر: لا ما قلتوليش. روح: هو إحنا ما عرفنكيش؟ سحر: اخلصي يا بت منك ليها. ريتال: ما هو إحنا هنوافق على رعد وعريس روح يا سوسو. سحر: (بفرحة) يا ألف نهار أبيض يا حبايبي بس أكيد ما وافقتوش غير بسبب، في إيه بقى؟ ريتال: (بخبث) لا والله إحنا فكرنا في اللي قلتي عليه لقيناه صح وكدا وهو حلو أصلًا فقلنا فرصة بقى. سحر: قلبي مش مطمنلكوا ومش مصدقاكوا بس أما نشوف آخرتها. روح:

(بتغير الموضوع) اطمني يا سوسو وحطي في بطنك بطيخة صيفي ما تخافيش. سحر: هنشوف كله هيبان. بعد شوية خلصوا أكل. طارق جه. ريتال وروح كانوا قاعدين بيتكلموا. طارق: (بعصبية) أنتو إيه اللي نزلكوا يا بت أنتي وهي؟ ريتال وروح: اتخضوا ووقفوا. طارق: ردي. ريتال: آآآصل. طارق: اخلصي. روح: أصل يا بابا. ريتال: في إيه يا طروقة مالك؟ طارق: (بجدية) مش وقته يا ريتا قصدي يا ريتال. ريتال: (بخبث)

قطط كنا جعانين يا طروقة يرضيك ريتا وروح ما ياكلوش؟ طارق: كنتوا كلوا فوق. ريتال: طب قولي بس قولي يرضيك نتحبس؟ طارق: طالما مش عارفين مصلحتكوا فين يبقى يرضيني. روح: ومين قالك بس يا بابا يا حبيبي؟ ريتال: (كملت) إحنا عارفين مصلحتنا وموافقين كمان. طارق: على فكرة يا عبيطة أصلًا إحنا موافقين من الأول. ريتال: أيوا مانا فاهمة يا طروقة اقصد يعني إن إحنا خلاص مش هنحاول نهرب أو كدا موافقين.

طارق: يعني مفيش حد قالك حاجة كدا ولا كدا؟ سحر: لا ما تقلقش يا خويا دا من نفسهم. كدا أنا مفتحتش بوقي. طارق: مقصودكيش يا حبيبتي والله. سحر: أنت هتقولي يا حبيبي؟ أنا عارفة إنك ما تقصدنيش. روح: الجو بقى تلقيح ليه؟ ريتال: على رأيك، أنت تقصد إيه يا طروقة باللي قلته دا؟ طارق: (بصلها وقال بصوت واطي) إتنيلي يا ريتال دلوقتي عشان مش وقته، تهدّي النفوس هاا؟ أنا فاهمك. ريتال: (بصدمة) إيه دا؟ الحقي يا سوسو! سحر: إيه؟ في إيه؟

ريتال: طروقة بيقولي إنك مش هتسكتي يا سوسو، وأنتي قلتلنا حاجة، شوفتي؟ سحر: ما أنا عارفة، هو أصلاً ما بيحبنيش، دا عاوز يطلقني في أول فرصة تجيله، راجل خاين، بقى بعد السنين دي كلها بتقل بأصلك معايا، يا خسارة طبيخي ليك وغسيلي لهدومك. طارق: يخرب بيتك يا ريتال! سحر: عاملة نفسها زعلانة، بقى كدا يا طارق؟ ماشي، طب وعيالك اللي في بطني هعمل فيهم إيه؟ طارق: هو أنتي حامل وأنا ما اعرفش؟ سحر: طب بعد الميت سنة دول، هونت عليك طه؟

طارق: ميت سنة مين؟ أنتي عندك كام سنة يا بت يا روح؟ روح: مش فاكرة. طارق: على البركة كدا، الأم والبنت أهبل من بعض، الله يحرقكوا، هتجننوني! سحر: لا لا بجد بقى، اطلع بره بيتي يا طارق، براا! طارق: ريتال ونبي سكّتيها لاحسن بتحب التمثيل أوي وفقراتها ما بتخلصش. ريتال: لا يا خويا وأنا مالي؟ هي مراتي ولا مراتك؟ طارق: (راح لسحر) سوسو حبيبتي، فقراتك هتخلص أمتى؟ أصلي تعبت. سحر: كمان شوية أو على الساعة خمسة كدا. طارق: خمسة مين؟

لا طب تعالي نكملها فوق. سحر: لا يا خويا خلاص فقراتي خلصت. طارق: طب الحمد لله. سحر: هااا، أدائي كان عامل إزاي يا ولاد؟ حلو ولا وحش؟ ريتال + روح: (بيسقفوا) هايل يا فنان، هايل، فنانة المستقبل إن شاء الله! سحر: أمال يا بت؟ طارق: طب خلاص الفقرة خلصت، نتكلم في الجد. روح: اممم. طارق: أنا كلمت جد ريتال واتفقنا إن الفرح آخر الأسبوع ده، وعريسك يا روح هو يزن. روح: (بصدمة) يزن؟ يزن مين يا بابا؟ طارق: أخو رعد. روح + ريتال:

(بصوا لبعض) طب إزاي هو عارف؟ طارق: آه، أبوه اتكلم معاه. ريتال: هو مش كان الفرح آخر الشهر تقريبًا؟ طارق: آه وخلاص قررنا. ريتال: بس مينفعش. طارق: دا اللي قلناه ومش هنغيره. روح: بابا خلاص بقى، إحنا وافقنا أهو فخلاص. طارق: مينفعش نرجع كلمتنا تاني. ريتال: أوووف بقى! روح: معلش. طارق: جهزوا نفسكوا عشان هنسافر. ريتال: فين تاني؟ طارق: الصعيد. روح: لا مش عاوزين نروح، هنقعد في مصر حبة.

طارق: ما تقلقوش، هتعيشوا في مصر أصلاً لأن هنا شغلهم وعيشتهم في مصر. ريتال: بس كل حاجة هتكون بسرعة وكدا مش حلو. طارق: (قام) معلش، هنمشي الساعة سبعة بالليل. روح: يووه بقى! بعدين طارق مشي. روح: مسكت الفون بتاعها، هي خدته تاني عشان كان أبوها خده هو وبتاع ريتال، بعدين فتحت الجروب اللي هما عملوه هي ويزن ورعد وريتال وفيروز. روح: مساءو. فيروز: مساءو يا قلبي، عاملة إيه؟ روح: مش كويسة خالص يا فيرو. فيروز: مالك؟ في إيه؟

روح: كانت لسه بتكتب. يزن: (رد) مساء الخير، أصلها يا فيرو هتتجوز! فيروز: يا عيني، مين ابن الهبلة دا؟ روح: هو أنتوا متعرفوش؟ فيروز: لا، مين دا يا بخته يا روح اللي هتكوني من بخته، دا أنتي هتطلعي عينه! روح: ليه؟ هو أنا وحشة؟ ريتال: بخ. يزن: ريتال عاملة إيه؟ ريتال: اسكت، دا حصل كتير والله، هبقى أحكيلك. فيروز: أوعااا، أنتوا بتحكوا كل حاجة لبعض؟ ريتال: أمال يا بنتي، إحنا أخوات. يزن: أيوا، ريتال وروح أخواتي طبعًا.

ريتال: المهم العريّس اللي فيرو شتمته يبقى يزن! يزن: يزن مين؟ روح: (بضحك) أنت! يزن: 😳...