رواية احببت فارس الصعيد الفصل الرابع عشر 14 - بقلم حبيبة محمد

يزن: هو أنتوا بتمقلبوني ولا ده بجد؟ فيروز: بجد والله، لايقين على بعض. وأنتَ يا يزن مش هتلاقي أهبل من روح، وأنتِ يا روح مش هتلاقي أجمل وأخف من يزن. يزن: طب بقولكوا إيه، مش فاضي للهبل والمقالب دي أنا ماشي. روح: خد بس هقولك. يزن: لأه. وقفل. فيروز: يخربيتكوا! ده بجد ولا لأ؟ روح: آه والله، وريتال هتتجوز رعد، شوفتي؟ فيروز: الله! أحسن حاجة، أخيرًا رعد الكئيب هيتجوز، كنت هاموت وأشوف مين اللي هتتجوزه. ريتال:

(عملت إيموجي حزين) آه. فيروز: بهزر بس بجد اللي قلته مش هزار، صح؟ روح: أيوه والله. فيروز: آه، طب مش هتيجي تحكيلي حصل إيه بقى؟ روح: لأ، هاه، تعالي برايفيت عشان هما في الجروب وكده. فيروز: أهو. ريتال: وأنا يا جزمة؟ روح: هبقى أكلمك أنتِ. (إيموجي ضحك) ريتال: ماشي يا ستي ماشي. عند يزن: يزن: (جه) إيهاب: (كان قاعد بهيبة ومستنيه) يزن: مساء الخير يا بوي. (وراح باس إيده) إيهاب: مسائك ورد يا ابني، اقعد عاوزك. يزن: خير يا بوي نعم؟

إيهاب: بص يا ابني أنا كبرت ونفسي أشوف خلفتك أنتَ و... رعد: (دخل ببرود) يزن: أهلًا. رعد: (ما ردش) إيهاب: خد يا رعد عاوزك. رعد: (راح) نعم يا بوي؟ إيهاب: اقعد اسمع اللي هقوله ده أنتَ وأخوك. رعد: حاضر. (وقعد) إيهاب: زي ما قلتلك إني كبرت يا ابني ونفسي أشوف خلفتك قبل ما أموت، وعشان كده أنا قرأت فاتحتكوا. يزن: (بصدمة) نعمم؟!

إيهاب: على روح وريتال، أنتَ يا رعد لريتال وأنتَ يا يزن لروح، وهما زمانهم في الطريق جايين، والفرح آخر الأسبوع ده، ومفيش مناقشة. رعد: (كان قاعد وبيسمع كل حاجة ببرود ولا كأن هيتجوز) يزن: بس يا بوي أنا ورايا حاجات أعملها ومنيش فاضي للجواز خالص. إيهاب: أنا قلت اللي عندي. يزن: (بعصبية بس ما بيّنش) بس أنا ما عاوزش أتجوز عاد. إيهاب: (قام وقف وبعصبية وصوت عالي) وأنا قلت اللي قلته، وكلمتي ما هتنزلش الأرض.

(وفضل يكح عشان هو تعبان) يزن: (قام مسك إيده) اهدى يا بوي. رعد: (قام مسكه هو كمان) إيهاب: (بتعب) يا ابني أنا صحتي خلاص، ونفسي أفرح لكوا قبل ما أموت. يزن: ما تقولش كده يا بوي بعد الشر عليك. إيهاب: وافقوا يا ابني، هما طيبين، وافقوا عشان أبقى راضي عنكوا، ووصيتي ليكوا إنكم تتجوزوهم. يزن: (بقلة حيلة) إيه اللي يرضيك يا بوي وأنا أعمله؟ إيهاب: تتجوز روح وأخوك يتجوز ريتال. يزن: (بحزن)

حاضر يا بوي، المهم أنتَ ارتاح وما تشغلش بالك عشان صحتك. إيهاب: (بحب ورضا عنهم) ربنا يهديك أنتَ وأخوك يا ولدي. رعد: طب عن إذنك يا بوي. (وطلع أوضته) يزن: عاوز حاجة يا بوي؟ إيهاب: سلامتك يا ابني، أنتَ عارف إن رعد مش عاوز يتحدد معايا بس قول له إن بكرة هتروح تجيب الشبكة معاهم. يزن: (بحزن) حاضر يا بوي. (وطلع) عند ريتال: ركبوا العربية ومشوا قبل الساعة سبعة كمان عشان يوصلوا بدري. الساعة بقت 1:00 بليل.

طارق قال للسواق يقف بالعربية شوية. ريتال: أنا تعبت. روح: وأنا. سحر: خلاص يا حبايبي، تعالوا كلوا في كافيه هنا أهو، اطلبوا وكلوا وبراحتكم. طارق: استريحوا شوية. روح: حاضر. بعدين دخلوا يطلبوا وطارق وسحر فضلوا واقفين بره. بعد شوية طلعوا وكان معاهم الأكل. ريتال: سوسو ده أكلك أنتِ وطارق. سحر: ماشي يا قلبي. وقعدوا ياكلوا. روح: زمان يزن في صدمة. ريتال: آه. (وفتحوا التليفونات ع الجروب) ريتال: نمتوا؟ فيروز: لسه.

ريتال: إيه اللي مصحيكي لغاية دلوقت؟ فيروز: بذاكر. ريتال: ربنا معاكي يا قلبي، هتيجي الصعيد بعدنا على طول صح؟ فيروز: أيوه يا حبيبتي، ما هو كلمت ماما وقالت لي، فنخلص الحاجات دي وهاجي بكرة إن شاء الله. روح: إن شاء الله. فيروز: يزن ورعد أون لاين. ريتال: ما أنا عارفة. فيروز: شكلهم بيكسروا في الدنيا هناك من عصبيتهم. ريتال: ممكن، مش عارفة. فيروز: أهاا، فهمت. يشاهدون في صمت يعني بيقرأوا اللي بنقوله وبس. روح: آه.

فيروز: حاسة إنهم عاوزين يقتلونا. ريتال: ليه؟ إحنا عملنا إيه يعني؟ فيروز: مش عارفة، بس أصلًا رعد بيكره اللي بيتحكم فيه، أو مثلًا يجوزوه وهو رافض فكرة الجواز أصلًا من زمان جدًا. أما يزن فما أعرفش. ريتال: آه، على فكرة أنا عملت فكرة للمصيبة اللي إحنا فيها. فيروز: إيه هي؟ ريتال: أما تبقي تيجي بقى نبقى نتكلم. كلنا بس مش واتس. فيروز: لسه هستنى! ريتال: معلش. بعدين قفلوا. بعد مرور سبع ساعات. ريتال: نزلت بتعب. روح: آه يا أنا.

ريتال: ضهري اتكسر. روح: وأنا والله. طارق: معلش ما أنتوا ما سمعتوش الكلام. سحر: معلش يلا عشان تدخلوا وترتاحوا. ريتال: (راحت مسكت في إيديها) أنا هنام جنبك يا سوسو. سو: ماشي يا قلب سوسو، تعالي ندخل بس. روح: وأنا؟ سحر: وأنتي كمان. بعدين دخلوا ومحمد جد ريتال رحب بيهم، وخلّى الخدم يدخلوا الشنط، وكان ظبّط أوض ليهم. محمد: أهلًا بيكوا والله نورتوني. طارق: نورك يا حج والله، طمني عنك أنت عامل إيه؟ محمد: في نعمة والحمد لله.

ريتال: أنا عايزة أطلع أنام. روح: وأنا. محمد: كل واحد ليه أوضة. ريتال: لا يا جدو أنا هنام جنب سوسو أنا وروح. محمد: لا عشان يرتاحوا هما كمان. ريتال: لا يا جدو مش هتبقى كل حاجة كده حياتي ونومي حرام بجد. محمد: (كان لسه هيتكلم) سحر: (بحب) معلش يا عمي هي بتحب تنام جنبي وأنت فاهم بقى. (سحر تقصد أن هي بتحب تنام معاها كأنها مامتها يعني وكده) محمد: (بحب) ماشي يا بنتي أنا بتكلم عليكي أنتي وطارق بس.

سحر: ما تقلقش يا عمي هنطلع إحنا بقى عاوز حاجة؟ محمد: سلامتك يا بنتي. بعدين طلعوا وطارق هو كمان طلع عشان يرتاح، أما محمد فكلم إيهاب. بعدين كل واحد نام. الساعة 8:00. سحر: كانت قامت ونزلت وبتعمل الأكل مع الخدم وسابتهم نايمين، ونبهت أن محدش يدخل عليهم، لأن هي عارفة أن ابن خال ريتال بيتحرش بيها لأن ريتال بتحكيلها. بعدين طلعت عشان تصحيهم. (ملحوظة: هي حاولت تخلي ريتال تقول لجدها بس ريتال رفضت عشان ممكن جدها يواجه سليم)

سحر: ريتااا، روح، يلا قوموا. ريتال: (كانت صاحية بس مغمضة عينيها) نعم. سحر: يلا يا حبيبتي قومي عشان رعد وعيلته هيجوا هو ويزن. ريتال: لا مش عايزة أقوم. سحر: ما ينفعش كده. ريتال: يا سوسو أنا أصلاً مش عايزة أتجوز. سحر: أمال مين اللي كان موافق يا بت هاا؟ ريتال: هاا، ما أنا موافقة بس. سحر: (بضحك) ماشي يا ستي يلا قومي بقى. ريتال: (بحزن) حاضر، وقامت. سحر: روح، روح. روح: ... سحر: بت يا رومي. روح: محدش يقولي كده.

سحر: طب يلا يا رومي قومي. بعدين قامت وأخذت شاور ولبست وسرحت شعرها هي وريتال ونزلوا. عند رعد كان مخنوق ومتعصب على اللي بيحصل ومش موافق بس لازم يعمل كده. إيهاب: يلا يا ولدي جهزت؟ رعد: (بخنقة) أيوه يا أبوي. إيهاب: هات يزن وتعالوا يلا. نجوى: أنا مش مصدقة أن خلاص هيتجوزوا. يزن: (بحب) لا يا حبيبتي صدقي. نجوى: حبيبي يا يزن. رعد: طب يلا. إيهاب: يلا. بعدين كل واحد راح بعربيته. بعد شوية وصلوا. إيهاب: نزل وهما وراه وخبطوا.

نفيسة: فتحت اتفضلوا، وراحت تقول لمحمد أنهم جم، وكانت بتبص ليزن ولرعد أوي. عند ريتال وروح. نفيسة: (بعد ما عرفت محمد وطارق أنهم جم راحت لهم) ريتال: في إيه؟ نفيسة: جم يا ريتاا، جم. سحر: أه فين؟ نفيسة: في الصالون. روح: عادي يعني. نفيسة: لا لا، ده ما شاء الله عليهم ما شاء الله، فارس الصعيد كله بنفسه هنا وجمال إيه وجسم إيه، ما شاء الله ما شاء الله. ريتال: ما خلاص يا أختي يلا روحي شوفيهم.

نفيسة: ومعاه توأمه يزن بيه ما شاء الله عليه بصراحة. روح: طب يا نفيسة يا حبيبتي يلا روحي شوفيهم يشربوا إيه بقى. نفيسة: ضحكت ومشيت. سحر: في إيه؟ هو مش أنتوا مش بتحبوهم، ما تسيبوها تعاكسهم. ريتال: (بتغير الموضوع) مش وقته يا سوسو يلا ننزل. روح: أه يلا، ونزلوا. رعد ويزن وطارق ومحمد وإيهاب كانوا قاعدين بيتكلموا، ونجوى طلعت لروح وريتال عشان ما ينفعش تقعد وسطهم. نجوى: قابلتهم. ريتال: (حضنتها) عاملة إيه؟

نجوى: أنتي اللي عاملة إيه؟ وحشتيني أوي والله أنتي وروح يا ريتا. روح: سلمت عليها، وأنتي أكتر يا حبيبتي. نجوى: وحشتوني والله. ريتال: أنتي أكتر، بقولك دي سوسو مامة روح. سحر: سلمت عليها، أنا سحر أم روح وأم ريتال برضه. نجوى: (بضحك) ما شاء الله، وأنا نجوى ماما رعد ويزن وفيروز هتيجي النهارده بالليل. ريتال: لا بكرة. نجوى: لا ما أنا كلمتها قبل ما أجي وكانت فرحانة وقررت أنها هتيجي وجهزت الشنطة وفي الطريق.

روح: أه وحشتني هي كمان والله. نجوى: أنتوا أكتر يا حبايبي والله. سحر: طب يلا ننزل. نجوى: لا ما ينفعش نقعد في وسطهم. سحر: أه صح. ريتال: ليه؟ سحر: عشان هنا في الصعيد عيب نقعد وسط الرجالة وكده. روح: أهااا. بعد كام دقيقة وكانوا بيسمعوا اللي بيقولوه، جت نفيسة وقالت لهم ينزلوا. ونزلوا. محمد: تعالي يا ريتال أنتي وروح. روح: نعم. ريتال: نعم. محمد: الفرح هيبقى آخر الأسبوع ده، روح على يزن وريتال على رعد. روح: ... ريتال: ...

طارق: أعرفكم بأم روح وريتال سحر. إيهاب: نورتينا يا مرت أخوي. سحر: بنورك. سحر: أنت رعد وأنت يزن صح؟ يزن: لا، أنا يزن وهو رعد. سحر: طب معلش بقى أصلي ما بفرقش بينهم، على العموم ألف مبروك يا حبايبي. يزن: (ابتسم بس) سحر: (كانت مستغربة أن رعد ما فتحش بقه وشكله صارم مش زي يزن وقاعد متعصب) سحر: أهلًا يا رعد. رعد: (بهدوء) أهلًا. إيهاب: طب بنقول تروحوا تجيبوا الشبكة ولا إيه؟ محمد: أيوه يا أخوي.

إيهاب: روحي يا ريتال يا بنتي أنتي وروح مع رعد ويزن، ونجيب اللي يعجبكم. روح + ريتال: حاضر. نجوى: يزن يا حبيبي اللي عينهم بس تبص له هاتوه. يزن: (بحب) حاضر. نجوى: وأنت يا رعد. رعد: حاضر، وقاموا، عاوزين حاجة؟ الكل: شكرًا. بعدين طلعوا. روح: أوووف. ريتال: خنقة والله.

ريتال: في خطة إحنا عاملينها أن بعد مدة من الجواز هنحاول نعمل المشاكل وأننا مش متفاهمين وكده، وهنكون قدامهم في أول الجواز كأننا مرتاحين وكده، بعدين بقى نبقى نطلق. يزن: وأنتي شايفة أن ده صح؟ روح: (بحزن) هو في غير كده؟ إحنا تهرينا وجابونا نعمل إيه طيب؟ يزن: من رأيي تتقبلوا اللي ربنا كاتبهولكم. روح: ما ردتش. بعدين مشيوا. بعد شوية وصلوا عند محل الدهب ونزلوا. روح: إحنا نجيب خاتمين شبه بعض وخلاص. ريتال: ماشي.

يزن: ما ينفعش كل واحدة تجيب دهب ليها كويس عشان محدش يقول علينا مقصرين ماشي. ريتال: ما هو أصلاً إحنا مش هنعيش هنا. يزن: (بنفاذ صبر) ماشي. بعدين جابوا خاتمين ورعد ويزن جابوا دبلتين برضه. يزن: متأكدين أن مش هتجيبوا حاجة تاني؟ روح: لا شكرًا. بعدين مشيوا. بعدين وصلوا للبيت. كان الكل قاعد وبيضحك، لقوهم داخلين. نجوى + سحر: هاا جبتوا إيه؟ روح: (بحب) جبنا دبلتين حلوين أوي. نجوى: دبلتين إيه؟ فين الشبكة؟ ريتال: ما هي دي. نجوى:

(بصت لرعد ويزن) هو ده الدهب؟ روح: أيوه يا طنط. نجوى: لا دي دبله بس يا حبيبتي، المفروض تجيبي كام طقم دهب على بعضه كده. روح: لا ما هو إحنا أصلاً مش هنلبسهم. ريتال: (بسرعة عشان تصلح اللي قالته) قصدها أن إحنا ما بنحبش الدهب. نجوى: ماشي يا حبايبي، على العموم أن دي برضه مش دهب. ريتال: أن شاء الله هنجيب بعدين. إيهاب: طب نستأذن إحنا بقى. محمد: أنت منورني يا واد عمي. إيهاب: لا عشان نشوف مصالحنا بقى.

نجوى: ريتاا، تعالوا اقعدوا معايا حبة أنا قاعدة لوحدي. ريتال: بس مش هينفع. نجوى: (بحزن) ريتااا أنا مش حماتك أنا زي ماما بالظبط بس براحتك يا قلبي ابقي تعالي. سحر: (زعلت عشانها) لا هنيجي نقعد معاكي حبة. نجوى: عشان ما يتضايقوش خلاص؟ روح: لا هنيجي وما تزعليش. ريتال: (بعتاب) أنا آسفة والله ما أقصدش أزعلك. نجوى: (بحب) لا يا حبيبتي ولا يهمك. وسمعت صوت تخبيط على الباب. نفيسة فتحت. فيروز:

دخلت بسرعة وقالت: يا دبلة الخطوبة عقبانا كلنا ترا را را، ونبني طوبة طوبة في عش حبنا ترا را را، ألف مبروك يا زينو، ألف مبروك يا رومي، ألف مبروك يا ريتااا، ألف مبروك يا... وسكتت. نجوى: أحم، أنا آسفة ع اللي الهبلة بتعمله، بس هي كدا معلش. ريتال: (حضنتها) فيرو وحشتيني. محمد: (بضحك) لا عادي متعودين على كدا، ما ريتال وروح زيها وهي أختهم برضه. بعدين روح سلمت عليها هي وطارق ومحمد وإيهاب. روح: فيرو دي سحر مامتي أنا وريتال.

فيروز: (بمرح) أهلًا اتشرفت بيكي. سحر: أنا أكتر. فيروز: (راحت ليزن بمشاكسة) وحشتني يا زينو. يزن: (بهدوء) أكتر. فيروز: مالك يا زينو زعلان ولا إيه؟ يزن: اتنيلي اسكتي يا فيروز هتفضحينا قدام الناس بهبلك. فيروز: (بزعل) بقى كدا؟ ماشي يا زينو، أنا زعلانة منك. (وراحت لريتال) ريتال: (بهمس) مسلمتيش على رعد؟ فيروز: (بهمس) لا يا أختي دا مبقربش منه. ريتال: آه. سحر: (كانت سمعاهم) ليه يا بت، هو ماله؟ فيروز: هبقى أحكيلك يا سوسو.

سحر: ماشي. نجوى: طب يلا بقى. إيهاب: يلا. محمد: ما أنتم قاعدين. إيهاب: لا يا ولد عمي هنمشي بقى وهبقى أخلي رعد ويزن يجيبوهم. محمد: ماشي يا ولد عمي طول ما هم عندك أنا مطمن. سحر: (قالت بصوت واطي لطارق) إنها هتروح معاهم. طارق: (بحب) ماشي يا حبيبتي بس متتأخريش. سحر: حاضر. بعدين مشيوا. بعد شوية وصلوا ودخلوا. رعد: دخل مكتبه ويزن مكتبه، أما الحريم فقعدوا وإيهاب طلع ينام شوية. سحر: والله فرحانة إني عرفتكم.

نجوى: إحنا أكتر يا حبيبتي. فيروز: ماما والنبي خليهم يعملوا حاجة تسلينا. نجوى: لا أما تتعشوا كلكم نبقى نقعد نتكلم بقى ونتسلى. فيروز: أشطا. بعدين نجوى قامت تحضّر الأكل معاهم. سحر: قولي بقى رعد مش زي يزن ليه؟ فيروز: (بصت لريتال بإشارة) إنها تتكلم عادي ولا في مشكلة. ريتال: (ضحكت) دي سوسو يعني بنقولها كل حاجة حتى حوار ابن خالي. فيروز: 😳 بجد؟ سحر: آه 😹.

فيروز: أصل رعد مش زي يزن، يزن بيهزر ويضحك وكدا، أما رعد محدش بيكلمه والكل بيخاف منه. سحر: آه أنا حسيت إنه كدا. فيروز: آه يا سوسو يا أم إحساس قوي. سحر: أومال 😹😹. فيروز: يا بنات أنا فرحانة إن هتتجوزوا ومين أخواتي. ريتال: (بابتسامة) ربنا يفرحك ويضحكك طول العمر ❤️. فيروز: أنا وإنتي يا عمري. بعد شوية نجوى: يلا يا بنات الأكل جهز ونادوا للشباب على ما أطلع أقول لإيهاب. البنات: حاضر. سحر: (بغمزة)

روحي يا ريتاا نادي لرعد وإنتي يا روح ليزن. روح: هااا، ما فيروز هتروح. فيروز: لا مهو أنا مش قادرة جاية من سفر بقى وكدا معلش. روح: طيب يا حبيبتي. بعدين قاموا. فيروز: (بصت لسحر وسلموا على بعض وضحكوا) عند يزن ورعد. رعد: كان قاعد وكل ما يفتكر إنه هيتجوز وهو رافض الفكرة دي، وكمان طبيعة شغله متسمحلوش إنه يتجوز، دا ظابط. أما يزن فكان قاعد زهقان ومش عارف يعمل إيه وبيفكر. ريتال: (فتحت وقالت بهدوء) ممكن أدخل؟ رعد: عايزة إيه؟

ريتال: الأكل جهز. رعد: روحي إنتي. ريتال: تمام. (ومشيت وكانت متعصبة إنه بيعاملها كدا ليه وهي مش ذنبها) عند يزن. طق طق طق. يزن: ادخل. روح: زينو الأكل جاهز يلا. يزن: نعم؟ روح: (بتوتر) قصدي يزن بتقولك طنط الأكل جهز. يزن: تمام جاي أهو. بعدين مشيت. وهو راح وراها. بعدين الكل تجمع على السفرة. نجوى: خدي يا رومي كلي الحتة دي. روح: (بغضب أطفال) اسمي ريري. سحر: (بضحك) بتكره الاسم دا. يزن: (حب يضايقها مهو مش هيتخنق لوحده)

كلي يا رومي كلي. روح: (بصتله وسكتت) يزن: ماما بقولك هو إحنا عندنا رومي جوه؟ نجوى: (كتمت ضحكتها) آه. يزن: آه فكرتها خلصت كنت هشتري رومي. نجوى: لا يا حبيبي في جوه رومي كتير. يزن: طب كويس. روح: (كانت بتجز على أسنانها بسبب يزن هي عارفة هو بيعمل كدا ليه) فاستأذنت وقامت. نجوى: ينفع كدا زعلتها أهو. يزن: وأنا مالي. رعد: (بجدية) يزن خلاص مفيش كلام ع الأكل، مش كفاية مخليتهاش تكمل أكلها، كل وإنت ساكت. يزن: (كمل أكله وسكت)

سحر: كانت بتبص ليزن ولرعد وفرق الشخصيات وقالت إن أيام ريتال هتبقى سودة بسبب رعد لإنه عصبي. رعد: قام ومكملش أكله. بعدين خلصوا أكل وقاموا. سحر: (بتوشوش نجوى) نجوى: هقولها. (وغمزت) حلو يلا. سحر: قوليلها إنتي يلا. نجوى: ريتاا. ريتال: نعم. (ملحوظة كانوا قاعدين على تليفوناتهم) نجوى: (بتمثيل حزن) خدي الأكل دا واديه لرعد عشان مكلش. ريتال: أنا مالي؟ إنتي عارفة رعد.

نجوى: مهو مش هيرضى غير بيكي، يلا بقى دا مكلش أصلاً ومبيكلش حلو اليومين دول والله. ريتال: لا لا. نجوى: (بزعل) طب يا حبيبتي. ريتال: (خدته بنفاذ صبر) خلاص هوديه. وطلعت. سحر: (بصت لنجوى وضحكت) إن الخطة هتنجح. ريتال: راحت لأوضة رعد. رعد: كان نايم عاري وباصص للسقف وسرحان. ريتال: (خبطت محدش رد فدخلت) رعد. رعد: ... ريتال: رع... 😳 إيه دا لقيته نايم عاري. رعد: (قام بسرعة) إنتي بتدخلي هنا إزاي ومين سمحلك أصلاً؟

ريتال: أنا خبطت محدش رد. رعد: (بغضب) مفيش رد يبقى تنزلي من مكان ما جيتي فاهمة؟ ومحدش مسموحله إنه يخش الأوضة دي. ريتال: لا بقولك إيه، أنت كلمتني وحش قبل الأكل قلت ممكن يكون مخنوق لكن لا يا بابا أنا مبشتغلش عندك، أنا جاية أقولك خد اطفح الأكل دا عشان طنط اللي قالتلي أديهوله عشان مكلش، وأنا أصلاً مكنتش عايزة أطلع بس عشان متزعلش. رعد: (فهم إنها عايزة تعمل إيه) طب بصي اتكلمي معايا باحترام عشان معملش حاجة مش هتعجبك تمام.

ريتال: (مردتش وأدت الأكل في إيده) رعد: (ببرود) اطلعي برا. ريتال: 😳 إنت بتطردني؟ رعد: آه يلا برا، ولو شفت ولا عرفت حتى إنك دخلتي الأوضة دي هتشوفي مني حاجة مش هتعجبك. ريتال: (بصتله باستحقار) حقيقي مشفتش أوقح منك بجد. (ونزلت وهي زعلانة) رعد: رمى الأكل على الأرض. ريتال: سمعت صوت تكسير طلعت بسرعة تاني. رعد: كان متعصب جامد منها. ريتال: (فتحت ودخلت بسرعة) ليكون حصله حاجة. ريتال: حصل إيه؟ إنت كويس؟ رعد: (بصلها بغضب أعمى)

ريتال: (استوعبت إنها طلعتله تاني وحست إن كرامتها في الأرض) رعد: (بزعيق) مش قلت متدخليش هنا تاني؟ ريتال: (بخضة) على فكرة أنا جيت عشان فكرت إن حصلك حاجة. ريتال: (بترجع لورا بخوف) آآآآه. رعد: (بزعيق) إنتي مالك؟ ريتال: (بخوف وخضة) مليش والله خلاص ابعد عني مش هاجي هنا تاني بس سيبني. كان صوت زعيقه وصل لتحت، فيزن والبنات طلعوا على الصوت. رعد: (بغضب وزعيق) أموت أعيش إنتي مالك؟ متسيبيني في حالي، مش كفاية اللي بيحصلي من وراكي.

ريتال: (بخوف ودموع) ممش ذنبي إن بابا جبرك إنك تتجوزني، أنا كمان مجبرة على دا والله. رعد: (كشر وجهه بغضب) بقولك اطلعي برا. ريتال: إنت حيو*ان يا رعد. رعد: (بزعيق) بقولك اطلعي برا بقى. يزن: (فتح الباب وروح وفيروز وسحر ونجوى وإيهاب كانوا معاه) يزن: (دخل بسرعة) لقي رعد عريان ومقرب من ريتال خالص وهي خايفة منه وبتعيط و...