رواية احببت فارس الصعيد الفصل الثامن عشر 18 - بقلم حبيبة محمد

بعدين روح لبست بيجامة قطن سودا، وريتال بيجامة أبيض في رصاصي بكم خفيف، وقعدوا. ريتال: أنا هنام. روح: وأنا. وقاموا عشان يناموا. فيروز: كانت بتعملهم حاجة سخنة يشربوها وطلعت. أما رعد ويزن فكانوا طلعوا ياخدوا شاور. فيروز: خبطت. روح: ادخل. فيروز: إيه دا، أنتو هتناموا؟ ريتال: آه. فيروز: طب اشربوا الحاجة السخنة دي تروقكم كدا واهدوا. ريتال وروح: طيب. فيروز: ريتا يا حبيبتي، هقوم أجيب لك مرهم تحطيه على شفايفك اللي اتعورت، ماشي؟

ريتال: شكرًا يا فيروز، أنا مش عارفة من غيرك كنت هعمل إيه. فيروز: أنتي أختي يا ريتا. وقامت عشان تجيب المرهم. بعد شوية فيروز جت وأدت لريتال المرهم وحطته. ريتال: بوجع: آههه. فيروز: بقلق: معلش يا قلبي، هيوجعك شوية بس معلش. ريتال: ابتسمت وبس. فيروز: طب تعالوا اقعدوا تحت شوية. ريتال: عاوزين تنزلوا؟ انزلوا. أنا هنام معلش. فيروز: خلاص يا حبيبتي اللي تحبيه. روح: وأنا يا فيروز معلش هنام عشان تعبانة.

فيروز: ألف سلامة عليكي، خلاص يلا ننام كلنا. ريتال: لو عاوزة تنزلي تقعدي، اقعدي. فيروز: لا، أنا أساسًا كنت هنام. فيروز: خلاص يلا ننام جنب بعض. روح: يلا. وناموا. عند رعد كان بياخد شاور وطلع لبس شورت أسود لغاية الركبة ونام على السرير وكان بيفكر. رعد: كان بيفكر في شكل ريتال أول مرة تصعب عليه ويحس إنها خايفة. بعدين فضل يفكر شوية لغاية ما نام. الساعة 7:00 الصبح ريتال: قامت أخدت شاور وصحت روح وفيروز ونزلت.

لقت يزن ورعد بيشربوا قهوة. يزن: صباح الخير. ريتال: صباح الخير. رعد: صباح الخير. ريتال: صباح الخير. ريتال راحت قعدت. بعد شوية روح وفيروز نزلوا. فيروز: صباح الفل. يزن: صباح الورد. روح: بصوت شبه واطي: صباح الخير. رعد: صباح النور. يزن: ريتال، أنا بعت حد يجيب الدادة بتاعتك وزمانها جاية. ريتال: شكرًا يا يزن. يزن: العفو، إحنا أخوات. ريتال: تمام، أنا هقوم عشان أروح الكلية، يلا يا روح. روح: يلا.

رعد: استنوا على ما تفطروا الأول. ريتال: لا، هنفطر في الكلية. رعد: أنا قلت كلمة. فيروز: طب أنا هدخل أجهز الفطار. روح وريتال: وإحنا هنيجي نساعدك. وقاموا. فيروز: كانت بتعمل الفطار وروح وريتال بيساعدوها. بعد شوية خلصوا وحطوا الأكل على السفرة. فيروز: يزن، رعد، يلا الفطار خلص. بعدين الكل اتجمع وقعدوا ياكلوا. رعد: ريتال، أنا هاجي أوديكي الكلية. ريتال: هروح أنا. رعد: أنا بقول كلامي مرة واحدة وبيّتسمع. ريتال: بس يا رعد.

رعد: بصلها بغضب بسيط. ريتال: كملت أكل. بعد شوية خلصوا ودخلوا الأطباق وطلعوا يلبسوا. ريتال: لبست فستان أسود قصير بنص كم وسابت شعرها. روح: لبست بلوزة بكم وشورت جينز أسود وعملت تسريحة جميلة. فيروز: لبست بلوزة بنص كم وبنطلون جينز وسابت شعرها. بعدين نزلوا. يزن: يلا. فيروز: يلا. ويزن أخد فيروز ورعد أخد ريتال. روح: لسه هتركب عربيتها. رعد: روح، تعالي مع ريتال يلا. روح: لا، أنا هروح بعربيتي. رعد: يلا بقول. روح: ماشي.

وراحت ركبت. فيروز: يزن، في إيه؟ يزن: إيه؟ فيروز: ما قولتش لروح تيجي معاك ليه؟ أنت مش جوزها؟ يزن: فيروز، مش وقتك حالًا. فيروز: ... بعدين يزن أخد فيروز وصلها وراح شغله. ورعد وصل ريتال ونزل معاها. ريتال: رايح فين؟ رعد: مالكيش دعوة. ريتال: ماشي. بعدين رعد وصلها هي وروح للمحاضرة وراح لعميد الكلية. رعد: خبط ودخل. العميد: أهلًا رعد بيه، اتفضل. رعد: قعد: شكرًا. العميد: خير يا فندم، في حاجة حصلت ولا إيه؟

رعد: لا بس جاي أشوف المدام واللي بيدرسولها هي وأختها. العميد: مدام حضرتك معانا هنا يا فندم، أتشرفت بيها هي وأختها بس هي تبقى مين؟ رعد: ريتال القط وروح أختها. العميد: آهه، ريتال اللي جدها يبقى محمد القط. رعد: أيوه. العميد: وروح بنت طارق بيه رجل الأعمال. رعد: بالظبط، أنا عاوز كل أسبوع تقرير عنهم، عن مستواهم، عن مشاكلهم، كل حاجة بيعملوها تكون عندي حتى لو إيه. العميد: حاضر يا فندم.

رعد: وفي شاب كدا معاهم في المحاضرة اسمه... إيه آه، كريم الأشرم. العميد: كريم؟ كريم أيوه، كريم ابن رجل الأعمال المشهور يا رعد بيه، ماله؟ رعد: أيوه هو دا، لو عرفت ولا سمعت حتى إنه اتعرض لريتال ولا روح، أنت عارف أنا ممكن أعمل إيه. العميد: حاضر يا أستاذ رعد، محدش هيتعرض للهوانم أبدًا. رعد: أتمنى دا يحصل، وزي ما قلت تقرير يومي عنهم. العميد: أنت تؤمر يا رعد بيه. رعد: تمام. العميد: ممكن طلب بسيط يا رعد بيه؟ رعد: اتفضل.

العميد: كان في شاب هنا عمل خناقة صغيرة جدًا في الكلية والشرطة أخدته، لو سمحت يعني ممكن تحلها المشكلة دي والجميل دا مش هنساه لحضرتك يا رعد بيه. رعد: هشوف، لو ما طلعش عمل حاجة غلط هطلعه، طلع عمل غلط هسيبه ياخد حسابه. العميد: تمام يا رعد بيه. رعد: نزل للمحاضرة اللي فيها روح وريتال. رعد: دخل من غير ما يخبط لأن دي مش عادته. الدكتور: مش تخبط قبل ما تدخل يا أستاذ. رعد: قلع النضارة بغرور. الدكتور: رعد بيه، أهلًا بيك.

روح: ريتال الحقي رعد. ريتال: كانت بتكتب: استني بس. روح: يابت رعد بيكلم الدكتور. ريتال: إيه ده! وبصت لقت رعد فعلًا. الدكتور: خير يا أستاذ رعد، في حد من الطلاب ضايق حضرتك؟ رعد: كنت جاي أدي للمدام حاجة. الدكتور: باستغراب: مدام حضرتك معانا هنا؟ رعد: آه وأختها كمان. الدكتور: أتشرفنا يا رعد بيه، هي فين مدام حضرتك؟ ريتال: كانت بتحاول تداري وشها عشان ما يشوفهاش. رعد: بص على المدرجات وشافها: ريتال. ريتال: أمم، نعم.

رعد: اقفي أنتي وروح. روح وريتال وقفوا. الدكتور: أيوه يعني الآنسة ريتال بنت الحاج محمد القط تبقى مرات حضرتك. رعد: رفع حاجبه: آه وبقت مدام رعد. الدكتور: أنا آسف. رعد: تعالي يا ريتال. ريتال: قامت راحت تحت نظرات اللي في المحاضرة كلهم، كان منهم اللي فرحان لرعد وريتال ومنهم اللي حاقد ومنهم اللي كان بيحب رعد وزعلان. ريتال: نعم. رعد: بتحذير: مالكيش دعوة بيه، ولو حصل أي حاجة كلميني. ريتال: حاضر.

رعد: وخدوا بالكم أنتي وروح من نفسكم. ريتال: باستغراب من معاملته: حاضر. رعد: عاوزة حاجة؟ ريتال: شكرًا، طب إيه هنروح مشي يعني ولا إيه بالظبط؟ رعد: لا هاجي أخدكم أنا أو يزن. ريتال: أوك. رعد: يلا روحي اقعدي. ريتال راحت مكانها. رعد: قال للدكتور إنه عاوز يكلمه. الدكتور: خير يا رعد بيه. رعد: ريتال وروح هنا في رعايتك، يعني لو حد اتعرض لهم مش هقول، وأنت عارف. الدكتور: بتوتر: إن شاء الله مش هيحصل يا رعد بيه، ونورت الكلية.

بعدين رعد مشي. عند ريتال وروح روح: ها؟ ريتال: مفيش، كان بيقولي خدوا بالكم من نفسكم، وأنا اللي كنت فاكرته هيدلعني قدام الناس المعفنة دي. روح: بضحك: أنتي عاوزة فارس الصعيد يدلعك ليه يا أختي؟ ريتال: على رأيك. روح: بضحك: آه. كريم وسارة كانوا هيقتلوا ريتال وروح بنظراتهم. روح: بت، البت سارة النتنة بتبصلنا كدا ليه؟ ريتال: دي بت معفنة، سيبك منها. روح: آه شكلها غيرانة إنك اتجوزتي رعد ورميتيلها كريم المعفن.

ريتال: آه والله، وبعدين هو رعد وحش بعيدًا عن إنه عصبي ومتحكم وكل دا بس هو قمر كدا بغمزاته وعينه. دي هو ويزن والله. روح: آه، عند حق. ريتال: إحنا بنقول إيه؟ روح: أنا عارفه، لا وأنا اللي بقول آه. ريتال: طب خلاص، الدكتور دخل. 😹 بعدين الدكتور دخل وبدأ يشرح تاني. بعدين رعد راح الشغل، ويزن وصل فيروز، وكل واحد راح يعمل اللي وراه. عند يزن. يزن: رن على رعد يسأله عمل إيه. رعد: عاوز إيه يا زفت؟ ورايا شغل. يزن: في إيه يا عم رعد؟

رعد: في إيه؟ أنت غريبة إنك ترن أصلاً. يزن: عملت إيه في الكلية معاهم؟ رعد: قول إنك بتسأل ع الست روح. يزن: رعد اخلص. رعد: ما عملتش، وصلتّهم ووصيت عليهم كويس، ما تقلقش. يزن: متأكد؟ رعد: يزن، أنت عارف إني ما بهزرش في حاجة، فخلاص، وصيت عليهم والله ودخلتهم ودخلت كمان شفتهم وكلمت الدكتور بتاعهم. يزن: تمام. رعد: ابقى شوف بقى مين اللي هيجيبهم عشان ورايا شغل كتير. يزن: ماشي. رعد: سلام. وقفل. وكملوا شغلهم.

ريتال وروح خلصوا محاضراتهم وقاعدين مستنيين اللي هيجي ياخدهم. يزن: يا لهوي! ده أنا نسيت ريتال وروح. وقام بسرعة. روح: يا بنتي رني عليهم، الشمس حرقت دماغي. ريتال: ما أنا كلمت رعد، قالي إنه وراه شغل، ويزن اللي هيروحنا. روح: طيب يا أختي. يزن: جه. ريتال: أهو جه يا أختي. يزن: معلش والله نسيت إنكم موجودين أصلاً. ريتال: ماشي يا يزن، مردودة لك، ده روح يا عيني دماغها اتحرقت بسببك. يزن: ما ردش.

كريم: كان لسه هيروح يكلم ريتال، لقى يزن جه وسارة مسكت إيده، فرجع مكانه. بعدين مشيوا. يزن: فطرتي؟ ريتال: أيوه الحمد لله. يزن: طيب، هنروح نجيب فيروز كمان. ريتال: ماشي يلا. بعدين راحوا عند كلية فيروز لقوها واقفة مستنياهم. فيروز: ماشي يا يزن. يزن: معلش والله، بس أنا أصلاً نسيت إن في كلية. فيروز: ركبت وكانت زعلانة منه. يزن: معلش يا فيرو، حقك عليا. فيروز: ... يزن: خلاص بقى. فيروز: انزل هاتلي آيس كريم يا يزن.

يزن: حاضر. ونزل. ريتال: في إيه؟ فيروز: ما فيش، بدلع عليه بس. 😹 ريتال: آخ يا بختك. فيروز: 😹 عادي على فكرة. ريتال: إمم. فيروز: مالك يا روح؟ روح: دماغي مصدعة خالص. ريتال: أصلها ما كلتش من ساعة الصبح وفضلت واقفة في الشمس. فيروز: طب أقول ليزن يجيبلك حاجة؟ استني. روح: لا لا، مش عاوزة حاجة، أنا تمام. فيروز: يا بنتي هتدوخي! روح: لا أنا كويسة، ما تقلقيش. فيروز: طيب. يزن جه وادّاها الآيس كريم. فيروز: شكرًا.

يزن: على الله يطمر. وبص لروح لقاها شكلها تعبان بس ما اهتمش. بعدين مشيوا وروحوا. يزن: هروح أنا لأني ورايا شغل، ورعد بيجي بعد ما بيخلص. ريتال: ربنا معاك، باي. يزن: باي، والدادة بتاعتك زمانها جاية. ريتال: شكرًا يا زينو. يزن: سلام. ومشي. بعدين دخلوا وكل واحدة طلعت أوضتها تغير. بعد شوية نزلوا. فيروز: بت، مش تحسي إن البيجامة دي مكشوفة شوية؟ ريتال: لا والله حلوة. فيروز: لا، أما يزن ورعد يجوا ابقي غيريها.

ريتال: آه، ما أنا هعمل كده. ريتال: روح، أنتِ كويسة؟ روح: بتعب، آه. ريتال: بقلق، متأكدة؟ روح: أيوه والله أنا تمام. ريتال: أتمنى. الباب خبط. ريتال: مين اللي جاي؟ فيروز: يا هبلة، مش يزن قالك إن بعت حد يجيب طنط؟ ريتال: آه صح، هقوم أفتح. فيروز: مش كده هتطلعي بالبيجامة القط وفوق الركبة دي، هطلع أنا. وطلعت. فيروز: لقت فعلاً نسرين. نسرين: مش ده بيت رعد بيه وريتال يا حبيبتي؟ فيروز: أيوه يا طنط اتفضلي. نسرين: شكرًا. ودخلت.

ريتال: قامت حضنتها، نانا وحشتيني قوي. نسرين: أنتِ أكتر يا حبيبتي. روح: قامت حضنتها، عاملة إيه؟ وحشتينا كلنا. نسرين: الحمد لله يا ريري، بت يا ريتال، هي روح عاملة كده ليه؟ أنتِ تعبانة يا روح؟ روح: لا أنا كويسة. نسرين: لا والله أنتِ تعبانة. وحطت إيديها على دماغها لقتها سخنة شوية. نسرين: أنتِ دافية يا روح. روح: لا أنا حلوة. وراحت قعدت. نسرين: والله أنتِ تعبانة. ريتال: أيوه عشان لسه ما كلتش. نسرين: ليه كده؟

هروح أعملك أكل وأجي. فيروز: سلمت عليها، أنا فيروز. نسرين: أهلاً يا جميلة، وأنا نسرين. ريتال: طب يلا اتعرفتوا، أنا جعانة بقى. نسرين: شكل روح ما عدتش بتاكل وأنتِ اللي بتاكلي. ريتال: لا والله ده أنا غلبانة خالص. نسرين: ضحكت عليها ومشيت. وقعدوا يتكلموا. بعد شوية جابت الأكل. نسرين: يلا يا روح يا حبيبتي عشان تاكلي وخدي علاج. روح: لا مش عاوزة. نسرين: لا يلا لازم تاكلي. روح: ماليش نفس والله.

نسرين: بس لازم يلا، حبة صغيرين عشان خاطري. روح: أنتِ عارفة إن خاطرك غالي عندي بس أنا ماليش نفس، هطلع أنام شوية. ريتال: لازم تاكلي يا روح ما ينفعش. روح: مش عاوزة والله. وابتسمت وطلعت. فيروز: روح تعبانة من كتر التفكير ومرهقة. ريتال: آه. نسرين: ربنا معاها، كلوا أنتم يلا. قعدوا يأكلوا. عند روح.

روح: كانت حاسة إنها تعبانة فعلاً بس مش عاوزة تعرف حد، نامت على السرير وكانت بتفتكر يزن وهو بيكلم ريتال وفيروز إنما هي ما بيكلمهاش حتى بيلقح عليها بس. بعدين نامت من كتر التعب والتفكير. الساعة بقت 7:00 بليل. روح كانت لسه نايمة. وفيروز وريتال قاعدين بيتكلموا ويهزروا، ونسرين بتعمل الأكل. الباب خبط. ريتال قامت فتحت، فيروز كانت في المطبخ. ريتال: فتحت لقت رعد ويزن. ريتال: أهلاً يزن، أهلاً رعد، تعالوا.

رعد: فضل واقف مكانه وبصلها من أول خصلة في شعرها لغاية رجليها. ريتال: بصت لنفسها يا لهوي! وطلعت تجري. يزن: كان واقف ورا رعد، أوعى يا رعد. رعد: دخل لما طلعت، ويزن دخل بعده. فيروز: طلعت، أهلاً، أمال فين ريتال؟ رعد: فوق. فيروز: طيب. نسرين: طلعت، أهلاً رعد بيه، أحضر الأكل؟ رعد: قولي رعد عادي، أنتِ في مقام والدتي. نسرين: حاضر يا رعد يا ابني. يزن: تمام، حضري الأكل يا... نسرين: اسمي نسرين. يزن: تمام يا حجة نسرين.

بعدين نسرين دخلت تجهز الأكل، ويزن ورعد كل واحد طلع ياخد شاور. بعد شوية. رعد: نزل كان لابس شورت أسود وتيشيرت بنص كم أسود. يزن: نزل بعده كان لابس تيشيرت أبيض وشورت رصاصي لغاية الركبة. يزن: أمال فين الباقي يا حجة؟ نسرين: فوق يا ابني، وممكن تقولي يا دادة عادي. يزن: تمام، ممكن تناديلهم؟ نسرين: حاضر. وطلعت. ريتال: كانت قاعدة هي وفيروز. نسرين: خبطت ودخلت بعد ما قالولها. نسرين: يلا الأكل جهز، بيقولكم يزن ورعد يلا.

ريتال: نازلين أهو. نسرين: ماشي، هروح أصحي روح. وراحت. عند روح: كانت نايمة وعرقانة جدًا. نسرين: روح يا ريري. روح: ... نسرين: يا روووح! روح: مم. نسرين: يلا عشان تاكلي، بيقولك رعد ويزن. روح: لا مش عاوزة. نسرين: يلا بقى. روح: بتعب، والنبي يا دادة سيبيني، عاوزة أنام ممكن؟ نسرين: لا يلا. وفضلت تصحيها بالعافية. روح: سيبيني أنام، والله ما قادرة. نسرين: أنتِ لسه ما كلتيش. روح: مش عاوزة والله، بطني بتوجعني.

نسرين: طب قومي. وحطت إيديها على دماغها لقتها سخنة خالص. نسرين: يا لهوي يا روح! أنتِ سخنة خالص. روح: لا ده عشان نايمة بس. نسرين: طب يلا قومي بقى. روح: مش هقوم وسيبيني بقى لو بتحبيني. الكل كان قاعد وبياكل. يزن: مستني روح تنزل ما نزلتش. يزن: بص لرعد. رعد: فهم، أمال فين روح؟

نسرين: فضلت أصحيها مش راضية، ولسه ما كلتش لغاية حالًا، ونايمة من ساعة ما جيت من الكلية، كانت سخنة شوية ما رضيتش تاكل عشان تاخد علاج وحالًا لقتها سخنة خالص وتعبانة ومش راضية تقوم. ريتال: قامت بخضة طلعت فوق جري. والكل لحقها. يزن: اتكلم بعصبية بسيطة، وأنتِ يا دادة مش عارفة تخليها تاكل بالعافية ولا تاخد العلاج؟