رواية احببت فلاحة الفصل الخامس 5 - بقلم منة جمال

فجأة انصدموا من إللي دخلت وحضنت سيف. سندس: انتي بتعملي إيه يا هنا؟ مش عارفة إن إللي بتعمليه ده حرام؟ هنا: سندس! راحت حضنتها. سندس بعدتها عنها: انتي إزاي تعملي كده وتحضني جوزي؟ هلاقيهالك منين ولا من علبة السردين؟ سيف: انتو تعرفوا بعض؟ هنا: أنا.. لا.. انت اللي تقولي الأول.. انت اتجوزت وخنتني؟ سبت حبيبتك؟ 😭😭😭😭 سندس: تعاليلي بقا يا هنا. وجابتها من شعرها. هنا: خلاص خلاص هقول والله.. ده أخويا.. أخويا والله.

سندس سابتها وقالت لها: إزاي يعني أخوكي؟ بصي أنا جاية تعبانة.. تعالي انتِ ووعد فوق ونتكلم براحتنا. يلا يا وعد. وطلعوا أوضة سندس. سندس: يلا يا ستي احكي. هنا: والله دي ماما منال وبابا محمد.. وسيف أخويا.. بس أنا كنت هجيلك الأول.. ما انتي صاحبة عمري.. بس أما انتي بعتيلي اللوكيشن.. انصدمت إنه بيتنا.. وعرفت إنك مرات أخويا.. فحبيت أعمل فيكي مقلب 😂😂😂😂 سندس: تعالي بقا يا جزمة 😂😂😂 وقعدوا يرموا بعض بالمخدات وبعدين حضنوا بعض.

وعد: لا لا.. أنا كده هغير. وراحت واترمت في حضنهم وقعدوا يرغوا وناموا. ***** تاني يوم سندس صحيت.. وصلت الضحى.. ولبست أدناء لافندر.. الخمار ونقاب موف.. فكانت جميلة أوي.. وراحت تصحى هنا ووعد. سندس: هنون وعود.. يلا يا بت انت وهي.. نص ساعة تصلوا الضحى وتلبسوا وتنزلوا.. لأننا هنروح الشركة وعايزين نخرج سوا.. يلا.. وإلا متعرفش هعمل فيكوا إيه. وسابتهم ونزلت.. وجدت الكل قاعد ع السفرة بيستنوهم.

سندس: السلام عليكم ورحمة الله وبركاته. وباست إيد منى ومحمد. منى ومحمد: ربنا يحفظك يا بنتي. سيف: وأنا ماليش؟ حتى صباح الخير؟ سندس: اتكسفت وقالت: صباح الخير. وعد وهنا نزلوا وفطروا.. وسندس قالت: أنا وهنا ووعد هنروح الشركة ونطلع نتمشى شوية مع بعض. منال: خلي بالكوا من نفسكم.. واستأذنوا جوازكم. هنا: وأنا أستأذن مين؟ يا خسارة عليا 😭😭 محمد: تستأذنيني أنا وهقولك مش هتخرجي 😂😂😂

هنا: تسلم يا حجوج.. عارفة إنك أهل كرم.. يلا بنات نخرج 😂 سيف: تعالي يا سندس.. عاوز أتكلم معاكي شوية. سندس: حاضر. ودخلوا الأوضة. سيف: أنا آسف ع الكلام اللي قولتهولك.. بس انتي عارفة اتجوزنا في ظروف عاملة إزاي.. إيه رأيك نكون صحاب ونعمل نفسنا في فترة خطوبة ونتعرف ع بعض أكتر؟ سندس: أوك.. صحاب.. واعمل حسابك هتتغدى معانا في مطعم بعد الشركة.. انت وأحمد. سلام. يلا. سيف: سلام.

ومشيت هي والبنات.. وراحوا الشركة.. واطمنوا ع الشغل.. وراحوا المول.. اشتروا شوية حاجات.. وراحوا المطعم. ***** في المطعم. دخلوا وطلبوا آيس كوفي.. ورنوا ع أحمد وسيف يجوا. سندس: بنات.. مش اللي قاعدة هناك دي علبة السردين؟ وعد: أيوه. هنا: لا لا.. أنا شكل فاتني كتير 😂😂😂 عند سرين.. العاملة جت تشوف طلبتها.. ودلقت عليها العصير غصب عنها. سرين: انتي غبية؟ فين صاحب المطعم ده؟ اطرد البنت دي. صاحب المطعم: انتي مرفودة.

البنت: بالله عليك.. ماما تعبانة ومحتاجة الفلوس.. أنا آسفة. سرين: أعمل إيه بأسفك يا قذرة؟ وهوب.. ضربتها بالقلم. سندس: انتي إزاي تعملي كده؟ اتأسفي ليها حالا يا سرين.. وانتوا اطلبوا الأمن ييجي يأدبها.. البنت ما غلطتش واتأسفت. سرين: أنا هرن ع بابي حالا. ورنت ع بابها. والد سرين جه: انت إزاي تكلمي بنتي بالأسلوب ده يا همجية؟ سندس: انت مش عارف أنا مين؟

أنا سندس الفاروقي.. كل شغلك معايا انتهى.. وهنغلي آخر صفقة.. واعتذر انت وبنتك وصاحب المطعم.. وانت.. وشاورت لصاحب المطعم: انت هتديها مكافأة نهاية الخدمة. سرين: أنا مش هتأسف يا بابي. وفجأة صوت صفعة جامدة..... يا ترى مين اللي اتضرب؟