رواية احببت فلاحة الفصل السادس 6 - بقلم منة جمال

وفجأة أبو سرين نزل على وشها بقلم شديد، رجعها لورا. "أنتِ بنت قليلة الأدب، خسرتيني شغلي. تعرفي إن المدام سندس هي اللي مخلية شركتي واقفة لحد دلوقتي. اعتذري حالاً." سرين: "أنا آسفة يا مدام سندس." سندس: "لا متتأسفيش ليا، اتأسفي للبنت اللي قليتي أدبك عليها." سرين: "هههه، أعتذر لمين يا فلاحة يا جاهلة." فجأة أبوها مسكها من شعرها ونزل فيها ضرب. سندس بعدته عنها. سرين: "أنا آسفة يا آنسة."

وطلعت تجري وهي مستحلفة لسندس، وأبوها اعتذر وخرج. سندس: "البنت، روحي خدي حسابك من صاحب المطعم وتعالي ليا." البنت: "حاضر." إللي في المطعم كلهم سقفوا لسندس وشكروها. وعد: "صاحبي الجامد جدًا، كنتِ هايلة يا سندس." هنا: "حبيبة قلبي، بفتخر بيكي." سيف: "لا، كلكوا بتفتخروا بمراتي. حبيبتي، أنا بس اللي أفتخر بيها." وحضنها وباس راسها وهمسلها: "كل يوم بتزيدي في نظري." أحمد: "بجد ربنا يبارك فيك يا سندس."

اتغدوا والبنت جت وشكرت سندس. سندس: "أنتِ اسمك إيه؟ البنت: "اسمي كاريمان." سندس: "أعرفك دي وعد وهنا صحباتي، وسيف جوزي وأخو هنا، وأحمد زوج وعد." كاريمان: "اتشرفت بيكم." الكل: "إحنا أكتر." سندس: "خدي الكارت ده وتعالي بكرة على العنوان وهتقابلي عزة سكرتيرتي وهتشتغلي على طول." كاريمان: "بجد شكراً ليكِ، ربنا يفرحك يا مدام." سندس: "لا، إحنا من النهاردة أخوات." وحضنوا بعض وكاريمان مشيت.

سيف: "يلا يا أحمد وصل وعد وهنا، وأنا هجيب سندس وأيجي." أحمد: "ماشي يا برنس. سلام." سيف: "سلام." سيف: "سندس، بصي أنا معجب بيكي وعاوز نكمل الجواز ونعتبر نفسنا في فترة خطوبة، ويلا نتمشى على الكورنيش شوية." سندس: "وأنا موافقة." راحوا يتمشوا على الكورنيش وسيف اشترا لها درة وحمص الشام. سندس: "تعرف إنّي كان نفسي أمشي مع جوزي على الكورنيش وآكل درة وحمص الشام وآيس كريم." سيف: "تعالي يا ستي نشتري آيس كريم."

سيف راح اشترى لها آيس كريم وكملوا مشي. سيف: "سندس، ممكن تحكيلي كان نفسك جوزك يبقى عامل إزاي؟ سندس: "كان نفسي يبقى حنين وبيصلي كل الصلوات، ومبيكلمش بنات، ولو كلم قبل كده بنات يكون تاب ورجع لربنا. ونفسي نربي عيالنا على الدين ونعلمهم تعاليم الإسلام عشان يقدروا يعيشوا في الزمن ده." سيف: "إن شاء الله هغير وأكون لك أحسن زوج." سندس: "إن شاء الله، وأنا معاك." سيف: "يلا نمشي، إحنا اتأخرنا قوي." روحوا أول ما وصلوا.

سيف: "سندس، أنتِ هتيجي تنامي جنبي؟ سندس: "لا طبعاً." سيف: "تعالي بالله عليكي، وهنبقى مؤدب والله." سندس: "بس بشرط تصلي معايا." سيف: "ماشي." دخلوا صلوا القيام وسندس سبحت على إيد سيف وقعدوا يقرأوا قرآن. وصلوا الفجر وناموا. تاني يوم سندس صحيت على رنة فونها. سندس: "ألو." مجهول: "أنا آسف يا سندسي، وعارف إنك مجبورة على سيف. وهاجي وهخلصك منه." سندس: "مين؟ مجهول: "مش مهم تعرفي أنا مين." سندس صحيت سيف.

سيف: "صباح الخير يا جميل." سندس: "صباح الفل، يلا نصلي الضحى عشان ننزل." صلوا الضحى ونزلوا. هنا ووعد ومنال ومحمد كانوا قاعدين بيفطروا. وفجأة دخل حد. الكل انصدم.