رواية أحببت فتاه ملجأ الفصل العاشر 10 - بقلم سارة عبدالباري

وقفنا البارت إللى فات لما آدم طلع يدور على تقى. عند تقى بدأت تدوخ ومسكت راسها. عمر: انتي كويسة يا آنسة؟ تقى: حاسة إني دايخة. عمر وهاني بصوا لتقى بمكر. ولسه هيقربوا منها. جيه آدم ونزل فيهم ضرب. عمر: انت مين يا متخلف انت؟ هي المزة تخصك في حاجة؟ آدم متملكش أعصابه وفضل يضرب فيه. هاني: جرى لما شاف عمر قدامه. آدم: التفت على تقى لقيها مغمى عليها. آدم: تقى تقى ردي عليا. آدم شال تقى وخدها على الفيلا. في فيلا آدم.

سامية: خير يابني طمني ومالها تقى؟ جرالها إيه؟ آدم: بعصبية. مفيش هي كويسة قدامك أهي. هي نايمة بس. تقى بدأت تفوق. لقت آدم باصلها بغيظ. تقى بدأت تخاف ومسكت راسها. تقى: أنا فين؟ ومال راسي وجعاني كدا ليه؟ آدم: والله حضرتك مش فاكرة حاجة. تقى: أنا آخر حاجة فاكراها لما عمر اداني عصير وشربته. وبعدين محستش بنفسي غير وأنا هنا.

آدم: بعصبية. ماهو ده آخره إنك متسمعيش كلامي. أنا قولت مفيش حفلات حصل ولا لأ. الأستاذ عمر وصاحبه حطوا لحضرتك مخدر في العصير ويا عالم لو موصلتش على آخر لحظة كان إيه اللي حصل. تقى: ببكاء. أنا آسفة يا أبيه أنا مكنتش عارفة إن ده كله هيحصل. آدم: إنتي إنسانة مستهترة وبتتصرفي بطيش وتصرفات طفولية. وأسفك مش مقبول. وسابها وطلع. تقى فضلت تعيط. سامية: أهدي يا حبيبتي كفاية. عياط آدم خايف عليكي.

تقى: مش عارفة أعمل إيه يا ماما سامية. كل ما أجي أصالحه. تحصل مشكلة. سامية: زي بعضه يا حبيبتي ربنا يهديه. وسابتها وطلعت. فاطمة: العشا يا ست. تقى: خدي الأكل يا دادا مليش نفس. خدت الأكل. وجه تاني يوم وتقى كانت رافضة الأكل. وكل ما تحاول تكلم آدم يرفض يرد عليها. عدى تلات أيام على أبطالنا. آدم: مساء الخير يا أمي. الأم: مساء النور. آدم: مالك يا ست الكل. الأم: إنت هتفضل كدا لحد إمتى يا آدم؟ آدم: كدا إزاي مش فاهم.

الأم: تقى رافضة الأكل ليها تلات أيام بسبب إنك مش بتكلمها. حرام عليك كدا هيجرالها حاجة. آدم: بصدمة. يعني إيه رافضة الأكل؟ وإنتو إزاي محدش يقولي؟ آدم راح لتقى الأوضة خبط ودخل. لقى تقى وشها أصفر وعينيها حمرا من كتر العياط. آدم: ممكن أعرف إنتي ليه رافضة الأكل؟ تقى: مليش نفس. آدم: طيب ممكن تاكلي علشان خاطري. تقى: بصت لآدم وفضلت تعيط. يا أبيه أنا آسفة. إنت ممكن تعاقبني أي عقاب بس أرجوك. كلمني. آدم حضن تقى جامد.

آدم: إششش مش عايز أسمع العياط ده تاني. أنا آسف علشان كنت قاسي عليكي جدا. بس ده من خوفي عليكي. تقى بصت لآدم. تقى: أبيه آدم أنا عايزة أقولك حاجة. آدم: قولي يا تقى. تقى: بكسوف. أبيه أنا بحبك. آدم: بصدمة. إيه؟ بتقولي إيه؟ تقى: بحبك. آدم: بس مينفعش يا تقى. أنا سني كبير جدا عنك. إنتي تستاهلي حد من عمرك. تقى: لا أنا بحبك إنت وبس وتقى مش هتتجوز غير آدم. آدم شال تقى وفضل يلف بيها من الفرحة.

آدم: وأنا كمان بحبك من أول يوم شوفتك فيه. تتجوزيني يا تقى؟ تقى: بفرحة. أفكر. آدم: نعم يا عمر. تقى حضنت آدم وقالت موافقة. آدم عمل فرح كبير جدا لتقى وكانت طالعة زي القمر. بعد مرور خمس سنوات. تقى: يا ملك يا زياد يا حبيبي بطل تتخانق مع ملك. زياد: لا علشان هي غلسة وخدت اللعبة بتاعتي. ملك: ببكاء. وأنا هقول لبابا. ملك: بابا. بابا. آدم: مالك يا ملكة قلبي بتعيطي لي. ملك: زياد ضربني. آدم: متزعليش أنا هشدلك ودانه.

عند تقى كانت بتعمل الغدا في المطبخ. آدم: بتعملي إيه؟ تقى: اخس عليك يا آدم خضتني. آدم: غمضي عينك. تقى: اهو غمضت. آدم طلع علبة قطيفة جميلة جدا وجواها خاتم ألماس. تقى: بفرحة. إيه ده الخاتم ده علشاني؟ آدم: بضحك. لا علشان سوزي. تقى: ضربت آدم في كتفه. بطل غلاسة يا آدم. آدم: حاضر يا حبيبة قلبي. تقى: بحبك يا آدم. آدم: وأنا كمان بحبك.