رواية أحببت غامض الفصل الحادي والعشرون 21 - بقلم نورا

طلع زين من العربية، من هنا سيلا نطت على الكرسي بتاع زين وشغلت العربية، مفتاح العربية كان معاها ومشيت بيها بسرعة. زين اتصدم واتعصب وجرى ورا العربية عشان يلحقها، بس طبعًا ملحقش. وقف متعصب ورن على كرم وقاله: "قول على اختك يا رحمن يا رحيم." كرم: "في إيه يا ابني؟ إيه اللي حصل تاني؟ مالها أختي؟ عملتلك إيه تاني لكل ده؟ أنا زهقت منكم ومن حواراتكم." زين بعصبية: "في إيه؟ راديو واتفتح؟

دانا أوريها وهوريك. وصلنا للفيلا ونزلت، جيت أنزل ألاقيها خدت العربية ومشيت بيها. تصبر عليا بس. أول ما تجيلك قول لي، تمام؟ كرم ضحك ومش قادر وبيقوله: "انت اللي عملت فيها كدا. دي كانت بريئة ومش كدا خالص. حد قال لك اعمل فيها كدا؟ ماهي مش هتسكت لك بعد كل ده. وبيكمل ضحك." زين اتعصب وبيقوله: "جرا إيه يا زفت انت كمان؟ أنا متعصب وانت بتضحك؟ هو انت وأختك ولا إيه؟ اتزفت رن عليها وأنا هاخد تاكسي وأجيلك، سلام." وقفل في وشه، وكرم

لسه بردوا بيضحك وبيقول: "أحسن. خليها تربي. وبيرن عليها." وهي أول ما لقيته هو قالتله بضحك: "هو لحق قالك ولا إيه؟ بس قول لي، قول لي كان عامل إزاي؟ كرم بضحك: "مقولكيش. متعصب. ولو شافك هيعمل منك بوفتيك. بس أحسن يستاهل. بس هو جاي على هنا، خلي بالك." سيلا بضحك:

"أحسن، أحسن. عشان يبقى يوريني هيتحكم فيا إزاي تاني. بس عمتا أنا مش جاية عندك. عارفة إنه هيجي فهروح ألف شوية بالعربية. عايزة آخد ريست من كل حاجة. يا كرم تعبت أوي. معلش مش هقدر أقولك رايحة فين لأنه ممكن يضغط عليك وتقوله. وأنا أوعدك هطمنك عليا كل فترة، بس المهم أرتاح شوية. أخليه يعرف إن مش كل حاجة عايزها هتجيله فورًا. هخليه يندم وبعدين أجي." كرم بحزن عليها: "طب بس هتخلي بالك من نفسك؟

واوعديني لو حصل أي حاجة تقول لي، تمام؟ بس انتي معاكي فلوس يا بنتي؟ هتروحي فين؟ سيلا بكذب: "لا معايا يا حبيبي، متقلقش عليا. أنا كويسة وهبقى كويسة أكتر لو بعدت شوية." كرم: "تمام، بس هتطمنيني عليكي كل فترة، تمام؟ وخلي بالك من نفسك كويس. ومتقفليش تليفونك. لو رن عليكي مترديش عليه. لو أنا رنيت تردي علطول، فاهمة؟ سيلا: "فاهمة. باي يا حبيبي، عايز حاجة؟ كرم: "عايز سلامتك يا حبيبتي. سلام."

وقفلوا، وهو مدايق عليها. وهي قعدت تعيط شوية، وبعدين رنت على صحبتها من أيام الجامعة وقالتلها: "إيمي، أنا جايلك دلوقتي." إيمي بفرحة: "يا ألف نهار أبيض. تنوري يا حب. المهم فاكرة عنوان البيت ولا هتوهي؟ أقولك استنيني عند... وأنا جايلك." سيلا: "تمام يا حبيبتي." وقفلوا.

إيمي وسيلا كانوا أصحاب من الجامعة، وإيمي عايشة مع أخوها وأهلها متوفيين. بس لما كانت سيلا بتروحلها كانوا بيقعدوا في الشقة بتاعتهم اللي تحت، لأن البيت كله تبعهم. وصلت إيمي وشافت سيلا وحضنوا بعض ومبسوطين جدًا. وإيمي بتقولها: "وحشاني يا حبيبتي أوي. فينك كل ده؟ سيلا بفرحة: "أنا أكتر يا حبيبتي. موجودة أهو، بس انتي عارفة بقى إن اتجوزت ومبقتش فاضية خالص." وكملت بكذب وقالت:

"جوزي سافر وأنا قولته إن هشوفك وهقعد معاكي فترة وكدا." إيمي بفرحة: "بجد؟ طب كويس والله. جوزك شكله طيب وحنين. أنا مشوفتهوش، بس أنا قابلت أهلك وقالوا لي إنك اتجوزتي. وكنت طالعة بالصدفة لقيت اللي ما تتسمى أختك مروة بتقول دي وقعت واقفة وإنه جوزك حلو وكده." سيلا ابتسمت بكذب وقالتلها: "آه. يلا بقى نمشي. اركبي العربية." إيمي بفرحة: "الله. بسم الله ما شاء الله. يا حبيبتي، هي دي عربيتك؟ سيلا:

"لا، دي بتاعت جوزي. بس هو قالي خديها وروحي بيها." إيمي: "آه تمام. يلا." ومشوا. أصلها مينفعش تقول أي حاجة حصلت. الخلافات والمشاكل دي لازم محدش يعرفها. دي أسرار بيت مينفعش تتقال لحد أبدًا. وعند زين. وصل عند كرم وبيدور في البيت وبيقوله: "مخبياها فين يا كرم؟ هي فين؟ كرم: "يا ابني، ما انت دورت في كل حتة لقيتها. لا يبقى أكيد مش هنا. ثم هي لو هتيجي تستخبى هتيجي هنا إزاي؟ وانت عارف إنها هتعرف إنك جاي على هنا علطول."

زين بعصبية: "يعني هتكون راحت فين يعني؟ كرم: "زين، سيلا مشيت. عايزة ترتاح شوية. اديها راحة شوية." زين بعصبية: "يعني إيه؟ يعني إيه مشيت؟ وبعدين انت لو مراتك عملت كدا هتعمل اللي بتقوله ده؟ كرم مردش. زين بعصبية: "ما ترد. لا يبقى بتقول لي أنا كدا ليه؟ كرم:

"زين، انت اللي عملت كل ده. انت السبب أصلًا. انت كنت أناني في كل قرار بتاخده. مينفعش تلغي شخصيتها. لازم تشاركوا القرارات سوا. انت باللي عملته ده حسستها إنها مش موجودة. إن انت اللي ليك الكلمة وبس. هي مش مهم كدا كدا هتوافق. لا الكلام مش كدا. الكلام براحة، فهمت؟ زين بغيظ وقاله: "عارف لو حد تاني قال لي الكلام ده كنت نفخته. دا معناه إني مش بفهمك." كرم بغيظ أكتر:

"تصدق يا زين إن أنا اللي مش بفهم عشان اتكلمت معاك. أنا مالي. خليها تضيع من إيدك بقى. أنا مالي." زين بعصبية: "أنا ماشي. ولو لقيتها هوريها بردوا. هه." ومشى. كرم ضرب كف على كف وقال: "مفيش فايدة." عند سيلا وإيمي. أول ما وصلوا وطلعوا لقوا... وإيمي اتصدمت.