رواية أحببت غامضآ الفصل الأول 1 - بقلم ملك أسامة

رحمه: يعني إيه يافندم محتاج مربيه لواحد عنده 28 سنة! دا إزاي؟ خالد: ممكن تهدي وتيجي معايا وهتفهمني. رحمه: لا، قبل ما نروح عايزة أفهم. خالد: طيب اتفضلي اقعدي. رحمه قعدت وخالد بدأ يتكلم. خالد: حازم كان شغال في المخابرات، طلع مهمة رجع مشلول للأسف ورافض العلاج ورافض إنه يعمل أي عمليات ومش عايز يرجع للحياة أبداً، وأنتي بطريقتك دي هتعرفي ترجعيه لحياته تاني. رحمه: ومين قالك إني هعرف؟

خالد: براءتك هتعرف يا رحمه، أرجوكي وافقي، أرجوكي، دا حفيدي الأقرب لقلبي، أرجوكي. رحمه: حاضر، أبدأ من امتى؟ خالد: النهاردة هاخدك تتعرفي عليه وعلى العيلة، يلا. خالد أخد رحمه ونزلوا، وصلوا قدام فيلا كبيرة أشبه بقصر. رحمه بذهول: دا بيتكم؟ خالد: آه، يلا. نزل خالد ورحمة وراه. رحاب: مين دي يا بابا؟ خالد: دي ممرضة حازم. رحاب بعوجة بوق: ماشي. خالد بدأ يعرف رحمه عليهم.

خالد: دا هشام أخو حازم، دي رحاب عمة حازم، ودا ابنها محمود وجوزها وليد. رحمه: فين أهل حازم؟ خالد: يبقي هو يحكيلك، يلا عشان أعرفك عليه. رحمه: تمام. طلعوا وخالد فتح أوضة لونها كله أسود غامقة وغامضة، النور مش واصل ليها. خالد: تعالي يا رحمه. رحمه دخلت بابتسامة. حازم وهو مديهم ضهره وقاعد على الكرسي: قولت مش عاوز ممرضة أنا. خالد: مش بمزاجك يا حازم، لازم تفوق بقى. رحمه: ممكن دقيقة معاه؟ خالد: متأكدة؟ رحمه: آه.

خالد خرج ورحمة قفلت الباب وقربت من حازم وقعدت على ركبتها قدامه وهو بيبصلها ببرود. رحمه: مش عايز تتعالج ليه؟ حازم: أنا مش طفل عشان تكلميني كده. رحمه بضحكة: طيب ممكن أفهم ليه مش عايز تتعالج؟ حازم بوجع: عشان أنا السبب في موت ابني. رحمه بصدمة: ابنك!!!