رواية أحببت غبية الفصل الثامن 8 - بقلم تقى طه

خالد: أنا أعمل اللي أنا عايزاه، وإنتي مش أمي عشان تحاسبيني. وبعدين قبل ما تربيني، شوفي نفسك الأول. إنتي اتطلقتي من كرم، قربتي من غيره؟ مش هو دكتور برده؟ سارة بشهقة: آآه يا قليل الأدب! مش عايزة أشوف وشك تاني ولا أسمع صوتك حتى. أصلاً أنا غلطانة إني حبيتك في يوم من الأيام. وقَفلت الهاتف في وجهه. سارة لنفسها: هو إزاي بيفكر فيا كده؟

ده أكيد مش خالد أخويا. لا لا، وبعدين أنا مابعملش حاجة غلط ولا بقرب لحد. هو بيقول إيه المجنون ده؟ وليد: أستاذة سارة. سارة بتركيز: نعم يا دكتور. وليد: إحنا لازم نبدأ العلاج الكيماوي مع لبنى من بكرة. سارة: ياريت. وليد: طب تمام، أستأذن أنا. سارة: اتفضل. وتركها وذهب ليكمل عمله. سارة بقلق: يارب عدّيها يارب. إيه ده؟ أنا معييش فلوس للعلاج. لازم أكمل تدوير على شغل. وخرجت من المشفى وبدأت عملية البحث عن عمل.

سارة: لو سمحت، عندك شغل؟ الشخص: آه طبعًا يابنتي، معاكي شهادة إيه؟ سارة: أنا متخرجة من كلية تجارة. الشخص: طب حلو جدًا، هشغلك. تحبي تبدأي من امتى؟ سارة بحماس: من دلوقتي لو تحب. الشخص: وأنا مش هزعلك. ورايا، أفهمك الشغل. الشخص: أول حاجة، أنا اسمي الحاج كرم يابنتي. وإنتي؟ سارة: سارة يا حاج. الحاج كرم: عاشت الأسماء. يلا بينا. سارة: يلا. بعد مرور 7 ساعات عمل. سارة بتعب: الشغل يتعب أوي بجد. هو كاشير آه، بس ماتوقعتش يبقى كده.

الحاج كرم: مافيش حاجة سهلة يابنتي. سارة: معاك حق. الحاج كرم: طب يلا يابنتي، الوقت اتأخر. هتروحي إزاي؟ سارة: أنا هروح المستشفى اللي جنبكم دي. أختي هناك، ببات جنبها. الحاج كرم: ربنا يشفيهالك يابنتي. سارة: آمين يا حاج. أستأذن أنا بقى. الحاج كرم: اتفضلي، وبلاش تأخير. سارة بضحكة: مبأتأخرش، ماتخافش. سلام. في المستشفى. سارة بضحكة وهي تأخذ بالطعام: إزيك يا نونو؟ عاملة إيه؟ نورهان: على فكرة أنا كبيرة عنك شوية، احترام بقى.

سارة بمشاكسة: كام عريس النهاردة جه؟ نورهان بتلقائية: 8 بس، ورفضتهم طبعًا. سارة: أنا كده اللي كبيرة بقى. نورهان بشهقة: لا، فشررر! مين اللي كبيرة؟ دانتي قمر ولسه في عز شبابك. سارة: عندك عريس؟ نورهان: فيه اتنين بصراحة، أخويا والدكتور وليد. رأيك إيه؟ سارة: ..