تحميل رواية «أحببت غروره» PDF

رواية أحببت غروره الفصل الحادي عشر

كاد أن يغلق عينيه ولكنه افتكر ذات الخِمار الأبيض..ابتسم تلقائي ولكنه اخفى ابتسامته سريعاً واردف في نفسهُ..

ايه اللي انت بتفكر فيه ده انت مش بتثق في حد !

قلبه بخبث:بس اعجبت بيها..

عقله بزهق:لا مأعجبش هو خلاص اكتفى بالتجربه الاولى ومش بيثق ف حد..

قلبه بحزن:بس مش كلهم زي بعض!

عقله ببرود:ملناش دعوه ..

جاسر بضيق:بس بس عايز انام..!

اغمض عينيه ونام سريعاً من التعب..

روايه احببت غروره بقلم Nour Abdelkader..💛

في الصباح..كان جاسر ينزل من على الدرج ببرود وهو ينظر إلى ساميه ورزان اللتان ينظران إليه بغل..

نعمة بإبتسامه:صباح الخير ..

نظر إليها بإبتسامه واردف..

صباح النور يداده

رزان بغل:صباح الخير يجاسر..

جاسر بلا مبالاه:صباح الخير..

نظرت له بحنق ..

نظر جاسر إلى نعمه واردف بإبتسامه..

انا ماشي يداده عايزه حاجه؟

نعمة بحنان:لا عايزه سلامتك..

اومأ لها وغادر القصر..

رزان وهيا تنظر إليه بحقد..

هتبقى ليا يجاسر مهما عملت ..

روايه احببت غروره بقلم Nour Abdelkader..💛

في حضانة عشق..

سيلين بطفوله:هو صح يعثق هتيجي تقعدي معايا !

نظرت إليها بضحك واردفت..

اه يستي افرحي بقى..

سيلين صقفت بأيديها بفرحه وقبلتها في خدها بطفوله ..

عشق بإبتسامه وضحك:الله ايه البوسه الحلوه دي..

تابعت بتذمر مصطنع:متديش بوسه لحد غيري عشان بغير!

سيلين بعدم فهم:يعني ايه بغير!

ضحكت عشق على طفوليتها واردفت بتفكير..

اممم يعني ايه بغير..؟ يعني متديش بوسه لغيري عشان انا بحبك ومش عايزاكي تحبي غيري فاهمه؟

ضحكت سيلين بطفوله:ماثي يعثق بس انا بحب بابي وصحابي!

عشق بإبتسامه:لا حبيهم عادي انا بهزر يعمري..

اومأت بطفوله وقبلتها في خدها مرةً أخرى..

ضمتها عشق بحنان وهيا تنظر إليها بإبتسامه كبيرة..

روايه احببت غروره بقلم Nour Abdelkader..💛

طرقت عشق باب الفيلا هِيا وسيلين..

فَتَحت لهم نعمة ونظرت إليهم بإبتسامه:أهلا يحلوين اتفضلوا..

دخلت عشق وسيلين بهدوء..

نظرت نعمة لسيلين:اطلعي يسيلي فوق على ما اتكلم مع عشق شويه..

اومأت برأسها وركضت إلى غرفتها..

نظرت عشق الى نعمه بفضول:في حاجه ؟

هزت رأسها بنفى واردفت..

لا يحبيبتي مفيش بس كنت هقولك هتعملي ايه ..بصي دلوقتي هتطلعِ معاها فوق تغيري ليها هدومها وبعدين هتشوفي واجبتها وتذاكري ليها ..وليها نص ساعه بريك تلعب فيهم وبعدين هيكون الغداء ..هتنزلي بيها للغداء الساعه ٤ ونص كده..وبعدين اما يخلص الغداء هيا بتلعب اقعدي معاها وعلميها مثلا حاجات جديده تنمي مُخها فاهماني؟ على الساعه ٧ ونص بقى كده هيكون العشاء بتاعها وهيا ساعات مش بتتعشى يعني بس نزليها تاكل حاجه ..وعلى الساعه ٨ معاد نومها هتحكي ليها قصه وبعدين ده هيكون معاد خروجك..فهمتي؟

اومأت برأسها بتفهم واردفت..

اه فهمت كله ..ان شاء الله اكون عند ظن حسن حضرتك..

نعمة بهدوء :ان شاء الله يحبيبتي..يلا اطلعي ليها واعملي زي اللي قولته بالظبط..

اومأت بإيجاب وسارت إلى الدرج لكي تطلع إلى غرفه سيلين..

فتحت عشق الغرفه وجدت سيلين جالسه على فراشها تُمثل إنها نائمه..

ابتسمت على طفوليتها وسارت إلى فراشها..

عشق:سيلي سيلي يلا عشان اغير هدومك..

سيلي بنوم مصطنع:لا ثويه..

عشق بخبث:اممم ..طيب خلاص بقى كنت جيبالك شيكولاته اللي بتحبيها بس خلاص .

فزّت من على الفراش بسرعة ونظرت إليها:فين الثيكولاته.!

ضحكت عشق:بتعملي نايمه يسيلي! تعالي بس نغير هدومنا ونذاكر وبعدين نشوف موضوع الشيكولاته ده..

اومأت بطفوله..

روايه احببت غروره بقلم Nour Abdelkader..💛

كان خالد يمشي بسيارته بعد أن غادر من الشرِكه..لفت انتباهه فتاة ولكن هِيا حبيبة!..

ابتسم ونزل من سيارته واتجه إليها..

خالد بهدوء:مساء الخير..

نظرت له حبيبه بإبستغراب:مساء ال...

تابعت بغضب:هو انت..!

خالد بضحك:امم انا..

حبيبه بضيق:عايز ايه!

خالد ببرود:كنت عايز رقم الحاج..

حبيبه بإستغراب:حاج مين!

خالد بغيظ:الحاج ابوكي..

حبيبه بإستغراب اكبر:وانت تعرف ابويا منين!

مسح على وجهه بنفاذ صبر واردف..

ملكيش دعوه هاتي رقمه بس ..تابع بإبتسامه:عايز اشرب معاه شاي..

نظرت له وهي تحاول فِهم مابداخله..

حبيبه :طيب خد الرقم 012*******

خالد بإبتسامه:طيب يلا امشي روحي بقى متقفيش هنا

حبيبه :مستنيه ميكروباص عشان اروح!

خالد بتفكير:اوصلك انا !

هزت رأسها بنفى واردفت وهيا تنظر إلى الميكروباص التي يأتي من بعيد..

لا شكرا هو هناك خلاص ..

نظر خالد للميكروباص واومأ برأسه ..

خالد:طيب يلا سلام..

حبيبه:سلام..

سار خالد إلى سيارته وهو يشعر بسعاده وانجذاب إلى اللي تسمى حبيبة..

روايه احببت غروره بقلم Nour Abdelkader..💛

دخل جاسر الفيلا وفي نفس ذات الوقت كانت تنزل عشق من على الدرج ..

نظر لها وقلبهُ دق بعنف..لعن قلبه على هذه الدقه.!!

عشق بإبتسامه هادئه:السلام عليكم .

جاسر بهدوء:وعليكم السلام..

تابع بتساؤل:انتي مربيه سيلين!؟

عشق بهدوء:امم انا..انت ابوها ؟

اومأ بإيجاب

عشق بإبتسامه:امم تشرفنا..

هز راسه ببرود وصعد إلى الغرفه بدون أي كَلِمه..

عشق بغيظ اردفت في نفسها ..

مغرور اوي يعني.

رواية أحببت غروره الفصل الثاني عشر

في بيت حبيبة..

دخلت حبيبة من باب شقتهاا بشرود وهيا تُفكر في خالد..

حنان صفعتها على مقدمة رأسها بخفة..

حبيبه بتذمر:ايه يماما في ايه!

حنان:انا بردو اللي في ايه..بتفكري في ايه!

تابعت بغمزه:اللي واخد عقلك يبيباا..!

حبيبه بإرتباك:احم لا مفيش حاجه..

جاء وليد لهم واردف بإبتسامه متسعه..

عامله ايه يبيبا يقمر.؟

حبيبه بإستغراب:بيبا ! قمر!

ايه الدَخله دي!

وليد بضحك:هو انا مش بدلعك علطول يعني!

حبيبه بضحك وهيا تتجه إليه:حبيبي يليدو لا طبعا بتدلعني..

حنان بغيظ:ايه ايه مالكو وانت ماسك فيها كده ليه براحه..

حبيبه بضحك:بتغيري ياحنان..!

حنان بغيظ اكبر:قولت ١٠٠ مره متقوليش حنان دي..!

ضحكت حبيبه واتجهت إلى غرفتها..

حنان بفضول:هو في حاجه ياوليد؟

وليد بإبتسامه:اممم فيه ..بصي ........

___💛___💛___💛____

في الفيلا..تحديدًا في اوضه ساميه..

رزان بتساؤل:تفتكري ايه حكايه البنت دي!

ساميه بإستغراب:بنت مين!؟

رزان بضيق:المربيه اللي جاسر واللي اسمها نعمه دي جابوها لسيلين..

نظرت لها بلا مبالاه:سيبك منها بنت زي اي بنت عادي ..مربيه لسيلين عادي وانتي عارفه جاسر مش بيحب البنات كلهم..ولو حصل حاجه وقربت مش هتلحق عشان هيكون بتاعك .

رزان بإقتناع:امم صح..طيب هنعمل ايه بقى مع سي جاسر..المره اللي فاتت رفضني هنعمل ايه بقى!

نظرت لها بتفكير..

___💛___💛___💛____

في اوضه سيلين..

عشق بتعب:يلا بقى ياسيلين تعبتيني!

سيلين بتذمر:مش عايزه اذاكر..!

نظرت لها بإبتسامه:لا لازم تذاكري عشان تبقى شاطره وكمان بعد المذاكره محضره ليكي مفاجاه..

سيلين بفضول:مفاجأه ايه يعثق هاا..ايه هيا المفاجآه؟

ضحكت واردفت بإبتسامه..

لا تذاكري الاول وبعدين اوريكي المفاجآه..

اومأت بإيجاب وبدأت في المذاكرة..

بعد فتره..

سيلين بسعاده:انا خلصت اهو..فين المفاجآه؟!

نظرت لها وجلبت من حقيبتها شيكولاته..

سيلين بفرحه:الله ..انا بحبك اووي يعثق..

عشق بإبتسامه:وانا بحبك اكتر يعمري..هتاخدي مكعب واحد بس وكل يوم اما تذاكري حلو هديكي مكعب مكافآه ..اتفقنا؟

اومأت بفرحه وهِيا تأخذ مكعب الشيكولاته من أيد عِشق..

عشق بهدوء:بصي يقمر انا هنزل بس اجيب حاجه اشربها وارجعلك تاني ..كُلي الشيكولاته على ما اجيلك..

سيلين و هِيا تأكل الشيكولاته:ماشي يعثق..

نزلت عشق من على الدرج بهدوء وهيا تنظر حولها ..

دخلت إلى المطبخ ونظرت للمكونات ..بدأت في تجهيز كوب قهوة..واخيرًا جهزَ ..

عشق بإبتسامه وهيا تردف في نفسها..

ياسلاام على القهوه بتاعتك يبت يعشق...

جاسر بصرامه من وراءها..

بتعملي ايه هنا!

انتفضت عشق وهيا تمسِك كوب القهوه في يدها ..حمدت ربها انه لم ينسكب على أيديها!!

عشق وهيا تحاول تهدئه نفسها..

ك..كنت بعمل قهوه ع..عشان افوق وانا بذاكر لسيلين..

جاسر ببرود:امم..طيب اطلعي..

اومأت برأسها بإيجاب وطلعَت على الدرج وهِيا تحمد ربها إنها غادرت من أمامه..

اردفت في نفسها وهِيا تطلع..

اووف الحمدلله اني مشيت من قدامه..نظرته مخيفه ياربي!

دخلت إلى اوضة سيلين وهِيا تمسك كوب القهوه..

عشق بإبتسامه:اتأخرت؟!

هزت رأسها بنفى واردفت بإبتسامه..

لا يعثق متأخرتيش خالث(خالص)..

عشق بإبتسامه:طيب يقمري يلا نكمل بقى ..

تابعت بتساؤل:كلتِ الشيكولاته؟

سيلين:اه كلتها ..ثكلا(شكرا)..!

عشق بإبتسامه هادئه:العفو يعمري..

____💛____💛____

في بيت حبيبة..

وليد بجديه:في عريس جايلك بليل اجهزي..

حبيبه بصدمه:عريس ايه ! لا لا مش عايزه!

وليد بصرامه:قلت اجهزي يبقى اجهزي!

غادر من غرفتها وتركها غارقه في بحور شرودها وصدمتها!!

بعد فتره..

رنت حبيبه على صديقتها عشق..

حبيبه:الحقيني يعشق..

عشق بإستغراب:في ايه !

حبيبه:في عريس جايلي انهارده!

عشق بإبتسامه متسعه:الله..مبروك! اخيرا بقيتي عروسه!

حبيبه بغيظ:مبروك ايه ! انا مش عايزه أتجوز..

عشق بضحك:يلا معلش ..روحي اجهزي يلا ..

حبيبه:تعالي خليكي معايا !

عشق بنفي:لا طبعا انهارده مقابله بس ..هاجي اعمل ايه!

اتعرفي عليه وشوفي وصلي استخاره وانا هبقى اجيلك بعد كام يوم اشوفك..

حبيبه بإيجاب:طيب يعشق..يلا هروح اجهز..

عشق بإبتسامه:ماشي يقمري ..مبروك يحوحوو..

ضحكت واردفت..

الله يبارك فيكي يعشعش..!

غلقت الهاتف وهِيا تُفكر في العريس الذي يأتي بعد قليل.!

بعد فترة صغيره..!

دَخل وليد غرفة حبيبه قائلا بجديه..

يلا يحبيبه اخرجي اقعدي معاه..

فركت في يديها بإرتباك وخجل واومأت بإيجاب..

خرجت من غرفتها ورأسها في الأرض بخجل وجلست أمامه بإرتباك..!

الشخص:امم..السجاده حلوه بردو ..بس انا احلى مِنها عفكره!

رفعت رأسها بصدمه!!

رواية أحببت غروره الفصل الثالث عشر

رفعت رأسها بصدمه واردفت..

انت!

خالد بإبتسامه:امم انا ..صدفه حلوه صح؟

حبيبه بغيظ:تؤ مش حلوه خالص ..ايه اللي جابك هنا..؟

خالد ببرود:جاي اخدك لبيتي ..عندك مانع؟!

حبيبه بذهول:تاخدني لبيتك؟كيس جوافه انا؟

خالد بإبتسامه وهيام:احلى كيس جوافه في حياتي..!

نظرت له بخجل واردفت بإرتباك..

ا..ايه! احترم نفسك لو سمحت..

خالد بإبتسامه:حاضر من عيني ..

تابع بغمزه:مش ناوي تحن وتوافق بقى؟

حبيبه بإرتباك:اا..هفكر..هصلي استخاره وابلغ رأيي مع بابا..

اومأ برأسه بإبتسامه واردف..

تمام هستنى رأيك و ان شاء الله توافقي.

تابع بغمزه اخرى:وتكوني ف بيتي وأكل الجوافه ..

نظرت له ولم تجد رد ترد بهِ عليهِ..!

دخلَ عليهم وليد بإبتسامه واردف..

ايه ياولاد اتفقتوا على ايه؟

خالد بهدوء:هتصلي استخاره وتبلغني ..

نظرت له حبيبه بإبتسامه مخفية لانه انقذها من الرد لخجلها..

اومأ وليد له وتبادلوا السلام ورحلَ خالد في هدوء..

نظر وليد إلى حبيبه بإبتسامه واردف..

كبرتِ يابيبا وبقيتي عروسه..

حبيبه بإبتسامه:على فكره لسه موافقتش..!

نظر لها بغيظ..

ضحكت على تعبيرات وجههُ..وذهبت إلى غرفتهَ..

_💛_____💛______💛______💛_____💛_

في اليوم التالي..

كان يجلس جاسر في مكتبهُ شاردًا في صاحبة الخِمار الأبيض..نعم فهذا اللقب الذي القبهُ لعِشق..!

دخلَ عليهِ خالد

خالد وهو يلوح بإيديهِ بعيدًا عن وجه جاسر :اللي واخد عقلك..!

فاق من شرودهُ ونظر إليه واردف..

ها !

خالد بضحك:ها ! لا لا شكلك ضايع خالص!

تابع بغمزه:بتحب ولا ايه؟

جاسر ببرود:لا طبعا مش بحب انت عارفني..!

خالد بملل:طيب يسيدي..مش انا اتقدمت لواحده امبارح!

نظر له بصدمه واردف..

اتقدمت لوحده! من غير ما تقولي يحيوان!

خالد بضحك:اهدى يعم لسه مستني الموافقه منها..

تابع بثقه:بس اكيد هتوافق يعني انا جمالي لا يقاوم..

نظر له بسخريه:هه..اللي بيعجبني فيك الثقه الزايده!

خالد بضحك:ماشي يعم شكرا..

جاسر بإبتسامه:بس مبروك يعم مقدمًا..اخيرا هخلص مِنك..

خالد بمرح:الله يبارك فيك ..بس متخافش انا على قلبك بردو..

نظر له وضحكَ..

__💛______💛_____💛_____💛__

في غرفة سيلين..

كانت سيلين تُذاكر وعِشق جالسه جَنبِها بشرود..

عِشق في نفسها :مغرور اووي يعني..بس قمر اوي يعشق..هييح ياريت الجبل يحن..!

ضربت مقدمة رأسها بخفه:ايه اللي انتي بتقوليه ده!

استغفر الله العظيم..

نظرت لها سيلين بإستغراب:انتي بتعملي ايه يعثق..

فاقت من شرودها ونظرت لها بإبتسامه:ها ! لا يحبيبتي مش بعمل حاجه.. ها وريني عملتي ايه؟

_____💛_____💛_____💛_____💛____

بعد فترة من جلوس عِشق مع سيلين..جاء معاد نوم سيلين ..

عِشق بتعب:يلا بقى عشان ننام..

سيلين بتذمر:مش عايزه انام انا يعثق!

نظرت لها بإبتسامه ومهاوده..

لا لازم ننام عشان بكره نصحى بدري نروح الحضانه وهبقى معاكي بردو ..يلا بقى وهحكي ليكي حدوته..

نظرت لها سيلين بتفكير واردفت..

طيب هنام بس احكيلي حكايه سندريلا..

اومأت بإيجاب وبدأت في سرد قصه سندريلا وبدأت سيلين في النوم..

نظرت لها بحب وقبلتها في خدها وفتحت باب الغرفه بهدوء شديد وغادرت الغرفه..

نزلت من على الدرج بهدوء..

رزان:بِس بِس..انتي ياشاطره..

نظرت لها عشق بإستغراب:انتي بتناديني انا؟

رزان :امم اومال بنادي مين غيرك يعني!

عشق بتعب:طيب عايزه حاجه؟

رزان بتكبر:اعمليلي قهوه..

نظرت لها بصدمه واردفت..

قهوه! انا هنا مش خدامه انا هنا مربيه لسيلين وبس!

رزان بملل:ماليش دعوه اعمليلي قهوه..

عشق بتكرير جملتها:وانا قلت اني مش خدامه عشان اعملك حاجه لو عايزه حاجه اعملي لنفسك!

نظرت لها رزان بغل وكانت سوف تتعصب أكثر ..ولكن صوت جاسر الجهوري كافِ عن سكوتها..

جاسر بغضب:في ايه هنا؟وايه الصوت العالي ده!

رزان بدموع تماسيح:ابدا يجاسر..كنت نازله ف لقيتها بتجر ف شكلي وانا معملتش حاجه!

نظرت لها بصدمه واردفت لجاسر بتبرير..

محصلش والله..انا كنت نازله من عند سيلين عشان امشي عشان معادي خلص ف لقيتها بتقولي اعمليلي قهوه ف قولتلها دي مش شغلتي انا شغلتي مربيه لسيلين وبس ..انا مش خدامه هنا عشان اعمل قهوه ليها ! قولتلها لو انتي عايزه حاجه اعملي لنفسك..ف علت صوتها عليا..!

نظر لهم بغموض واردف.

رواية أحببت غروره الفصل الرابع عشر

نظر لهم بغموض

جاءت نعمه وهيا تنظر إلى رزان بغل..

نعمة:كل اللي قالته رزان ده كدب ..انا كنت واقفه وشايفه كل كلمه هيا بتقولها و رد عِشق عليها كان مفهوش اي حاجه عيب ..كل حاجه قالتها عِشق صح ياجاسر..

نظرت رزان إلى نعمه بصدمه وغل ونظرت عِشق إلى نعمه نظرة امتنان وابتسامه..

نظر جاسر إلى رزان وعِشق واردف لعِشق بجديه..

احنا اسفين ليكي..

نظر إلى رزان بهدوء مخيف..

اعتذري ليها ..

رزان بصدمه:اعتذر لمين! اعتذر ل دي!!

وانت اشمعنا بقى صدقت دي ان شاء الله! انت يتصدق واحده جايه من الشار...

صفعها جاسر بالقلم بغضب..

رزان بصدمه اكبر:انت عملت ايه!

تابعت بصراخ:انت عملت ايه يجااسر! انت مجنون ! انت بتضربني عشان دي !

جاسر بغضب:انتي واحده مش متربيه ومحتاجه تتربي ..

نزلت ساميه من فوق وهيا تنظر لهم بإستغراب..

ساميه:في ايه يجاسر ايه الصوت العالي ده!

جاسر بغضب:اتفضلي شوفي بنتك المتربيه بتغلط في واحده محترمه وبتتهمها بحاجات غلط!

نظرت له بلا مبالاه:وايه يعني! بنتي تعمل اللي هيا عايزاه ! ده يستحق كل ده يعني؟ وهيا مين اصلا عشان تزعق لبنت خالتك عشانها !!

جاسر بغضب:البنت دي متربيه احسن منها وياريت تربي بنتك كويس ياا..ساميه هانم!

نظر كل من ساميه ورزان إلى جاسر بغل..سحبت ساميه رزان بشده إلى الغرفه..

نظر جاسر إلى عشق التي كانت تدمع..واردف بأسف

انا اسف بالنيابه عنها..تتفضلي تمشي عشان انتي كده اتأخرتي..

اومأت له وغادرت بصمت..

زفر بضيق وهو ينظر إلى نعمه التي كانت تنظر له بإستغراب..

جاسر:في ايه بتبصي لي كده ليه!

نعمه بإبتسامه مخفية:لا مافيش حاجه..بس جاسر بجلالة قدره يعتذر! مصدقهاش دي!

حمحم وغيّر الموضوع:انا طالع انام يداده عشان تعبان ..

نعمة بإبتسامه:طيب يجاسر نام..

اومأ لها وغادر..

نعمه بتنهيده:ربنا يفرحك يبني..

_____ ______ _____ _____

في غرفة ساميه.

رزان بغل:انا يضربني بالقلم عشان واحده حقيره زي دي!

ساميه بإستغراب:هو ضربك!

رزان بضيق:على اساس انك مسمعتيش وانا بصرخ يعني!!

ساميه بلا مبالاه:عادي قلت ممكن عشان بيزعق..

رزان بغضب:ايه لا مبالاه اللي انتي فيها دي!

ساميه بغضب:عشان انتي مركزه مع حتت بنت مجتش جمبك اصلا وسايبه الموضوع الاساسي!!

اقدر افهم انتي لسه منفزتيش الخطه ليه!

رزان بضيق:خايفه! انتي عارفه كويس ان الموضوع مش سهل! و ان واحد زي جاسر اكيد هيقفش الموضوع!

ساميه بتوضيح:جاسر ساعتها مش هيكون قدامه غير الجواز منك!

رزان بضيق:معرفش بقى!

ساميه بغضب:بت انتي! انجزي احنا مش بنلعب..انا عايزه كل ده يبقى ملكي وبسرعه!

نظرت لها بضيق وصمتت..

____ _____ _____ _____

عِند بيت عِشق..

دخلت عشق الى بيتها بشرود..

جميله بقلق:مالك يعمري؟ وشك ماله بهتان كده ليه!

عشق بإبتسامه تعب:مفيش يحبيبتي..

جميله بتكرير:مالك ياعِشق؟

بكت بتعب وهُنا ضمتها جميله بحنان..

جميله:مالك يحبيبتي احكيلي..

سردت لها كل شئ حدث في القصر..

جميله بضيق:مالها دي؟حاطه نقرها من نقرك ليه!

انتي في حالك بتجر ف شكلك ليه!

عشق ودموعها نازله بصمت.

جميله بتنهيده:مش عارفه اقولك ايه ..بس حاولي تتجنبيها خالص ..وربنا يقدم اللي في الخير..

اومأت عِشق بإيجاب وضمتها اكتر بتعب..

_____ _____ _____ ______

في بيت حبيبه..

كانت حبيبه في غرفتها تُصلي استخاره بخشوع ..

انتهت من الصلاه وشعرت ببعض الراحه وابتسمت بتلقائيه..

دخلَ وليد عليها ..

وليد بتساؤل:ايه قرارك؟

حبيبه بتنهيده:م..مواافقه..

ابتسم لها وخرج..

نظرت إلى الفراغ بشرود وهِيا تُفكر في مستقبلها القادم..

_____ _____ ______ ______

في بيتٍ ما..

.....:وبعدين! هنعمل ايه ؟

......بإبتسامه خبيثه:متقلقش هتبقى ليك

رواية أحببت غروره الفصل الخامس عشر

عم عِشق:مالك؟

مازن بضيق:م انت عارف ..منفضه ليا ومش بتكلمني اصلا..

عم عِشق بخبث:متقلقش هتبقى ليك ..

اومأ له وغادر..

نظر إلى أثرهُ وابتسم بخبث واردف في نفسهُ..

كل اللي سابه هيبقى من حقي ..

♡________♡________♡_________♡

في بيت عِشق..

عِشق بإبتسامه:عايزه حاجه ؟انا نازله الحضانه..

جميله بإبتسامه:لا يقلبي مش عايزه..انتِ كويسه!؟

عِشق بإيجاب:طبعا هو حد يبقى ف حضن جميلة وميبقاش كويس!

ضحكت واردفت.

يبكاشه!..يلا روحي على شغلك يحبيبتي..

قبلت جيبينها بحب وغادرت ..

♡_______♡_________♡________♡_______♡

في الحضانة..

عِشق بإبتسامه:وحشتيني اووي يابيبا..

حبيبه بضحك:وانتي وحشتيني اكتر يعشعش..عامله ايه؟

عشق:الحمدلله يروحي.. تابعت بفضول..:سيبك مني خالص دلوقتي واحكيلي كل حاجه حصلت امبارح..

ضحكت على فضولها وسردت لها ماحدث مع خالد..

عشق بفرحه:اووهه..اخيرا هلبس فستان يولا..

مبروك يابيباا..

حبيبه:كل اللي همك هتلبسي فستان يزفته!

تابعت بحزن مصطنع:مينفعش تيجي بقى عندي عشان وحشتني قعدتنا!

عشق بضحك:بس بس ايه الحزن ده! مش لايق على فكره عليكي..

بصي يستي انا يوم الجمعه اجازه ممكن اجيلك.

حبيبه بتفكير:انهارده التلات يعني فاضل يومين!

عشق بضحك شديد:انتي بتحسبي!شاطره اوي في الرياضه يبت.

حبيبه بتكشيره:متضحكيش عليا يبت! انا قريبًا هبقى مخطوبه وهخلي قره عيني يضربك..

عشق بحزن مصطنع:اهون عليكي يضربني!

حبيبه بمكر:اه..

نظرت لها بغيظ وصفعتها على كتفها بخفه..

ضحكت عليها وظلو يتحدثوا بجانب عملهم..

♡________♡_______♡__________♡______♡

في فيلا جاسر..

رزان بإستغراب:غريبه يعني ..اتأخرت مش عوايدهاا..

ساميه بلا مبالاه وهِيا تبرد ضوافرها..:سيبك منها..انتي مالك بيها اصلا!

رزان بغيظ:لا مالي بيها ونص كمان! انت ناسيه ان سي جاسر ضربني بالقلم عشانها!

زفرت واردفت..

م انتي اللي غلطانه وعملتي حوار عالفاضي..البنت في حالها ومقربتش منه اصلا..

رزان بغل:لا قربت منه وانا شوفتهم..

ساميه بإستغراب:امتى؟

رزان:كانت نازله تعمل قهوه وهو شافها واتكلمت معاه وهو اتكلم..

نظرت لها بزفر واردفت..

وهيا كده قربت! رزان اعقلي احنا بنعمل كل ده عشان تتجوزيه وناخد املاكه..إنما حب وكلام فاضي لا!

نظرت لها وزفرت بضيق.

قطع حديثهم طرق عِشق على باب الفيلا..

رزان :اومال فين نعمه تيجي تفتح!

هزت ساميه كتافها بمعنى معرفش..

زفرت بضيق مره أخرى وقامت من مكانها تتجه إلى الباب تفتح لها..

رزان بإبتسامه سمجه:أهلا ياعشق..اتفضلي..

نظرت لها بإستغراب من فتحها للباب ومن ابتسامتها!

اومأت لها بإبتسامه..

رزان بغل:ايه التأخير ده كله! سيلي جت من بدري وانتي المفروض تيجي قبلها..

عشق بهدوء:والله انا عندي شغل وانا متفقه مع داده نعمه وهيا تعرف كده..

نظرت لها بغيظ وقطع حديثهم دخول نعمه..

نعمه بإبتسامه:أهلا يبنتي..

رزان بتكبر:مجتيش تفتحي ليه يانعمه!

نعمه ببرود:كنت بصلي..

رزان:امم..ياريت متتكررش تاني..

رفعت حاجب واردفت..

لا هتتكرر كتير لان الصلاه مش بتتقطع..

قطمت شفايفها بغيظ وصعدت لغرفتها..

نظرت ساميه لهم وصعدت هِيا الاخرى لغرفتها لرزان..

نعمه بإبتسامه:سيبك منهم خالص هما كده مش بيتغيروا..

عشق بأسف:اسفه اني اتأخرت بس والله....

نعمه بمقاطعه:مفيش داعي انك تتأسفي انا عارفه انك عندك شغل..يلا اطلعي بقى لسيلين عشان مستنياكي..

اومات بإيجاب وصعدت لغرفة سيلين..

♡____♡_______♡_______♡_______♡____♡

في غرفة سيلين..

طرقت عشق الباب بخفه ودخلت..

عشق بإبتسامه:اتأخرت !

سيلين بتكشيره:اه اتأخرتي وانا زعلانه..

عشق بإبتسامه:لا يروحي متزعليش ..انا جيبالك حاجه هتخليكي متزعليش..

سيلين بطرف عينها:ايه جايبه ايه؟

عشق بهدوء:نغير هدومنا الاول وبعدين نذاكر ولو ذاكرنا حلو هديكي الهديه..

سيلين:ماشي اتفقنا..

♡_______♡_______♡________♡_______♡

في بيت حبيبه..

رن وليد على خالد..

وليد بإبتسامه:السلام عليكم

خالد بهدوء:وعليكم السلام..

وليد بجديه:كنت بتصل بيك عشان ابلغك قرار حبيبه..

خالد بفضول:ايه قرارها؟

وليد بحزن مصطنع:الصراحه يبني مش عارف اقولك ايه!

صدم من جملتهُ ومن نبرتهُ واردف..

ا..ايه قرارها ياعمي!

وليد بضحك:موافقه ..

خالد بفرحه:قولها تاني قولها تاني!

وليد بجديه مصطنعه:جرا ايه! هنلعب احنا!

تراجع عن جملتهُ واردف..

لا لا مش قصدي..طب اجي اتقدم امتى!

وليد بتفكير:ممكن انهارده بليل..

خالد بإيجاب:تمام اتفقنا..هاجي انا وصاحبي عشان ابويا وامي متوفيين

وليد بهدوء:ماشي يبني مستنيك الساعه ٩ ..

خالد بمواقفه:تمام..

قفل الهاتف وليد ونظر إلى حبيبه..

وليد بجديه:هييجي يتقدم بليل جهزي نفسك .

حبيبه بغباء:هو مين!

وليد بتريقه:امي!

ضحكت على جملتهُ واومأت برأسها بخجل..

دخلت غرفتها ورنت على عشق..

حبيبه:السلام عليكوو ..

عشق من غرفة سيلين بضحك:عليكم السلام يهبله..

حبيبه :بعيدا عن هبله دي.. بس انا قرايه فتحتي انهارده ..خلي عندك دم وتعالي..

عشق بتفكير:الساعه كام اجي!

حبيبه:انتي بتخرجي ٨ تعالي اما تخرجي..

عشق بهدوء:طيب هقول لجميلة وهجيلك..

حبيبه بفرحه:اشطات..متتأخريش..

في نفس الوقت..في شركة جاسر..

دخل خالد مكتب جاسر بهجوم وفرحه..

جاسر بذهول:في ايه يااهبل!

خالد بفرحه:قراية فتحتي انهارده..

جاسر بضحك:مبروك يعم..عايز ايه بردو!

خالد :هتيجي معايا يابيبي..

جاسر ببرود مصطنع:امم..انا ولي امرك يعني!

خالد بغيظ:اه يخويا..تعالى الساعه ٩..

جاسر:طيب ماشي ..يلا بقى من هنا سيبني اكمل شغلي وانت كمل شغلك يأما مفيش خطوبه اصلا!

خالد بضحك:اشطا..

خرج من مكتب جاسر بفرحه..

♡_______♡______♡_______♡_______♡

في المساء..

رنت عشق على جميله وأخبرتها إنها ستذهب إلى حبيبه ووافقت..

رنت عشق على باب شقة حبيبه..

عشق:يادبله الخطووبه عقبالنا كلناااا..

حبيبه بضحك:ياهبله..ادخلي..

عشق بأدب:السلام عليكم ياعمو .. السلام عليكم ياطنط ..

وليد وحنان بإبتسامه:عليكم السلام يحبيبتي..

حبيبه بذهول:ايه الادب ده يبت!

صفعتها على مقدمه رأسها بخفه بتذمر..

حبيبه بضحك:يلا بقى عشان تجهزيني..

دخلت إلى غرفتها..

ارتدت حبيبه فستان واسع لونهُ بيج وخِمار ابيض..ولم تضع اي مكياج لجمال وجهها الصغير..

كانت عشق ترتدي فستان واسع مثل حبيبه لونهُ ابيض وفيهِ ورود صغيرة زرقاء وخِمار أرزق هادي ..

نظروا إلى نفسهم في المراءه واردفوا..

والله قمر

نظروا إلى بعض بضحك..

قطع ضحكهم رنين الباب..

نظرت حبيبه إلى عشق بخوف..

عشق بهدوء:اهدي مفيش حاجه..

فتحَ وليد الباب

وليد :أهلا وسهلا اتفضلوا..

دخل جاسر وخالد بهدوء .

دخل وليد إلى غرفة حبيبه واردف..

يلا يا حبيبه تعالي ..

اومأت بإيجاب ونظرت لعشق التي نظرت لها بإطمئنان..

خرجت حبيبه بإرتباك وعِشق وراءها بهدوء..

نظر خالد وجاسر إلى عشق وحبيبه..

نظرت عشق وجاسر إلى بعضهم بصدمه

رواية أحببت غروره الفصل السادس عشر

نظرو إلى بعض بصدمه..

نظر لهم خالد واردف..

انتو تعرفو بعض؟

جاسر بهدوء:اه مربيه لسيلين بنتي..

خالد بإبتسامه:صدفه حلوه..

حنان بإبتسامه لعشق:تعالي يقمر معايا ونسيبهم مع بعض..

اومأت لها وسارت معها..

وليد بهدوء:أهلا بيكم..

خالد:أهلا بيك يعمي..

نغز خالد جاسر في كتفهُ وهمس:م تتكلم يبني!

جاسر بإبتسامه:احم..احنا انهارده كنا جايين عشان نطلب ايد الانسه حبيبه..

همس خالد في نفسهُ:قال التايهه

وليد بجديه:طبعا احنا بنشتري راجل..وانا مش هطلب منك حاجات كتير اكيد ..

اتفقو على مراسم الخطوبه وجاء لحظة قراءه الفاتحه..

وليد:نقرأ الفاتحه؟

اومأ كل من خالد وحبيبه وجاسر وحنان وعشق..

نظر خالد الي حبيبه واردف بهمس ..

مبروك يابيبا..

نظرت له بخجل ولم ترّد..

بعد مرور وقت..

خالد وجاسر:نمشي احنا بقى عشان الوقت اتأخر..

وليد:ليه بس خليكو شويه..

خالد بإبتسامه وهو ينظر إلى حبيبه:القاعدات جايه كتير يعمي..

اومأ له وغادر جاسر وخالد..

نظرت عشق الى حبيبه بتعب:امشي انا كمان لان جميله مستنياني وابو ورده معاها..

حبيبه بضحك:ربنا معاكي يختي..استني شويه طب.

عشق بنفى:لا عشان بكره عندي شغل طول اليوم..

حبيبه:طيب . هستناكي يوم الجمعه؟

عشق بهدوء:ان شاء الله..يلا مع السلامه يعمو وياطنط ..

وليد وحنان:مع السلامه يحبيبتي..

غادرت عشق بتعب..

♡_____♡______♡_______♡_____♡______♡

في بيت عشق..

فتحت عشق الباب بخفه ودخلت وهيا تتسحب بهدوء..

جميله بشر مصطنع:كل ده تأخير يااعشق!

عشق بخوف:في ايه ياجميله ايه الضلمه دي براحه..

جميله وهيا تتجه إليها وتضربها على رأسها بخفه:كل ده تأخير يزفته!

عشق بضحك:قلبك ابيض بقى!

تابعت بتعب:يلا بقى انا داخله انام لاني هلكت انهارده..

اومأت لها واردفت..

طيب خشي نامي ..وبكره ابو ورده في انتظارك

ضحكت بخفه ودخلت إلي غرفتها..

♡_________♡________♡_________♡_____♡

جاء الصباح ورحلت عِشق إلى الحضانه ..

حبيبه بغمزه:بس مقولتليش ليا يعني انك مربيه لبنت القمر ده..

رفعت حاجب واردفت..

بنت القمر! ومين القمر بقى يست حبيبه

حبيبه:عليا بردو! جاسر يستي ..

عشق بهدوء:حبيبه انا مليش علاقه بيه اصلا..ده وشه خشب ومش بيعبر حد اصلا..هيا بس اللي بنته قمر..

حبيبه:اممم..بس متنكريش انه قمر!

عشق :يهبله عيب غضِ بصرك!

حبيبه:طيوبه حاضر من عيني..

تابعت بغمزه:بس قمر صح؟

نظرت لها بغيظ ونغزتها في كِتفها بخفه ..

♡______♡__________♡_______♡________♡

في الشركه..في مكتب جاسر..

خالد:بس صدفه حلوه امم..

جاسر بإستغراب:صدفه ايه؟

خالد بغمزه:عشق وحبيبه وانا وانت..

تابع بتفكير:تصدق هتبقى حلوه اووي لو انا وحبيبه وانت وعشق..يااهه حلوه اووي

جاسر برفع حاجب:هيا ايه اللي حلوه يحلو!

خالد بضحك وخبث:عشق ..

جاسر بضيق:لِم نفسك دي بنت ! متجبش سيرتها امم..!

خالد بخبث:بتغير يبطه!

جاسر ببرود:واغير ليه؟ انا بقولك بس عشان دي بنت ومينفعش نجيب سيرتها..

خالد:امم..طب ايه ؟

جاسر:ايه؟

خالد:مش ناوي تحب بقى!؟

جاسر بتنهيد:مش عايز..

خالد :هو ايه اللي مش عايز! هو انا بعزم عليك بكيس فشار!

انا بقولك حب! ومتقوليش كلهم زي بعض لان كلهم مش زي بعض اكيد..فيه بنات الحمدلله مؤدبين يعني!

نظر له بشرود ولم يجب..

خالد وهو يقوم من على كرسيهِ:فكر كويس امم! وادي نفسك فرصه يجاسر..يلا انا رايح مكتبي..

اومأ له بهدوء وظل يفكر في حديثهُ..

قام من مكانهُ وغادر من الشركه إلى القصر..

_____♡_________♡_________♡_____♡_____

كانت عشق سوف تُخبط على باب الفيلا ولكن صوت وراءها اوقفها..

جاسر بهدوء:استني متخبطيش انا معايا المفتاح ..

نظرت وراءها و اومأت ..

فتح الباب ودخلت عشق وهوا وراءها ..

نظرت لهم رزان بصدمه من وجودهم مع بعض!

رزان بضيق:انتو جايين مع بعض..؟

كادت أن ترد عشق ولكن جاسر رد..

جاسر ببرود:ملكيش دخل يارزان!

نظرت له رزان بغل وغادرت من أمامه بسرعة..

عشق بضيق:انت ليه مقولتش ليها اني جيت وانت اللي فتحت!

جاسر ببرود:عشان ملهاش دخل تسأل اصلا وانتي مش لازم تبرري لأنك معملتيش حاجه غلط!

نظرت له بضيق بسيط وغادرت الي غرفة سيلين..

نظر إلى اثرها وفكّر في شئ ..

♡______♡_____♡_____♡_______♡______♡

في غرفة جاسر..

كان نايم على الفراش ويفكر..

في نفسهُ:طب ادي نفسي فرصه؟ ..انا حبيت هدوءها وادبها..بس ممكن تكون بتكدب! ..لا خلاص قررت!

رواية أحببت غروره الفصل السابع عشر

في غرفة جاسر..

كان نايم على الفراش ويفكر..

في نفسهُ:طب ادي نفسي فرصه؟ ..انا حبيت هدوءها وادبها..بس ممكن تكون بتكدب! ..لا خلاص قررت!

فزّ من على الفراش وفتحَ باب غرفتهُ ونزل إلى تحت ..

وجدها تتجه إلى المطبخ وتحضر قهوة..اتجه إليها ببطئ ..

جاسر:احم..

نظرت وراءها واردفت بهدوء..

في حاجه؟

جاسر بإحراج:ها ..لا لا مفيش ..انتي بتعملي ايه؟

عِشق بهدوء:بعمل قهوه..

جاسر بإبتسامه:ممكن تعمليلي معاكي ؟

نظرت له بإستغراب و اومأت بإيجاب..

جهزّت القهوه ونظرت له..

اتفضل ..

اخذها منهَ وهو يحاول أن يفتح أي موضوع..

احم..وانتِ عامله ايه؟

عشق بإستغراب:عامله ايه! انا الحمدلله ..

همس في نفسهُ..ايه اللي انا بعمله ده! معقول ضعفت فجأه كده !

نظرت له وهِيا تجهز كوب القهوه الخاص بهَ..

كانت تنظر له بإستغراب تام من تحولهُ المفاجئ..!

جاسر بإبتسامه:سيلين عامله ايه معاكي!

عشق بهدوء:الحمدلله كويسه ..

جهزّت الكوب ومسكتهُ بين أيديها واردفت..

بعد اذنك بقى عشان طالعه لسيلين..

اومأ لها بإبتسامه..

جاسر بعد أن صعدت للاعلى

عقله:معقول استسلمت!

قلبه:اسكت انت! هو عمل الصح المفروض يدي لنفسه فرصه!

عقله بسخريه:حتى لو حبها هو هيحبها عشان سيلين وبس!

قلبه بغيظ:لا عشان بيحبها !

جاسر :بس بس ايه كل التفكير ده! فعلا انا هحبها عشان سيلين وبس ..

كان قلبهُ يصرخ وهو يقول أقسم لك إنك تُحبها !!

♡♡♡♡♡♡♡♡'

في بيت حبيبه..

كانت حبيبه تجلس مع وليد وحنان وتُقلب فِ هاتفها بملل وتسرح في خالد ..

وليد بخبث:امم .اومال انتي سرحانه فِ ايه بقى!

فاقت من شرودها بإنتباه واردفت بإرتباك..

ها ! لا هكون سرحانه فِ مين يعني! عادي يعني ..

وليد:اممم..كنت حابب اقولك ان خطوبتك الاسبوع الجاي..

نظرت له حنان بفرحه وزغرطت بسعاده أم..

حبيبه بإستغراب:بسرعه كده!

وليد بخبث:تحبِ نخليها الشهر الجاي لو تحبِ!

حبيبه بسرعه:لا لا حلو اسبوع

نظر لها بضحك ..

تداركت نفسها واردفت بإرتباك..

اا..اقصد يعني عشان اا..نخلص يعني..

وليد بضحك:طيب يا اختي..

ركضت إلى غرفتها بسرعه هروبًا من ذلك الموقف المحرج..كان قلبهَ يرقص من الفرحه ..نعم فأنها حبّت خالد ..صفقت بأيديها بصوتٍ منخفض بسعاده..

♡♡♡♡♡♡♡♡'

في غرفة ساميه..

رزان بضيق:مش ملاحظه ان جاسر بقى يقعد مع عشق كتير وبقى قريب منها..

ساميه ببرود:انا مالي! انا بقولك اعملي اللي اتفقنا عليه عشان نخلص وانتي اللي ساكته..اعملك ايه !

رزان بضيق:لاني واثقه إن مش هيدخل عليه اللي هعمله!

ساميه بغضب:طيب اعملك ايه مش فاهمه! اروح انا اعمل يعني ولا ايه! انجزي انتي احسن مَ البت التانيه تاخده منك!

نظرت لها بغضب وخرجت من الغرفة وصفعت الباب خلفها..

دخلت رزان غرفة سيلين بغضب ونظرت لِ عشق..

عشق بإستغراب:في ايه !

رزان بغل :ابعدي عن جاسر يابت انتي واتقِ شرِ انتِ فاهمه!

عشق بذهول:ابعد عنه ازاي يعني! انا ليا علاقه بيه اصلا!

رزان بصوتٍ عالِ:بلاش الشويتين دول ها..ملكيش دعوه بِ جاسر ياااعشق!!

جاسر من وراءها بغضب:رزان!

التفتت رزان اليهِ واردفت .

نعم ياجاسر!

جاسر:ايه اللي بتقوليه ده! انتي مين اصلا عشان تتكلمي كده ولا تدخلي فِ حياتي بالشكل ده!

رزان بغل:انت ليا انا وبس انت فاهم! ومش حتت بنت زي دي هتاخدك مني انت فاهم!

كاد أن يرد عليها ولكن عشق ردت بغضب..

في ايه ! انتي مالك بيا اصلا انا قربت منك ولا منه ولا دوست ليكي على طرف ! مَ تخليكي فِ نفسك وانا فِ نفسي انا ولا قربت منه ولا جيت ناحيته اصلا..انا سكت ليكي مره مش هسكت التانيه..احترمي نفسك انتِ فاهمه!

رزان بغضب:انتي نسيتي نفسك يابت انتي! انتي مجرد مربيه هنا ملكيش دعوه بأي حد هنا !

جاسر ببرود:لا ليها ! لانها هتبقى مراتي.

نظروا إليه كل من رزان وعِشق بصدمه !!

رزان بصدمه:ا انت بتقول اييه! مين دي اللي مراتك!

انت بتاعي اناا..مهما حصل بتااعي!

نظرت له عشق بصدمه ولم تجد رد !

جاسر ببرود :انا مش بتاع حد يارزان ومتنسيش نفسك!

عشق بصدمه:ا انت بتقول ايه.!!

نظر لها مستغلاً انصدام رزان وهمس لها..

هفهمك بس مش دلوقتي ..

دخلت سيلين من الباب تنظر لهم بتعجب

انتبهوا إلى وجودها ..

جاسر بإستغراب:انتِ كنتي فين يسيلي!

سيلين :كنت في الحمام..

لم تستطع رزان تحمل اي كلمه وركضت إلى غرفة ساميه..

نظر جاسر لِ عشق واردف..

ينفع تسيبي سيلين نص ساعه بس وتنزلي تحت اكلمك؟!

نظرت له بضيق من حديثه و اومأت..

نزّل إلى تحت ونزلت عشق لسيلين بإبتسامه مصطنعه..

سيلي حبيبتي اقعدي هنا خلصي واجبك وانا شويه وجايه..

سيلين بتذمر:رايحه فين!

عِشق بإنجاز:هعمل حاجه اشربها حبيبتي.

اومأت لها ونظرت إلى كِتابها..

نزلت إلى تحت وجدتهُ يقف بشموخ..

عشق بغضب:ايه اللي قولته فوق ده! ومين اللي هتبقى مراتك ! انت بتقول كلام وخلاص .انت فاكر نفسك مين نفسي اعرف! انت غرورك ده مزيف انت لازم تفوق من دور الرئيس اللي بيأمر الكل ده!

جاسر ببرود:خلصتِ؟

عشق بغيظ:بجد بجد انا مش عارفه اقول ايه!

جاسر بإبتسامه:متقوليش ..بسيطه!

نظرت له بغيظ اكبر ..

جاسر:احم..ممكن طلب؟

عشق بغيظ:نعم؟

جاسر بإبتسامه:حبيني..!

عشق بصدمه:هو انا جايه هنا اتصدم! احب مين انت اهبل!

جاسر بضيق:مش معنى اني ساكت ليكي انك تتمادي!

تابع ببساطه:انا مش طالب حاجه كبيره يعني! حبيني عادي يعني

عشق:حبيني عادي يعني! بشتري كيس جوافه انا !

هو ايه اللي احبك..اعرفك منين انا عشان احبك!

جاسر:افهمي..انا هتجوزك عشان اخلص من اللازقه اللي فوق دي وكمان عشان سيلين تحس ان ليها ام..

عشق :انت بجد ايه البساطه دي! انت شايف ان ده عادي! هو ايه اللي اتجوزك عشان نخلص من اللازقه! وبعد م تخلص من اللازقه! هتطلقني! وابقى مطلقه ..صح كده!

جاسر بخبث:وانتِ وشطارتك بقى ..حببيني فيكِ عشان منطلقش..

عشق بغيظ:لا بجد! قد ايه انتَ مُضحي!

جاسر بضحك:شوفتي!

نظرت إلى ضحكته ولم تجب.

جاسر بخبث:حلوه ضحكتي مش كده!

فاقت من شرودها ونظرت له..

ها ! لا مش حلوه..

جاسر بإبتسامه:ماشي هعديها..ها موافقه؟

عشق :لا ..

جاسر بإبتسامه :موافقه ياعشق!

عشق في نفسها:عليه واحده عشق تدوب الواحد بجد!

عشق بهدوء:لا قولت..

جاسر بإبتسامه:تمام يبقى اتفقنا..كتب الكتاب الاسبوع الجاي.

عشق بصدمه:انت بتعمل ايه انت وبتقول ايه!

نظر لها وغادر من امامها ببرود..

عشق بصدمه:احيه! ايه اللي بيحصل ده!

♡♡♡♡♡♡♡♡'

في غرفة ساميه..

رزان بغل:اااه ياحرقة قلبي اااه..

ساميه بضحك:مالك بتولولي كده ليه!

رزان بغضب:شششش خاالص ..بقى انا يسيبني ويروح يبص لِ حتت بنت من الشارع! اااه مش قاادره ..

ساميه بلا مبالاه:انا مالي ..قولتلك نفزِ وانتي منفزتيش اعملك ايه!

نظرت لها بغضب واردفت..

مش عايز يتجوزها! اتجوزها ياجاسر بس والله لَ خلي حياتكوا جحيم..!

رواية أحببت غروره الفصل الثامن عشر

انتهى اليوم وجاء معاد رحيل عِشق..جهزت اشيائها وهمّت تخرج من الغرفه بهدوء..

نزلت عِشق من على الدرج وجدت جاسر يجلس ..

جاسر بإبتسامه:عامله ايه؟

عشق بغيظ:بقولك ايه! ابعد عني عشان انا مش طايقه حد انهارده!

جاسر ببرود:ليه بس ! فيه عروسه بتبقى زعلانه كده!

عشق بغيظ اكبر:بردو هيقولي عروسه..بقولك ايه انا مش هتجوزك..مش هتجوزك يااجااسر!!

جاسر بإبتسامه:كنت عارف انك هتوافقي..بس المفروض تاخدِ وقتك بردو يعني ده جواز..بس مكنتش اعرف انك بتحبيني اوي كده!

عشق بضيق همست..حبتك عقربه..

جاسر بضحك مكتوم:بتقولي حاجه يروحي؟

عشق بضيق:لا بكح

جاسر:لا الف سلامه ..

عشق:ممكن تعديني بقى عشان اروح..

جاسر بإبتسامه:طبعا..يلا اتفضلي

سارت من أمامه وهو خلفها يتبعها..

عشق بإستغراب:طالع ورايا ليه !

نظر لها واردف ببرود..

اصل محبش ان مراتي تروح لوحدها..

نظرت له بصدمه واردفت..

مرات مين انت اتجننت..انت بتكدب الكدبه وتصدقها!

امشي من هنا بعد اذنك

جاسر:يلا اركبي..

عشق بعند:مش هركب !

اقترب منها ببطئ واردف..

متأكده!

ابتعدت بإرتباك واردفت..

اا..اه م..متأكده..

اقترب اكثر واردف بخبث..

متأكده يااعشق!

عشق :ها..لا مش متأكده لاا..

ابتسم وفتح باب سيارته ..

عشق بعند ركبت وراء..

ركب جاسر بغيظ واردف..

سواق الهانم انا صح!

عشق برفعة حاجب:مش قولت اركبي! اديني ركبت..

نظر لها بغيظ وسار بسيارته..

عشق في نفسها:مش عايز تتجوزني! استحمل بقى..

بعد مرور وقت..

عشق:اقف خلاص انا بيتي هنا..

جاسر بإبتسامه:هتوحشيني..

عشق بإبتسامه:وحشتك عقربه..

جاسر بضيق:اتلمي امم!

نظرت له بتسلية ونزلت من السياره متجهه إلى بيتها.

نظر إلى مكانها بشرود ودار بسيارته يتجه إلى الفيلا..

كان عيون تراقبهم بغل وتردف..

بقى منفضه ليا ياعشق ورايحه مع ده . تماام..!

'في بيت عِشق

دخلت عشق وهيا بتتاوب بتعب ونوم..ولكن يد اوقفتها وهيا تمسكها من ملابسها من الخلف..

عشق بفزع:في ايه!

جميله بغيظ:مين اللي كنتِ راكبه معاه ده ياعشق!

عشق بإرتياح:يشيخه خضتيني! ..

تابعت بإرتباك:ده جاسر أبو سيلين..

جميله بإرتياح:ريحتيني..

عشق بإبتسامه:شوفتي بقى..يلا بقى انا رايحه انام..

همّت لتذهب إلى غرفتها ولكن صوت جميله العالِ اوقفها .

جميله بغيظ:تعالي هنا يزفته..وهو جاسر يوصلك ليه!

عشق بإرتباك:اصل ااا..اصل ااا..

جميله:اخلصي!

عشق :عايز يتجوزني

جميله بصدمه:ايه!

عشق ببساطه وبراءه:عايز يتجوزني يجوجه..

جميله ببلاهه:مين اللي يتجوزك!

عشق بضحك:جاسر يروحي..

جميله :انتي هتجننيني ..يتجوزك ليه ده! هو لحق يعرفك اصلا..ولا انتي بتروحي تعملي ايه!!

عشق بضيق:ايه بروح بعمل ايه دي! انتي بتشكي فيا ياجميله..

جميله:مش قصدي اكيد..بس هو عايز يتجوزك بأماره ايه..؟

عشق بهدوء:اغير هدومي واهدى وبعدين اجي افهمك..

جميله:لا دلوقتي.. مفيش تغيري هدومك..فهميني حالا

عشق بتنهيده:بصي..

قصت لها كل شئ حدث..

جميله بغضب:لا طبعا..هو عايز يتجوزك عشان كده وبس! لا طبعا ياعشق اللي يتجوزك..يتجوزك عشان بيحبك مش عشان يتخلص من شئ!

عشق بهدوء:وانا موافقتش..

تابعت بشرود وهيام:بس انا شكلي بحبه..

جميله بغيظ:بتحبيه ايه يزفته..استغفري حرام كده!

عشق بتذمر:استغفر الله العظيم..طيب اعمل ايه!

جميله بحكمه:لو عايز يتجوزك بصحيح..متدلقيش عليه خليكِ تقيله وليكِ كرامه..فهماني؟

عشق بإبتسامه:فاهمه..بس انا لسه مفكرتش فِ الموضوع..معرفش لسه خير ليا ولا لا!

جميله بإبتسامه:اعملي زي مابتعملي.

عشق بإبتسامه:اصلِ استخاره..

جميله بهدوء:بالظبط..واللي ربنا عايزه هيكون مهما حصل ياعشق..يلا قومي غيري هدومك وانا هحضر ليكِ الاكل..

اومأت لها وقبلتها في خدها وسارت إلى غرفتها تُبدل ملابسها..

♡___________________________♡

'في غرفة ساميه'

ساميه:ناويه تعملِ ايه؟

رزان بمكر:مش هو عايز يتجوزها؟ خليه يتجوزها يامامي..

ساميه بإستغراب:عادي كده!

رزان بخبث:طبعا يامامي ..انا كل اللي يهمني سعادته..

ساميه بضيق:هاتِ من الاخر..ناويه تعملِ ايه؟

رزان بخبث:اسمعي يستي...

♡________________________♡

'في غرفة عِشق..'

بدّلت ملابسها وكادت ان تخرج لِ جميله ولكن اوقفها رنين هاتفها..

عِشق:السلام عليكم ياابيباا.

حبيبه بإبتسامه:عليكم السلام يحبيبتي..عامله ايه؟

عشق :الحمدلله..انتي اللي عامله ايه؟

حبيبه:الحمدلله يروحي..هتيجي خطوبتي بقى اكيد صح؟

عشق بإبتسامه:اكيد يروحي هكون اول الحاضرين..

حبيبه بسعاده:تمام يقلبي هستناكي..اسيبك بقى انا قولت أكد عليكي..

عشق بهدوء:تمام يقلبي يلا تصبحي على خير..

غلقت هاتفها ونظرت إلى الفراغ بشرود..

♡__________________________♡

'في غرفة جاسر' كان يتحدث مع خالد في الهاتف..

جاسر بإبتسامه:مبرووك يااض ..

خالد بضحك:الله يبارك فيك..عقبال م نفرح بيك انت..

جاسر:قريب..

خالد بذهول:الجبل اتحرك! على مين بقى. ؟

جاسر:هِيا اللي في بالك..

خالد بفرحه:ازغرطلك ولا اعمل ايه..اخيرا يعم..

جاسر ببرود:متفرحش اووي كده انا هتجوزها لسبب معين وبس .

خالد بضيق:وايه هو بقى؟

جاسر ببرود:عشان سيلين مش اكتر..

خالد بضيق:بجد مش عارف اقولك ايه غير ربنا يهديك..

جاسر بإبتسامه:يارب..

عض على شفايفه بغيظ وغلق الخط في وجهه..

جاسر بضحك:اهبل..

تابع بشرود:هو ده الصح..انا مش هحب

رواية أحببت غروره الفصل التاسع عشر

في الصباح..

كادت أن تنزل من على سِلم بيتِهاَ ولكن اوقفها شخص..

عِشق بإستغراب:في حاجه!

مازن بخبث:لا مفيش حاجه يحلوه ..بس مين اللي كنتِ جايه معاه بليل ده!

عشق بضيق:وانت مالك!

مازن بمكر:لا ازاي! انا بصفتي خطيبك لازم اخد بالي من تحركاتك .

عشق بغضب:مين اللي خطيبي معلش! انت ملكش دعوه بيا اصلا واتفضل اوعى من قدامي..

مازن ببرود:هتبقي خطيبتي ياعشق مهما حصل وافتكري ده كويس..

نظرت له بعدم اطمئنان ونزلت من على الدرج بخوف مختبئ تحت نظراتهُ الخبيثه..

وصلت عِشق إلى الحضانه واتجهت إلى حبيبه..

حبيبه بإستغراب:مالك وشك مخطوف كده ليه؟

عِشق بدموع:مازن!

حبيبه بقرف:ماله الزفت..؟

عشق:ملاحقني فِ كل حتة و بيقول اني هبقى خطيبته مهما حصل وسألني عن جاسر..

حبيبه بإنتباه:جاسر ايه! ايه جاب سيرة جاسر!؟

عشق بإرتباك:اا..اصل ..اا..

حبيبه بضحك:لا مش وقت اصل وبتاع..احكي اللي حصل بالتفصيل ياعشق..

نظرت لها وتنهدت وبدأت في قص كل ما حدث..

حبيبه بذهول:اووهه..جاسر طلب ايدك! العب يعم..

عشق بغيظ:العب ايه! عايز يتجوزني عشان يخلص من اللازقه اللي اسمها رزان مش اكتر..

حبيبه بغمزه:تؤ..لو مكنش بيحبك مكنش طلب ايدك..وإلا كان جاب اي واحده واتجوزها عشان يخلص منها إنما هو اختارك انتي ياعشق..

عشق بتفكير:تفتكري!

اومأت بإيجاب واردفت..

طبعا يبنتي ..ثقِ في كلامي بس وانتي هتكسبي..

عشق بضحك:يااخووفي!

قطع حديثهم وصول مشرفة..

المشرفة بجديه:في اجتماع دلوقتي مع المديره ياريت تتفضلوا..

اومأ كل من حبيبه وعشق وساروا وراءها بهدوء..

♡__________________________________♡

في شركة جاسر..

دخل خالد مكتب جاسر بعنف واردف بغضب..

اقدر افهم يعني ايه عايز تتجوزها عشان رزان! انت عايز تلعب بالبنت! واشمعنا دي مَ كنت اختارت اي بنت تانيه !

نظر له في ذهول من حديثهُ واردف..

في ايه! اهدى شويه..

خالد بنرفزه:ايه الهدوء اللي انت فيه ده نفسي اعرف!

يعني انا لو بدالك واختارت عِشق عشان اخلص من واحده كنت هتسكت!

جاسر بغيرة وغضب:متقولش اسمها ها..

اتسعت ابتسامة خالد واردف بخبث .

اشمعنا بقى! بتغير؟

جاسر ببرود:لا عشان هتكون مراتي وانا مقبلش حد يقول اسمها على لسانه فاهم!

خالد بغيظ:نفسي مره تفرحني وتكمل حاجه صح..

جاسر بضحك:هيحصل متخافش..اوعى تنسى اني اول مره احب بعد فترة ولسه انا مش واثق فيها اصلا..فَ اما اتجوزها هشوف ربنا عايز ايه..

خالد بتساؤل:اه صح هيا وافقت؟

جاسر بتفكير:هيا مش موافقه اكيد بسبب انِ قولتلها ان الجواز هيبقى عشان هدف معين..بس انا حاسس إنها مشدوده لياا ف حابة حابة هتوافق..

خالد بتنهيده:ربنا يقدم اللي في الخير ..

تابع بغيظ:ويهديك يارب..

جاسر بإستفزاز:يارب..

______________________

في الحضانه..

خرجَ كل من حبيبه وعشق من مكتب المديره بعد انتهاء الاجتماع واردفت حبيبه..

بس انتي حاسه بِ ايه ناحية الموضوع؟ يعني مرتاحه؟مش مرتاحه؟ يعني حاسه بِ ايه؟

عشق بتفكير:بصي هو معرفش بس حاسه اني مشدوده ليه ومش حاسه بخوف يعني امبارح اما ركبت معاه وطريقة كلامي معاه كنت مش حاسه بِ خوف فهماني؟

اومأت بإيجاب واردفت.

فهماكي طبعا..يعني انهارده اما تروحي الفيلا ويسألك هتوافقي؟

عشق بتنهيده:مش عارفه ..اللي هحسه ساعتها هقوله وانتي عرفاني تلقائيه يعني اللي في قلبي على لساني علطول..

ضحكت على حديثها..

♡_________________________♡

في الفيلا..

ساميه بتساؤل:بس انتِ ناويه تعملي اللي في دماغك ده امتى؟

رزان بتفكير:اما يتجوزها ساعتها هشوف المعاد المناسب..عشان لازم تتم وهما دايبين في بعض..

ساميه بسخريه:ولو مدابوش يفالحه..

رزان بضحكه سخرية:هه! اسمعي كلامي هيدوبوا في بعض ..انا عارفه النوع ده كويس..

تابعت بحقد:هخليها متعمّرش هِنا نهائي ..عشان يبقى يسيبني ويختار واحده جايه من الشارع..

نظرت لها ساميه بسخريه واردفت في نفسِها..

هتتجنن الهبله كل اللي هاممها الحب وناسية اهم حاجه وهِيا الفلوس..

كانَ يسمعهم احد بإنصات شديد ويردف في نفسهُ..

عقارب والله..

قطع حديثهم طرق على الباب.

رزان بسخريه:اهي جت البرنسيسه..

تابعت بصوتٍ عالِ :نعمة!

جاءت تنظر لها بإبتسامه مصطنعه وفتحت الباب..

نعمة بإبتسامه:اتفضلي يحبيبتي..

عشق بهدوء:داده ازيك؟وحشاني والله..

نعمة بضحكه جميله:وانتِ اكتر يحبيبتي ..

رزان بسخريه وهيا تبرد اظافرها:هنبتدي كُهن بقى..

نظرت لها عشق ونعمة واردفت نعمة لِ عشق بصوتٍ منخفض..

سيبك منها هيا بتحقد من الناس القمر اللي زيك..

نظرت لها بإبتسامه وسعاده واومأت لها وطلعت إلى غرفة سيلين..

نظرت رزان إلى نعمه بسخريه من حديثها لِ عشق وابتسمت بخبث..

♡_______________________________♡

وصل جاسر الي الفيلا في نفس معاد رحيل عِشق..

وجدها كالعادة تنزل من على الدرج بهدوء وهِيا تحمل اشياءها..

جاسر بإبتسامه:عامله ايه؟

تنهدت عشق بهدوء:الحمدلله..

جاسر بتساؤل:فكرتِ؟

عِشق بغباء:فكرت في ايه؟

جاسر بغيظ:في جوازنا ياعِشق..

ركزت عِشق في كلمة 'جوازنا' وتنهدت ..

اممم فكرت..انا اا..اناا..

جاسر بغيظ:يلا يبنتي انتي بتقري كتاب!

عشق بضيق:على فكره ده قرار لازم فيه تفكير.!

جاسر بِ مهاوده:طيب ايه قرارك؟

نطقت عِشق بإرتياح في قلبِها:م..موافقه .

نظر لها وابتسم بإرتياح:هاااه..اخيرًا سمّو الأميره وافقت يجدعان..

عشق بهمس:نينينيني..

جاسر بخبث:بتقولي حاجه؟

عشق بإنتباه:ها..ولا حاجه لا..

جاسر بإبتسامه:طيب يلا عشان اوصلك..وكمان عايزه اتعرف على عيلتك..

عشق بهدوء:عندي اختي الكبيره جميلة ومامتي وبابايا متوفيين..

اومأ لها :طيب..يلا عشان اوصلك..

اومأت له وركبت السياره وبدأ في تشغيلها ..

بعد فترة..

وصلوا إلى بيتها ونزلوا من السياره متجهين إلى بيت عِشق..

نظر لهم مازن بغضب و...

رواية أحببت غروره الفصل العشرون

نظر لهم مازن بغضب واردف..

هو مين الحلو ياعِشق..

توترت ونظرت لِ جاسر ثم نظرت لِ مازن..

جاسر ببرود:انا جوزها مستقبليًا ..انت مين بقى يحلو انت؟

مازن بصدمه:جوزها! انت اتهبلت!

جاسر بغضب:احترم نفسك عشان مدفنكش مكانك انت فاهم!

سحب جاسر عِشق من معصمها ليتجهوا إلى بيتها..

عِشق بغضب:سيب ايدي! انت ازاي تمسك ايدي كده!

جاسر بغضب:مين ده ياعِشق..

نظرت له بتوتر:ابن عمي وعايز يتجوزني.

نظر لها بغموض وطرق الباب ..

جميله بإبتسامه واستغراب:مين حضرتك؟

جاسر بإبتسامه مصطنعه:انا أبو سيلين اللي عِشق مربيه ليها..

جميله بتذكر:اه اه عرفتك..اتفضلوا..

جميله بجديه لِعشق:ادخلي جيبي حاجه يشربها..

اومأت لها ودخلت للمطبخ .

جاسر بجديه:كويس انها دخلت..كنت عايزِك في موضوع..

جميله بهدوء:موضوع ايه؟ انك عايز تتجوزها؟

جاسر بإبتسامه:كويس انك عارفه..اسمعيني..

خرجت عِشق وفي يدها مشروبات..

جاسر بهدوء:تسلم ايدك..

شربَ رشفةً من الكوب ثم وضعهُ في الصينيه..

جاسر :استأذن انا بقى ..

جميله بإبتسامه:اتفضل

جاسر بهمس لِعشق:سلام ياامراتي..

نظرت له بدهشه وخفضت رأسها بإرتباك.

ضحكَ بخفه ثم غادر.

جميله بخبث:كان بيقولك ايه..؟

عِشق بإرتباك:هيكون قال ايه يعني! ..

تابعت بفضول:كنتو بتتكلمو في ايه بقى؟

رفعت كتفيها بلا مبالاه واردفت..

عادي يعني كُنا مستنينك تجيبي الحاجه الساقعه..

نظرت لها بعدم اقتناع واومأت لها ودخلت غرفتها..

نظرت جميله لها بإبتسامه وسعاده..

نزلَ جاسر من عِند عشق بإبتسامه ووجد مازن ينظر له بغل..

جاسر ببرود:هبقى اجيبلك دعوه لفرحنا ..او اقولك؟ ممكن معزمكش اصلا!

مازن بغل:مش لما يكمل اصلا..

ضحك بسخريه وهو ينظر له واومأ ببرود وغادر من امامهُ..

نظر له مازن بحقد:ماشي ياعِشق اما نشوف اخرتها معاكِ انتِ والبيه ده..

*******************************************

مرَّ يومٍ بعد يومٍ وجاء يَوّم خطوبة حبيبه وخالد..❤

في الفيلا..

جاسر بجديه:يلا ياعِشق عشان نروح ..

عشق بنفى:لا انا هروح لوحدي ..انت لسه مش خطيبي ولا اي حاجه اصلا ومينفعش اروح معاك في حتة..

جاسر ببرود:قريب هيحصل كل ده..اتفضلي قدامي واعتبريني سواق عادي..

تنهدت بضيق وسارت امامهُ..

في بيتٍ حبيبة..

حبيبه بتوتر:بصو بصو انا مش عايزه اتخطب خلاص لا ..اصل بعد الخطوبه جواز وانا تافهه مش بتاعت كده..الكار ده مش كااري يجمااعه ..

عشق بضحك:طب بس بس عشان طنط حنان لو سمعتك هتعمل منك بوفتيك..

حبيبه بضيق:انتِ بتضحكي وانا متوتره..اهل مين وحبايب مين هما فين دول مش باينين..

عشق بذهول:في ايه يهبله..اهدي كده عشان مناديش طنط حنان تجيبلك ابو ورده..

حنان بإبتسامه:بتتكلموا في ايه يحلوين؟

حبيبه بإرتباك:ها..لا لا يماما سلامتك ده انا كنت بقول اني فرحانه اوي اني هتخطب خلاص..يااه..

عشق بضحك:اه فعلا يطنط هيا مكنتش بتقول كده..

حبيبه بغيظ:يزفته!

حنان بضحك:أطفال والله..

خرجت حنان وهِيا تضحك..

حبيبه بغيظ:بجد بجد مشوفتش اندل منك ..

عشق بضحك:حبيبي ده العشم.

جميله بإبتسامه:ممكن بس لك! انا جالي صداع ..

حبيبه بضحك:يااه ده انا نسيت انك معانا في الاوضه يبنتي..مفيش صوت ليكِ خالص..

عشق بتذمر:بس يبت ملكيش دعوه بأختي.

جميله بإبتسامه:حبيبتي انتي والله..

حبيبه بإستفزاز:العشق الممنوع..

نظر لها عِشق وجميله ونغزوها في كتفها بغيظ

ضحكت عليهم وظلوا يتحدثوا حتى جاءت حنان ..

حنان بسرعه:العريس وصل يا بنات.

حبيبه بتوتر:طب بقولكو ايه انا هنام انا مش بتاعت الحاجات دي..

جميله بضحك:ياهبله يلا بقى..

حبيبه بإنتباه:اه صح..مين هيلبسني البطله انا مستحيل اخليه يلبسهالي!

جميله بإبتسامه:اكيد مامتك متخافيش كله هيتم ان شاء الله..

حبيبه بتوتر:يارب..

كان البيت ملئ بالبهجه وكان حبيبه وخالد يجلسون على مايسمى"بالكوشة"

خالد بإبتسامه:مبروك ياعروستي..

حبيبه بإرتباك:اا..الله يبارك..فيك

جاءت حنان لهم والقرائب والاصحاب يباركون لهم في جو ملئ بالسعادة وجاء لحظة 'تلبيس الدبِل'

اخذت حنان الدِبل من خالد وارتدتهم لحبيبه بإبتسامه ثم انطلقت الزغاريط بسعاده..

نظر خالد بإبتسامه لحبيبه..

مبروك ..عقبال كتب كتابنا واديكي حضن كتب الكتاب بقى..

نظرت له بخجل واكتفت بإبتسامه وتنهدت .

جاسر بهمس لِ عشق:عقبالنا .

عِشق ببرود:لِسه بدري..

جاسر بسخريه:هه..على فكره ممكن اتجوزك دلوقتي مش هيهمني! وعلى فكره كمان انا هتجوزك علطول مفيش خطوبه عشان ميبقاش فيه حدود انا مش بحب كده..

عشق بإنفعال:ياسلام! اومال هعرفك ازاي! انا معرفش عنك حاجه غير أن اسمك جاسر وعندك بنت اصلا..ولا اعرف فين مراتك ولا اعرف عنك حاجه..

انقلب وشهُ عندما ذكرت اسم "مراته" واردف ببرود وشرود..

مش لازم تعرفي ياعِشق..سيبيها لظروفها..

كشرت بضيق وصمتت..

تمت مراسم الخطوبه في وسط مباركات الاهل ..

انغلق اليوم في سعاده 'ولكن هل للقدر رأيٌ آخر'..

جاسر بهدوء:يلا عشان اوصلك..

عشق برجاء:ارجوك بجد انا مش عايزه مشاكل ومش عايزه اسمي يبقى على كل لسان..مش عايزاك توصلني لانه اولا حرام ثانيا مينفعش لاني مش ليك ..

جاسر بتنهيده:عارف كل ده ..هوصلك قبل شارعكوا خالص عشان محدش يشوفني متخافيش.وقريب اووي هتكوني على اسمي ياعِشق..

تنهدت بتعب واومأت له لانها غير قادرة على المناقشة..

أوصلها إلى بيتها ولكن قبل بيتها بشارعٍ كما وعدها..

جاسر بإبتسامه:مع السلامه..خلي بالك من نفسك .

اومأت له وخرجت من السياره متجهَ إلى بيتها..

نظر لها بشرود ..

سارت عِشق إلى بيتها وقابلت مازن..زفرت بضيق في نفسها ..

مازن بإبتسامه مصطنعه:يااهلا..

عِشق:مازن لو سمحت ملكش دعوه بيا ممكن!

زفرت بضيق وطلعت إلى بيتها..

نظر لها مازن في غضب ثم اتجهَ إلى شقتهُ..

حسين بتعجب(عم عشق):مالك؟

مازن بغل:عِشق..هتتجوز..

حسين:اممم..بقولك ايه شيلها من دماغك..الصراحه انا صرفت نظر عن ده ولقيت ان ملناش دعوه وانت الف بنت تتمناك ف سيبك منها..

مازن بغضب وانفعال:يعني ايه اسيبني منها يعني ! انا بحبها..

تنهد بضيق:وانا بقولك سيبك منها ..متتعبش نفسك انت حاولت كتير ..ملكش دعوه بِحد يامازن..

تابع بتعب:يلا انا هخش انام..تصبح على خير..

اومأ له واردف في نفسهُ بغل..

ماشي ياعِشق ..اما نشوف مين الحلو ده وايه اللي هيحصل..و يا انا يا هو.