رواية احببت جنانها الفصل السادس 6 - بقلم عليا علي

عدي على زواج سيف وبسمة شهر، عاشوا فيه أجمل أيام. كل يوم مقلب من بسمة لسيف، ودائماً يسهروا على التلفزيون وميحسوش بنفسهم ويناموا. بسمة بدأت تحب سيف، بس لسه مش اعترفت. دايماً كانوا بيصحوا يصلوا القيام والفجر مع بعض. في يوم وهما بيتغدوا. سيف: إيه رأيك يا بسمة نسافر شهر؟ أنا أخدت إجازة عشان أقعد معاكي. بسمة: بجد؟ طب هنسافر فين؟ سيف: اللي تحبيه. بسمة: اممم استني هفكر. بعد شوية. إيه رأيك نسافر تركيا؟

نفسي أروحها أوي، وأكل الحلويات بتاعتهم، وأروح كل مكان. سيف: ماشي يا ستي. هجهز التذاكر ونسافر بعد يومين. عدى يومين وسافروا وراحوا تركيا. بليل وهما قاعدين في الشقة. سيف: قومي يا بسمة، كفاياكي نوم. يلا بينا نطلع، لبسي لبس حلو ويلا بينا هفسحك. بسمة قامت نطت من على السرير فوراً. بسمة: ياباشا 😂😂😂 سيف بضحك: طب يلا. بسمة بعد شوية طلعت من الحمام، كان سيف لبس وكان لابس تيشرت لونه أبيض وبنطلون أسود.

بسمة: سيف، اقلع اللي لابسه ده! أنا منسقة لبس لينا إحنا الاتنين يلا. وراحت طلعتله تيشرت لونه سماوي وبنطلون أبيض، وهي كذلك دريس وعليه طرحة لونها أبيض. وقبل ما يطلعوا أخدوا صور كتير على المراية. وسيف أخدها لمكان فيه بيوت شكلها جميل، وهي رايحة معاه ومش عارفة موديها فين. والآخر وصلوا لمكان فيه أنوار كتير وترابيزة عليها شموع وأكل، والأرض مليانة ورد لونه أحمر، ومفيش أي حد في المكان. بسمة: إيه ده يا سيف؟ سيف: تعالي بس.

وسحب لها الكرسي وقعدها عليه، وقالها: ده مكان لينا لوحدنا، هنفصل فيه بعيد عن الناس. تعالي ويلا ناكل قبل الأكل ما يبرد. وقعدوا وأكلوا وحكوا. بعدين جه واحد بيعزف، عزف لهم وقعدوا يرقصوا. بسمة: سيف، أنا بحبك. سيف: بتقولي إيه؟ بسمة: لا مش قايلة تاني. سيف: واحدة فصيلة أوي! وقعدوا يضحكوا.