رواية احببت حبك لي الفصل العاشر 10 - بقلم ريهام رفاعي

دخل خالد، أخذ دشًا باردًا وخرج. وجدها تُعد الشوربة. ريم: استنى، استنى، رايح فين؟ خالد: إيه يا ست، فيه إيه؟ خضتيني. ريم: متدخلش دلوقتي لحد ما أبدل الملاية والمخدات. خالد: آه، طب استنى، سيبيهم وأنا هفوّق وأعملهم. روحي أنتي بس جامعتك، يالا عشان مفيش حاجة تفوتك. ريم: ليه مش ست أنا يعني ولا إيه؟ عشان أسيب جوزي وهو تعبان وكمان أخليه يبدل الملايات. جوزي على الورق يعني. خالد: لا يا سطا، ده أنتي ست الستات.

ريم: تمام، اقعد بقي وأنا هجبلك طبق شوربة تشربه لحد ما أخلص. أنا تمام. خالد: حاضر يا باشا، أي أوامر تانية؟ ريم: آه، تسكت حتى وأنت تعبان؟ بتهزر؟ خالد: الله، أنا بني آدم فرفوش. ريم: يعني قصدك إن أنا اللي كئيبة؟ خالد: آآآآه، مش قادر. حاسس إني دايخ. ريم: استهبل، استهبل. ماشي، وربنا لما تخف. خالد: تلاقيكي أنتي كنتي بتدعي عليا أصلًا. ريم: آه، صليت الفجر وقعدت أدعي، وبعدين حسيت بالذنب فقلت أعالجك. أنت عندك خال أهبل يا سطا؟

خالد: لا، عمتي كانت سمينة شوية. ريم: هاهاهاهاها. (ريم بصوت واطي) مش كنت سيبتك تفطس وخلصت. خالد: بتقولي إيه؟ ريم: بقول ربنا يقومك بالسلامة يارب. خالد: آآه، بحسب. دخلت، غيرت الملايات وطلعت. وجدته نائمًا على الكنبة، فغطته. فضلت قاعدة جنبه لحد ما صحي. وجدها مريحة على الكرسي اللي جنبه. خالد بصوت هادي: ريم، حبيبي، قومي نامي جوار. ريم: لا، أنا مش نايمة أصلًا. أنا ريحت بس لحد ما تفوق.

خالد: طب قومي ريحي شوية، أنتي تعبتي معايا. ريم: لا، متقلقش، أنا معملتش حاجة أصلًا. خالد: لا، وقفتي معايا وقفة رجالة بصراحة. ريم: عيب عليك يا جدع، متقولش كده. خالد: طب سألتي صحابك خدوا إيه وكده عشان مفيش حاجة تفوتك؟ ريم: لا، لسه، بس هسألهم حاضر. خالد: تمام، وبكرة إجازة عندي وعندك، الحمد لله. ريم: آه يا عم، الحمد ده أنا متراكم عليا حاجات كتير. خالد: حاجات إيه؟ وأنا هحاول أساعدك فيها. ريم: لا، مش مذاكرة.

خالد: أومال إيه؟ ريم: مسلسلات. خالد: يا راجل. والحمد لله ومتراكم عليا حاجات كتير وبتاع. ريم: أنت متعرفش أهمية المسلسلات دي في حياتي. خالد: عارف، عارف، زي أهميتك عندي كده. ريم: احم احم، بطل عشان منزلش مع بعض. خالد: أبطل أحبك يعني ولا أعمل إيه؟ ريم: اعمل اللي تعمله. سيبته وقامت. وبعدين سمعت صوت تليفون بيرن. خالد: ده تليفوني ده. ريم: خليك قاعد، أنا هروح أجيبه. ريم: دكتور ياسمين.

خالد: هاتيها، تلاقيها عرفت إني مروحتش النهارده ف عايزة تطمن. ريم: تطمن عليك؟ ده بتاع إيه يعني؟ خالد: زملاء في الشغل عادي يعني. ممكن أرد بقا؟ ريم: اتفضل. خالد لياسمين: ياسمين، إزيك، عاملة إيه؟ ياسمين: تمام الحمد لله، أنت كويس؟ أنا لاحظت إنك مجتش، قولت أطمن. خالد: لا، أنا تمام، متقلقيش، هما شوية برد كده وراحوا لحالهم. ياسمين: ألف سلامة عليك، لو احتجت حاجة. خالد: لا، ربنا يخليكي، ريم موجودة أهيه ومش مخليني محتاج حاجة.

ياسمين: تمام، عمتا أنا هبقى أتصل أطمن عليك بليل. خالد: تمام، شكراً على اتصالك ده والله. ياسمين: العفو يا بني، على إيه. خالد قفل خلاص مع ياسمين. ريم: عايزك تقولي قالتلك إيه بالتفصيل.