رواية احببت حبك لي الفصل الرابع عشر 14 - بقلم ريهام رفاعي

خالد : وأنا كمان بحبك أوي والله العظيم. ريم اتفاجئت من اللي عمله، وقامت من على الكرسي وعمالة تبصله وتبص لأصحابها. سابتهم وجريت على بره. خالد جري وراها ومسكها من إيدها وحضنها وهي عمالة تزقه. خالد : خلاص بقى أهدي يا ست انتي مراتي وربنا. ريم هديت شوية بس محضنتهوش. ريم : طب ممكن تسيبني بقى؟

خالد : ياستي سيبيني أتمتع باللحظة الحلوة دي شوية. يعني أنا واحد متجوز بقاله شهرين ولا حاجة، وده أول حضن بيني وبين مراتي وحبيبتي وروح قلبي. ريم : طب ممكن نروح شقتنا الأول طيب. خالد : حاضر ياستي. خالد مسك إيدها ومشوا وركبوا العربية. وهما ماشيين على الطريق، خالد وقف العربية ونزل. ريم : رايح فين؟ خالد : خمس دقايق هجيب حاجة بسرعة وجاي. خالد رجع وماسك بوكيه ورد ومخبيه ورا ضهره. ريم : إيه اللي ورا ضهرك ده؟

خالد : أحلى بوكيه ورد لأحلى وردة في حياتي. ريم اتكسفت وضحكت ودورت وشها. خالد : إيه مش عاجبك البوكيه ولا إيه؟ ريم خدته منه بسرعة. ريم : لا عاجبني جداً طبعاً. جميل أوي والله. شكراً. خالد : وربنا ما فيه حد جميل غيرك ياعسل انتي. ريم : ممكن نرجع لكلامنا الطبيعي عشان أنا حاسة إني مش عارفة أتكلم. خالد : هههههه عنينا يا ست الكل. ريم بضحك : أيوه كده تمام. خالد : متجوز بلط*جية. ريم : احذر مني بقى.

خالد : هتيهون عليكي برضه تأذي خلودة حبيبك؟ ريم دورت وشها برضه وابتسمت. خالد : أنا أول مرة أشوف كسوف القمر. ريم : يا عم بطل بقى. خالد : سيبيني براحتي. أنا النهارده عيد بالنسبة لي. ريم : طب يا سيدي براحتك بس متخنوقنيش بالله عليك. خالد وهو متضايق : حاضر يا عم الحج مش هخنقك. ريم بتحاول تظبط الموقف : طب يا خلوده تيجي نروح ناكل. خالد بابتسامة : هو أنا مش عايز بس هوافق لأجل خلوده ديه بس.

ريم : حبيب قلبي وربنا. هناكل إيه بقى؟ خالد : بص يا عمنا، إحنا نطلع على ماك ومعاكي شيك مفتوح النهارده. اطلبي اللي نفسك فيه، وفي الآخر هناكل آيس كريم كمان لو قدرنا يعني. ريم : طب وربنا بقى، هقولك حاجة أول مرة أقولها. وربنا الحمد لله إن أبويا موافقش على قراري. خالد بضحك : كل ده عشان الأكل؟ ريم : لا يا عم والله مش عشان كده. خالد : اومال عشان إيه؟ ريم بكسوف : لا خلاص هقولك بعدين بقى.

خالد : وحياة النبي تقوليلي دلوقتي بالله. ريم : لا خلاص بقى متضايقنيش. خالد : طب يا عم ولا يهمك، نخليها وقت تاني. ريم : أهي ديه من ضمن الحاجات اللي بحبها فيك. خالد : هيا إيه ديه؟ ريم : إنك مش بتجبرني على حاجة وسايبني براحتي، يعني مش بتجبرني أعمل حاجة أنا مش عايزة أعملها. فاهمني؟ بس بصراحة فيه حاجة واحدة بس أجبرتني عليها. خالد : عشان أجبرتك إنك تتجوزيني وكده؟ ريم : يعني كانت بس أنا تخطيتها خلاص. فيه حاجة تانية.

خالد : إيه هي؟ مش عارف. شغل أغنية "إيه اليوم الحلو ده" بتاعت أحمد سعد وقعدوا يغنوا معاها. وبعد شهر، وعلاقتهم ماشية تمام على الآخر. وبقوا عايشين قصة حب أحلى من قصص المسلسلات التركي. خبط على الباب. رن. خالد راح فتح الباب. ريم : مين يا خالد؟ ريم راحت تشوفه واتفاجئت بزياد. زياد : إزيك يا ريم؟ إزيك يا دكتور؟ أنا عرفت إنكم ساكنين في نفس العمارة اللي سكنت فيها أنا ونور مراتي، فجيت أسلم عليكوا.