رواية أحببت هذه العنيدة الفصل الحادي عشر 11 - بقلم بسمة صلاح

يمنى شافت عربية جاية عليها بسرعة كبيرة، وقفت ومش عارفة تعمل إيه. غمضت عينيها وبعدها محستش بحاجة. يامن جري عليها وشده عليه، وهي كانت لسه مغمضة وبتترعش. يامن: اهدي اهدي، خلاص انتي كويسة. يمنى هزت راسها وكانت لسه مغمضة. يامن بضحكة خفيفة: طب افتحي عينك، هتفضلي مغمضاها كده؟ يمنى فتحت عينها وبصتله بدموع خفيفة وبراءة. يامن: متبصيش كده. يمنى بخبث: لي؟ يامن: عشان احم عشان يعني بؤبؤ عينك بيوسع... انتي كويسة؟

يمنى: أيوة. احم شكراً. يامن: العفو. يمنى: لسه زعلان؟ يامن افتكر وبصلها بغضب، وخدها وطلع مكتبه وقفل الباب. يامن: هو سؤال واحد بس، لي عملتي كده؟ يمنى: أنا أنا عملت كده عشان أغيرك، أحسسك بالمسؤولية. عمو جلال هو اللي قالي عشان كان خايف عليك. مكنتش مفكرة إنك ممكن تحبني ومش متخيلة إني كان ممكن... يامن: إيه؟ يمنى: أنا همشي وكأن مفيش حاجة حصلت. يامن: كملي الجملة كده عشان أديكي قلم على وشك يفوقك.

يمنى: متقدرش. على الفكرة، واوعى كده عشان أمشي. يامن: لا، في حاجة لازم أقولهالك. يمنى فرحت، حست إنه هيقولها بحبك. يامن: فرح ليلى وخالد بعد بكرة لو انتي ناسيه. يمنى بصتله بغيظ: في حد ينسى فرح صاحبته؟ زقته وطلعت. يامن ضحك عليها لأنه كان عايز يغيظها. *** (واحد من المساجين) كرم: بقولك إيه ياسرور، هو الواد اللي اسمه حازم ده من الصبح مش باين. يسرور: والله ماعرف، أنا شوفته داخل الحمام ومن ساعتها مشوفتش وشه.

كرم: طب تعال نروح الحمام نشوفه. راحوا هما الاتنين ودوروا عليه لقوه مرمي على الأرض. سرور: حازم! إيه اللي حصله؟ كرم: الحق ياض ده انتحر. حازم كانت إيده مليانة دم وكان ماسك مشرط في إيده التانية، لأنه عرف موت باباه ومقدرش يقعد في السجن، فـ انتحر. وبكده بردوا تكون نهاية حازم ونهاية أحمد هي الإعدام. *** جه فرح ليلى وخالد. خالد: افرحي ياعروسة، أنا العريس. ياعروسة ياعروسة، أنا العريس. يامن: بس بقا، دوشتني ياأخي، كتك الارف.

خالد: بكرة تتجوز يابابا ونشوف هتعمل كده ولا لا. يامن ابتسم ببلاهة: أتـجوز؟ خالد: الله الله، مين اللي شاغل عقلك؟ يامن بتلقائية: يمنى. وبعدين فاق، احترم نفسك يلا، ويلا عشان تلبس البدلة. خالد: لو بتحبها بلاش تضيعها من إيدك، كل اللي انت فيه ده بسببها. يعني انت اتغيرت بسببها هي. يامن: طب يلا عشان تلبس واخلص منك. خالد: ماشي ياسيدي، يلا. *** ليلى: هتجوز، هتجوز. يمنى: يخربيتك، اخرسي بقا. قرفتيني. اتعدلي عشان أعملك الميكب.

ليلى: فرحانة يايمنى. يمنى: افرحي ياقلب يمنى، بس بعد ماخلص. ليلى: بتحبيه؟ يمنى اتوّترت: بحب مين؟ ليلى: يابت مش عليا أنا الكلام ده. يمنى: يامن زي أخويا عادي يعني. ليلى: أوبااااا، قفشتك. عرفتي منين إن أنا قصدي على يامن؟ يمنى ضربتها: بت اسكتي شوية. ليلى: خلاص يباااي عليكي. وجاء موعد الزفاف. خالد دخل لي ليلى. خالد: إيه القمر ده؟ فين ليلى ياجدعاااان. ليلى: والله، طب عدي ليلتك عشان متبقاش سودة على دماغك.

خالد: لا لقيتها خلاص. يلا يادبش قلبي انت ياعسل. باس راسها ونزلوا رايحين يركبوا العربية. ويمنى كانت وراهم. يامن شافها اتصدم من جمالها، كانت لابسة فستان رقيق والميكب خفيف محليها أكتر. خالد: يامن، انت اللي هتسوق. يامن: أه، ماشي. اومال مين هيركب جنبي؟ يمنى: أنا هروح ليلي، أركب مع بابا. ليلى: لا انتي هتركبي معايا ومفيش نقاش.

يمنى ركبت جنب يامن، وخالد وليلى ركبوا. وطول الطريق عاملين يخطفوا لبعض نظرات لحد ما وصلوا، وبدأت رقصة السلو. واحد جه ليمنى: تسمحيلي بالرقصة دي؟ يامن: لا. "نعم؟ يامن: إيه، مسمعتش؟ امشي ياشاطر من هنا. يامن مسك إيدها وشدها ورقص معاها. يمنى: إيه اللي انت عملته ده؟ يامن: إيه القمر ده؟ يمنى بخجل: انت قليل الأدب. يامن: عارف وسافل كمان. اسكتي بقا. يمنى: رخمة. يامن: يابت هضربك. يمنى دست على رجله بالكعب.

يامن بصوت عالي: لا، انتي شكلك عايزة تضربي بجد. يمنى بصوت عالي: تضرب مين يلا، ده أنا أشلفطك. خالد: طب يلا نروح احنا الكوشة. ليلى: أنا بقول كده بردوا. يامن: طب تعالي بقا. يامن مسكها من شعرها وفكّلها البنس بتاعتها. يمنى تسكت، راحت جابت إزازة عصير ورمتها على البدلة بتاعته. يمنى عدلت شعرها وبصتله بإنتصار، والناس كلها بصت عليهم. يامن بصلها بغضب وجري وراها. يمنى: عاااا، الحقونيييي. يامن: مش هسيبك.

يمنى جريت بره القاعة وهو لسه وراها. يمنى: أهدى ياهبل. يامن: طب أنا هوريكي الأَهبل هيعمل فيكي إيه. يامن مسك يمنى من قفاها كده. يمنى: أهدى يا شبح. يامن: لو قتلتك دلوقتي مفيش حد هيحس بحاجة. لا ده أنا هريح البشرية منك يا جزمة قديمة. يمنى: وانت جزمة جديدة ها؟ يامن بصلها وسكت وسابها. يمنى قعدت على السور. يامن: إحنا مجانين أوي. يمنى: اتكلم عن نفسك. يامن: هنفضل كده نعاند بعض. يمنى: وفي إيه أحلى من العنادي؟

يامن: لا، في الجواز. يمنى: لا يمكن أوافق. بعد سنة. (بارك الله لكما وبارك عليكما وجمع بينكما في خير) يامن: لا يمكن توافقي. يمنى: على الفكرة، وافقت عشان شفقت عليك بس. يامن كان لسه هيرد. كريم: يمنى مبروك، فرحتلك جدا. يمنى: الله يبارك فيك يا كيمو. يامن: إيه؟ مش تعرفينا مين مرهم ده؟ يمنى: ده كريم، مش مرهم. يامن: كريم مرهم، أي حاجة المهم الاتنين بيدهنوا.

كريم: أعرفك أنا كريم، زميلها في الجامعة وكنت بحبها، بس انت خطفتها مني. يامن: ده بيهرج أوي. الواد ده دمه خفيف. يمنى: يامن اهدى. يامن قام بغضب: بتحب مين يلا؟ كريم: بحبها هي. عندك مانع؟ يامن: لا، هو شكله بيحب العنف. وضربه بوكس في وشه. يمنى: ليلى، هو البوفيه فتح؟ ليلى: أيوة، يلا عشان جايبين أكل حلو. يمنى: يلا بينا. خالد عمال يحوش عنه وخلّاه يسيبه. كريم جري على بره. يامن: إيه ده؟ أومال فين يمنى؟ خالد: تلاقيها مع ليلى.

يامن: أيوة يعني هما... (لم تكمل الجملة) والإثنين قالوا في نفس الصوت: البووووفيهههه. يمنى: بقولك إيه، هاتي حتة الفرخة دي. ليلى: لا دي بتاعتي، هاتيلك واحدة تانية. يامن: أهم، وربنا. أنا قولت أقتلها وأخلص منها. خالد: مراتي وحامل، تاكل براحته. ليلى: تعالي ياحبيبي كل معايا. يمنى تجاهلت يامن. يامن مسكها من إيدها وطلعوا بره القاعة. يمنى: سيبناااااي. مكملتش حتة الفرخة بتاعتي. يامن: هقولك حاجة بس تعالي. وكلهم روحوا.

يامن: ادخلي يامصيبة حياتي. يمنى: تسلم ياباشا. دخلت المطبخ عالطول. يامن: بت، ماتكليش الأكل كله. وراح كل معاها. يمنى: تعالالي بقا، انت إزاي ضربت كيمو؟ ها؟ يامن بزعيق: بصي، عشان نكون عارفين، متختبريش غيرتي عشان هزعلك. يمنى: انت عارف لو زعقت تاني أنا هعمل إيه؟ يامن: هتعملي إيه؟ يمنى: هعيط. يامن بضحك: بعشقك ياعنيدتي. يمنى: بحبك. بعد أربع سنين. يامن: يمنىيييى، تعالي شوفي يونسي. يمنى: مانا شايلة لين يايامن.

يامن: خلاص ياقلب يامن، هشوفه أنا. يمنى: طب يلا عشان ليلى وخالد وعيلتنا جايين. يامن: تمام. الكل جه واتجمعوا. مازن: بابا. خالد: نعم ياحبيبي؟ مازن: لما أكبر هتجوز لين. خالد: ياسلام، انت تؤمر. يامن: طب وأبوها ملوش رأي؟ مازن: لو متجوزتهاش هخطفها. يامن: الحق، ده بيهددني. خد هنا يلا. الكل ضحك. يامن: انتي يابت، ده مكاني. يمنى: روح العب بعيد ياشاطر. يامن: طب لو مقومتيش هزعلك. قومي يابتي. يمنى: طب مش قايمة.

جلال: هتفضلوا كده طول عمركم؟ يامن: هي اللي عنيدة. يمنى: بس بحبك. يامن: قلبي في ذمة الله، وأنا بعشقك يا يمنتي.