رواية أحببت هذه العنيدة الفصل الخامس 5 - بقلم بسمة صلاح

مجهول: السلامة عليكي يا قلبي. ميرا: أحمد. أحمد: البت كانت هتموتك في إيديه. ميرا: انت جاي تشمت فيا؟ انت السبب اصلا. أحمد: أنا أقدر بردوا أشمت في روحي. وبعدين مش كان لازم نعمل كده علشان نخلص من يامن. (هوباااا صدمة مش كده) ميرا: يعني هو عمل أي ده؟ مش بيبص في وشي. أحمد: هيبص متقلقيش. معاكي الكيس. ميرا: معايا عالطول، بس أنا زعلانة منك. أحمد: لي يا حبيبي؟ ميرا: كده متجيش معايا المستشفى وجاي بعدها بيوم.

أحمد: ما انتي عارفة علشان مش عايز حد ياخد باله. (وأكمل بتمثيل) وانتي عارفة إني بحبك وبخاف عليكي. ميرا: وأنا كمان بحبك. في اليوم التالي. يامن صحي وخرج من الأوضة، لقى يمنى كمان خرجت. يامن: الواحد يقوم من النوم حلو ورايق، بس يشوف وشك يتخنق فجأة. يمنى: ماتتلم يلا! هو أنا علشان سكتالك ولا إيه؟ يامن: انتي ياشبر ونص تقدري تعملي حاجة أصلا. يمنى قربت منه بثقة: أه أقدر. كفاية اللي عملته في مرايا. يامن: اسمها ميرا يا جاهلة.

يمنى: طب أنا بقا هوريك مين الجاهلة. يمنى وقفت على طراطيف صوابعها لأنه طويل وهي شبر ونص ومسكت شعره. يمنى: ياض متخلنيش أتغابي عليك. مسكها هو كمان من شعره. يامن: سيبي شعري يابتي. يمنى: لما تسيب شعري انت الأول. أهلهم جم على الصوت وشافوهم بالمنظر ده. يامن: اللي هيقرب هشرحها، علشان أنا جبت أخري منها. يمنى: تشرح مين يلا؟ يامن: أنا يتقالي يلا طيب. يامن ساب شعرها ووقعت على الأرض. يمنى بألم: ربنا يهدك ياخويا.

يامن: علشان تعرفي تشتمي تاني. كان ماشي راحت حطت رجليها ووقعت على وشه. يمنى: يلا يا أهبل. يمنى طلعت تجري على بره. يامن: ااااه ربنا ياخدك. وأهلهم كانوا عاملين يضحكوا. جلال: قوم ياض هتقعد تندب كده على الأرض؟ روح وصل يمنى يلا. يامن: طب لو قتلتها بقا متزعلوش. يامن ركب العربية وهي كانت ركبتها. يمنى: شغل أغاني ولا حاجة تفرفشنا. يامن: بس يابت اخرسي. يمنى تجاهلته وشغلت أغنية. يامن: اقفلي أم الزفت ده.

يمنى تجاهلته بردوا وقعدت تغني مع الأغنية. يامن فرمل بسرعة وهي كانت هتتخبط بس كانت لابسة الحزام وطفى الأغاني. يمنى: انت غبي. يامن: بقولك اهو عقبال ما نوصل مش عايز أسمع حسك، فاااهم. يمنى بخوف: فاهمة خلاص. ساق عقبال ما وصل وهي جايه تطلع بس رجعت تاني. يمنى: بس انت بردوا عيل رخمة. طلعت من العربية بسرعة. يامن ابتسم ابتسامة صغيرة وبعد كده مشي. ليلى كانت في السوبر ماركت خبطت في واحد. ليلى: آسفة جدا. خالد: اوبااا هو انتي؟

لا انتي تخبطي براحتك ياعسلية. ليلى: احترم نفسك، ولا نسيت؟ لو نسيت أفكرك. خالد: لا مش ناسي، وهردهالك متقلقيش. ليلى: يا عم امشي. ليلى كانت ماشيه بس خالد وقف قصادها. خالد: تعرفي إن أول مرة بنت تقف في وشي؟ لا وكمااان تضربني. ليلى: أيوه هاخد أوسكار يعني ولا إيه؟ خالد: هتاخدي أوسكار في قلبي. ليلى بصتله بصدمة وإحراج وبعدها مشيت وسابته. خالد: مسيرك ياملوخية تقعي تحت المخرطة. فيلا سعيد. حازم: لقيتهم. سعيد: فين؟

حازم: عند واحد صاحبه اسمه جلال صاحب شركة البحيري. سعيد: ياااه جلال. شكل اللعبة هتحلو. حازم: انت تعرفه يابابا؟ سعيد: طبعاً. حازم: طب وهنعمل إيه؟ سعيد: هقولك.