رواية أحببت هذه العنيدة الفصل الرابع 4 - بقلم بسمة صلاح

ميرا قربت منه وجايه تحضنه تحت صدمة يمنى. يامن: إيه يا ميرا، مانتي عارفة إني مليش في الكلام ده. ميرا: أنت بس وحشتني. يامن وهو ينظر ليمنى ومتجاهل ميرا. ميرا: يامن أنت... ولم تكمل وبصت على المكان اللي بيبص عليه. ميرا: إزاي بقى ملكش في الكلام ده وأنت عينك هتطلع قلبي. يامن: ثواني وراجع. أحمد: شكل الواد وقع. خالد: يعني مش شايفهم عاملين إزاي؟ لازم يقع طبعًا، ده أنا نفسي وقعت. بقولك إيه، هروح معاه، مش قادر.

يامن باستغراب: يمنى إيه اللي جابك هنا؟ يمنى بتوتر: أنا كنت جايه علشان... خالد: أهلاً بيكم والله، نورتوا. و (هو بيبص على ليلى) أويييي. يامن بهمس: إيه اللي جابك؟ ما قلتلكوا جاي. خالد بهمس: الله، وأسيبك مع المزتين لوحدك. يامن: اتلم يلا. خالد: خلاص. (وجه كلامه لليلى) وأنتي بقى اسمك إيه يا حلوة؟ ليلى بقرف: أقولك وماتزعلش. خالد وهو بيلعب في شعره بإحراج وبيكلم يامن: لا دي شكلها شرسة. يامن: يمنى إيه اللي جابك هنا؟ قلتلك.

يمنى بشجاعة: وأنت مالك يا أخينا؟ ملكش دعوة. يامن: هتقولي ولا هقول لبابا وهو يتصرف معاكي. يمنى: جايه أسهر فيها حاجة دي. خالد: معلش، استنى، هي دي يمنى اللي حكتلنا عنها. يامن: الله يخربيتك. يمنى: الإه، ده أنا معروفة بقى. خالد: بس معرفش إنك قمر كده. (وبيبص على ليلى) أويييي، يعني. ميرا: إيه يا يامن، هي دي الثواني بتاعتك؟ وأنتم مين بقى يا حلوين؟ يمنى: هو إيه حد بيجي هنا بتسأليه هو مين؟ وبعدين هو أنتي صاحبة المكان؟

ميرا بزعيق: أنتي يا جربوعة إزاي تكلميني كده؟ أنتي مش عارفة أنا مين؟ يامن: ميرا... يمنى: لا، اركن على جنب أنت وأنا هوريها مين الجربوعة. ليلى: يمنى بالله اهدي، عيلة وغلطت. يمنى: أنا هعلمها غلطها. وراحت أدت لميرا بوكس وقعتها. خالد: ده شكل الليلة هتبقى خراااابي. يامن: ربنا يستر، تعالي أبعد كده علشان حاسس إن ميرا هتبقى متكومة على الأرض دلوقتي. يمنى: أنا جربوعة يا مصدية، يا اللي حاطة كيلو بودرة على وشك.

نطت عليها ومسكتها من شعرها وقعدت تضرب فيها. وفي وسط الضرب. خالد: مقلتليش بردوا اسمك إيه يا أزرق أنت يا عسل. ليلى: لا شكلك عايز تتربى. وادته برجليها في بطنه، خلاه يرجع لورا وهو بيتألم. يمنى قامت من عليها: يلا يا ليلى خلينا نمشي. (وبصت على ميرا اللي بقت متكومة فعلًا) ابقى اعملي بيتادين يا عسل. ومشوا تحت صدمة يامن واستغراب خالد وأحمد اللي مبطلش ضحك. ليلى: الله ينور عليك يا برنس. يمنى: ماهي كانت لازم تتربي، واحدة مايصة.

ليلى: إيه ده، مأخدتيش بالك وأنا بضرب الواد الرخم ده؟ يمنى: لا، خدت بالي. يلا بقى نروح. روحوا وجلال كان مستنيها. جلال: إيه يا يمنى، عملتي إيه؟ يمنى حكتله اللي حصل. جلال بضحك: الله عليكي جدعة يا بت. يمنى: طبعًا، أنا مش أي حد. يامن جه وراها بعصبية. يامن: شايف الهانم عملت إيه؟ جلال: يمنى مغلطتش، البت قليلة الأدب. يامن بصوت عالي: أنا بشاهد مين على مين؟ أنا طالع أناااام. يمنى وجلال ضحكوا عليه، وبعدها طلعوا ناموا. ***

اليوم التالي ٨ صباحًا. أزهرة: علي، يلا اصحى. أنا حضرت الشنط والسواق جاي شوية كده. علي: صباح الخير. أزهرة: صباح النور. علي: أنتي لبستي كمان؟ أزهرة بدموع: على عيني إني أسيب الشقة دي، هتوحشني أوي. علي: متصعبيهاش عليا، وحياتك. أزهرة: يلا الحمد لله على كل شيء، يلا روح البس. علي باس راسها: حاضر. خلصوا وركبوا مع السواق. بعد نص ساعة وصلوا. جلال: أهلاً يا غالي، وحشني والله. علي: جلال، أنت لسه شايفني امبارح.

جلال بهمس: هو أنت ناسي ولا إيه؟ ما قلتلك إنك سافرت وطلبت مني آخد بالي من يمنى وخليها تقعد معايا. علي وفهم إن هو بيعمل كده علشان يامن. علي: أنت وحشني أكتر يا حبيبي. جلال: وحشاني يا أزهرة، عاملة إيه يا حبيبتي؟ أزهرة: الحمد لله، أنتِ وحشاني أكتر والله، وحشني رغيانك. جلال: تعالي نقعد في الأوضة ونرغي براحتنا. علي: إزيك يا يامن يا ابني؟ يامن: الحمد لله يا عمي، المهم أنت بخير. أزهرة: يااه، يامن كبر اهو، بقالي كتير مشوفتكش.

يامن: عاملة إيه يا طنط؟ أزهرة: لا أنا زي ماما، بلاش طنط دي. يامن: طبعًا، أنتي زي أمي التانية. وباس إيدها. أزهرة: ربنا يخليك يا حبيبي. سمعوا صوت أزعج. يامن: إيه ده؟ يمنى: ماما، بابا، وحشتوني أوي. أزهرة: أنتي أكتر يا حبيبتي. يامن لنفسه: اللي مدايقني إنك هتقعدي معايا، اللهي عربية تخبطك يا شيخة، مش كفاية أبويا مصحيني بدري. راحوا قعدوا وفطروا مع بعض تحت خناقات يمنى ويامن. (في مكان آخر) فيلا سعيد.

سعيد: يعني إيه مشيوا من البيت وكمان عارضينه للبيع؟ حازم: والله العظيم ما هسيبهم، ما أنا هتجوزها يعني هتجوزها، دي بتاعتي أنا. سعيد: والله لأجيبهم حتى لو هما تحت الأرض، لازم أكسر قلبهم. حازم: طب هنعمل إيه؟ سعيد: دور عليهم في كل مكان، متسيبش مكان إلا لما تدور فيه. *** يامن: الو، يا ميرا. ميرا بمياعة: عايز إيه يا يامن، كده تسيبني وتمشي؟ يامن بضيق: ما أنا طلبتلك الإسعاف، المهم أنتي كويسة دلوقتي؟

ميرا: ضربتني جامد والله، لأوريك. يامن: حقك عليا أنا، أنا هعرف أتصرف معاها. ميرا: أنت تعرفها؟ يامن: أيوه، واحدة قريبتي. بقولك إيه، هقفل دلوقتي وهكلمك بعدين. ميرا: سلام. خبط على الباب وفتح. مجهول: ألف سلامة عليكي يا قلبي. ميرا: أنت...