رواية أحببت هذه العنيدة الفصل السابع 7 - بقلم بسمة صلاح

سمعوا صوت الصريخ، طلعوا كلهم جري لقوا زهرة قاعدة على طرف السرير وعمالة تصحي في يمنى، بس يمنى مبتفوقش. من قرب عليها شاف شفايفها زرقة ووشها شاحب. زهره: يمنى قاطعة النفس خالص، بنتي هتروح مني. يامن: متقلقيش يا أمي، بابا لو سمحت جهز العربية، هوديها المستشفى. يامن شالها وحطها في العربية، وزهرة ركبت جمبها هي ويامن، وعلي ركب قدام. نجلاء كانت مستنياهم في البيت. ودوها المستشفى وخدوها على العمليات.

زهره: يا رب رجعهالي، دي بنتي الوحيدة. يامن: اهدي يا زهرة، هتبقى كويسة إن شاء الله. يامن كان قاعد عمال يفتكر مشاغبتهم مع بعض، مش عايزها تضيع منه. يامن في نفسه: معقول تكون حبيتها؟ ده انت وهي ناقر ونقير مع بعض. يا رب تكون بخير، مش عايزها تمشي، عايزها معايا. الدكتور خرج بعد 3 ساعات، كلهم جريوا عليه. زهره: بنتي كويسة؟ حصلها حاجة؟ يامن: اهدي يا أمي، إيه اللي حصل يا دكتور؟

الدكتور: كويس إنكم جبتوها في الوقت المناسب، لو اتأخرتوا كان زمان السم انتشر في جسمها كله. علي: إيه؟ سم؟ الدكتور: أيوه، وكمان كان مفعوله قوي، بس الحمد لله قدرنا نشيله من جسمها، بس هتقعد تحت الملاحظة لمدة 24 ساعة علشان نطمن عليها أكتر. عدى 12 ساعة ونجلاء جت علشان تقعد مع زهرة. نجلاء: إيه ده؟ أومال فين يمنى؟ علي: مش عارف، هو كان هنا من شوية. جلال ابتسم وسكت. في مكان آخر في الجامع بجانب المشفى.

يامن: يا رب رجعهالي وخليها كويسة، أنا بوعدك يا رب إني هتغير، بس رجعهالي، وحشني جنانها وعنادها معايا، يا رب. جلال كان بيصلي وشاف يامن وهو قاعد في ركن لوحده وبيعيط، ودي أول مرة تحصل. فرح إنها عرفت تغير فيه ولو جزء صغير. عدى 12 ساعة تانية ويمنى فاقت، كله دخلها ما عدا يامن. زهره: يمنى حبيبتي، انتي كويسة؟ يمنى: أنا كويسة يا ماما، متقلقيش. علي: انتي كويسة يا حبيبتي؟ يمنى: كويسة يا حبيبي. يمنى كانت بتدور بعينها عليه.

جلال بخبث: إيه يا يمنى؟ بتدوري على مين؟ يمنى: ها؟ لا مبدورش على حد. نجلاء: كده تخضينا عليكي، طب انتي أكلتي إيه امبارح أو شربتي إيه؟ يمنى افتكرت. Flash back يمنى: إيه ده؟ بقا أنا جعاااانة؟ طب أعمل إيه دلوقتي والساعة 1 بليل؟ أووف. (خطرت في بالها فكرة) اتصلت بمطعم وطلبت أكل باسم يامني. يمنى: اهو أكل واتسلى شوية. الدليفري وصل وجاب الأكل. يامن: إيه ده؟ بتعملي إيه؟ يمنى: إييييه؟ باخد من الراجل الأكل، تعالى ادفعي.

يامن: نعمممم؟ يمنى: أصل الصراحة طلبت الأكل باسمك، سلام. (الراجل واقف تحت على فكرة) يامن استغفر ودفع الفلوس وطلع. يامن: إيه ده؟ انتي قافلة الباب؟ طب على فكرة بقا اللي ياكل لوحده يزوري. يمنى مردتش عليه وكملت أكل، وبعدها قعدت شوية ومحستش بحاجة واغمى عليها. Back يمنى: بس هو ده اللي حصل. يامن دخل وبصلها بعيون منتفخة وقال بلهفة: انتي كويسة؟ حصلك حاجة؟ أجيبلك الدكتور تاني؟ انطقي. يمنى: هو انت سايبلي فرصة أتكلم؟

أنا كويسة، مفيش حاجة. جلال غمز لعلي، فعلي فهم وضحك بصوت مكتوم. يمنى: اهو مش قولت اللي ياكل لوحده يزوري؟ اهو خدت حقك أهو. يامن ضربها بخفة على رأسها. يامن: بس يابت. قعدوا يومين في المستشفى وخرجوا، كلهم طلعوا ناموا ما عدا يامن ويمنى. تليفون يامن رن. يامن: ألو. الميرا: يامن وحشتني. يامن: عايزة إيه يا ميرو؟ الميرا: مفيش، كنت عزماك عندي في البيت بكرة علشان عيد ميلادي وكده، وعازمة كمان خالد وأحمد، أكيد هتيجي مش كده؟

يامن: إن شاء الله، يلا سلام. الميرا: سلام. يامن راح ليمنى. يامن: بقولك إيه. يمنى: إيه؟ يامن: ماتيجي ننسى خناقتنا يوم واحد بس. يمنى بتفكير: اممم، موافقة. يامن: أشطا، قومي البسي، تعالي نخرج من غير اعتراض. يمنى لبست وخرجوا، راحوا الملاهي. يمنى بصريخ: نزلوووونييييي! هقع! خلصوا وطلعوا، ويامن مبطلش ضحك عليها. يمنى: تصدق بالله هضربك والله. يامن: يلا يا مجنونة. يمنى بطفولة: هاتلي غزل البنات. يامن: حاضر يا طفلة.

يمنى كانت بتاكله وهو بيبص عليها بحب. يمنى لاحظت ده وبصتله. يمنى: بتبصلي كده ليه؟ يامن: معرفش إنك لطيفة كده وقمر كمان. يمنى بتوتر: ممكن نمشي؟ يامن: ممكن يا أميرتي. سعيد: انت هتستعبط يلا؟ هو أنا قولتلك تقتلوا ولا تقتلها؟ واحد من رجّالته: ياباشا والله الأكل كان مطلوب باسمه هو. سعيد: اخفي، غور من وشي. سعيد: والله لكسر قلبك يا جلال أنت وعلي.

(ملحوظة: سعيد بيكره جلال لأنه صاحب سعيد وأكتر من صاحبه، وكمان رفض التعاقد مع شركته) يامن ويمنى وهما ماشيين. يامن: انتي ليه بتحبي الشغل مع إنك لسه صغيرة وعندك 23 سنة؟ يمنى: هاتلي بس حمص الشام بتاعك ده، وروح جيبلك واحد تاني. يامن: اتفضلي يا مفجوعة، يلا قولي. يمنى: علشان عايزة أشيل مسؤولية نفسي، مبحبش حد يصرف عليا، أنا خلاص كبرت. يامن فكر في كلامها وقال بدون تفكير: أنا هاجي اشتغل في الشركة، أنا أصلاً كنت مدير الحسابات.

يمنى فرحت إنه قرب يتغير. كانت لسه هترد سمعوا صوت ضرب نار وهما خلاص داخلين الفيلا. يامن بصوت عالي: ادخلي جوه بسرعة. الحراس جم وشافوا واحد بيجري، جريوا وراه مسكوه. يامن: مش قولتلك ادخلي جوه. يمنى: مش هسيبك لوحدك. حارس: يامن باشا، إحنا جبناه. يامن شال الشال اللي كان مغطي بيه وشه. يمنى: إزاااااي.