رواية أحببت هذه العنيدة الفصل الثاني 2 - بقلم بسمة صلاح

انتي مين وبتعملي اي هنا؟ انت مين يا جدع انت؟ أنا اللي مين؟ انتي إزاي تدخلي أوضتي؟ في إيه يا يامن؟ ... إيه ده؟ معلش يا بنتي شكلك اتلخبطي في الأوضة. في إيه يا بابا؟ ما تفهمني. دي يمنى بنت واحد صاحبي، بس أهلها مسافرين فهتقعد معانا هنا، وهي كمان شغالة معايا في الشركة. أيوه، وتدخل أوضتي لي؟ بدل ما تقول اتشرفنا، أو أهلاً وسهلاً حتى. متشرفناش. متشكرين يا رجولة.

خلاص يا ولاد، تعالي يا يمنى أوريكي أوضتك، وانت يا يامن احترم نفسك. الـ... يلا يا عمو. يلا يا عمو. عيلة رخمة. سمعتك على فكرة. اهو انت اللي رخـم. وطلعت لسانها. جلال وداها الأوضة بتاعتها، وهي دخلت ونامت على السرير وافتكرت. فلاش باك. أنا عايزك تقربي من يامن. إيييي؟ يعني إيه؟ أروح أتقدمله؟ الله يخربيتك، اسكتي شوية واسمعي. سكت أهو.

مع إنك مجنونة وهبلة، بس انتي الوحيدة اللي هتعدليه بعنادك، لأن هو عايز حد يديله بالجزمة عشان يتعدل، وملقتش غيرك. هو لازم يحس بالمسؤولية. طب أنا هعمل إيه؟ تيجي تعيشي معانا على أساس أهلك مسافرين، لأن حد من أهل مامتك مات، وباباكي صاحبي، فطلب مني إنك تعيشي معايا. إيه الدماغ دي يا عمو جلال؟ طب وبابا و.. قولت لباباكي وهو وافق. هو عايز يخلص منك أصلاً. لا، في دي عندك حق. خلاص، أمري لله. موافقة. باك.

يمنى غيرت هدومها ونامت، ويامن كذلك. تاني يوم الصبح، يمنى صحيت ودخلت الحمام ولبست عشان تروح الشركة، وطبعاً يامن لسه نايم. صباح الخير. صباح النور. لابسة لي؟ مش هنروح الشركة؟ هنروح، بس هتروحي بعدي عشان يامن هيوصلك. طب هو فين؟ أنا هروح أصحيه. لا، خليكي انتي. أنا هروح أصحيه بطريقتي. في أوضة يامن، دخل جلال براحة وكان جايب جردل ميه وقرب منه ورمى الجردل عليه. قام مفزوع. إيه ده؟ أنا بغرق! الحقونييييي!

قوم يلا عشان توصل يمنى الشركة. في حد يصحّي حد كده يا بوب؟ قوم ياض وبطل لكاعة. قومت أهو. في إيه؟ قوم وصل يمنى بقولك. يعني هي صغيرة مش هتعرف تروح؟ خلاص يا عمو. أصل الرجالة ماتت في الحرب. أنا لو قمت قتلتها هيحصل حاجة؟ والله ما هيحصلي. هقوم أتنيل ألبس. استني تحت يا ختي. يلا يا بنتي، همشي أنا وهو هيوصلك. طب، وما توصلهاش انت لي؟ ملكش دعوة. ده انت غتت. شكراً. يامن دخل الحمام ولبس ونزل. يلا يا هانم. أنا فعلاً هانم.

متواضعة أوي انتي. عارف. ركبوا العربية ووصلها. بعد ما نزلت: والله البت دي قليلة الذوق. مقلتش حتى شكراً. يلا نعمل خير ونرميه في البحر. يمنى طلعت ودخلت مكتب جلال على طول. مكنتش شايف منظره. كان ناقص يرميني من العربية. جدعة. أدي أول حاجة عملناها، وده هيحصل كل يوم. خلي بالك. من عينيا. هروح أنا بقى أشوف شغلي. ماشي. مساء الخير. إيه مالك مزاجك متعكر النهارده؟ مفيش. أومال فين الواد التاني؟ أنا أهو يا اسطا. ونبي أنا ما فايق.

تعالى، جايبين مزتين حلوين. انت عارف إني مليش في الكلام ده. أخري أشرب وخلاص. أومال مالك؟ في إيه؟ يامن حكالهم على اللي حصل. والبت حلوة بقى على كده؟ بص، أنا بقول إيه وانت بتقول إيه؟ بقولكوا إيه؟ أنا ماشي عشان مقفل وعايز أنام. يامن مشي وراح لقاها قاعدة على المرجيحة اللي في الجنينة. أنا كنت جعان، بس بعد ما شفتك نفسي اتسدت الصراحة. يارب نفسك تتسد عالطول. يامن بص لها بقرف وهي كمان، وطلع. يمنى فونها رن. الو؟ بابا عامل إيه؟

الحمد لله يا حبيبتي. بقولك يايمنى، تعالي عندي عشان عمك موجود وعايزك، مش عارف لي. ياساتر يارب. جه لي؟ معرفش يا بنتي، ربنا يكفينا شر. يارب. طب يا بابا هلبس وأجي. يمنى استأذنت جلال ومشيت. وصلت البيت ومامتها فتحت. عاملة إيه يا حبيبتي؟ الحمد لله يا ماما. دخلت لقت عمها وابن عمها اللي مش بطيقه. إزيك يا عمي؟ إزيك يا ابن عمي؟ الحمد لله. عاملة إيه؟ (بيتكلمها بنظرات خبيثة) أهلاً يا بنت الغالي. عاملة إيه؟ إيه يا سعيد؟

أهي يمنى جات. كنت عايزنا في إيه؟ أنا طالب إيد يمنى لابني حازم، وقبل ما ترفض أو توافق، انتو عارفين إن الشقة دي أنا ممكن أشتريها وتترموا في الشارع. فياتوفقوا يا الشارع.