رواية أحببت هذه العنيدة الفصل الثالث 3 - بقلم بسمة صلاح

يمنى جايه تتكلم. قاطعها حازم. حازم بزعيق: هو مفيش رجاله هنا ولا إيه؟ انتي متتكلميش. الكلام مع عمي. علي: أنا فتحتلكوا بيتي وعملت حساب للعشرة، بس من هنا ورايح أنا مليش إخوات. أنا بس نفسي أفهم أنا عملتلك إيه علشان تكرهني. سعيد: من ناحية عملت، فعملت كتير. أول حاجة أبويا كان بيعاملك أحسن معاملة، كان شايفني شاب طايش. تاني حاجة (بص على زهرة) اتجوزت الست اللي أنا بحبها. زهرة:

انت عارف كويس إن أنا عمري ما حبيتك. انت كنت فعلاً شاب طايش ومش بتتحمل المسؤولية. سعيد: الكلام ولا هيودي ولا هيجيب. بقولهالكوا تاني، يمنى تتجوز حازم، لأما تترموا في الشارع. هستنى لآخر الأسبوع. يلا يا حازم ومن غير سلام. حازم وهو بيبص على يمنى: سلام يا عروسة. بعد ما مشيوا، علي قعد على الكرسي وحط راسه بين إيديه. وزهرة حضنت يمنى. زهرة: أنا مش مستغنية عن بنتي. أكيد مش هسيبها تتجوز واحد زبالة زي ده. علي:

يمنى اتصلي بجلال خليه ييجي. اتصلت يمنى بجلال، وفي خلال ربع ساعة جه. جلال: السلام عليكم. الجميع: وعليكم السلام. علي: تعالى يا جلال اقعد. جلال: في إيه؟ قلقتني. علي: سعيد جه هنا النهارده. (جلال عارف سعيد، علي كان بيحكيله لأنه صاحبه الوحيد) جلال: وجاي يعمل إيه هنا؟ علشان كده اتصلت بيمنى تيجي. علي حكاله على اللي حصل. علي: أنا كنت شايل فلوس في البنك احتياطي، مفيش حد كان يعرف عنها. هاخدهم وهنسافر وهنمشي من البيت ده. جلال:

مفيش حاجة هتحصل من الكلام ده. انتو لو سافرتوا هيحس بضعفكوا، وانت مش ضعيف. أنا هتصرف. يمنى: هتتصرف إزاي بس يا عمو؟ جلال: يمنى، انتي وأهلك هتيجوا تقعدوا معانا. علي: بس... جلال: مفيش بس. هتيجوا تقعدوا معانا. (بهزار) ولا نسيت يا أستاذ انت ويمنى أن في خطة؟ ده كان كلام رجالة. معلش. علي بضحك: مش هينفع نقعد معاك. البيوت ليها حرمة بردوا. طب بص، في فيلا جمبك ولا حاجة أو شقة؟ جلال:

أنا هدّورلك على مكان تسكن فيه، بس هتيجي تقعد معانا عقبال ما أدور. وانت عارف زهرة ونجلاء بيحبوا بعض إزاي. علي: خلاص ماشي. جلال: يلا يا يمنى نمشي إحنا. وانتوا حضروا حاجتكوا وهبعت السواق ياخدكم بكرة. علي: يلا يا بنتي روحي معاه. وأنا هاجي بكرة. بس خلي بالك إن أنا هبيع الشقة دي. جلال: ماشي يا حبيبي. يلا يا يمنى. يمنى: حاضر. يلا سلام يا ماما. سلام يا حبيبي. ودعتهم ومشيت. روحت لقت يامن قاعد مع مامته. جلال: السلام عليكم.

نجلاء ويامن: وعليكم السلام. يمنى: هطلع يا عمو أنا بقا. جلال: ماشي يا حبيبتي. تصبحي على خير. يامن: وهو هيكون في خير طول ما هي موجودة. يمنى: على أساس إنك البركة اللي في البيت يعني. جلال: بس يا يامن اتلم. يلا يا حبيبتي اطلعي نامي. يمنى طلعت نامت. وكلهم طلعوا ناموا بعدها. بس يامن خرج مع صحابه. يمنى لبست وخبطت على أوضة جلال. جلال: مشي. يمنى: اه. هروح أنا بقا وراه. جلال: خلي بالك من نفسك. يمنى:

حاضر. أنا كده كده رايحة مع صحبتي ليلى. ومتنساش إني واخده الحزام الأسود. جلال بضحك: آه طبعاً. بأمارة الصرصار اللي شوفتيه في المكتب قعدتي تتنططي. يمنى بضحك: يووه متفكرنيش. بس ده كان بيطير. يلا همشي أنا بقا علشان ليلى مستناني تحت. جلال: ماشي. سلام. يمنى: سلام. تحت في الجنينة. ليلى: إيه يا هانم كل ده تأخير؟ يمنى: سوري يا روحي. يلا بقا علشان نلحق. ليلى: يلا يا آخرة صبري. راحوا المكان اللي فيه يامن وصحابه. يمنى: يلاهوي!

إيه البنات دي؟ دول جامدين أوي يا بت. ليلى: أول مرة أشوف بنت بتعاكس بنت. دول أكنهم مش لابسين حاجة. يمنى: استني يامن أهو قاعد مع صحابه. ليلى: طب هنعمل إيه؟ يمنى: تعالي يلا نغير هدومنا. وهما في طريقهم للحمام. ليلى: أنا نفسي أفهم ملبسناش الفساتين دي لي واحنا ماشيين؟ لازم نلبسهم هنا. يمنى: آه. لأن لو مشينا بيها هيقولوا علينا هبل. ليلى: يمنى انتي خايفة ليطلع علينا حد؟ يمنى بتوتر: انتي تعرفي عني كده؟ ليلى: آه. يمنى:

يبقى إيه الجديد؟ يلا بقا ادخلي الحمام انجزي. لبسوا وخلصوا. يمنى كانت لابسة فستان باللون الأحمر لايق على بشرتها لحد الركبة. وليلى كانت لابسة فستان بيبي بلو لحد الركبة بردوا. يمنى وليلى كانوا طالعين وكل واحدة فيهم خايفة بسبب نظرات الشباب ليهم. ليلى: يمنى تعالي نروح. الله يخربييييتك. يمنى: اخرسي شوية. يلا. أهوي ده بيبص عليا. ليلى: هو مين؟ يمنى: يامن يا زفتة. ليلى: تعالي نقعد علشان أم الهيلز ده.

راحوا قعدوا. ويمنى كانت مراقباه. ويامن كان بيبص عليها بإستغراب. كان قايم رايح لها بس وقفه صوت أنثوي. ميرا: يامن حبيبي وحشتني خالص. راحت قربت منه و...