رواية "احببت كاره النساء " الفصل التاسع عشر 19 - بقلم ♥El DoØod♥

الحلقه التاسعه عشر
من روايه " أحببت كاره النساء "

حلا بخوف: ها لقيت مين مين ال كان ف الاوضه
اسر وعلامات الغضب والسخط علي وشه : بقي انا اصحي من النوم مخضوض ومفظوع عشان ده 🐁
حلا وهي بتبعد بخوف: عااااااااا فاااار ابعدو عندي خرجه من الاوضه بليز
اسر وكان هيشيط من الغضب : انتي ناويه تشلي امي مش كده
حلا خشي نامي في اوضتك
حلا بخوف: لا لا مش هنام فيها مضمنش فيه فار تاني ولا لاا مليش دعوه
اسر بصوت عالي : maryyyyy
جت ماري بتجري بسرعه
Mary : yes sir
اسر : get rid of this mouse
And clean another room please
Mary : okey sir
مشيت ماري تنفذ اللي طلبه اسر
اسر : ماري هتنضف الاوضه وابقي روحي نامي فيها
حلا:وانت هتنام دلوقتي وتسيبني لوحدي
اسر : اه
حلا بخيبه امل : اة!! طيب تصبح علي خير
اسر : وانتي من اهله
لو خايفه تقعدي لوحدك بره لحد ما ماري تخلص
ممكن تقعدي هنا لكن من غير صوت
حلا: طيب
راحت حلا قعدت علي الكنبه بدون صوت
وبعد شويه خبطت ماري وكان اسر لسه منامش
اسر: ادخل
ماري :Sir, the room is full of things and there are a lot of mice and I can not catch them. I'll call the insect company tomorrow to come
اسر: OK mary you can go to your room now
مشيت ماري
حلا: هعمل ايه دلوقتي
اسر : مضطره تنامي هنا في الاوضه
حلا: هنا!
طيب خلاص انا هنام علي الكنبه
اسر : مينفعش
حلا: ليه مينفعش
اسر : عشان الكنبه صغيره جدا عليكي
ديه لفردين بس مش هتنامي مرتاحه وبكره ورانا مشاوير كتير جدا
حلا بتوتر: ما ماهو مش مشكله بكره لما ارجع ابقي انام براحتي
اسر ببرود : اللي يريحك
حلا حاولت تنام علي الكنبه معرفتش وفضلت تفرك وهو مش عارف ينام وحاسس بحركتها
وفجأه وهي بتتقلب وقعت من علي الكنبه
حلا : اااااااه
اسر قام عليها بسرعه وحاول يساعدها انها تقوم
اسر : انتي كويسه
حلا بوجع: ضهريي
اسر : ماله ؟
حلا: بيوجعني اوي
اسر اومها
اسر : طب تعالي ارتاحي علي السرير يمكن يهدي
وسندها وخدها نيمها علي السرير
حلا: حد يحط ف اوضته كنبه صغيره متساعش قطه حتي
اسر : علي اساس ان الكنبه للقعاد ولا للنوم
حلا: للقعاد بس افرض اضطر حد ف يوم ينام عليها مش لازم تعمل حساب
اسر : في اوضه اضيوف اللي انتي نايمه فيها ومكنتش اعرف ان هيبقي فيها فران
حلا: طيب
اسر : اخبار ضهرك ايه
حلا: يعني احسن شويه هي بس الوقعه كانت شديده حبه
اسر : معلش
نامي بقي لان المطلوب نصحي بدري
تصبحي علي خير
حلا: وانت من اهله
نامت حلا من كتر الوجع واسر اول محس انها هديت واطمن عليها نام
تاني يوم
صحيت حلا
وكان اسر لسه نايم فضلت هي تبصله وتتأمل ملامحه وحطت ايدها بين شعره بتردد
حلا بهمس: هيحصل حاجه لو فضلت هادي وجميل زي ما انت كدا وانت نايم
لازم دايما عصبيتك تسيطر عليك
انا متاكده ان جواك حنيه كبيره جدا بس انت مخبيها
وحست حلا ان اسر بيتحرك
قامت بسرعه عشان تخلي ماري تجيبلها هدوم عشان تاخد شور
واول ما طلعت هو قام وكان سامع كل كلمه بتقولها
اسر: خايف تكوني زيهم انا لو اضمن انك مش زيهم كان ........
اتنهد اسر بحزن
وقام دخل يأخذ شور وطلع لبس وهي ماري جابتلها اللبس ودخلت الأوضه تلبس
حلا: هاخد شور بسرعه والبس بس مقلتليش هنروح فين
اسر : هنروح الشهر العقاري اعمل شويه حاجات وبعد كده هنروح نتغدي
حلا: هتعمل ايه ف الشهر العقاري
اسر : لما نروح هتعرفي
حلا: طيب هاخد دوش والبس بسرعه
اسر : تمام
ودخلت حلا تاخد دوش
وطلعت حلا
ونزلوا راحوا الشهر العقاري
وكان المحامي مجهز كل الورق وحلا مضت علي حجات هي مش فاهمه ايه ده
خلصوا اللي وراهم ونزلوا وركبوا العربيه
حلا: انت خلتني امضي علي ايه
اسر : شوية حاجات هنا كتبتها بأسمك
حلا: ب اسمي انا ليه
اسر : مش مراتي
انا حر بقي
حلا: بس ده وضع مؤقت
اسر : اعتبريه مهرك
حلا: مهري؟؟؟ أسر بقولك ده وضع مؤقت وجواز مش حقيقي مهري ازاي
اسر : ازاي مش حقيقي مش روحنا كتبنا الكتاب في السفاره وبقي جواز رسمي قدام الناس
يبقي من حقك شبكه ومهر ومؤخر كمان
حلا: رسمي علي الورق وهنطلق ف ملوش لازمه لو سمحت ال حطيته لازم تسحبه
لا يا اسر انا مش قابله بكده
اسر : خلصنا يا حلا
انتي ليه محسساني اني كتبتلك كل ثروتي
حلا : انت تكتبلي نص الشقه اللي هنا ماشي جزء من شركتك هنا ماشي
لكن انت كتبتلي الشقه كلها بأسمي وكتبتلي نص الشركه
كده كتير يا اسر
كتير جدا
اسر : حلا ديه فلوسي وانا حر فيها اديها للي انا عايزه
حلا: عندي عمرك ما هتبطل عناد
اسر ببرود : يلا عشان نروح نتغدي
حلا بعصبيه : يلا
وخدها اسر وراحوا مطعم حلو اوي ودخلوا وطلبوا الاكل وكانت هي ماسكه الموبايل يتقلب فيه ف شده منها
حلا:فيه ايه
اسر : مش جايين هنا عشان تتفرجي علي الموبايل
استمتعي بالجو
حلا: الجو لطيف والمطعم هادي وحلو
اسر : امال سيباه وفتحه الموبيل ليه
حلا: ما هو انا بحس القعده من غير كلام بتبقي ممله اوي يعني انا ك شخص بحب اما اقعد ف مكان زي ده مثلا يبقي معايا صحابي او حد بحبه نتكلم نحكي كده يعني
اسر : رغايه يعني
حلا: يعني اة بحب احكي جدااا😂😂
اسر :😂
انا بقي عكسك تماما
احب الهدوء ومش بحب اتكلم كتير او احكي عن حاجه
حلا:بس انا اظن ان شخصيتك القديمه كانت غير كده لاني متاكده انك جواك حد تاني خالص بيحب الحياه مش حد عصبي ودايما بيكره الستات وبيزعق بدون سبب
اسر : انا بزعق من غير سبب؟
حلا:ايوة بتزعق علي حاجات هايفه اووي
اسر : يمكن انتي شيفاها هايفه لكن بالنسبالي مهمه جدا
حلا: يمكن بس صدقني حاول تعيش حياتك طبيعي جرب تضحك وتهزر زي البني ادمين الطبيعين و خلي جزء لقلبك بجانب عقلك
اسر : احاول
حلا ابتسمت ابتسامه خلته يبتسم تلقائي
حلا: ايه دا انت بتضحك اهو😂
ولقت فجأه وشه اتقلب واتعصب جامد
حلا: فيه ايه
هو انا حسدتك ولا ايه
اسر بغضب : مفيش
حلا: انت اتحولت فجأه ليه فيه ايه يا اسر
اسر بعصبيه: قولنا مفيش
حلا بصتله بلوم وجه الاكل بس هي مكلتش فضلت تقلب ف الاكل وشبه مكلتش
واسر كل شويه يبص ف زاويه معينه بنظرات كلها غيظ وعصبيه ويدير وشه هي لاحظت كده
حلا: ممكن نمشي
اسر : خلصي اكل الاول
حلا: خلصت
اسر بعصبيه : طب يلا
وطلعت حلا ف صمت وركبت العربيه وهو ركب ولسه هيدور العربيه مسكت ايده منعته
حلا:فيه ايه ممكن افهم
اسر : كان في حد مدايقني
حلا: حد! مدايقك ليه عمل ايه
اسر بعصبيه : دايقني وخلاص
حلا: دايقك ف ايه فهمني بس
اسر بغضب : بني ادم بجح معندوش دم
بيبص لحاجتي وانا مبحبش حد يبص لحاجتي
حلا: حاجتك! ؟؟ حاجه ايه؟
اسر : حاجه تخصني وخلاص
حلا: انت بتتكلم ب الالغاز ليه يا اسر ما تفهمني
اسر :و بعد ما تفهمي
حلا: هشوف هي حاجه تستحق تضايق بسببها ولا لا
اسر : وبعد ما تشوفي
حلا: لو متستاهلش هحاول اخليك متدايقش علي حاجه هايفه لو مش مهمه هحاول بردو أخليك تفك
لان حاجتك ملكك محدش خدها لو هيخدها ليك حق تدايق
اسر بعصبيه : يا سلام وانا هستني لحد ما مراتي تبقي معاه عشان ادايق
حلا مش مستوعبه: مراتك! وانا ايه علاقتي ب ال........ لحظه كدا هو كان بيبصلي انا؟
اسر مردش ودور العربيه ومشي
حلا: اسر انا بكلمك مش كل مره لما متعوزش ترد تعمل كده
اسر فضل ساكت ومردش
حلا بعصبيه:اسر انا بكلمك
اسر : متتعصبيش علي حاجه ما تساهلش
مش ده كلامك
حلا: لا دي حاجه تستاهل لما ابقي بكلمك ومتعبرنيش تبقي تستاهل
اسر ببرود : طيب
حلا: اوف يا اسر يعني انا عايزه افهم لما هو بيبصلي ابقي انا حاجه تخصك ازاي
اسر ببرود: انتي مراتي
يبقي تخصيني حتي ولو كان علي الورق بس
سبق وقولتلك انا يهمني منظري قدام الناس كويس
حلا بخبث: منظرك قدام الناس يا اسر؟ يعني مش مثلا غيران عليا
اسر بتوتر : وه هغير ليه ؟
حلا: مش عارفه اسأل نفسك بقا
اسر : والله اللي عندي قولته
حلا بتذمر: ماشي يا اسر

عند حسام

حسام كان في اوضته عمال يفرك رايح جي
دخلت عليه سالي
سالي : اهلا اهلا بشجيع السيما
حسام : بقولك ايه مش فايقلك
سالي : طبعا بتفكر ترد الضربه ديه لمازن وهنا ازاي
حسام : انا عايز مازن يكره هنا لدرجة انه مقدرش يبص في خلقتها تاني
سالي : سهله
حسام : ازاي يا ام العريف
سالي : ............
حسام : يا بنت الايه
سالي : اي خدمه
حسام : انهارده هنفذها
شكرا يا سالي
سالي : العفو اهم حاجه فلوس الرفاعي
حسام بابتسامة شر : طبعا

______________

يا تري حسام هيعمل ايه
وفعلا مازن وهنا هيتخدعوا
وهل فعلا اسر بدأ يحب حلا
نكمل الحلقه اللي جايه
مستنية ارئكم حرام يعني لو علقتوا
انا بقالي اكتر من 5ساعات باكتب ف 3بارت
وكمان سايبة المذاكرة وماسكة الموبايل
وبكتب علشانكم وف الآخر
يبقي فيه احباط وعدم تشجيع